You are here

മഹാരാഷ്​ട്ര: ആശയക്കുഴപ്പങ്ങൾക്കിടയിലും ശിവസേന സഖ്യ ചർച്ച മുന്നോട്ട്

ncp-sivasena
എൻ.സി.പി നേതാവ്​ ശരദ്​ പവാറും ശിവസേന ചീഫ്​ ഉദ്ധവ് താക്കറെയും

മും​ബൈ: തീ​രു​മാ​നം വൈ​കു​ന്നു​വെ​ങ്കി​ലും മ​ഹാ​രാ​ഷ്​​ട്ര​യി​ൽ ശി​വ​സേ​ന അ​ധ്യ​ക്ഷ​ൻ ഉ​ദ്ധ​വ്​ താ​ക്ക​റെ​യെ മു​ന്നി​ൽ നി​ർ​ത്തി സ​ർ​ക്കാ​ർ രൂ​പ​വ​ത്​​ക​രി​ക്കാ​നു​ള്ള കോ​ൺ​ഗ്ര​സ്, എ​ൻ.​സി.​പി നീ​ക്കം പു​രോ​ഗ​മി​ക്കു​ന്ന​താ​യി സൂ​ച​ന. വി​വി​ധ വി​ഷ​യ​ങ്ങ​ളി​ൽ ഇ​തു​വ​രെ  ശി​വ​സേ​ന ​കൈ​ക്കൊ​ണ്ട വി​രു​ദ്ധ നി​ല​പാ​ടു​ക​ളി​ൽ  കോ​ൺ​ഗ്ര​സ്​ വ്യ​ക്ത​ത വ​രു​ത്തു​ക​യാ​ണെ​ന്നാ​ണ്​ വി​വ​രം. ബി.​ജെ.​പി​യു​ടെ പൗ​ര​ത്വ ഭേ​ദ​ഗ​തി ബി​ല്ല്​ പാ​ർ​ല​മ​​െൻറി​ൽ ശി​വ​സേ​ന എ​തി​ർ​ത്തേ​ക്കും എ​ന്നും സൂ​ച​ന​യു​ണ്ട്.

ഞാ​യ​റാ​ഴ്​​ച ന​ട​ത്താ​നി​രു​ന്ന അ​യോ​ധ്യ സ​ന്ദ​ർ​ശ​നം ഉ​ദ്ധ​വ്​ താ​ക്ക​റെ നി​ർ​ത്തി​വെ​ച്ച​തും ഇ​തു​മാ​യി ചേ​ർ​ത്തു​കാ​ണു​ന്നു.  സേ​ന​യു​മാ​യി സ​ഖ്യം സം​ബ​ന്ധി​ച്ച ച​ർ​ച്ച കോ​ൺ​ഗ്ര​സും എ​ൻ.​സി.​പി​യും ഡ​ൽ​ഹി​യി​ൽ തു​ട​രു​ക​യാ​ണ്. കോ​ൺ​ഗ്ര​സ്​ അ​ധ്യ​ക്ഷ സോ​ണി​യ ഗാ​ന്ധി  മു​തി​ർ​ന്ന നേ​താ​ക്ക​ളാ​യ അ​ഹ്​​മ​ദ്​ പ​ട്ടേ​ൽ, എ.​കെ. ആ​ൻ​റ​ണി, മ​ല്ലി​കാ​ർ​ജു​ൻ ഖാ​ർ​ഗെ, കെ.​സി. വേ​ണു​ഗോ​പാ​ൽ എ​ന്നി​വ​രു​മാ​യി ചൊ​വ്വാ​ഴ്​​ച ച​ർ​ച്ച ന​ട​ത്തി. 

