അൽ നിയാദി വരുന്നു; കാത്തിരിപ്പിൽ യു.എ.ഇ

ദു​ബൈ: അ​റ​ബ്​ ലോ​ക​ത്തി​ന്‍റെ ബ​ഹി​രാ​കാ​ശ പ​ര്യ​വേ​ക്ഷ​ണ ച​രി​ത്ര​ത്തി​ൽ ഐ​തി​ഹാ​സി​ക​മാ​യ ഏ​ട്​ എ​ഴു​തി​ച്ചേ​ർ​ത്ത്​ യു.​എ.​ഇ​യു​ടെ സു​ൽ​ത്താ​ൻ അ​ൽ നി​യാ​ദി അ​ന്താ​രാ​ഷ്ട്ര ബ​ഹി​രാ​കാ​ശ നി​ല​യ​ത്തി​ൽ​നി​ന്ന്​ മ​ട​ങ്ങു​ന്നു. എ​ല്ലാ മു​ന്നൊ​രു​ക്ക​ങ്ങ​ളും പൂ​ർ​ത്തി​യാ​ക്കി​യ ക്രൂ-7 ​സം​ഘ​ത്തി​ന്‍റെ യാ​ത്ര കാ​ലാ​വ​സ്ഥ അ​ട​ക്ക​മു​ള്ള ഘ​ട​ക​ങ്ങ​ൾ പ​രി​ഗ​ണി​ച്ച്​ പു​തു​ക്കി​നി​ശ്ച​യി​ച്ച​താ​യി ‘നാ​സ’ വെ​ള്ളി​യാ​ഴ്ച അ​റി​യി​ച്ചു.

ഞാ​യ​റാ​ഴ്ച യു.​എ.​ഇ സ​മ​യം വൈ​കീ​ട്ട് 3.05ന്​ ​പു​റ​പ്പെ​ടാ​നാ​ണ്​ പു​തി​യ അ​റി​യി​പ്പ്​ പ്ര​കാ​രം സാ​ധ്യ​ത. നേ​ര​ത്തെ ശ​നി​യാ​ഴ്ച പു​റ​​പ്പെ​ടു​മെ​ന്ന്​ അ​റി​യി​ച്ചി​രു​ന്നു. പു​തു​ക്കി​യ സ​മ​യ​മ​നു​സ​രി​ച്ച്​ പേ​ട​കം തി​ങ്ക​ളാ​ഴ്ച രാ​വി​ലെ എ​ട്ടി​ന് ശേ​ഷ​മാ​യി​രി​ക്കും യു.​എ​സി​ലെ ​ഫ്ലോ​റി​ഡ​യി​ലെ ബ​ഹി​രാ​കാ​ശ വി​ക്ഷേ​പ​ണ കേ​ന്ദ്ര​ത്തി​ൽ വ​ന്നി​റ​ങ്ങു​ക.

യു.​എ.​ഇ​യി​ലെ സ്വ​ദേ​ശി​ക​ളും താ​മ​സ​ക്കാ​രും പ്ര​തീ​ക്ഷ​യോ​ടെ കാ​ത്തി​രി​ക്കു​ന്ന മ​ട​ക്ക​യാ​ത്ര മു​ഹ​മ്മ​ദ്​ ബി​ൻ റാ​ശി​ദ്​ ബ​ഹി​രാ​കാ​ശ കേ​ന്ദ്രം ത​ത്സ​മ​യം വെ​ബ്​​സൈ​റ്റ്​ വ​ഴി ടെ​ലി​കാ​സ്റ്റ്​ ചെ​യ്യും. അ​തേ​സ​മ​യം, ​ഫ്ലോ​റി​ഡ​യി​ൽ ആ​ഞ്ഞ​ടി​ച്ച ഇ​ഡാ​ലി​യ ചു​ഴ​ലി​ക്കാ​റ്റ്​ അ​ട​ക്ക​മു​ള്ള ഘ​ട​ക​ങ്ങ​ൾ കാ​ര​ണ​മാ​യി യാ​ത്ര​യു​ടെ സ​മ​യ​ത്തി​ൽ മാ​റ്റ​ത്തി​ന്​ ഇ​നി​യും സാ​ധ്യ​ത​യു​ണ്ടെ​ന്ന്​ നാ​സ സൂ​ച​ന ന​ൽ​കി. ​

