Begin typing your search above and press return to search.
proflie-avatar
Login
exit_to_app
exit_to_app
Homechevron_rightPoliticschevron_rightസിനിമയിലെ...

സിനിമയിലെ മുഖ്യമ​ന്ത്രി ലോക്​സഭയിലേക്ക്​

text_fields
bookmark_border
Rajmohan-Unnithan
cancel

തിരുവനന്തപുരം: സിനിമയിൽ മാത്രമല്ല, ​ഒടുവിൽ രാഷ്​ട്രീയ ജീവിതത്തിലും ജനപ്രതിനിധിയായി മാറി രാജ്​മോഹൻ ഉണ്ണിത് താൻ. മത്സരിച്ച രണ്ട്​​ നിയമസഭ തെരഞ്ഞെടുപ്പുകളിലും പരാജയപ്പെട്ട ഉണ്ണിത്താന്​ ആദ്യമായി ലോക്​സഭ​ സ്​ഥാനാർഥിത ്വം ലഭിച്ചതോടെ കാസർകോട്ട്​​ നേടിയത്​ അട്ടിമറി വിജയം.

എസ്.എഫ്.ഐയുടെ കുത്തകയായ കൊല്ലം എസ്.എന്‍ കോളജ് യൂനിയ ന്‍ തെരഞ്ഞെടുപ്പില്‍ ഇന്നത്തെ സി.പി.എം പൊളിറ്റ്​ബ്യൂറോ അംഗം എം.എ. ബേബിയെ തോല്‍പിച്ച അന്നത്തെ കെ.എസ്​.യു നേതാവ ്​ ഉണ്ണിത്താന്, അതിനു ശേഷമുള്ള ആദ്യ ജയമാണ്​ അത്യുത്തര കേരളത്തിലേത്​​.

2006ലെ നിയമസഭ തെരഞ്ഞെടുപ്പിലായിരുന്നു കന്നിയങ്കം. സി.പി.എം കോട്ടയായ തലശ്ശേരിയില്‍ കോടിയേരി ബാലകൃഷ്ണനെതിരെ മികച്ച പ്രകടനം കാഴ്ച​െവച്ച ഉണ്ണിത്താന്‍ ഇടതു മുന്നണിയുടെ ഭൂരിപക്ഷം കുറച്ച് സി.പി.എമ്മിനെ ഞെട്ടിച്ചു. അടുത്ത തവണ കുണ്ടറയിൽ കടുത്ത മത്സരം കാഴ്​ചവെ​െച്ചങ്കിലും സി.പി.എമ്മിലെ ജെ. മേഴ്​സിക്കുട്ടിയമ്മയോട്​ പരാജയപ്പെട്ടു.

1971ലെ തെരഞ്ഞെടുപ്പിൽ കാസർകോട്ട്​​ കോൺഗ്രസ്​ നേടിയ അട്ടിമറിക്ക​​ു ശേഷം സി.പി.എമ്മിനേറ്റ മറ്റൊരു ഞെട്ടലാണ്​ ഇത്തവണത്തേത്​. 1957 മുതൽ സി.പി.എം നേതാവ്​ എ.​െക.ജി ജയിച്ചു വന്ന കാസർകോട്ട്​ 1971ൽ അന്നത്തെ കെ.എസ്​.യു പ്രസിഡന്‍റ് രാമചന്ദ്രൻ കടന്നപ്പള്ളിയെ മത്സരിപ്പിക്കാൻ തീര​ുമാനിച്ചതോടെ എ.കെ.ജി പാല​ക്കാ​േട്ടക്ക്​ മാറി. കാസർകോട്​​ മത്സരിച്ച ഇ.കെ. നായനാർ പരാജയപ്പെട്ടു. 1984 മുതൽ സി.പി.എം ജയിച്ചു വരുന്ന മണ്ഡലമാണ്​ തെക്കു നിന്ന്​ വേണാടി​ന്‍റെ അങ്കത്തഴമ്പുമായി എത്തിയ ഉണ്ണിത്താൻ സ്വന്തമാക്കിയത്​.

നാവാണ്​ അദ്ദേഹത്തി​​െൻറ കൈമുതൽ. അത്​ വിവാദങ്ങളും ക്ഷണിച്ചു​ വരുത്തി. കെ.പി.സി.സി ജനറൽ സെക്രട്ടറിയായിരുന്ന ഉണ്ണിത്താന് 2004ല്‍ കൊല്ലം ലോക്‌സഭ സീറ്റ് നല്‍കാതിരുന്നതായിരുന്നു അന്ന്​ പേമെന്‍റ്​ വിവാദത്തിന് വഴിതെളിച്ചത്. എ ഗ്രൂപ്പുകാരനായിരുന്ന ശൂരനാട് രാജശേഖരന്‍ കൊല്ലം സീറ്റില്‍ സ്ഥാനാര്‍ഥിയായതിനെ തുടര്‍ന്ന് കരുണാകരനും ഐ ഗ്രൂപ്പിനുമെതിരെ പടപ്പുറപ്പാട് നടത്തിയ ഉണ്ണിത്താ​​െൻറ വെളിപ്പെടുത്തലുകളായിരുന്നു അന്ന് യു.ഡി.എഫിനെ 20ല്‍ ഒരു സീറ്റിലൊതുക്കിയത്. തുടര്‍ന്ന്, ഐ ഗ്രൂപ്പിന് അനഭിമതനായ ഉണ്ണിത്താന്‍ പിന്നെ പാര്‍ട്ടിയിലെ ഒഴുക്കിനനുസരിച്ചും പലപ്പോഴും എതിരായും നീന്തി.

20ഒാളം സിനിമകളിൽ അഭിനയിച്ച ഉണ്ണിത്താൻ​ സംസ്​ഥാന ചലച്ചിത്ര വികസന കോർപറേഷൻ ചെയർമാനായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:rajmohan unnithanmalayalam newspolitics newsKasaragod Lok Sabha Seat
News Summary - Rajmohan Unnithan Kasaragod Lok Sabha Seat - Politics News
Next Story