കു​ട്ടി​നോ​മ്പു​ത്സ​വ​ത്തെ വ​ര​വേ​റ്റ് നാ​ട്

ദോ​ഹ: കു​ട്ടി​ക​ളു​ടെ നോ​മ്പു​ത്സ​വ​മാ​യ ഗ​ര​ങ്കാ​വു​വി​നെ വ​ര​വേ​ൽ​ക്കാ​നൊ​രു​ങ്ങി ഖ​ത്ത​ർ. റ​മ​ദാ​ൻ 14 ആ​യ വെ​ള്ളി​യാ​ഴ്ച​യാ​ണ് കു​ട്ടി​ക​ളു​ടെ ഗ​ര​ങ്കാ​വു ആ​ഘോ​ഷ​മെ​ങ്കി​ലും ദി​വ​സ​ങ്ങ​ൾ​ക്കു മു​മ്പു​ത​ന്നെ വി​പ​ണി​യും ന​ഗ​ര​വും സ​ജീ​വ​മാ​യി ക​ഴി​ഞ്ഞു.

സ്വ​ദേ​ശി​ക​ളും, താ​മ​സ​ക്കാ​രാ​യ അ​റ​ബ് സ​മൂ​ഹ​വും റ​മ​ദാ​നി​ൽ ഏ​റെ ഉ​ത്സാ​ഹ​ത്തോ​ടെ വ​ര​വേ​ൽ​ക്കു​ന്ന ഗ​ര​ങ്കാ​വു​വി​നാ​യി സ​മ്മാ​ന​ങ്ങ​ളും മി​ഠാ​യി​ക​ളും ഉ​ടു​പ്പു​ക​ളു​മാ​യാ​ണ് സൂ​ഖ് വാ​ഖി​ഫ് മു​ത​ൽ മാ​ളു​ക​ളും ക​ട​ക​ളും ഒ​രു​ങ്ങി​യ​ത്. കു​ട്ടി​ക​ൾ നോ​മ്പെ​ടു​ത്ത്, രാ​ത്രി​യി​ൽ വ​ർ​ണ​ങ്ങ​ളു​ള്ള പു​ത്ത​നു​ടു​പ്പ​ണി​ഞ്ഞ് സ​മ്മാ​ന​ങ്ങ​ൾ തേ​ടി വീ​ടു​വീ​ടാ​ന്ത​രം ക​യ​റി​യി​റ​ങ്ങു​ന്ന​താ​ണ് ‘ഗ​ര​ങ്കാ​വു’​വി​ന്റെ പ്ര​ധാ​ന ആ​ക​ർ​ഷ​ണം. കു​ട്ടി​ക​ളെ സ​ന്തോ​ഷി​പ്പി​ക്കാ​നി​റ​ങ്ങു​ന്ന ര​ക്ഷി​താ​ക്ക​ൾ​ക്ക് ആ​വ​ശ്യ​മാ​യ​തെ​ല്ലാം വി​പ​ണി​യി​ൽ ത​യാ​റാ​യി ക​ഴി​ഞ്ഞു.

നോ​മ്പ്​ പ​ത്തി​ലെ​ത്തി​യ​പ്പോ​ൾ​ത​ന്നെ ര​ക്ഷി​താ​ക്ക​ളും മു​തി​ർ​ന്ന​വ​രും ഉ​ൾ​പ്പെ​ടെ​യു​ള്ള​വ​ർ കു​ട്ടി​ക​ൾ​ക്ക്​ സ​മ്മാ​ന​ങ്ങ​ളും മ​ധു​ര​ങ്ങ​ളും വാ​ങ്ങാ​നാ​യി ക​ട​ക​ളി​ൽ തി​ര​ക്കി​ലാ​യി​ട്ടു​ണ്ട്. സൂ​ഖു​ക​ൾ മു​ത​ൽ സൂ​പ്പ​ർ മാ​ർ​ക്ക​റ്റു​ക​ളും വ​രെ ഗ​ര​ങ്കാ​വു സ​മ്മാ​ന​പ്പൊ​തി​ക​ളു​മാ​യി നേ​ര​ത്തേ സ​ജ്ജം.

