ഡോ​ക്കി​ങ് ചു​വ​ടു​വെ​പ്പ് ബ​ഹി​രാ​കാ​ശ നി​ല​യ​മെ​ന്ന സ്വ​പ്ന​ത്തി​ലേ​ക്ക്

ബം​ഗ​ളൂ​രു: ഭാ​ര​തീ​യ അ​ന്ത​രീ​ക്ഷ സ്റ്റേ​ഷ​ൻ എ​ന്ന പേ​രി​ൽ ഐ.​എ​സ്.​ആ​ർ.​ഒ വി​ഭാ​വ​നം​ചെ​യ്യു​ന്ന ബ​ഹി​രാ​കാ​ശ നി​ല​യം എ​ന്ന സ്വ​പ്ന​ത്തി​ലേ​ക്കു​ള്ള നി​ർ​ണാ​യ​ക ചു​വ​ടു​വെ​പ്പാ​ണ് സ്​​പെ​ഡ​ക്സ് എ​ന്ന ഡോ​ക്കി​ങ് പ​രീ​ക്ഷ​ണം. വി​വി​ധ ബ​ഹി​രാ​കാ​ശ പേ​ട​ക​ങ്ങ​ളെ ഭൂ​മി​യു​ടെ ഭ്ര​മ​ണ​പ​ഥ​ത്തി​ലെ​ത്തി​ച്ച് ഇ​ത്ത​ര​ത്തി​ൽ ഒ​രു​മി​പ്പി​ച്ചാ​വും ബ​ഹി​രാ​കാ​ശ നി​ല​യം സ്ഥാ​പി​ക്കു​ക. വ്യാ​ഴാ​ഴ്ച ന​ട​ന്ന ഡോ​ക്കി​ങ് പ്ര​ക്രി​യ​ക്കു​ശേ​ഷം അ​ൺ​ഡോ​ക്കി​ങ് പ്ര​ക്രി​യ കൂ​ടി വി​ജ​യം കാ​ണു​മെ​ന്ന പ്ര​തീ​ക്ഷ​യി​ലാ​ണ് ഐ.​എ​സ്.​ആ​ർ.​ഒ. അ​ൺ​ഡോ​ക്കി​ങ്ങി​ന്റെ തീ​യ​തി അ​റി​യി​ച്ചി​ട്ടി​ല്ലെ​ങ്കി​ലും ഡോ​ക്കി​ങ്ങി​ന് ശേ​ഷ​മു​ള്ള സി​ഗ്ന​ലു​ക​ൾ വി​ശ​ക​ല​ന വി​ധേ​യ​മാ​ക്കി​യ ശേ​ഷം അ​ടു​ത്ത ദി​വ​സം ത​ന്നെ ന​ട​ക്കു​മെ​ന്നാ​ണ് സൂ​ച​ന.

