ഒറ്റ ഗോൾപോസ്​റ്റ്​ മാത്രമുള്ള മൈതാനം

1962ലും 67ലും 71ലും മഞ്ചേരിയെ പ്രതിനിധാനം​ ചെയ്​തത്​ ലീഗ്​ സ്ഥാപക പ്രസിഡൻറ്​ ഖാഇദേ മില്ലത്ത്​ മുഹമ്മദ്​ ഇസ്​മായിൽ​. തുടർന്ന്​ 1977ലും 80, 84, 89 വര്‍ഷങ്ങളിലും ഇബ്രാഹീം സുലൈമാന്‍ സേട്ട് വൻ ഭൂരിപക്ഷത്തിൽ ജയിച്ചുകയറി. 1991, 1996, 1998, 1999 തെരഞ്ഞെടുപ്പുകളിൽ തുടര്‍ച്ചയായി വിജയം കൊയ്ത മുൻ കേന്ദ്ര മ​ന്ത്രി ഇ. അഹമ്മദ് 2004ല്‍ പൊന്നാനിയിലേക്ക്​ മാറി. പകരക്കാരനായ കെ.പി.എ. മജീദിന്​ ശക്​തമായ രാഷ്​ട്രീയ തിരയിളക്കത്തിൽ ടി.കെ. ഹംസക്കു മുന്നില്‍ അടിയറവു പറയേണ്ടിവന്നു. ചരിത്രത്തിലാദ്യമായി ലീഗ്​ കോട്ട ഇടത്തോട്ടു ചെരിഞ്ഞപ്പോള്‍ ഹംസക്ക് ലഭിച്ച ഭൂരിപക്ഷം 47, 743. തോൽവിക്ക്​ കാരണങ്ങൾ പലതും നിരത്തിയെങ്കിലും പച്ച​ക്കോട്ടയിൽ നാട്ടപ്പെട്ട ചുവപ്പുകൊടി ലീഗ്​ കേന്ദ്രങ്ങളെ നിരന്തരം വേട്ടയാടി. സി.പി.എം വിജയക്കണക്ക്​ നിരത്തി ഉൗറ്റംകൊണ്ടു.

മഞ്ചേരി പേരും അതിരുകളും മാറി മലപ്പുറമായതോടെ ലീഗ് ​ശൗര്യം വീണ്ടെടുക്കുന്നതാണ്​ കണ്ടത്​​. 2009​െല തെരഞ്ഞെടുപ്പിൽ തിരിച്ചെത്തിയ ഇ. അഹമ്മദ്, ടി.കെ. ഹംസയെ ലക്ഷത്തിൽപരം വോട്ടിന് പരാജയപ്പെടുത്തി മഞ്ചേരിയിലെ തോൽവിക്ക്​ പകരംവീട്ടി. 2014ൽ അഹമ്മദിലൂടെ ലീഗ്​ ഭൂരിപക്ഷം ഉയർത്തി. പ്രതികൂല ഘടകങ്ങൾക്കിടയിലും അഹമ്മദിനെ തുണച്ചത്​ ഇടതു സ്ഥാനാർഥി നിർണയത്തിലെ പാളിച്ച. അഹമ്മദി​​​​​െൻറ നിര്യാണത്തെ തുടർന്ന്​ 2017ലെ ഉപതെര​െഞ്ഞടുപ്പിൽ സ്ഥാനാർഥിയായ പി.കെ. കുഞ്ഞാലിക്കുട്ടി, യു.ഡി.എഫ്​ ​വോട്ടുകൾ അഞ്ചു ലക്ഷം കടത്തി. അതേസമയം, ഡി.വൈ.എഫ്​.​െഎ നേതാവ്​ എം.ബി. ഫൈസൽ കുഞ്ഞാലിക്കുട്ടിക്ക്​ ശക്​തനായ പ്രതി​േയാഗി അല്ലാതിരുന്നിട്ടും ഇടതുവോട്ടുകൾ ഭദ്രമായിത്തന്നെ നിന്നു.

