തദ്ദേശ തെരഞ്ഞെടുപ്പിൽ അണ്ണാ ഡി.എം.കെക്ക്​ തിരിച്ചടി; പൗരത്വ നിയമത്തിനെതിരെ മുസ്​ലിം നേതാക്കൾ

ചെന്നൈ: തമിഴ്​നാട്ടിലെ തദ്ദേശ തെരഞ്ഞെടുപ്പിൽ സംസ്​ഥാന ഭരണകക്ഷിയായ അണ്ണാ ഡി.എം.കെക്ക്​ കനത്ത തിരിച്ചടി. പൗരത് വ നിയമത്തിനെതിരായ പ്രതിഷേധചൂടിനിടെ നടന്ന തെരഞ്ഞെടുപ്പിൽ ഡി.എം.കെ സഖ്യം നേട്ടംകൊയ്​തു.

ദേശീയ പൗരത്വ ഭേദഗ തിനിയമത്തിൽ സ്വീകരിച്ച നിലപാട്​ തെറ്റായിരുന്നു​െവന്ന്​ തെളിയിക്കുന്നതാണ്​ ​തദ്ദേശ തെരഞ്ഞെടുപ്പ്​ ഫലമെന്ന ്​ അണ്ണാ ഡി.എം.കെയിലെ പ്രമുഖ മുസ്​ലിം നേതാക്കൾ പരസ്യമായി പ്രസ്​താവിച്ചത്​ പാർട്ടി നേതൃത്വത്തെ ഞെട്ടിച്ചിട്ടു ണ്ട്​. അണ്ണാ ഡി.എം.കെ മന്ത്രിസഭയിലെ ഏക മുസ്​ലിം അംഗമായ നിലോഫർ കഫീൽ പൗരത്വ നിയമ ഭേദഗതിക്തെിരെ നേരത്തെ തന്നെ പരസ ്യമായി പ്രതികരിച്ചിരുന്നു. നേതൃത്വം തെറ്റ്​ തിരുത്തുമെന്നാണ്​ പ്രതീക്ഷിക്കുന്നതെന്നും അവർ പ്രസ്​താവിച്ചു. < /p>

പൗരത്വ ബില്ലിനെ പാർലമ​െൻറിൽ അനുകൂലിച്ചതാണ്​ പാർട്ടിയുടെ തോൽവിക്ക്​ കാരണമെന്ന്​ പാർട്ടിയുടെ മുസ്​ലിം മുഖമായി അറിയപ്പെടുന്ന അൻവർരാജ അഭിപ്രായപ്പെട്ടു. നിയമം പ്രാബല്യത്തിലാവുന്നത്​ ന്യൂനപക്ഷ വിഭാഗങ്ങളിൽ ആശങ്ക ഉയർത്തിയിട്ടുണ്ട്​. നിയമം തമിഴ്​നാട്ടിൽ നടപ്പാക്കില്ലെന്ന്​ അണ്ണാ ഡി.എം.കെ സർക്കാർ പ്രഖ്യാപിക്കുമെന്നാണ്​ ത​​െൻറ വിശ്വാസമെന്നും അൻവർരാജ പ്രസ്​താവിച്ചു. അൻവർരാജയുടെ രണ്ട്​ മക്കളും തദ്ദേശ തെരഞ്ഞെടുപ്പിൽ തോറ്റത്​ പാർട്ടി നേതൃത്വത്തിന്​ വ്യക്തമായ സന്ദേശമാണ്​ നൽകുന്നതെന്നും അഭിപ്രായമുയർന്നിട്ടുണ്ട്.

തമിഴ്​നാടി​​െൻറ തദ്ദേശ തെരഞ്ഞെടുപ്പ്​ ചരിത്രത്തിൽ ഇതാദ്യമായാണ്​ ഭരണകക്ഷിക്ക്​ തിരിച്ചടി ഉണ്ടാവുന്നത്​. സംസ്​ഥാന തെരഞ്ഞെടുപ്പ്​ കമീഷനും ഭരണയന്ത്രവും പാർട്ടിക്ക്​ അനുകൂലമായി വർത്തിച്ചിട്ടും പ്രതീക്ഷിച്ച മുന്നേറ്റമുണ്ടാക്കാനായില്ല. മാത്രമല്ല, തെരഞ്ഞെടുപ്പ്​ പ്രചാരണത്തിന്​ അതാത്​ ജില്ലകളിലെ മന്ത്രിമാർ നേതൃത്വം നൽകി കോടികളാണ്​ വാരിവിതറിയത്​. എന്നാൽ ഇതിനെയെല്ലാം മറികടന്നാണ്​ ഡി.എം.കെ സഖ്യം തദ്ദേശതെരഞ്ഞെടുപ്പിൽ വിജയം നേടിയത്​.