പേ​ട​ക​ങ്ങ​ളെ ആ​വ​ശ്യ​ത്തി​ന​നു​സ​രി​ച്ച് കൂ​ട്ടി​ച്ചേ​ർ​ക്കാ​നും വി​ഘ​ടി​പ്പി​ക്കാ​നും ക​ഴി​യു​ന്ന​തോ​ടെ ഭാ​വി​യി​ൽ ഇ​ന്ത്യയു​ടെ ബ​ഹി​രാ​കാ​ശ ദൗ​ത്യ​ങ്ങ​ൾ​ക്ക് ഇ​ത് മു​ത​ൽ​ക്കൂ​ട്ടാ​വും. ഇ​തി​ന് പു​റ​മെ, സാ​റ്റ​ലൈ​റ്റ് സ​ർ​വി​സി​ങ്, മ​നു​ഷ്യ​നെ ബ​ഹി​രാ​കാ​ശ​ത്തെ​ത്തി​ക്കാ​നു​ള്ള രാ​ജ്യ​ത്തി​ന്റെ അ​ഭി​മാ​ന ദൗ​ത്യ​മാ​യ ഗ​ഗ​ൻ​യാ​ൻ, ചാ​ന്ദ്ര പ​ര്യ​വേ​ക്ഷ​ണ​ത്തി​നാ​യു​ള്ള നാ​ലാം ദൗ​ത്യ​മാ​യ ച​ന്ദ്ര​യാ​ൻ -നാ​ല് തു​ട​ങ്ങി​യ​വ ഗ്ര​ഹാ​ന്ത​ര ദൗ​ത്യ​ങ്ങ​ളി​ലും ഡോ​ക്കി​ങ് സാ​​ങ്കേ​തി​ക വി​ദ്യ​യു​ടെ സ​ഹാ​യം ഉ​പ​യോ​ഗ​പ്പെ​ടു​ത്താ​നാ​വും. 220 കി​ലോ വീ​ത​മു​ള്ള ര​ണ്ട് ചെ​റി​യ സാ​റ്റ​ലൈ​റ്റു​ക​ളാ​ണ് ഡോ​ക്കി​ങ് പ​രീ​ക്ഷ​ണ​ത്തി​ന് ഐ.​എ​സ്.​ആ​ർ.​ഒ ഉ​പ​യോ​ഗി​ച്ച​ത്. ഡോ​ക്കി​ങ് പൂ​ർ​ത്തി​യാ​യ ശേ​ഷം ഇ​രു ഉ​പ​ഗ്ര​ഹ​ങ്ങ​ളും ത​മ്മി​ലെ ഊ​ർ​ജ കൈ​മാ​റ്റം സം​ബ​ന്ധി​ച്ചും നി​രീ​ക്ഷ​ണ വി​ധേ​യ​മാ​ക്കും. കൂ​ട്ടി​​ച്ചേ​ർ​ത്തശേ​ഷം ത​ട​സ്സ​മി​ല്ലാ​തെ ഇ​വ ഒ​റ്റ പേ​ലോ​ഡാ​യി പ്ര​വ​ർ​ത്തി​ക്കു​ക​യും അ​ൺ​ഡോ​ക്കി​ങ്ങി​ന് ശേ​ഷം ഇ​വ പൂ​ർ​വ സ്ഥി​തി​യി​ൽ പ്ര​വ​ർ​ത്തി​ക്കു​ക​യും ചെ​യ്യു​ക എ​ന്ന​ത് പ്ര​ധാ​ന​മാ​ണ്.

എ​സ്.​ഡി.​എ​ക്സ് 01, എ​സ്.​ഡി.​എ​ക്സ് 02 എ​ന്നി​വ​യെക്കൂടാ​തെ 24 പ​രീ​ക്ഷ​ണോ​പ​ക​ര​ണ​ങ്ങ​ൾ കൂ​ടി അ​ട​ങ്ങു​ന്ന​താ​ണ് സ്​​പെ​ഡെ​ക്സ് ദൗ​ത്യം. പി.​എ​സ്.​എ​ൽ.​വി സി 60 ​റോ​ക്ക​റ്റി​ന്റെ മു​ക​ൾ ഭാ​ഗ​ത്ത് ഘ​ടി​പ്പി​ച്ച പി.​എ​സ്.​എ​ൽ.​വി ഓ​ർ​ബി​റ്റ​ൽ എ​ക്സ്പി​രി​മെ​ന്റ് മൊ​ഡ്യൂ​ളി​ലാ​ണ് (പോ​യം 4) ചെ​റു സാ​റ്റ​ലൈ​റ്റു​ക​ളു​ള്ള​ത്.