ചതിക്കുഴികളടച്ച്​ യു.ഡി.എഫ്​
വോട്ടുകണക്ക്​​ വെച്ച്​ യു.ഡി.എഫിന്​ പാട്ടുംപാടി ജയിക്കാവുന്ന മണ്ഡലമാണ്​ മലപ്പുറം. ഇടത്​ തട്ടകങ്ങളായ ബേപ്പൂരും കുന്ദമംഗലവും പോയി. ലീഗിതര പാർട്ടി സ്വാധീനമേഖലകൾ വയനാടിനോട്​ ചേർന്നു. മലപ്പുറം പാർലമ​​​​െൻറ്​ മണ്ഡലത്തിലെ ഏഴ് നിയമസഭ മണ്ഡലങ്ങളേയും പ്രതിനിധാനം​ ചെയ്യുന്നത് ലീഗ് അംഗങ്ങൾ.പെരിന്തൽമണ്ണയിലും മങ്കടയിലും ഇടതിന്​ വ്യക്​തമായ സ്വാധീനമുണ്ടെങ്കിലും മലപ്പുറം, കൊണ്ടോട്ടി, വേങ്ങര, മഞ്ചേരി മണ്ഡലങ്ങൾ ലീഗ്​ ശക്​തിദുർഗങ്ങൾ.

വള്ളിക്കുന്നിൽ ബി.ജെ.പിയുടെ സ്വാധീനം കൂടിയിട്ടും യു.ഡി.എഫിനു​തന്നെയാണ്​ മേൽക്കൈ. ഇതൊക്കെയാണെങ്കിലും വേങ്ങര ഉപതെരഞ്ഞെടുപ്പിലടക്കം ദൃശ്യമായ യു.ഡി.എഫിലെ വോട്ട്​ചോർച്ച ആവർത്തിച്ചാൽ എതിരാളികൾ കരുത്തുകാട്ടും. താഴെത്തട്ടിലെ തർക്കങ്ങൾ തീർത്ത്​ മുന്നണി ഭദ്രത വീണ്ടെടുക്കാൻ ലീഗ്​, കോ​ൺഗ്രസ്​ ഉന്നതർ നിരന്തരമായി നടത്തുന്ന ശ്രമങ്ങൾ ഇൗ ചതിക്കുഴികൾ തിരിച്ചറിഞ്ഞുള്ളതാണ്​. ലീഗിതര വോട്ടുകൾ ലീഗ്​ സ്ഥാനാർഥിക്ക്​ നഷ്​ടമാവുന്ന പ്രവണതയുണ്ട്​്​. ശബരിമലയും സാമ്പത്തിക സംവരണവുമടക്കം വിവാദവിഷയങ്ങൾ ഭൂരിപക്ഷ, ന്യൂനപക്ഷ സമുദായങ്ങ​​ളിൽ ഉണ്ടാക്കിയ പ്രതിഫലനം എൽ.ഡി.എഫിനും ആശങ്ക സൃഷ്​ടിക്കാൻ പോന്നതാണ്​.

കുഞ്ഞാലിക്കുട്ടി കച്ചമുറുക്കു​േമ്പാൾ
സംസ്ഥാന രാഷ്​​ട്രീയത്തിലെ കിങ്​ മേക്കറിൽനിന്ന്​ ദേശീയ രാഷ്​ട്രീയത്തിലേക്ക്​ കണ്ണയച്ച കുഞ്ഞാലിക്കുട്ടിക്ക്​ ഉപതെരഞ്ഞെടുപ്പിൽ അനുകൂല ഘടകങ്ങൾ ഏറെയുണ്ടായിരുന്നു. ലീഗിതര ശക്​തികളിൽനിന്നുവരെ കിട്ടിയ പിന്തുണ ഇ​ൗയൊരു അർഥത്തിലുള്ളതായിരുന്നു. രണ്ടു വർഷത്തിനിപ്പുറം ഇ​ൗയൊരു പ്രതീക്ഷക്ക്​ കുറച്ചെങ്കിലും മങ്ങലേറ്റുവെന്നതാണ്​​ വസ്​തുത. കുഞ്ഞാലിക്കുട്ടി പാർട്ടിക്കുള്ളിലും പുറത്തും നേരിടുന്ന വിമർശനങ്ങൾ ഇതാണ്​ തെളിയിക്കുന്നത്​.