തെരഞ്ഞെടുപ്പ്​ പ്രചാരണ രംഗത്ത്​ മുസ്​ലിംകൾ ഉൾപ്പെടെ ന്യൂനപക്ഷ വിഭാഗങ്ങളിൽപ്പെട്ട പ്രവർത്തകർ വിട്ടുനിന്നിരുന്നു. ന്യൂനപക്ഷ വിഭാഗങ്ങൾ അധിവസിക്കുന്ന മേഖലകളിൽ അണ്ണാ ഡി.എം.കെ സ്​ഥാനാർഥികളായി മത്സരിക്കാൻ പ്രാദേശിക നേതാക്കൾ തയാറായിരുന്നില്ല. അതേസമയം അണ്ണാ ഡി.എം.കെയുമായി സഖ്യമുണ്ടാക്കി ബി.ജെ.പി നിർണായക നേട്ടമുണ്ടാക്കിയതും ശ്രദ്ധേയമായി. 87 ബ്ലോക്ക്​ പഞ്ചായത്ത്​ കൗൺസിലർമാരും ആറ്​ ജില്ല പഞ്ചായത്ത്​ അംഗങ്ങളും ബി.ജെി.പിക്ക്​ ലഭിച്ചു. ജനവിധി അംഗീകരിക്കുന്നതായി ഉപമുഖ്യമന്ത്രി ഒ.പന്നീർശെൽവം പ്രസ്​താവിച്ചു.

ഒരു വർഷത്തിനുശേഷം നടക്കാനിരിക്കുന്ന നിയമസഭ തെരഞ്ഞെടുപ്പി​​െൻറ ഗതി വ്യക്തമാക്കുന്നതാണ്​ തദ്ദേശ തെരഞ്ഞെടുപ്പ്​ ഫലമെന്ന്​ നിരീക്ഷകർ അഭിപ്രായപ്പെടുന്നു. കോയമ്പത്തുർ, സേലം ജില്ലകൾ ഉൾപ്പെട്ട പശ്ചിമമേഖലകളിൽ മാത്രമാണ്​ അണ്ണാ ഡി.എം.കെ പിടിച്ചുനിന്നത്​. എന്നാൽ തെക്കൻ തമിഴകത്ത്​ ഡി.എം.കെ​ നല്ല മുന്നേറ്റമാണ്​ നടത്തിയത്​.

അപ്രതീക്ഷിത വിജയം ഡി.എം.കെ ക്യാമ്പിൽ മികച്ച ആത്മവിശ്വാസമാണ്​ പകരുന്നത്​. ജില്ലാ പഞ്ചായത്തിലെ 515ൽ 272 വാർഡുകളിലും ബ്ലോക്ക്​ പഞ്ചായത്തുകളിലെ 5090 വാർഡുകളിൽ 2,378വാർഡുകളും ഡി.എം.കെ കരസ്​ഥമാക്കി. തെരഞ്ഞെടുപ്പ്​ നടന്ന 27 ജില്ല പഞ്ചായത്ത്​ കൗൺസിലുകളിൽ 14ഉം ഡി.എം.കെ പിടിച്ചെടുത്തു.

സംസ്​ഥാനത്തെ ഗ്രാമപഞ്ചായത്തുകളിൽ മാത്രമാണ്​ തെരഞ്ഞെടുപ്പ്​ നടന്നത്​. നഗരസഭ, കോർപറേഷൻ എന്നിവയിലേക്ക്​ തെരഞ്ഞെടുപ്പ്​ നടന്നിരുന്നില്ല. അണ്ണാ ഡി.എം.കെ സർക്കാറി​​െൻറ അധികാര ദുർവിനിയോഗത്തെ മറികടന്ന്​ ഡി.എം.കെക്ക്​ വിജയം സമ്മാനിച്ച വോട്ടർമാർക്ക്​ ഡി.എം.കെ അധ്യക്ഷൻ എം.കെ.സ്​റ്റാലിൻ നന്ദിപറഞ്ഞു.