‘നി​സാ​ർ’ ഇ​ന്ന് ബ​ഹി​രാ​കാ​ശ​ത്തേ​ക്ക്

ബം​ഗ​ളൂ​രു: ഐ.​എ​സ്.​ആ​ർ.​ഒ​യു​ടെ​യും അ​മേ​രി​ക്ക​ൻ ബ​ഹി​രാ​കാ​ശ ഏ​ജ​ൻ​സി​യാ​യ നാ​സ​യു​ടെ​യും സം​യു​ക്ത ദൗ​ത്യ​മാ​യ ‘നി​സാ​ർ’ (നാ​സ- ഐ.​എ​സ്.​ആ​ർ.​ഒ സി​ന്ത​റ്റി​ക് അ​പ്പ​ർ​ച്ച​ർ റ​ഡാ​ർ) ഭൗ​മ നി​രീ​ക്ഷ​ണ ഉ​പ​ഗ്ര​ഹം ബു​ധ​നാ​ഴ്ച വി​ക്ഷേ​പി​ക്കും. ​

ശ്രീ​ഹ​രി​ക്കോ​ട്ട​യി​ലെ സ​തീ​ഷ് ധ​വാ​ൻ ബ​ഹി​രാ​കാ​ശ കേ​ന്ദ്ര​ത്തി​ലെ വി​ക്ഷേ​പ​ണ​ത്ത​റ​യി​ൽ​നി​ന്ന് വൈ​കീ​ട്ട് 5.40ന് ​ജി.​എ​സ്.​എ​ൽ.​വി എ​ഫ്-16 റോ​ക്ക​റ്റി​ലേ​റി​യാ​ണ് നി​സാ​ർ കു​തി​ക്കു​ക. ഐ.​എ​സ്.​ആ​ർ.​ഒ​യും നാ​സ​യും ചേ​ർ​ന്ന ആ​ദ്യ ദൗ​ത്യം കൂടി​യാ​ണി​ത്. ഭൂ​മി​യി​ൽ​നി​ന്ന് 743 കി​ലോ​മീ​റ്റ​ർ അ​ക​ലെ സൗ​ര-​സ്ഥി​ര ഭ്ര​മ​ണ​പ​ഥ​ത്തി​ൽ സ​ഞ്ച​രി​ച്ച് ഭൂ​മി​യു​ടെ ഉ​പ​രി​ത​ല​ത്തി​ലെ ചെ​റി​യ മാ​റ്റ​ങ്ങ​ൾ പോ​ലും നി​രീ​ക്ഷി​ക്കു​ക​യാ​ണ് ല​ക്ഷ്യം.

12 ദി​വ​സ​ത്തെ ഇ​ട​വേ​ള​യി​ൽ ഭൂ​മി​യി​ലെ ഓ​രോ പ്ര​ദേ​ശ​ത്തി​ന്റെ​യും വ്യ​ക്ത​മാ​യ വി​വ​ര​ങ്ങ​ൾ ഉ​പ​​ഗ്ര​ഹം ശേ​ഖ​രി​ക്കും. ഈ ​വി​വ​ര​ങ്ങ​ൾ നാ​സ​യു​ടെ​യും എ​ൻ.​ആ​ർ.​എ​സ്.​സി​യു​ടെ​യും (നാ​ഷ​ന​ൽ റി​മോ​ട്ട് സെ​ൻ​സ​റി​ങ് സെ​ന്റ​ർ) വെ​ബ്സൈ​റ്റു​ക​ൾ വ​ഴി പൊ​തു​ജ​ന​ങ്ങ​ൾ​ക്ക് സൗ​ജ​ന്യ​മാ​യി ല​ഭി​ക്കും.

നാസയും ഐ.എസ്.ആർ.ഒയും വികസിപ്പിച്ച രണ്ടു വ്യത്യസ്ത ആവൃത്തികളിൽ പ്രവർത്തിക്കുന്ന ഓരോ റഡാറുകളാണ് 2,392 കിലോഗ്രാം ഭാരമുള്ള നിസാറിന്റെ സവിശേഷത. പ്രകൃതിദുരന്ത സാധ്യതകൾ കണ്ടെത്താനും കാരണങ്ങൾ വിലയിരുത്താനുമുള്ള വിവരങ്ങൾ ലഭിക്കും. നിരീക്ഷണ വിവരങ്ങൾ രണ്ടോ മൂന്നോ ദിവസത്തിനകം സൗജന്യമായി ലഭ്യമാകും.

ബഹിരാകാശ പേടകത്തിൽ മൂന്നു സഞ്ചാരികളെ ഭൂമിയിൽനിന്ന് 400 കിലോമീറ്റർ ഉയരത്തിലുള്ള ഭ്രമണപഥത്തിൽ എത്തിക്കുന്നതിനുള്ള ഗഗൻയാൻ ദൗത്യത്തിന്റെ പ്രധാന വിക്ഷേപണങ്ങളിലൊന്ന് ഈ വർഷം ഡിസംബറിൽ നടക്കുമെന്ന് ഐഎസ്ആർഒ ചെയർമാൻ ഡോ. വി. നാരായണൻ അറിയിച്ചു. ആളില്ലാത്ത ക്രൂ മൊഡ്യൂളാണ് ഭ്രമണപഥത്തിലെത്തിക്കുക. വ്യോംമിത്ര എന്ന റോബോട്ടിനെയും വഹിച്ചാവും യാത്ര. ഇതിനുശേഷം രണ്ട് ആളില്ലാ വിക്ഷേപണങ്ങൾകൂടി നടത്തിയശേഷം 2027 മാർച്ചിലായിരിക്കും മനുഷ്യരെയും വഹിച്ചുകൊണ്ടുള്ള ബഹിരാകാശയാത്ര.