സോ​ളാ​ർ പാ​ന​ലു​ക​ളി​ൽ​നി​ന്നു​ള്ള ഊ​ർ​ജ​മു​പ​യോ​ഗി​ച്ച് പ്ര​വ​ർ​ത്തി​ക്കു​ന്ന പോ​യ​ത്തി​ൽ നി​ർ​ണാ​യ​ക​മാ​യ മ​റ്റു പ​രീ​ക്ഷ​ണ​ങ്ങ​ൾ വി​ജ​യം ക​ണ്ടി​രു​ന്നു. ഗു​രു​ത്വാ​ക​ർ​ഷ​ണ​മി​ല്ലാ​തെ ബ​ഹി​രാ​കാ​ശ​ത്ത് പ​യ​ർ വി​ത്തു​ക​ൾ മു​ള​പ്പി​ച്ചെ​ടു​ത്ത​താ​ണ് ഒ​രു പ​രീ​ക്ഷ​ണം. ബ​ഹി​രാ​കാ​ശ​ത്ത് സ​സ്യ​ങ്ങ​ളു​ടെ വ​ള​ർ​ച്ച സം​ബ​ന്ധി​ച്ച പ​ഠ​ന​ങ്ങ​ൾ​ക്ക് ഈ ​പ​രീ​ക്ഷ​ണ വി​ജ​യം വ​ഴി​തെ​ളി​ക്കും. റീ ​ലൊ​ക്കേ​റ്റ​ബി​ൾ റോ​ബോ​ട്ടി​ക് മാ​നി​പ്പു​ലേ​റ്റ​ർ ടെ​ക്നോ​ള​ജി ഡെ​മോ​ൺ​സ്​​​ട്രേ​റ്റ​ർ, ഡെ​ബ്രി കാ​പ്ച​ർ റോ​ബോ​ട്ടി​ക് മാ​നി​പ്പുലേ​റ്റ​ർ എ​ന്നീ യ​ന്ത്ര​ക്കൈ​ക​ളു​ടെ പ്ര​വ​ർ​ത്ത​ന വി​ജ​യ​മാ​ണ് മ​റ്റൊ​ന്ന്.

ബ​ഹി​രാ​കാ​ശ പേ​ട​ക​ങ്ങ​ൾ​ക്ക​ക​ത്ത് ന​ട​ന്നു​നീ​ങ്ങി അ​റ്റ​കു​റ്റ​പ്പണി ന​ട​ത്താ​ൻ ശേ​ഷി​യു​ള്ള​തും ഉ​പ​ഗ്ര​ഹ അ​വ​ശി​ഷ്ട​ങ്ങ​ൾ പേ​ട​ക​ങ്ങ​ൾ​ക്ക് സ​മീ​പ​ത്തു​നി​ന്ന് പി​ടി​ച്ചെ​ടു​ക്കാ​ൻ ക​ഴി​വു​ള്ള​തു​മാ​യ ര​ണ്ടുത​രം യ​ന്ത്ര​ക്കൈ​ക​ളാ​ണി​വ.

ശ്രീ​ഹ​രി​ക്കോ​ട്ട​യി​ൽ മൂ​ന്നാം വി​ക്ഷേ​പ​ണ​ത്ത​റ​ക്ക് 3984 കോ​ടി

ആ​ന്ധ്ര​പ്ര​ദേ​ശി​ലെ ശ്രീ​ഹ​രി​ക്കോ​ട്ട​യി​ൽ ഐ.​എ​സ്.​ആ​ർ.​ഒ​യു​ടെ സ​തീ​ഷ് ധ​വാ​ൻ ബ​ഹി​രാ​കാ​ശ കേ​ന്ദ്ര​ത്തി​ൽ മൂ​ന്നാം വി​ക്ഷേ​പ​ണ​ത്ത​റ സ്ഥാ​പി​ക്കു​ന്ന​തി​ന് കേ​ന്ദ്ര മ​ന്ത്രി​സ​ഭ അം​ഗീ​കാ​രം ന​ൽ​കി. എ​ൻ.​ജി.​എ​ൽ.​വി, എ​ൽ.​വി.​എം-3 വി​േ​ക്ഷ​പ​ണ വാ​ഹ​ന​ങ്ങ​ളെ ഉ​ൾ​ക്കൊ​ള്ളാ​ൻ ക​ഴി​യു​ന്ന ത​ര​ത്തി​ലാ​ണ് മൂ​ന്നാം വി​ക്ഷേ​പ​ണ​ത്ത​റ​യു​ടെ രൂ​പ​ക​ൽ​പ​ന. 3984.86 കോ​ടി രൂ​പ​യാ​ണ് പ​ദ്ധ​തി​യു​ടെ മൊ​ത്തം ചെ​ല​വ്.

