തെരഞ്ഞെടുപ്പ്​ കാലങ്ങളേറെയുണ്ട്​, പാലോളിയുടെ ഒാർമകളു​ടെ അറകളിൽ

മലപ്പുറം: തെരഞ്ഞെടുപ്പുകൾ ഏറെ കണ്ട, ജയവും തോൽവിയും അറിഞ്ഞ, അധികാര കസേരയുടെ കയ്​പും രുചിയുമറിഞ്ഞ പാലോളി മുഹമ ്മദ്​ കുട്ടിയെന്ന സമുന്നത കമ്യൂണിസ്​റ്റ്​ നേതാവ്​ 89ാം വയസ്സിലും കർമനിരതനാണ്​. കോഴിക്കോട്​-പാലക്കാട്​ ദേശീ യപാതയിൽ ആര്യമ്പാവിന്​​ സമീപം കുലുക്കിലിയാ​െട്ട മകളുടെ വീട്ടിൽ കഴിയുന്ന അദ്ദേഹത്തിന്​ 1948 മുതൽ നടന്ന ​ചെറുതും വലുതുമായ തെരഞ്ഞെടുപ്പുകളെല്ലാം ഇന്നലെ കഴിഞ്ഞപോലെ ഒാർമയിലുണ്ട്​.

പാർട്ടി സ്​ഥാനാർഥികളുടെ ചിഹ്​നവും കത ്തുമായി വീടുകളിൽ ​കയറിച്ചെല്ലാൻ കഴിയാത്തൊരു കാലവും കേരളത്തിലുണ്ടായിരുന്നുവെന്ന്​ അദ്ദേഹം ഒാർക്കുന്നു. ’48ൽ മലബാർ ഡിസ്​ട്രിക്​ ബോർഡിൽ നടന്ന തെരഞ്ഞെടുപ്പിൽ മങ്കട ഫർക്കയിൽ കമ്യൂണിസ്​റ്റ്​ പാർട്ടി ബാനറിൽ മത്സരിച്ച സാധ ാരണക്കാരുടെ പ്രതിനിധികളായ ആശാരി വേലുവി​​​​െൻറയും മച്ചിങ്ങൽ കുഞ്ഞമ്മുവി​​​​െൻറയും ​ബൂത്ത്​ ഏജൻറായി പ്രവർത് തിച്ചാണ്​ തെരഞ്ഞെടുപ്പ്​ രാഷ്​ട്രീയത്തിന്​ തുടക്കമിടുന്നത്​.

കൂട്ടിലങ്ങാടിയിലെ ബൂത്തിൽ ഇരിക്കു​േമ്പാൾ പൊലീ​െസത്തി തന്നെയും സുഹൃത്തിനെയും അവിടെനിന്ന്​ ബലമായി എഴുന്നേൽപ്പിച്ച്​ ടൗണിലുണ്ടായിരുന്ന മാവി​ൻ ചുവട്ടിൽ നിർത്തി. വോ​െട്ടടുപ്പ്​ തീരുന്നതുവരെ ആ നിൽപ്പ്​​ തുടർന്നു. എതിർസ്​ഥാനാർഥിയും പൗര പ്രമുഖനുമായ ശേഷയ്യർ ബൂത്ത്​ സന്ദർശിച്ച്​ മടങ്ങിയതിന്​ ശേഷമായിരുന്നു പൊലീസ്​ നടപടി. വോ​െട്ടണ്ണൽ ദിനത്തിൽ അങ്ങാടിപ്പുറത്തെ തരകൻ സ്​കൂള​ിലെ കേന്ദ്രത്തിലേക്ക്​ പോകുന്നതിനിടെയാണ്​ പാർട്ടി നിരോധിച്ചത്​ അറിഞ്ഞത്​. അറസ്​റ്റുണ്ടാകുമെന്നറിഞ്ഞ്​ വഴിയിൽ​ വെച്ച്​ മടങ്ങി.

1962ൽ നടന്ന ലോക്​സഭ തെരഞ്ഞെടുപ്പിൽ മഞ്ചേരി മണ്ഡലത്തിൽ മുസ്​ലിം ലീഗ്​ സ്​ഥാപക നേതാവ്​ ഖാഇദെ മില്ലത്ത്​ ഇസ്​മായിൽ സാഹിബ്​ മത്സരിക്കു​േമ്പാൾ മങ്കട മണ്ഡലത്തി​​​​െൻറ തെരഞ്ഞെടുപ്പ്​ ചുമതലയാണ്​ കിട്ടിയത്​. മണ്ഡലം കാണാതെ​ ജയിച്ച ഇസ്​മായിൽ സാഹിബ്​ സ്വീകരണം ഏറ്റുവാങ്ങാൻ മാത്രമാണ്​​ എത്തിയത്​ എന്ന അപൂർവത കൂടിയുണ്ട്​ ആ തെരഞ്ഞെടുപ്പിന്​. എന്നാൽ, ഇസ്​മായിൽ സാഹിബ്​ 4328 വോട്ടി​​​​െൻറ നേരിയ ഭൂരിപക്ഷത്തിനാണ്​ അന്ന്​ ജയിച്ചത്​.

