You are here

നായനാരെ വാഴ്​ത്തി സുരേഷ്​ ഗോപി; രാഷ്​ട്രീയ തന്ത്രമെന്ന്​ സോഷ്യൽ മീഡിയ

22:00 PM
07/05/2020
suresh gopi

മുൻ മുഖ്യമന്ത്രിയും കമ്യൂണിസ്​റ്റ്​ നേതാവുമായിരുന്ന ഇ.കെ. നായനാരെ വാഴ്​ത്തി ബി.ജെ.പിയുടെ രാജ്യസഭാ എം.പിയും നടനുമായ സുരേഷ്​ ഗോപി. നായനാർ മുഖ്യമന്ത്രിയായിരുന്ന സമയത്ത്​ ജനങ്ങളിൽ നിന്ന്​ ഫോണിൽ പരാതി കേൾക്കുന്ന വീഡിയോ ഫേസ്​ബുക്കിൽ പങ്കുവെച്ചു കൊണ്ടാണ്​ സുരേഷ്​ ഗോപി അദ്ദേഹത്തെ വാഴ്​ത്തുന്നത്​. 

‘ഇങ്ങനെയും ഒരു മുഖ്യമന്ത്രി കേരളത്തിനുണ്ടായിരുന്നു.....
എന്തിനാ സഖാവേ ഈ കേരളത്തെ അനാഥമാക്കിക്കൊണ്ട് ഇത്രയും നേരത്തെ ഞങ്ങളെ വിട്ട് പോയത്.
ഇപ്പോഴാണ് ഞങ്ങൾ മലയാളികൾക്ക് അങ്ങയുടെ സാന്നിധ്യം വളരെ ആവശ്യമായിരുന്നത്’ -ഇങ്ങനെയാണ്​ സുരേഷ്​ ഗോപി ഫേ​സ്​ബുക്കിൽ കുറിച്ചത്​. 

നായനാർ ജനങ്ങളിൽ നിന്ന്​ പരാതി കേൾക്കുകയും സരസമായി അതിന്​ മറുപടി പറയുകയും ചെയ്യുന്ന വീഡിയോ ആണ്​ കുറിപ്പിനൊപ്പം പങ്കുവെച്ചത്​. 14000 ത്തിലധികം ആളുകളാണ്​ സുരേഷ്​ ഗോപിയുടെ ഈ പോസ്​റ്റ്​ ഷെയർ ചെയ്​തത്​. 

ബി.ജെ.പിയുടെ എം.പി മുൻ കമ്യൂണിസ്​റ്റ്​ നേതാവി​നെ വാഴ്​ത്തുന്നതിന്​ പിറകിൽ ​രാഷ്​ട്രീയ ലക്ഷ്യങ്ങളുണ്ടെന്ന രൂപത്തിലാണ്​ പലരും സാമൂഹിക മാധ്യമങ്ങളിൽ കമൻറ്​ ചെയ്യുന്നത്​. നിലവിലെ ഇടത്​ സർക്കാറിനെ വിമർശിക്കാൻ നായനാരെ ഉപയോഗിക്കുകയാണെന്ന തരത്തിലാണ്​ പലരും പ്രതികരിക്കുന്നത്.

 

Loading...
COMMENTS