ഐ.​എ​സ്.​ആ​ർ.​ഒ​യു​ടെ അ​ടു​ത്ത ത​ല​മു​റ വി​ക്ഷേ​പ​ണ വാ​ഹ​ന​ങ്ങ​ൾ​ക്കാ​യു​ള്ള അ​ടി​സ്ഥാ​ന സൗ​ക​ര്യ​ങ്ങ​ളൊ​രു​ക്കു​ക​യും ശ്രീ​ഹ​രി​ക്കോ​ട്ട​യി​ലെ ര​ണ്ടാം വി​ക്ഷേ​പ​ണ​ത്ത​റ​ക്ക് പ​ക​രം ഉ​പ​യോ​ഗി​ക്കാ​ൻ സാ​ധി​ക്കു​ന്ന​തു​മാ​യ സം​വി​ധാ​ന​ങ്ങ​ൾ സ​ജ്ജ​മാ​ക്കാ​നാ​ണ് ല​ക്ഷ്യ​മി​ടു​ന്ന​ത്. നാ​ലു​വ​ർ​ഷം​കൊ​ണ്ട് നി​ർ​മാ​ണം പൂ​ർ​ത്തി​യാ​ക്കാ​നാ​ണ് ഉ​ദ്ദേ​ശി​ക്കു​ന്ന​ത്. ഫ​സ്റ്റ് ലോ​ഞ്ച് പാ​ഡ് (എ​ഫ്.​എ​ൽ.​പി), സെ​ക്ക​ൻ​ഡ് ലോ​ഞ്ച് പാ​ഡ് (എ​സ്.​എ​ൽ.​പി) എ​ന്നി​ങ്ങ​നെ ര​ണ്ട് വി​ക്ഷേ​പ​ണ​ത്ത​റ​ക​ളെ​യാ​ണ് നി​ല​വി​ൽ ആ​ശ്ര​യി​ക്കു​ന്ന​ത്. പി.​എ​സ്.​എ​ൽ.​വി​ക്കാ​യി 30 വ​ർ​ഷം മു​മ്പു​ണ്ടാ​ക്കി​യ ഒ​ന്നാം വി​ക്ഷേ​പ​ണ​ത്ത​റ എ​ഫ്.​എ​ൽ.​പി, പി.​എ​സ്.​എ​ൽ.​വി, എ​സ്.​എ​സ്.​എ​ൽ.​വി എ​ന്നി​വ​യു​ടെ വി​ക്ഷേ​പ​ണ​ത്തി​നു​പ​യോ​ഗി​ക്കു​ന്നു​ണ്ട്. ജി.​എ​സ്.​എ​ൽ.​വി, എ​ൽ.​വി.​എം എ​ന്നി​വ​ക്കാ​യി 20 വ​ർ​ഷം മു​മ്പ് സ്ഥാ​പി​ച്ച ര​ണ്ടാം വി​ക്ഷേ​പ​ണ​ത്ത​റ പി.​എ​സ്.​എ​ൽ.​വി​ക്ക് സ്റ്റാ​ൻ​ഡ്‌​ബൈ ആ​യും പ്ര​വ​ർ​ത്തി​ക്കു​ന്നു. പി.​എ​സ്.​എ​ൽ.​വി, എ​ൽ.​വി.​എം-3 എ​ന്നി​വ​യു​ടെ ചി​ല വാ​ണി​ജ്യ ദൗ​ത്യ​ങ്ങ​ൾ​ക്കും ചാ​ന്ദ്ര​യാ​ൻ-3 ദൗ​ത്യ​ത്തി​നും വേ​ണ്ടി ഇ​തി​ന്റെ വി​ക്ഷേ​പ​ണ ശേ​ഷി വ​ർ​ധി​പ്പു. ഗ​ഗ​ൻ​യാ​ൻ ദൗ​ത്യ​ങ്ങ​ൾ​ക്കും ര​ണ്ടാം വി​ക്ഷേ​പ​ണ​ത്ത​റ ത​യാ​റെ​ടു​ക്കു​ന്നു​ണ്ട്.

