രാഹുൽ ഗാന്ധി പൊതുതെരഞ്ഞെടുപ്പിലെ മുഖ്യ ശ്രദ്ധാകേന്ദ്രമാകും -മുല്ലപ്പള്ളി

കൊച്ചി: രാജ്യം ഇന്ന് ഏറ്റവുമധികം ശ്രദ്ധിക്ക​ുന്ന വ്യക്തിയായി കോൺഗ്രസ്​ അധ്യക്ഷൻ രാഹുൽ ഗാന്ധി മാറിയെന്ന് കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ. വരുന്ന പൊതുതെരഞ്ഞെടുപ്പിലെ മുഖ്യ ശ്രദ്ധാകേന്ദ്രവും അദ്ദേഹമാ യിരിക്കും. രാഹുൽ ഗാന്ധിയുടെ കൊച്ചി സന്ദർശനത്തി​​​െൻറ ഭാഗമായുള്ള സ്വാഗതസംഘ രൂപവത്കരണ യോഗത്തിൽ അധ്യക്ഷപ്രസ ംഗം നടത്തുകയായിരുന്നു അദ്ദേഹം.

നരേന്ദ്ര മോദിയുടെ ദുർഭരണത്തിൽ മുരടിച്ചുപോയ രാജ്യത്തെ രക്ഷിക്കാൻ എല്ലാവരും ഉറ്റുനോക്കുന്നത് കോൺഗ്രസിനെയാണ്. ഇതിന്​ ജനാധിപത്യ മതേതരശക്തികളുടെ ഐക്യം ഉൗട്ടിയുറപ്പിച്ച് കോൺഗ്രസ്​ മുന്നോട്ടുപോകുമ്പോൾ അതിന് ഇടങ്കോലിടുന്നത് കേരളത്തിലെ സി.പി.എമ്മാണെന്നും അദ്ദേഹം പറഞ്ഞു. തെരഞ്ഞെടുപ്പ് വാഗ്ദാനങ്ങൾ പാലിക്കാത്ത മോദി സർക്കാറിനെതിരെ വലിയ ജനരോഷമാണുള്ളത്.

ഈ മാസം 29ന് നടക്കുന്ന രാഹുൽ ഗാന്ധിയുടെ കൊച്ചി സന്ദർശനം ചരിത്രസംഭവമായി മാറും. സംസ്​ഥാനത്തെ 24,970 ബൂത്ത് പ്രസിഡൻറുമായും അത്രത്തോളം സ്​ത്രീകളായിട്ടുള്ള വൈസ്​ പ്രസിഡൻറുമാരും പങ്കെടുക്കും. ഇവരുമായി കോൺഗ്രസ്​ അധ്യക്ഷൻ നേരിട്ട് സംസാരിക്കും. രാഹുൽഗാന്ധിയുടെ പ്രത്യേക താൽപര്യപ്രകാരമാണ് പാർട്ടിയുടെ താഴെത്തട്ടിലുള്ളവർ സമ്മേളനത്തിനെത്തുന്നതെന്നും അദ്ദേഹം പറഞ്ഞു.

കോൺഗ്രസ്​ വർക്കിങ്​ കമ്മിറ്റി അംഗം പി.സി. ചാക്കോ, കെ.പി.സി.സി വർക്കിങ് പ്രസിഡൻറുമാരായ കെ. സുധാകരൻ, കൊടിക്കുന്നിൽ സുരേഷ്, യു.ഡി.എഫ് കൺവീനർ ബെന്നി ബെഹനാൻ, നേതാക്കളായ ടി.എച്ച്. മുസ്​തഫ, പി.പി. തങ്കച്ചൻ, പ്രഫ. പി.ജെ. കുര്യൻ, കെ.വി. തോമസ്​ എം.പി, കെ.സി. ജോസഫ് എം.എൽ.എ, ഡി.സി.സി പ്രസിഡൻറ്​ ടി.ജെ. വിനോദ്, എം.എൽ.എമാരായ പി.ടി. തോമസ്​, വി.പി. സജീന്ദ്രൻ, ഹൈബി ഈഡൻ, റോജി എം. ജോൺ, അൻവർ സാദത്ത്, കോൺഗ്രസ്​ നേതാക്കളായ കെ. ബാബു, ജോസഫ് വാഴക്കൻ, ലാലി വിൻസൻറ്, ശൂരനാട് രാജശേഖരൻ, കെ.എം.ഐ. മേത്തർ, ലതിക സുഭാഷ്, ശ്രീനിവാസ്​ കൃഷ്ണൻ, എൻ. വേണുഗോപാൽ, പത്മജ വേണുഗോപാൽ എന്നിവർ സംസാരിച്ചു.

വത്സല പ്രസന്നകുമാർ, വിജയലക്ഷ്മി ടീച്ചർ, അനിൽ ആൻറണി, മേയർ സൗമിനി ജയിൻ, മറ്റ് കെ.പി.സി.സി, ഡി.സി.സി ഭാരവാഹികൾ തുടങ്ങിയവർ സംബന്ധിച്ചു. 501 അംഗ സ്വാഗതസംഘം രൂപവത്കരിച്ചു.