പ്രാക്കുളം മുഹമ്മദ്​ കുഞ്ഞായിരുന്നു എതിർ സ്​ഥാനാർഥി. ലീഗി​​​​െൻറ ശക്​തികേന്ദ്രമാണെങ്കിലും തെരഞ്ഞെടുപ്പ്​ കഴിഞ്ഞപ്പോഴാണ്​ ഒന്നാഞ്ഞു പിടിച്ചിരുന്നുവെങ്കിൽ ജയിക്കാമായിരുന്നു എന്ന്​ തോന്നിയത്​. 1963ലെ പഞ്ചായത്ത്​ തെരഞ്ഞെടുപ്പിലാണ്​ അപ്രതീക്ഷിതമായി പുഴക്കാട്ടിരിയിൽനിന്ന്​ സ്​ഥാനാർഥിയായത്​. പാർട്ടിക്കുള്ളിൽ നിന്നുതന്നെയുള്ള രണ്ടുപേർ മത്സര രംഗത്തുവന്നത്​ തർക്കത്തിനിടയാക്കിയപ്പോൾ മധ്യസ്​ഥ ചർച്ചക്ക്​ പോയ തന്നെ പിടിച്ച്​ സ്​ഥാനാർഥിയാക്കുകയായിരുന്നു. മൂന്ന്​ മാസം മുമ്പ്​ മാത്രം പുഴക്കാട്ടിരിയിൽ എത്തിയ താൻ സ്​ഥാനാർഥിയാകു​ന്നത്​ ശരിയല്ലെന്ന്​ പറഞ്ഞ്​ പിൻവലിഞ്ഞെങ്കിലും പാർട്ടി സെക്രട്ടറിയായിരുന്ന ശങ്കർ പുഴക്കാട്ടിരിയിൽ നടന്ന പൊതുയോഗത്തിൽ പ്രഖ്യാപനം നടത്തുകയായിരുന്നു.

അന്ന്​ ജയിച്ച്​ പഞ്ചായത്ത്​ പ്രസിഡൻറായി. പാർലമ​​​െൻററി ജീവിതത്തി​െല ആദ്യ ജയം. പിന്നീട്​ ’65ൽ മങ്കടയിൽനിന്ന്​ നിയമസഭയിലെത്തി. എന്നാൽ, ഇ.എം.എസും ജ്യോതിബസുവുമൊഴിച്ചുള്ള കമ്യൂണിസ്​റ്റ്​ നേതാക്കളെല്ലാം ജയിലിലായിരുന്നതിനാൽ അസംബ്ലി കൂടിയില്ല. ’67ൽ നടന്ന ​നിയമസഭ തെരഞ്ഞെടുപ്പിൽ പെരിന്തൽമണ്ണയിൽനിന്ന്​ ജയിച്ചു. പൊന്നാനിയിൽനിന്ന്​ രണ്ടുതവണ എം.എൽ.എയായി. രണ്ടുതവണ മന്ത്രിയായി. ഇടക്ക്​ തോൽവിയുമുണ്ടായി.

ലോക്​സഭ തെരഞ്ഞെടുപ്പുകളിൽ ലീഗിനെതിരെ മത്സരിച്ചിട്ട്​ കാര്യമില്ലെന്ന വികാരം പ്രവർത്തകർക്കിടയിൽ ശക്തമായിരുന്നു. അതുകൊണ്ട്​ പാർലമ​​​െൻറ്​ മത്സരങ്ങളിൽ കാര്യമായ ശ്രമം നടത്താറുണ്ടായിരുന്നില്ല. എന്നാൽ, ഇതിന്​ മാറ്റം വന്നത്​ മഞ്ചേരിയിൽ 2004ൽ ടി.കെ. ഹംസ ജയിച്ചതോടെയാണ്​. കോൺഗ്രസ് കുടുംബങ്ങളിൽനിന്നുള്ള പിന്തുണയും ലീഗ്​ സ്​ഥാനാർഥിയായിരുന്ന കെ.പി.എ മജീദിനോടുള്ള എതിർപ്പുമാണ്​ ഹംസയുടെ വിജയത്തി​​​​െൻറ പ്രധാന കാരണം.

2014ൽ പൊന്നാനിയിലും വിജയത്തോടടുത്ത തോൽവിയാണുണ്ടായത്​. ഇ.ടിക്കെതിരെ വി. അബ്​ദുറഹ്​മാൻ കടുത്ത മത്സരമാണ്​ കാഴ്​ചവെച്ചത്​. എസ്​.ഡി.പി​.​െഎയുമായുണ്ടാക്കിയ രഹസ്യ ധാരണകൊണ്ടാണ്​ അന്ന്​ ഇ.ടി രക്ഷപ്പെട്ടത്​. അതില്ലായിരുന്നുവെങ്കിൽ ഒരുപക്ഷേ അബ്​ദുറഹ്​മാൻ അട്ടിമറി ജയം നേടുമായിരുന്നു. ജയിച്ചില്ലെങ്കിലും ഭൂരിപക്ഷം ഇനിയും കുറ​ക്കാനെങ്കിലും കഴിയുമായിരുന്നു. എസ്​.ഡി.പി.​െഎയും ബി.ജെ.പിയുമൊക്കെയായി എന്നും ലീഗിന്​ രഹസ്യബന്ധമുണ്ട്​. പൊന്നാനിയിൽ ഇത്തവണ പി.വി. അൻവറിന്​ ജയസാധ്യതയുണ്ട്​. കോ​ൺഗ്രസിലെ ഒരുവിഭാഗത്തി​​​​െൻറ പിന്തുണ അദ്ദേഹത്തിനുമുണ്ടാകും. ശക്​തമായ മത്സരം നടക്കുമെന്നാണ്​ കരുതുന്നതെന്നും അദ്ദേഹം ​പറഞ്ഞു.