You are here

ബി.ജെ.പിയില്‍ ഫഡ്നാവിസിന് എതിരെ കലഹം

  • 12 എം.​എ​ല്‍.​എ​മാ​ര്‍ ബി.​ജെ.​പി വി​ടു​മെ​ന്ന് റി​പ്പോ​ര്‍ട്ട് 

fadnavis
ദേവേന്ദ്ര ഫട്​നാവിസ്​

മും​ബൈ: മ​ഹാ​രാ​ഷ്​​ട്ര​യി​ല്‍ ബി.​ജെ.​പി​ക്ക് അ​ധി​കാ​രം ന​ഷ്​​ട​പ്പെ​ട്ട​തോ​ടെ മു​ന്‍ മു​ഖ്യ​മ​ന്ത്രി ദേ​വേ​ന്ദ്ര ഫ​ഡ്നാ​വി​സി​ന് എ​തി​രെ പാ​ര്‍ട്ടി​യി​ല്‍ പ​ട​യൊ​രു​ക്കം. തെ​ര​ഞ്ഞെ​ടു​പ്പി​നു തൊ​ട്ടു​മു​മ്പ് സീ​റ്റ് ന​ല്‍കാ​തെ ത​ഴ​യു​ക​യും തെ​ര​ഞ്ഞെ​ടു​പ്പി​ല്‍ മ​ത്സ​രി​ച്ച് പ​രാ​ജ​യ​പ്പെ​ടു​ക​യും ചെ​യ്ത മു​തി​ര്‍ന്ന ഒ.​ബി.​സി നേ​താ​ക്ക​ള്‍ ഫ​ഡ്നാ​വി​സി​ന് എ​തി​രെ പ​ര​സ്യ​മാ​യി രം​ഗ​ത്തെ​ത്തി. ഇ​തി​ന് പു​റ​മെ 12ലേ​റെ എം.​എ​ല്‍.​എ​മാ​രും ഒ​രു രാ​ജ്യ​സ​ഭാം​ഗ​വും ബി.​ജെ.​പി വി​ടു​മെ​ന്നാ​ണ് റി​പ്പോ​ര്‍ട്ട്.

നി​യ​മ​സ​ഭ തെ​ര​ഞ്ഞെ​ടു​പ്പി​ന് മു​മ്പ് എ​ന്‍.​സി.​പി, കോ​ണ്‍ഗ്ര​സ് പാ​ര്‍ട്ടി​ക​ളി​ല്‍നി​ന്ന് ‘നി​ര്‍ബ​ന്ധാ​വ​സ്ഥ’​യി​ല്‍ ബി.​ജെ.​പി​യി​ല്‍ എ​ത്തി എം.​എ​ല്‍.​എ​മാ​രാ​യ​വ​ര്‍ അ​വ​ര​വ​രു​ടെ പ​ഴ​യ പാ​ര്‍ട്ടി​ക​ളി​ലേ​ക്ക് മ​ട​ങ്ങു​മെ​ന്നാ​ണ് സൂ​ച​ന. പ​ഞ്ച​സാ​ര സ​ഹ​ക​ര​ണ സ്ഥാ​പ​ന​ങ്ങ​ളും വി​ദ്യാ​ഭ്യാ​സ സ്ഥാ​പ​ന​ങ്ങ​ളും ന​ട​ത്തു​ന്ന നേ​താ​ക്ക​ളെ ക്ര​മ​ക്കേ​ടു​ക​ള്‍ ചൂ​ണ്ടി​ക്കാ​ട്ടി ഭീ​ഷ​ണി​പ്പെ​ടു​ത്തി ബി.​ജെ.​പി​യി​ല്‍ എ​ത്തി​ക്കു​ക​യാ​യി​രു​ന്നു​വെ​ന്നാ​ണ് ആ​രോ​പ​ണം. ഇ​വ​ര്‍ക്ക് പു​റ​മെ ബി.​ജെ.​പി​യി​ല്‍ത​ന്നെ കാ​ല​ങ്ങ​ളാ​യി പ്ര​വ​ര്‍ത്തി​ച്ചു​വ​രു​ന്ന ചി​ല എം.​എ​ല്‍.​എ​മാ​ര്‍ പാ​ര്‍ട്ടി നേ​തൃ​ത്വ​ത്തോ​ട് ഉ​ട​ക്കി ശി​വ​സേ​ന​യി​ല്‍ ചേ​രു​മെ​ന്നും സൂ​ച​ന​യു​ണ്ട്. 

