You are here

ടോം ജോസിനെതിരെ കാനം; ‘ചീഫ്​ സെക്രട്ടറിയുടെ ലേഖനം കോടതിയലക്ഷ്യം’

21:42 PM
05/11/2019

കണ്ണൂർ: മാവോവാദികളെ ​െവടിവെച്ച്​ ​െകാന്നതിനെ ന്യായീകരിച്ച്​ രംഗത്തുവന്ന ചീഫ്​ സെക്രട്ടറി ടോം ജോസിനെതിരെ നിശിത വിമർശനവുമായി സി.പി.ഐ സംസ്ഥാന  സെക്രട്ടറി കാനം രാജേന്ദ്രൻ. ചീഫ്​ സെക്രട്ടറിയുടെ നടപടി കോടതിയലക്ഷ്യമാണ്​. ലേഖനമെഴുതിയത് അറിവോ​െടയാണോ എന്ന്​ സർക്കാർ വ്യക്തമാക്കണമെന്നും കാനം രാജേന്ദ്രൻ  കണ്ണൂരിൽ മാധ്യമപ്രവർത്തകരോട്​ പറഞ്ഞു.

അട്ടപ്പാടി മഞ്ചിക്കണ്ടി ഏറ്റുമുട്ടൽ സംഭവത്തിൽ  ജുഡീഷ്യൽ അന്വേഷണം നടക്കുന്നുവെന്നാണ്​ മുഖ്യമന്ത്രി  നിയമസഭയിൽ പറഞ്ഞത്. അതിനിടയിൽ ചീഫ് സെക്രട്ടറിയുടെ  ലേഖനം തെറ്റായ സന്ദേശമാണ് നൽകുന്നത്. അത് കീഴുദ്യോഗസ്ഥർ നടത്തുന്ന അന്വേഷണത്തെ സ്വാധീനിക്കും.

നേരത്തെ ഒരു ഐ.പി.എസ്​ ഉദ്യോഗസ്​ഥൻ പുസ്തകം  എഴുതിയതിനെതിരെ നടപടിയെടുത്തിട്ടുണ്ട്​. മാവോവാദികൾക്ക് മനുഷ്യാവകാശമില്ലെന്നാണ്​ ചീഫ് സെക്രട്ടറി ലേഖനത്തിൽ പറയുന്നത്. എന്നാൽ, ഇതുസംബന്ധിച്ച്  ഒന്നിലധികം വിധികൾ സുപ്രീം കോടതി തന്നെ പുറപ്പെടുവിച്ചിട്ടു​െണ്ടന്നും അദ്ദേഹം പറഞ്ഞു.

പി. ജയരാജനോട്​ കാനം; ​െയച്ചൂരി ഏതു പൂച്ചയാണ്​?

കണ്ണൂർ: മാവോവാദി വെടിവെപ്പിനെതിരെ ഡൽഹിയിൽ  പ്രതികരിച്ച  സി.പി.എം ജനറൽ സെക്രട്ടറി  സീതാറാം യെച്ചൂരി ഏത് പൂച്ചയാണെന്ന് വ്യക്​തമാക്കണമെന്ന്​  സി.പി.ഐ സംസ്​ഥാന സെക്രട്ടറി കാനം രാജേന്ദ്രൻ. മാവോവാദി ഏറ്റുമുട്ടലിൽ പൊലീസിനെതിരെ രംഗത്തുവന്ന സി.പി.ഐയെ പരിഹസിച്ച്​ പി. ജയരാജൻ എഴുതിയ ഫേസ്​ബുക്ക്​ പോസ്​റ്റിനുള്ള മറുപടിയിലാണ്​ കാനം ഇങ്ങനെ  പറഞ്ഞത്​. തങ്ങൾ പറയുന്നത് രാഷ്​ട്രീയമാണ്.

അത് സി.പി.ഐയുടെയും രാജ്യത്തെ ഇടതുപക്ഷത്തി​​​​െൻറയും നിലപാടാണ്. ഇതുസംബന്ധിച്ച് സി.പി.ഐയും സി.പി.എമ്മും തമ്മിൽ  ഭിന്നതയൊന്നുമില്ല. വെടിവെപ്പ്​ നടക്കുന്നതിനിടയിൽ പൊലീസ് ഉദ്യോഗസ്ഥൻ കമിഴ്ന്നുകിടന്ന് എഫ്.ഐ.ആർ എഴുതുന്ന വിഡിയോ കണ്ടാൽ പൊലീസ് ഉണ്ടാക്കുന്ന തെളിവുകളെക്കുറിച്ച് ധാരണയുണ്ടാകുമെന്നും കാനം  പറഞ്ഞു.    

Loading...
COMMENTS