ച​ർ​ച്ച അ​വ​സാ​നി​ച്ച​തി​നു പി​ന്നാ​ലെ ശി​വ​സേ​ന നേ​താ​വ്​ സ​ഞ്​​ജ​യ്​ റാ​വു​ത്തും ശ​ര​ദ്​ പ​വാ​റും ത​മ്മി​ലും കൂ​ടി​ക്കാ​ഴ്​​ച ന​ട​ന്നു.  ബു​ധ​നാ​ഴ്​​ച വൈ​കീ​ട്ട്​ അ​ഞ്ചി​ന്​ പ​വാ​റി‍​​െൻറ ഡ​ൽ​ഹി​യി​ലെ വ​സ​തി​യി​ൽ കോ​ൺ​ഗ്ര​സ്, എ​ൻ.​സി.​പി നേ​താ​ക്ക​ളു​ടെ സം​യു​ക്ത യോ​ഗം ന​ട​ക്കും. ചൊ​വ്വാ​ഴ്​​ച ന​ട​ക്കാ​നി​രു​ന്ന  യോ​ഗം ഇ​ന്ദി​ര ഗാ​ന്ധി​യു​ടെ ജ​ന്മ​ദി​ന പ​രി​പാ​ടി​ക​ളെ തു​ട​ർ​ന്ന്​ മാ​റ്റി​വെ​ക്കു​ക​യാ​യി​രു​ന്നു​വെ​ന്ന്​​ എ​ൻ.​സി.​പി വ​ക്താ​വ്​ ന​വാ​ബ്​ മാ​ലി​ക്​ പ​റ​ഞ്ഞു. മ​ലി​കി​ന്​ പു​റ​മെ അ​ജി​ത്​ പ​വാ​ർ, സു​നി​ൽ ത​ട്​​ക​രെ തു​ട​ങ്ങി​യ എ​ൻ.​സി.​പി നേ​താ​ക്ക​ളും ഡ​ൽ​ഹി​യി​ലു​ണ്ട്. തീ​രു​മാ​നം നീ​ളു​മെ​ന്നും സൂ​ച​ന​യു​ണ്ട്.

അ​തേ​സ​മ​യം, പെ​ട്ടെ​ന്ന്​ തീ​രു​മാ​നം കൈ​ക്കൊ​ള്ള​ണ​മെ​ന്ന്​ ശി​വ​സേ​ന കോ​ൺ​ഗ്ര​സ്​ ഹൈ​ക​മാ​ൻ​ഡി​നോ​ട്​ ആ​വ​ശ്യ​പ്പെ​ട്ടു. വെ​ള്ളി​യാ​ഴ്​​ച സേ​ന എം.​എ​ൽ.​എ​മാ​രു​ടെ യോ​ഗ​വും വി​ളി​ച്ചി​ട്ടു​ണ്ട്. സ​ർ​ക്കാ​ർ രൂ​പ​വ​ത്​​ക​ര​ണ​വു​മാ​യി ബ​ന്ധ​പ്പെ​ട്ട പ​വാ​റി‍​​െൻറ വി​രു​ദ്ധ പ്ര​സ്​​താ​വ​ന ശി​വ​സൈ​നി​ക​രി​ൽ ആ​ശ​യ​ക്കു​ഴ​പ്പ​മു​ണ്ടാ​ക്കി​യ പ​ശ്ചാ​ത്ത​ല​ത്തി​ലാ​ണി​ത്. 

അ​തേ​സ​മ​യം, പി​ന്നി​ൽ​നി​ന്ന്​ കു​ത്തി​യ ബി.​ജെ.​പി​യെ മ​ഹാ​രാ​ഷ്​​ട്ര​യി​ൽ​നി​ന്ന്​ പി​ഴു​തെ​റി​യു​മെ​ന്ന്​ പ​റ​ഞ്ഞും ത​ങ്ങ​ളെ എ​ൻ.​ഡി.​എ​യി​ൽ​നി​ന്ന്​ പു​റ​ത്താ​ക്കാ​നു​ള്ള ബി.​ജെ.​പി​യു​ടെ അ​ധി​കാ​ര​ത്തെ ചോ​ദ്യം ചെ​യ്​​തും ശി​വ​സേ​ന മു​ഖ​പ​ത്രം ചൊ​വ്വാ​ഴ്​​ച​യും മു​ഖ​പ്ര​സം​ഗ​മെ​ഴു​തി. ബാ​ൽ​താ​ക്ക​റെ​യും അ​ദ്വാ​നി​യും ജോ​ർ​ജ്​ ഫെ​ർ​ണാ​ണ്ട​സും ചേ​ർ​ന്ന്​ എ​ൻ.​ഡി.​എ രൂ​പ​വ​ത്​​ക​രി​ക്കു​മ്പോ​ൾ കു​ട്ടി​ക​ളാ​യി​രു​ന്ന​വ​രാ​ണ്​ ഇ​ന്ന്​ ബി.​ജെ.​പി​യു​ടെ​യും എ​ൻ.​ഡി.​എ​യു​ടെ​യും ത​ല​പ്പ​ത്തു​ള്ള​തെ​ന്ന പ​രി​ഹാ​സ​വും ന​ട​ത്തി. 

Loading...
COMMENTS