വി​ജ​യം ക​ണ്ട​ത് നാ​ലാം ശ്ര​മ​ത്തി​ൽ

ബം​ഗ​ളൂ​രു: ഐ.​എ​സ്.​ആ​ർ.​ഒ​യു​ടെ സു​പ്ര​ധാ​ന ദൗ​ത്യ​മാ​യ സ്​​പേ​സ് ഡോ​ക്കി​ങ് പ​രീ​ക്ഷ​ണം വി​ജ​യം ക​ണ്ട​ത് നാ​ലാം ശ്ര​മ​ത്തി​ൽ. ചേ​സ​ർ (എ​സ്.​ഡി.​എ​ക്സ് 01) ഉ​പ​ഗ്ര​ഹ​ത്തെ ടാ​ർ​ഗ​റ്റ് (എ​സ്.​ഡി.​എ​ക്സ് 02) ഉ​പ​ഗ്ര​ഹ​ത്തി​ലേ​ക്ക് അ​ടു​പ്പി​ക്കാ​ൻ മൂ​ന്നു ത​വ​ണ ശ്ര​മം ന​ട​ത്തി​യി​രു​ന്നു. ജ​നു​വ​രി ഏ​ഴി​ന് രാ​വി​ലെ ദൗ​ത്യം ന​ട​ത്താ​നാ​ണ് ആ​ദ്യം ഐ.​എ​സ്.​ആ​ർ.​ഒ പ​ദ്ധ​തി​യി​ട്ട​ത്. എ​ന്നാ​ൽ, സാ​​ങ്കേ​തി​ക കാ​ര​ണ​ങ്ങ​ളെ തു​ട​ർ​ന്ന് തീ​യ​തി ഒ​മ്പ​തി​ലേ​ക്ക് മാ​റ്റു​ന്ന​താ​യി ഐ.​എ​സ്.​ആ​ർ.​ഒ അ​റി​യി​ച്ചു.

വ്യാ​ഴാ​ഴ്ച രാ​വി​ലെ എ​ട്ടി​നും 8.45 നും ​ഇ​ട​യി​ലാ​യി ഡോ​ക്കി​ങ് ന​ട​ത്താ​ൻ നി​ശ്ച​യി​ച്ചെ​ങ്കി​ലും, ഉ​പ​ഗ്ര​ഹം പ്ര​തീ​ക്ഷി​ച്ച​തി​ലും വേ​ഗ​ത്തി​ൽ സ​ഞ്ച​രി​ച്ച​തോ​ടെ ല​ക്ഷ്യം പാ​ളി. ഉ​പ​ഗ്ര​ഹ​ങ്ങ​ളു​ടെ വേ​ഗം നി​യ​ന്ത്രി​ക്കു​ന്ന ത്ര​സ്റ്റ​റു​ക​ൾ പ്ര​തീ​ക്ഷി​ച്ച രീ​തി​യി​ൽ പ്ര​വ​ർ​ത്തി​ക്കാ​തി​രു​ന്ന​തി​നെ തു​ട​ർ​ന്നാ​യി​രു​ന്നു ഇ​ത്. പി​ന്നീ​ട് ഞാ​യ​റാ​ഴ്ച പു​ല​ർ​ച്ച ന​ട​ത്തി​യ ട്ര​യ​ലി​ൽ 15 മീ​റ്റ​റി​ലേ​ക്കും പി​ന്നീ​ട് മൂ​ന്നു​മീ​റ്റ​റി​ലേ​ക്കും ഉ​പ​ഗ്ര​ഹ​ങ്ങ​ളു​ടെ അ​ക​ലം കു​റ​ച്ചു. ഇ​ത് ട്ര​യ​ൽ റ​ണ്ണാ​യി ക​ണ്ട് പി​ന്നീ​ട് ചേ​സ​റി​നെ സു​ര​ക്ഷി​ത​മാ​യ അ​ക​ല​ത്തി​ലേ​ക്ക് മാ​റ്റി. ഒ​ടു​വി​ൽ വ്യാ​ഴാ​ഴ്ച രാ​വി​ലെ ന​ട​ത്തി​യ ശ്ര​മ​ത്തി​ന് വി​ജ​യസ​മാ​പ്തി.