നാ​ടെ​ങ്ങും ആ​ഘോ​ഷ​ങ്ങ​ൾ

പ​ര​മ്പ​രാ​ഗ​ത​മാ​യി വീ​ടു​ക​ൾ കേ​ന്ദ്രീ​ക​രി​ച്ചു​ള്ള ആ​ഘോ​ഷ​ങ്ങ​ൾ​ക്കു പു​റ​മെ, രാ​ജ്യ​ത്തി​​ന്റെ വി​വി​ധ ഭാ​ഗ​ങ്ങ​ളി​ലും ഗ​ര​ങ്കാ​വു ആ​ഘോ​ഷ​ങ്ങ​ളു​ണ്ട്. ലു​സൈ​ൽ ബൊ​ളെ​വാ​ഡി​ൽ വെ​ള്ളി​യാ​ഴ്ച രാ​ത്രി എ​ട്ട് മു​ത​ൽ പു​ല​ർ​ച്ച ഒ​ന്നു​വ​രെ​യാ​ണ് വി​വി​ധ പ​രി​പാ​ടി​ക​ൾ. സാം​സ്കാ​രി​ക ഉ​ത്സ​വ​മാ​യാ​ണ് ബൊ​ളെ​വാ​ഡ് കു​ട്ടി​നോ​മ്പി​നെ വ​ര​വേ​ൽ​ക്കു​ന്ന​ത്. ദോ​ഹ ഫ​യ​ർ​സ്റ്റേ​ഷ​നി​ൽ വ്യാ​ഴാ​ഴ്ച രാ​ത്രി 8.30 മു​ത​ൽ 11.30 വ​രെ വി​വി​ധ പ​രി​പാ​ടി​ക​ൾ ഒ​രു​ക്കി​യി​ട്ടു​ണ്ട്.

പെ​യി​ന്റി​ങ്, മ​ധു​ര​വി​ത​ര​ണം, കു​ട്ടി​ക​ളു​ടെ ബെ​സ്റ്റ് ഡ്ര​സ് മ​ത്സ​രം, പാ​വ​ക​ളി എ​ന്നി​വ​യു​മാ​യാ​ണ് ഒ​രു​ങ്ങു​ന്ന​ത്. ഖ​ത്ത​ർ നാ​ഷ​ന​ൽ ലൈ​ബ്ര​റി​യി​ൽ ​വ്യാ​ഴാ​ഴ്ച ഉ​ച്ച മു​ത​ൽ വൈ​കീ​ട്ട് നാ​ലു വ​രെ​യും ഓ​ൾ​ഡ് ദോ​ഹ പോ​ർ​ട്ടി​ൽ വെ​ള്ളി​യാ​ഴ്ച വൈ​കീ​ട്ട് ആ​റു മു​ത​ൽ രാ​ത്രി 11 വ​രെ​യു​യാ​ണ് പ​രി​പാ​ടി​ക​ൾ. മു​ശൈ​രി​ബും വെ​ള്ളി​യാ​ഴ്ച വി​വി​ധ പ​രി​പാ​ടി​ക​ൾ​ക്ക് വേ​ദി​യൊ​രു​ക്കും. ബ​ർ​വ മ​ദീ​ന​ത്ന ലു​ലു ഹൈ​പ്പ​ർ​മാ​ർ​ക്ക​റ്റി​ൽ വ്യാ​ഴാ​ഴ്ച രാ​ത്രി 7.30 മു​ത​ലാ​ണ് പ​രി​പാ​ടി​ക​ൾ. പേ​ൾ ഐ​ല​ൻ​ഡി​ൽ ഓ​ട്ടി​സം ഫ്ര​ണ്ട്‍ലി ഗ​ര​ങ്കാ​വു​വി​ന് ബു​ധ​നാ​ഴ്ച രാ​ത്രി​യി​ൽ വേ​ദി​യാ​യി.