കേരള കോൺഗ്രസിൽ വെടിനിർത്തൽ; പി.ജെ ജോസഫിന് ചെയർമാന്‍റെ താൽകാലിക ചുമതല

കോട്ടയം: കേരള കോണ്‍ഗ്രസ് എം ചെയര്‍മാന്‍ സ്​ഥാനത്തിനായി മാണി-ജോസഫ്​ വിഭാഗങ്ങൾ തമ്മി​െല പോര്​ ശക്തമായി തുടര ുന്നതിനിടെ ചെയർമാ​​െൻറ താൽക്കാലിക ചുമതല വർക്കിങ്​ ചെയർമാൻ പി.ജെ. ജോസഫിന്. പാര്‍ട്ടി ഭരണഘടന അനുസരിച്ച് പുതിയ ചെ യര്‍മാനെ തെരഞ്ഞെടുക്കുന്നതുവരെ വര്‍ക്കിങ്​ ചെയര്‍മാനാണ് താൽക്കാലിക ചുമതല നല്‍കേണ്ടതെന്നും ഇത്​ സാധാരണ നടപട ിക്രമം മാത്രമാണെന്നും സംഘടന ചുമതലയുള്ള സംസ്​ഥാന ജനറല്‍ സെക്രട്ടറി അഡ്വ. ജോയ് എബ്രഹാം അറിയിച്ചു. കെ.എം. മാണിയുട െ വിയോഗത്തെ തുടര്‍ന്ന് ഒഴിവുവന്ന പാര്‍ട്ടി ചെയര്‍മാന്‍, പാര്‍ലമ​െൻററി പാർട്ടി ലീഡര്‍ സ്ഥാനങ്ങളിൽ സമയബന്ധിതമായി പുതിയ ആളുകളെ നിയോഗിക്കുമെന്നും ഇതി​​െൻറ നടപടി ക്രമങ്ങള്‍ പുരോഗമിക്കുകയാണെന്നും ജോയ് എബ്രഹാം വാര്‍ത്തക്കുറിപ്പില്‍ അറിയിച്ചു.

കെ.എം. മാണി 45 വർഷംകൊണ്ടുനടന്ന പാർട്ടി ചെയർമാൻ സ്​ഥാനം മകനും വൈസ്​ ചെയർമാനുമായ ജോസ്​ കെ. മാണി എം.പിക്ക്​ നൽകണമെന്ന്​ ഭൂരിപക്ഷം ജില്ല പ്രസിഡൻറുമാർ ​െഡപ്യൂട്ടി ചെയർമാൻ സി.എഫ്​. തോമസിന്​​ കഴിഞ്ഞ ദിവസം കത്ത്​ നൽകിയതിനു​ പിന്നാലെയാണ്​ നാടകീയ നീക്കങ്ങളിലൂടെ ജോസഫി​ന്​ ചെയർമാ​​െൻറ താൽക്കാലിക ചുമതല ​ൈകമാറിയത്​. ജോസ്​ കെ. മാണിയെ ചെയർമാനാക്കുന്നതിനോട്​ കേരള കോൺഗ്രസി​െല സീനിയർ നേതാക്കളുടെ അതൃപ്​തിയും വിയോജിപ്പും രാഷ്​ട്രീയമായി​ ഉപയോഗിക്കുന്നതിൽ പി.ജെ. ജോസഫ്​ വിജയിച്ചു. പാർട്ടി നേതൃത്വം ജോസ്​ കെ. മാണിയെ ഏൽപിക്കുന്നതിനെതിരെ ദിവസങ്ങളായി സീനിയർ നേതാക്കൾ അണിയറിയിൽ ചരടുവലി ശക്തമാക്കിയിരുന്നു.

സി.എഫ്​. തോമസും ജോയ്​ എബ്രഹാമുമായിരുന്നു ഇതിനു​​ പിന്നിൽ. ജോസ് കെ. മാണിയെ ചെയർമാനാക്കാൻ കത്ത്​ നൽകിയ ജില്ല പ്രസിഡൻറുമാരുടെ നടപടിയെയും ഇവർ വിമർശിച്ചിരുന്നു. യു.ഡി.എഫ്​ നേതാക്കളുടെ പിന്തുണയും ഇവർക്ക്​ ലഭിച്ചു. കോട്ടയം ലോക്​സഭ സീറ്റിൽനിന്ന്​ പി.ജെ. ജോസഫിനെ ഒഴിവാക്കിയതുമുതൽ കോൺഗ്രസ്​ നേതൃത്വവും മാണി വിഭാഗത്തി​​െൻറ നീക്കങ്ങളിലെ അതൃപ്​തി പരസ്യമായി അറിയിച്ചിരുന്നു. ഇതും ​ജോസഫിന്​​ നേട്ടമായി. മാണിയുടെ ഏറ്റവും അടുത്ത വിശ്വസ്​തനായാണ്​ ജോയ്​ എബ്രഹാം അറിയപ്പെട്ടിരുന്നത്​.

അതിനിടെ പാര്‍‍ട്ടി സ്വന്തം നിലയില്‍ സംഘടിപ്പിക്കുന്ന കെ.എം. മാണി അനുസ്മരണ സമ്മേളനം 15ന്​ വൈകുന്നേരം സെക്രട്ടേറിയറ്റിനു സമീപത്തെ മന്നം മെമ്മോറിയല്‍ ഹാളില്‍ നടക്കുമെന്നും ജോയ്​ എബ്രഹാം അറിയിച്ചു. മാണിയുടെ 41ാം ചരമദിനം കഴിഞ്ഞാണ് അനുസ്മരണ സമ്മേളനം നടത്തുന്നതെന്നും ജോയ് എബ്രഹാം പ്രവര്‍ത്തകര്‍ക്ക് അയച്ച കത്തില്‍ പറയുന്നു. ചെയർമാനായിരുന്ന കെ.എം. മാണി മരിച്ച്​ ഒരുമാസം പിന്നിട്ടിട്ടും പുതിയ ചെയര്‍മാനെ പ്രഖ്യാപിക്കാത്തതും അനുസ്മരണ സമ്മേളനം നടത്താത്തതും വിവാദം സൃഷ്​ടിച്ചിരുന്നു. ഈ സാഹചര്യത്തിലാണ് താൽക്കാലിക ചെയര്‍മാനായി പി.ജെ. ജോസഫിനെ നിശ്ചയിച്ചതെന്നാണ്​ വിശദീകരണം.