ഇതൊക്കെയാണെങ്കിലും ഡൽഹി രാഷ്​ട്രീയത്തിലെ മാറ്റങ്ങൾക്കൊത്തുയരാൻ അദ്ദേഹം രണ്ടാമങ്കത്തിനുള്ള തയാറെടുപ്പിലാണ്​. എതിർപ്പുകളെ വോട്ടാക്കാൻ ഇടതിന്​ കഴിയുമോ എന്നതാണ്​ പ്രസക്​തമായ ചോദ്യം​. മലപ്പുറത്തി​​​​​െൻറ രാഷ്​ട്രീയ അടവുകളിലേക്ക്​ സൂത്രവിദ്യകൾ പ്രയോഗിക്കാൻ പ്രാപ്​തനായ സ്ഥാനാർഥിയി​ല്ലെന്നതാണ്​ സി.പി.എമ്മി​​​​​െൻറ പരിമിതി. ടി.കെ. ഹംസക്കുശേഷം സി.പി.എം പരീക്ഷിച്ച പി.കെ. സൈനബ, ലീഗിന്​ കാര്യങ്ങൾ എളുപ്പമാക്കുകയാണ്​ ചെയ്​തത്​. ഉപതെരഞ്ഞെടുപ്പിൽ ചെയ്​തതുപോലെ സി.പി.എം ജില്ലതലത്തിൽ മാത്രം അറിയപ്പെടുന്ന യുവജന നേതാവിനെതന്നെ നിർത്തുമോ, മറ്റേതെങ്കിലും സാധ്യതകൾ കണ്ടറിഞ്ഞ്​ സ്വതന്ത്ര പരീക്ഷണത്തിന്​ ഇറങ്ങുമോയെന്ന്​ കണ്ടറിയണം.

മത സംഘടനകൾ നിർണായകം
ന്യൂനപക്ഷ പ്രശ്​നങ്ങൾ ആഴത്തിൽ ചർച്ച ചെയ്യ​പ്പെടുന്ന മണ്ഡലമാണ്​ മലപ്പുറം. വികസന വിഷയങ്ങൾക്കപ്പുറം മുത്തലാഖ്​ ബില്ലും സംവരണവുമടക്കം പ്രചാരണ വിഷയമാകുന്ന തെരഞ്ഞെടുപ്പിൽ മുസ്​ലിം മത സംഘടനകളു​ടെ നിലപാടുകൾ നിർണായകമാവും.

സുന്നി വിഭാഗ​ങ്ങളെ പ്രീണിപ്പിക്കാൻ മുന്നണികൾ കരുനീക്കുന്നുണ്ട്​​. മുന്നണിയിൽ കയറിയ െഎ.എൻ.എൽ ഇടതിന്​ കരുത്താവും. ഉപതെരഞ്ഞെടുപ്പിൽ സ്ഥാനാർഥികളെ നിർത്താതിരുന്ന എസ്​.ഡി.പി.​െഎയും വെൽഫെയർ പാർട്ടിയും ഗോദയിലിറങ്ങിയാൽ പോരാട്ടം കനക്കും. 2014ൽ ഇരു പാർട്ടികൾക്കുമായി ലഭിച്ചത്​​ മുക്കാൽ ലക്ഷത്തിലധികം​ വോട്ടുകൾ​​. ഏഴ്​ ശതമാനത്തിലധികം വോട്ട്​ ബി.ജെ.പിക്കുമുണ്ട്​.