ആ ഛി​ന്ന​ഗ്ര​ഹം ഭൂ​മി​യി​ൽ എ​വി​ടെ വീ​ഴും?

ഭൂ​മി​ക്ക​രി​കി​ലൂ​ടെ പ​ല​പ്പോ​ഴും ഛിന്ന​ഗ്ര​ഹ​ങ്ങ​ൾ ക​ട​ന്നു​പോ​കാ​റു​ണ്ട്. ച​രി​ത്ര​ത്തി​ൽ അ​ത്യ​പൂ​ർ​വ​മാ​യി മാ​ത്ര​മേ അ​വ ഭൂ​മി​യി​ൽ പ​തി​ച്ച് വ​ലി​യ അ​പ​ക​ട​ങ്ങ​ൾ സൃ​ഷ്ടി​ച്ചി​ട്ടു​ള്ളൂ. ഇ​പ്പോ​ഴി​താ, മ​റ്റൊ​രു ഛിന്ന​​ഗ്ര​ഹം ഭൂ​മി​യോ​ട​ടു​ത്തു വ​രു​ന്നു. പേ​ര്: ‘2024 വൈ.​ആ​ർ-4’. 2032ൽ ​അ​ത് ഭൂ​മി​യു​ടെ സ​മീ​പ​ത്തെ​ത്തു​മെ​ന്നാ​ണ് ശാ​സ്ത്ര​ലോ​ക​ത്തി​ന്റെ നി​ഗ​മ​നം. എ​ന്നാ​ൽ, അ​തു ഭൂ​മി​യി​ൽ പ​തി​ക്കു​മോ? സാ​ധ്യ​ത ന​ന്നേ​കു​റ​വ് എ​ന്നാ​യി​രു​ന്നു ആ​ദ്യ വി​ശ​ദീ​ക​ര​ണം. വെ​റും 1.2 ശ​ത​മാ​നം മാ​ത്ര​മാ​യി​രു​ന്നു തു​ട​ക്ക​ത്തി​ൽ സാ​ധ്യ​ത ക​ൽ​പി​ക്ക​പ്പെ​ട്ടി​രു​ന്ന​ത്. പി​ന്നീ​ട​ത് 2.6 ശ​ത​മാ​ന​മാ​യി. ക​ഴി​ഞ്ഞ​ദി​വ​സം നാ​സ വി​ശ​ദീ​ക​രി​ച്ച​ത് സാ​ധ്യ​ത 3.1 ശ​ത​മാ​ന​മാ​യി ഉ​യ​ർ​ന്നി​രി​ക്കു​ന്നെ​ന്നാ​ണ്.

53 മീ​റ്റ​ർ വ്യാ​സ​മു​ള്ള ഛിന്ന​ഗ്ര​ഹ​മാ​ണ് ‘2024 വൈ.​ആ​ർ-4’. താ​ര​ത​മ്യേ​ന ചെ​റു​ത്. അ​തു​കൊ​ണ്ടു​ത​ന്നെ ഗ്ര​ഹ​ത്തി​ന്റെ ആ​ഘാ​തം ഭൂ​മി​യൊ​ട്ടാ​കെ​യു​ള്ള അ​പ​ക​ട​ങ്ങ​ൾ​ക്ക് കാ​ര​ണ​മാ​കി​ല്ല. പ​ക്ഷെ, ഒ​രു ന​ഗ​ര​ത്തെ പൂ​ർ​ണ​മാ​യും ഇ​ല്ലാ​യ്മ ചെ​യ്യാ​ൻ അ​തി​നാ​കും. ഗ്ര​ഹം ഭൂ​മി​യി​ൽ പ​തി​ക്കു​​മ്പോ​ൾ, 8 മെ​ഗാ​ടൺ ഊ​ര്‍ജം ഉ​ൽപാ​ദി​പ്പി​ക്ക​പ്പെ​ടും. ഹി​രോ​ഷി​മ​യി​ല്‍ പ​തി​ച്ച അ​ണു​ബോം​ബി​നേ​ക്കാ​ള്‍ 500 ഇ​ര​ട്ടി വ​രു​മി​ത്.

ഏ​ത് ന​ഗ​ര​ത്തി​ലാ​യി​രി​ക്കും ഛിന്ന ​ഗ്ര​ഹം പ​തി​ക്കു​ക എ​ന്ന​തു​സം​ബ​ന്ധി​ച്ചും ചി​ല ച​ർ​ച്ച​ക​ൾ ശാ​സ്ത്ര​ലോ​ക​ത്ത് തു​ട​ങ്ങി​യി​ട്ടു​ണ്ട്. തെ​ക്കേ അ​മേ​രി​ക്ക​യി​ലെ വ​ട​ക്കു ഭാ​ഗ​ത്തു​ള്ള കൊ​ളം​ബി​യ, വെ​ന​സ്വേ​ല, സ​ബ് സ​ഹാ​റ​ൻ രാ​ഷ്ട്ര​ങ്ങ​ൾ, ഇ​ന്ത്യ, ദ​ക്ഷി​ണ ചൈ​ന എ​ന്നി​വി​ട​ങ്ങ​ളി​ലെ ഏ​തെ​ങ്കി​ലു​മൊ​രു ന​ഗ​ര​മാ​കാ​​മെ​ന്നാ​ണ് പ​റ​യ​പ്പെ​ടു​ന്ന​ത്.

അ​തേ​സ​മ​യം, ഈ ഛി​ന്ന​ഗ്ര​ഹം ഭൂ​മി​യി​ല്‍ നി​ന്ന് അ​ക​ന്നു പോ​വാ​നു​ള്ള സാ​ധ്യ​ത 96.9 ശ​ത​മാ​ന​മാ​ണ് എ​ന്ന​ത് ആ​ശ്വാ​സ​ക​ര​മാ​ണ്. വ​രും​നാ​ളു​ക​ളി​ൽ ഛിന്ന​ഗ്ര​ഹ​ത്തി​ന്റെ സ​ഞ്ചാ​ര​പാ​ത​യു​മാ​യി ബ​ന്ധ​പ്പെ​ട്ട കൂ​ടു​ത​ല്‍ വി​വ​ര​ങ്ങ​ള്‍ ല​ഭ്യ​മാ​കും.