എം.​കെ. സ്​​റ്റാ​ലി​ൻ ഡി.​എം.​കെ അധ്യക്ഷൻ

ചെ​ന്നൈ: ഡി.​എം.​കെ അധ്യക്ഷനായി എം.​കെ. സ്റ്റാലി​നെ തെരഞ്ഞെടുത്തു. പാ​ർ​ട്ടി ആ​സ്​​ഥാ​ന​മാ​യ അ​ണ്ണാ അ​റി​വാ​ല​യ​ത്തി​ൽ​ നടന്ന ജനറൽ കൗൺസിൽ യോഗമാണ് സ്റ്റാലിനെ പുതിയ അധ്യക്ഷനായി പ്രഖ്യാപിച്ചത്. നി​ല​വി​ൽ പാർട്ടി വ​ർ​ക്കി​ങ്​ പ്ര​സി​ഡ​ന്‍റായ സ്റ്റാലിൻ, 49 വ​ർ​ഷം അ​ധ്യ​ക്ഷ​ സ്​​ഥാ​നം വ​ഹി​ച്ച ക​രു​ണാ​നി​ധിയുടെ പിൻഗാമിയായാണ് ഈ പദവിയിൽ എത്തുന്നത്. 

അധ്യക്ഷ സ്ഥാനത്തേക്ക് മറ്റാരും പത്രിക സമർപ്പിക്കാത്ത നി​ല​യി​ൽ പാ​ർ​ട്ടി ജ​ന​റ​ൽ കൗ​ൺ​സി​ൽ സ്റ്റാലിന്‍റെ പേര് അംഗീകരിക്കുകയായിരുന്നു. ക​രു​ണാ​നി​ധി​യു​ടെ ഇ​ള​യ ​മ​ക​നായ സ്റ്റാലിൻ നിലവിൽ നിയമസഭാ പ്രതിപക്ഷ നേതാവാണ്. ട്ര​ഷ​റ​ർ സ്​​ഥാ​ന​ത്തേ​ക്ക്​ മു​തി​ർ​​ന്ന നേ​താ​വ്​ ദു​രൈ​മു​രു​ക​നും തെരഞ്ഞെടുക്കപ്പെട്ടു. 

ക​രു​ണാ​നി​ധി​യു​ടെ മൂ​ത്ത​മ​ക​നും മു​ൻ കേ​ന്ദ്ര​മ​ന്ത്രി​യു​മാ​യ എം.​കെ. അ​ഴ​ഗി​രി ഡി.​എം.​കെ​ക്കെ​തി​രെ ക​ലാ​പ​ക്കൊ​ടി ഉ​യ​ർ​ത്തി​യ സാ​ഹ​ച​ര്യ​ത്തി​ലാ​ണ്​ സ്​​റ്റാ​ലി​​​​​​​െൻറ സ്​​ഥാ​നാ​രോ​ഹ​ണം. സ്​​റ്റാ​ലി​നെ തു​ട​ർ​ച്ച​യാ​യി വി​മ​ർ​ശി​ച്ച​തിന്‍റെ പേ​രി​ൽ ഡി.​എം.​കെ ദ​ക്ഷി​ണ​മേ​ഖ​ല ഒാ​ർ​ഗ​നൈ​സി​ങ്​ സെ​ക്ര​ട്ട​റി​യാ​യി​രു​ന്ന അ​ഴ​ഗി​രി​യെ നാ​ലു​വ​ർ​ഷം മു​മ്പാ​ണ്​ പാ​ർ​ട്ടി പ്രാ​ഥ​മി​കാം​ഗ​ത്വ​ത്തി​ൽ​ നി​ന്ന്​ ക​രു​ണാ​നി​ധി പു​റ​ത്താ​ക്കി​യ​ത്. 

കഴിഞ്ഞ ദിവസമാണ് അധ്യക്ഷ സ്ഥാനത്തേക്ക് സ്റ്റാലിൻ നാ​മ​നി​ർ​ദേ​ശ പ​ത്രി​ക സം​ഘ​ട​ന സെ​ക്ര​ട്ട​റി ആ​ർ.​എ​സ്. ഭാ​ര​തിക്ക് ന​ൽ​കിയത്. മ​റി​ന ക​ട​ൽ​ക്ക​ര​യി​ലെ ക​രു​ണാ​നി​ധി​യു​ടെ സ​മാ​ധി​യി​ൽ പ​ത്രി​ക​ക​ൾവെ​ച്ച്​ അ​നു​ഗ്ര​ഹവും ഗോ​പാ​ല​പു​രത്തെ വ​സ​തി​യി​ൽ മാ​താ​വ്​ ദ​യാ​ലു​അ​മ്മാ​ളു​ടെ ആ​ശീ​ർ​വാ​ദവും ഏ​റ്റു​വാ​ങ്ങിയ ശേഷമാണ് സ്​​റ്റാ​ലി​ൻ പത്രിക സമർപ്പിച്ചത്. പാ​ർ​ട്ടി ജ​ന​റ​ൽ സെ​ക്ര​ട്ട​റി എം.​കെ. അ​ൻ​പ​ഴ​ക​നെ​യും സ്​​റ്റാ​ലി​ൻ സ​ന്ദ​ർ​ശി​ച്ചിരുന്നു.

മുൻ അധ്യക്ഷനും തമിഴ്നാട് മുഖ്യമന്ത്രിയുമായ ക​രു​ണാ​നി​ധി ആ​ഗ​സ്​​റ്റ്​ ഏ​ഴി​നാ​ണ്​ അ​ന്ത​രി​ച്ച​ത്.