കെ.പി.സി.സിക്കെതിരെ പൊട്ടിത്തെറിച്ച് നേതാക്കൾ

തൃശൂർ: തെരഞ്ഞെടുപ്പ് മുന്നൊരുക്കത്തി​​െൻറ ഭാഗമായി വിളിച്ചുചേർത്ത ജില്ലയിലെ മുതിർന്ന കോൺഗ്രസ് നേതാക്കളുടെയും ഭാരവാഹികളുടെയും യോഗത്തിൽ കെ.പി.സി.സിക്കെതിരെ രൂക്ഷ വിമർശനം. ഡി.സി.സി പ്രസിഡൻറുമാരായി രണ്ടുപേെര നിയമിച്ച് പാർട്ടിയെ അപമാനി​െച്ചന്ന് നേതാക്കൾ ആരോപിച്ചു. പരാതിയല്ല, പ്രതിഷേധമാണ്​ ഉള്ളതെന്നും അത്​ കെ.പി.സി.സി നേതൃത്വത്തെ അറിയിക്കണമെന്നും യോഗത്തിൽ പങ്കെടുത്ത ഭാരവാഹികളോട് ആവശ്യപ്പെട്ടു.

ചുമതലയേറ്റെടുത്ത ഒ. അബ്​ദുറഹിമാൻകുട്ടിയെയും പത്മജ വേണുഗോപാലിനെയും വിമർശിച്ച നേതാക്കൾ ഇരുവരും ഒഴിയണമെന്നും ആവശ്യപ്പെട്ടു. ചർച്ചയിൽ പങ്കെടുത്ത നേതാക്കൾ ഗ്രൂപ് ഭേദമന്യേ ഡി.സി.സി പ്രസിഡൻറ്​ നിയമനത്തിൽ കേന്ദ്രീകരിച്ചായിരുന്നു അഭിപ്രായപ്രകടനം നടത്തിയത്. ഡി.സി.സിക്ക് പ്രസിഡ​ൻറിനെയോ അഡ്ഹോക്​ കമ്മിറ്റിയെയോ നിയമിക്കാതെ തുടർപ്രവർത്തനങ്ങളുണ്ടാവില്ലെന്നും യോഗത്തിൽ അറിയിച്ചു. ഡി.സി.സിക്ക് ഒരുവർഷമായിട്ടും പ്രസിഡൻറിനെ നിയമിക്കാത്ത സാഹചര്യത്തെ നേതാക്കൾ പരിഹസിക്കുകയും വിമർശിക്കുകയും ചെയ്തു. 

ആരോപണ വിധേയരെ നിയമിക്കാനുള്ള നീക്കം അനുവദിക്കില്ലെന്നായിരുന്നു എം.പി. വിൻസ​െൻറിനെ നിയമിക്കാനുള്ള ശ്രമത്തിനെതിരെ ഒരുവിഭാഗത്തി​െൻറ പ്രതികരണം. മുതിർന്ന േനതാക്കളിലാരെയെങ്കിലും ഉടൻ നിയമിക്കുകയോ, അഡ്ഹോക്​ കമ്മിറ്റി രൂപവത്​കരിക്കുകയോ ചെയ്യാതെ ഇനി മുന്നോട്ടില്ലെന്ന് പ്രവർത്തകർ അറിയിച്ചു. മുതിർന്ന നേതാവ് തേറമ്പിൽ രാമകൃഷ്ണൻ യോഗത്തിൽ പങ്കെടുത്തില്ല.

തൃശൂരി​െൻറ ചുമതലയിൽനിന്ന്​ തേറമ്പിലിനെ ഒഴിവാക്കിയ കെ.പി.സി.സി നടപടിയും യോഗത്തിൽ പ്രതിഷേധത്തിനിടയാക്കി. യു.ഡി.എഫ് ജില്ല ചെയർമാൻ ജോസഫ് ചാലിശേരിയായിരുന്നു ചർച്ച തുടങ്ങിവെച്ചത്. മുതിർന്ന നേതാവും 25 വർഷത്തോളം തൃശൂരിെന പ്രതിനിധാനം ചെയ്​ത്​ എം.എൽ.എയുമായ തേറമ്പിൽ രാമകൃഷ്ണനെ ഒഴിവാക്കി കെ.പി.സി.സി വൈസ് പ്രസിഡൻറ്​ പത്മജ വേണുഗോപാലിന് തൃശൂരി​െൻറ ചുമതല നൽകിയതിൽ നേതാക്കൾ എതിർപ്പ്​ അറിയിച്ചു.

തെരഞ്ഞെടുപ്പ് മുന്നൊരുക്കങ്ങളിലേക്ക് കടക്കാൻ യോഗം നിർദേശിച്ചു. നിയോജകമണ്ഡലം കമ്മിറ്റികളുടെ ചുമതലകളും ഭാരവാഹികൾക്ക് നൽകി. ഡി.സി.സി പ്രസിഡൻറി​െൻറ ചുമതലയുള്ള ഒ. അബ്​ദുറഹിമാൻകുട്ടിയുടെ അധ്യക്ഷതയിലായിരുന്നു യോഗം. കെ.പി.സി.സി ജനറൽ സെക്രട്ടറി അബ്​ദുൽ മുത്തലീഫ്, ജില്ലയിൽനിന്നുള്ള കെ.പി.സി.സി ട്രഷറർ കെ.കെ. കൊച്ചുമുഹമ്മദ്, യു.ഡി.എഫ് കൺവീനർ ബെന്നി ബഹനാൻ എം.പി, എം.പിമാരായ ടി.എൻ. പ്രതാപൻ, രമ്യ ഹരിദാസ്, അനിൽ അക്കര എം.എൽ.എ, കെ.പി. വിശ്വനാഥൻ, എം.കെ. അബ്​ദുസ്സലാം, ഐ.പി. പോൾ, എം.പി. വിൻസ​െൻറ്, ടി.യു. രാധാകൃഷ്ണൻ, ജോസഫ് ടാജറ്റ്, ജോസ് വള്ളൂർ തുടങ്ങിയവർ പങ്കെടുത്തു.