ജോസഫിനെ അനുനയിപ്പിക്കാൻ കോൺഗ്രസ്​ നേതൃത്വത്തിൽ ഇന്ന്​ ചർച്ച

കോട്ടയം: പ്രചാരണരംഗത്തുനിന്ന്​ വിട്ടുനിൽക്കുന്ന കേരള കോൺഗ്രസ്​ ജോസഫ്​ വിഭാഗത്തെ അനുനയിപ്പിക്കാൻ യു.ഡി.എ ഫിൽ നീക്കം. തിങ്കളാഴ്​ച ഉച്ചക്ക്​ ശേഷം കോട്ടയത്ത്​ പി.ജെ. ജോസഫുമായി കോൺഗ്രസ്​ നേതൃത്വം ചർച്ച നടത്തും​. ഉമ്മ ൻ ചാണ്ടിയും രമേശ്​ ചെന്നിത്തലയും യു.ഡി.എഫ്​ കൺവീനർ ബെന്നി ബഹനാനുമടക്കം മുതിർന്ന നേതാക്കളുടെ സാന്നിധ്യത്തിലാകും അനുനയശ്രമങ്ങൾ.

എന്നാൽ, ജോസ്​ വിഭാഗത്തെ പ​ങ്കെടുപ്പിക്കരുതെന്ന നിർദേശം ജോസഫ്​ വിഭാഗം മുന്നോട്ടുവെച്ചിട്ടുണ്ട്​. ആദ്യം തങ്ങൾക്ക്​ പറയാനുള്ളത്​ കേൾക്കുക. അതിന്​ ശേഷം മറ്റ്​ കാര്യങ്ങൾ എന്ന നിലപാടിലാണ്​​ ജോസഫ്​ വിഭാഗം. തന്നെ കൂക്കിവിളിച്ചും ലേഖനത്തിലൂടെ അപമാനിച്ചും ജോസ്​ പക്ഷം തറ രാഷ്​ട്രീയം കളിച്ചിട്ടും രണ്ടുകൂട്ടരോടും അതൃപ്​തി അറിയിച്ചെന്ന ​െക.പി.സി.സി പ്രസിഡൻറ്​ മുല്ലപ്പള്ളി രാമചന്ദ്ര​​െൻറ പ്രസ്​താവനയിലുള്ള അമർഷവും ജോസഫ്​ കോൺഗ്രസ്​ നേതാക്കളെ അറിയിച്ചിട്ടുണ്ട്​.

ഉപതെരഞ്ഞെടുപ്പിന്​ രണ്ടാഴ്​ച മാത്രമിരി​െക്ക ജോസഫ്​ വിഭാഗം പുറത്തുപോയാൽ​ യു.ഡി.എഫിന്​ ദോഷം ചെയ്യുമെന്ന തിരിച്ചറിവും അനുനയ നീക്കങ്ങൾക്ക്​ ആക്കംകൂട്ടി. ജോസഫും കൂട്ടരും ഒറ്റക്ക്​ പ്രചാരണം നടത്തിയാലും പ്രശ്​നമാവുമെന്ന ആശങ്കയും യു.ഡി.എഫിനുണ്ട്​. യു.ഡി.എഫ്​ നീക്കങ്ങളിൽ പ്രതീക്ഷയർപ്പിക്കുന്ന ജോസ് പക്ഷം തൽക്കാലം പി.ജെ. ജോസഫിനെ പ്രകോപിപ്പിക്കരുതെന്ന നിർദേശം നേതാക്കൾക്കും പ്രവർത്തകർക്കും നൽകിയിട്ടുണ്ട്​.

‘കട്ടിട്ടും കള്ളൻ’ മുന്നോട്ട്​ എന്ന നിലയിലാണ്​ കാര്യങ്ങൾ പോകുന്നതെങ്കിൽ എന്തുവേണമെന്ന്​ അപ്പോൾ ആലോചിക്കുമെന്ന്​ ജോസഫ്​ പക്ഷത്തെ ജോയ്​ എബ്രഹാം ‘മാധ്യമ’ത്തോട്​ പറഞ്ഞു. അഴകൊഴമ്പൻ ചർച്ചയിൽ കാര്യമി​െല്ല. വ്യക്​തമായ നിലപാട്​ വേണം. ചർച്ച നടക്ക​ട്ടെ, എന്നിട്ടാകാം മറ്റ്​ കാര്യങ്ങൾ- ജോയ്​ എബ്രഹാം വ്യക്​തമാക്കി.