ബ​ഹി​രാ​കാ​ശ​ത്ത് ആ​റു​മാ​സം നീ​ണ്ട ദൗ​ത്യം പൂ​ർ​ത്തി​യാ​ക്കി​യാ​ണ് അ​ൽ നി​യാ​ദി ഭൂ​മി​യി​ലേ​ക്ക് മ​ട​ങ്ങു​ന്ന​ത്. 200ല​ധി​കം പ​രീ​ക്ഷ​ണ​ങ്ങ​ളി​ൽ അ​ദ്ദേ​ഹം പ​ങ്കാ​ളി​യാ​യി. അ​ന്താ​രാ​ഷ്ട്ര ബ​ഹി​രാ​കാ​ശ നി​ല​യ​ത്തി​ല്‍ ഏ​റ്റ​വും കൂ​ടു​ത​ല്‍ ദി​വ​സം ചെ​ല​വ​ഴി​ച്ച ആ​ദ്യ അ​റ​ബ് വം​ശ​ജ​ന്‍, ബ​ഹി​രാ​കാ​ശ ന​ട​ത്തം പൂ​ർ​ത്തി​യാ​ക്കി​യ ആ​ദ്യ അ​റ​ബ്​ വം​ശ​ജ​ൻ എ​ന്നീ റെ​ക്കോ​ഡു​ക​ൾ ഇ​തി​ന​കം അ​ദ്ദേ​ഹം സ്വ​ന്തം പേ​രി​ൽ കു​റി​ച്ചി​ട്ടു.

സ​ഹ​യാ​ത്രി​ക​രാ​യ നാ​സ​യു​ടെ സ്റ്റീ​ഫ​ൻ ബോ​വ​ൻ, വാ​റ​ൻ ഹോ​ബ​ർ​ഗ്, റ​ഷ്യ​യു​ടെ ആ​ൻ​ഡ്രേ ഫെ​ദ്യാ​വ് എ​ന്നി​വ​രും നി​യാ​ദി​ക്കൊ​പ്പം മ​ട​ങ്ങും. ബ​ഹി​രാ​കാ​ശ നി​ല​യ​ത്തി​ലെ​ത്തി​യ ക്രൂ ​സെ​വ​ൻ അം​ഗ​ങ്ങ​ൾ​ക്ക് ചു​മ​ത​ല​ക​ൾ കൈ​മാ​റി​ക്ക​ഴി​ഞ്ഞു. വി​വി​ധ ഘ​ട്ട​ങ്ങ​ളു​ള്ള ഒ​രു​ക്ക​ങ്ങ​ൾ​ക്ക് ശേ​ഷ​മാ​ണ് സ്പേ​സ് എ​ക്സ് ക്രൂ ​ഡ്രാ​ഗ​ൻ സ്പേ​സ് ക്രാ​ഫ്റ്റാ​യ എ​ൻ​ഡീ​വ​ർ ഭൂ​മി​യി​ലേ​ക്ക് മ​ട​ക്ക​യാ​ത്ര തു​ട​ങ്ങു​ക.

ക​ഴി​ഞ്ഞ വ​ർ​ഷം മാ​ര്‍ച്ച് മൂ​ന്നി​നാ​ണ് നി​യാ​ദി ബ​ഹി​രാ​കാ​ശ നി​ല​യ​ത്തി​ലെ​ത്തി​യ​ത്. ഭൂ​മി​യി​ല്‍നി​ന്ന് 400 കി​ലോ​മീ​റ്റ​ര്‍ അ​ക​ലെ സ്ഥി​തി ചെ​യ്യു​ന്ന ബ​ഹി​രാ​കാ​ശ നി​ല​യ​ത്തി​ല്‍നി​ന്ന് ഇ​ന്ത്യ​യു​​ടേ​ത​ട​ക്കം നി​ര​വ​ധി അ​പൂ​ർ​വ ചി​ത്ര​ങ്ങ​ൾ അ​ല്‍ നി​യാ​ദി പ​ങ്കു​വെ​ച്ചി​ട്ടു​ണ്ട്.

യു.​എ.​ഇ​യി​ലെ വി​വി​ധ മേ​ഖ​ല​യി​ലെ വി​ദ​ഗ്ധ​രു​മാ​യും വി​ദ്യാ​ര്‍ഥി​ക​ളു​മാ​യും പ​ല​ത​വ​ണ​യാ​യി അ​ദ്ദേ​ഹം ബ​ഹി​രാ​കാ​ശ​ത്തു​നി​ന്ന് ആ​ശ​യ​വി​നി​മ​യം ന​ട​ത്തു​ക​യും ചെ​യ്തു. ബ​ഹി​രാ​കാ​ശ​ത്തു​നി​ന്ന്​ തി​രി​കെ​യെ​ത്തു​ന്ന അ​ൽ നി​യാ​ദി​ക്ക്​ ഊ​ഷ്മ​ള സ്വീ​ക​ര​ണം ന​ൽ​കാ​നു​ള്ള ഒ​രു​ക്ക​ങ്ങ​ൾ യു.​എ.​ഇ ബ​ഹി​രാ​കാ​ശ ഏ​ജ​ൻ​സി മു​ഹ​മ്മ​ദ്​ ബി​ൻ റാ​ശി​ദ്​ സ്​​പേ​സ്​ സെ​ന്റ​റി​ന്‍റെ നേ​തൃ​ത്വ​ത്തി​ൽ ആ​സൂ​ത്ര​ണം ചെ​യ്യു​ന്നു​ണ്ട്.