രാഹുൽ വിഷയം: സി.പി.എമ്മിൽ യെച്ചൂരിയുടെ നില ദുർബലമാകും

തിരുവനന്തപുരം: കേരളത്തിൽ ഇടതുപക്ഷത്തിനെതിരെ രാഹുൽ ഗാന്ധി നേരിട്ട്​ മത്സരിക്കുമെന്ന അഭ്യൂഹവും പശ്ചിമബംഗാളി ലെ സീറ്റ്​ നീക്കുപോക്ക്​ ശ്രമവും കോൺഗ്രസ്​ തള്ളിയത്​ സി.പി.എമ്മിനുള്ളിൽ യെച്ചൂരിയുടെ നില ദുർബലമാക്കും. കോ ൺഗ്രസ്​ ബന്ധത്തെച്ചൊല്ലി ഹൈദരാബാദ്​ പാർട്ടി കോൺഗ്രസ്​ വരെ നീണ്ട തർക്കങ്ങളുടെ പോസ്​റ്റ്​മോർട്ടത്തിലേക് ക്​ നയിക്കുന്നതാണ്​ രാഹുൽ ഗാന്ധിയുടെ വയനാട്ടിലെ സ്ഥാനാർഥിത്വ പ്രശ്​നം.

ഒരു ബൂർഷ്വാ ഭൂപ്രഭു പാർട്ടിയായാണ് ​ കോൺഗ്രസിനെ വിലയിരുത്തുന്നതെങ്കിലും ഒരു ദശകത്തോളമാണ്​ അവർ സി.പി.എമ്മി​​​​​െൻറ സമാധാനം കെടുത്തിയത്​​. ഒന്ന ാം യു.പി.എ സർക്കാറിന്​ പുറത്തുനിന്ന്​ നൽകിയ പിന്തുണ അമേരിക്കയുമായുള്ള ആണവ കരാറി​​​​​െൻറ പേരിൽ 2008 ജൂലൈയിൽ സി.പി. എം പിൻവലിച്ചതു മുതൽ ആരംഭിച്ച​ തർക്കം പി.ബിയെയും കേന്ദ്ര കമ്മിറ്റിയെയും രണ്ട്​ തട്ടിലാക്കുന്നതിലേക്കെത്തി.

മുൻ ജനറൽ സെക്രട്ടറി പ്രകാശ്​ കാരാട്ടി​​​​​െൻറ നേതൃത്വത്തിൽ പിന്തുണ പിൻവലിച്ചതിനെതിരായിരുന്നു ബംഗാൾ ഘടകവും സീതാറാം യെച്ചൂരിയും. ബംഗാളിലെ ഇടതുസർക്കാറി​​​​​െൻറ 34 വർഷ ഭരണത്തി​​​​​​െൻറ അന്ത്യത്തിലേക്ക്​ നയിച്ചത്​ ഇതാണെന്നായിരുന്നു സംസ്ഥാന ഘടക വാദം. കഴിഞ്ഞ നിയമസഭ തെരഞ്ഞെടുപ്പിൽ കേന്ദ്ര നേതൃത്വത്തി​​​​​െൻറ വിലക്ക്​ ലംഘിച്ച്​ അനൗദ്യോഗികമായി ബംഗാൾ ഘടകം കോൺഗ്രസുമായി നീക്കുപോക്ക്​ ഉണ്ടാക്കിയതിലേക്കും​ സി.സിയുടെ ശാസനയിലേക്കും ‘കോൺഗ്രസ്​ പ്രശ്​നം’ നയിച്ചു.

പാർട്ടി കോൺഗ്രസിന്​ മുന്നോടിയായ സി.സി കരട്​ രാഷ്​ട്രീയ പ്രമേയത്തിൽ കോൺഗ്രസ്​ സമീപനത്തെച്ചൊല്ലി രൂക്ഷമായ തർക്കം ബംഗാൾ, കേരള ഘടകവും യെച്ചൂരി-കാരാട്ട്​ വിഭാഗവും തമ്മിലുണ്ടായി. ഭൂരിപക്ഷ ബലത്തിൽ കാരാട്ട്​ വിഭാഗം കോൺഗ്രസ്​ ധാരണയോ തെരഞ്ഞെടുപ്പ്​ സഖ്യമോ ആകരുതെന്ന നിലപാട്​ എടുപ്പിച്ചു​. പക്ഷേ, 2018 ഏപ്രിലിലെ പാർട്ടി കോൺഗ്രസിൽ ഭൂരിഭാഗം പ്രതിനിധികളും സംസ്ഥാന ഘടകങ്ങളും ഇത്​​ തള്ളി. പകരം ‘കോണ്‍ഗ്രസുമായി രാഷ്​ട്രീയ സഖ്യം ഉണ്ടാക്കരുത്’ എന്ന്​ നിലപാട് ​മയപ്പെടുത്തി.

ലോക്​സഭ തെരഞ്ഞെടുപ്പിൽ ബി.ജെ.പിയെ പരാജയപ്പെടുത്താൻ കോൺഗ്രസ്​ ഉൾപ്പെട്ട മതനിരപേക്ഷ, ജനാധിപത്യ പാർട്ടികളുമായുള്ള നീക്കുപോക്കിന്​ ​യെച്ചൂരി പക്ഷത്തിന്​ സാധ്യത തുറന്നിട്ടത്​ ഇതാണ്​​. തെരഞ്ഞെടുപ്പിൽ ബംഗാളിൽ 2014ൽ കോൺഗ്രസ്​, സി.പി.എം വിജയിച്ച ആറ്​ സീറ്റുകളിൽ പരസ്​പരം മത്സരിക്കേണ്ടന്ന നീക്കുപോക്കിലേക്ക്​ കേന്ദ്ര കമ്മിറ്റി എത്തി. പക്ഷേ, അത്​ തള്ളി ബംഗാളിൽ കോൺഗ്രസ്​ ചതുഷ്​കോണ മത്സരത്തിലേക്ക്​ സി.പി.എമ്മിനെ വലിച്ചിട്ടു.

ആഗോളീ​കരണം, നവ ഉദാരവത്​കരണ നയത്തിൽ പുനര​ാലോചന നടത്താത്ത കോൺഗ്രസിനോടുള്ള മൃദുസമീപനം തെ​റ്റെന്ന കാരാട്ട്​, കേരള ഘടക നിലപാട്​ ശരിയായെന്ന്​ തെളിയിക്കുന്നതാണ്​ സംഭവങ്ങളെന്ന അഭിപ്രായം പാർട്ടിയിൽ ശക്തമായി​. കാരാട്ട്​ പക്ഷം ശക്തമായി വാദം ഉന്നയിക്കുന്നതോടെ തെരഞ്ഞെടുപ്പിന്​​ ശേഷമുള്ള പാർലമ​​​​െൻററി രാഷ്​ട്രീയത്തിൽ ‘ക്രൈസിസ്​ മാനേജർ’ എന്ന യെച്ചൂരിയുടെ റോളും അടഞ്ഞേക്കും.