മ​ക​ള്‍ രോ​ഹി​ണി​യെ​യും പ​ങ്ക​ജ മു​ണ്ടെ​യെ​യും തെ​ര​ഞ്ഞെ​ടു​പ്പി​ല്‍ ഫ​ഡ്നാ​വി​സ് ആ​സൂ​ത്രി​ത​മാ​യി തോ​ല്‍പി​ക്കു​ക​യാ​യി​രു​ന്നു​വെ​ന്നാ​ണ് ഏ​ക്നാ​ഥ് ഖ​ഡ്സെ ക​ഴി​ഞ്ഞ ദി​വ​സം ആ​രോ​പി​ച്ച​ത്. ഫ​ഡ്നാ​വി​സി‍​െൻറ പേ​ര് പ​റ​ഞ്ഞി​ല്ലെ​ങ്കി​ലും തെ​ര​ഞ്ഞെ​ടു​പ്പി​ന് നേ​തൃ​ത്വം ന​ല്‍കി​യ​ത് ആ​രാ​ണൊ അ​യാ​ള്‍ എ​ന്നാ​ണ് ഖ​ഡ്സെ പ​റ​ഞ്ഞ​ത്. പേ​രു പ​റ​യാ​തെ​ത​ന്നെ അ​താ​രാ​ണെ​ന്ന് മ​ന​സ്സി​ലാ​ക്കാ​നു​ള്ള മി​ടു​ക്ക് ജ​ന​ങ്ങ​ള്‍ക്കു​ണ്ടെ​ന്നും അ​ദ്ദേ​ഹം പ​റ​ഞ്ഞു. ഖ​ഡ്സെ​ക്കും പ​ങ്ക​ജ​ക്കും പു​റ​മെ വി​നോ​ദ് താ​വ്ഡെ, പ്ര​കാ​ശ് മ​ത്തേ, രാം ​ഷി​ൻ​ഡെ, പ്ര​കാ​ശ് ഷെ​ന്‍ഡ്ജെ തു​ട​ങ്ങി​യ​വ​രും ദേ​വേ​ന്ദ്ര ഫ​ഡ്നാ​വി​സി​നെ ല​ക്ഷ്യം​വെ​ക്കു​ന്നു. 

ഒ.​ബി.​സി നേ​താ​വാ​യ​തു​കൊ​ണ്ട് പ​ങ്ക​ജ മു​ണ്ടെ​യെ ഒ​തു​ക്കി​യ​താ​ണെ​ന്ന് ആ​രോ​പി​ച്ച പ്ര​കാ​ശ് ഷെ​ന്‍ഡ്ജെ, ജീ​വി​ച്ചി​രി​ക്കെ പ​ങ്ക​ജ​യു​ടെ അ​ച്ഛ​ൻ ഗോ​പി​നാ​ഥ് മു​ണ്ടെ​യെ​യും പാ​ര്‍ട്ടി​യി​ല്‍നി​ന്ന് പു​റ​ത്തു ചാ​ടി​ക്കാ​ന്‍ ശ്ര​മം ന​ട​ന്ന​താ​യി വെ​ളി​പ്പെ​ടു​ത്തി. ഷെ​ന്‍ഡ്ജെ, ഖ​ഡ്സെ ഉ​ള്‍പ​ടെ 11 ഓ​ളം ഒ.​ബി.​സി നേ​താ​ക്ക​ള്‍ ഖ​ഡ്സെ​യു​ടെ വീ​ട്ടി​ല്‍ ഒ​ത്തു​കൂ​ടി​യ​തും ബി.​ജെ.​പി നേ​തൃ​ത്വ​ത്തെ ആ​ശ​ങ്ക​യി​ലാ​ക്കി. നേ​ര​ത്തെ, പു​തി​യ രാ​ഷ്​​ട്രീ​യ സാ​ഹ​ച​ര്യ​ത്തി​ല്‍ ഭാ​വി​കാ​ര്യ​ങ്ങ​ള്‍ ആ​ലോ​ചി​ക്കു​ക​യാ​ണെ​ന്നു പ​റ​ഞ്ഞും പി​താ​വി‍​െൻറ ജ​ന്മ​ദി​ന​മാ​യ അ​ടു​ത്ത 12ന് ​അ​ണി​ക​ളെ ക​ണ്ട് ഭാ​വി​കാ​ര്യ​ങ്ങ​ള്‍ പ്ര​ഖ്യാ​പി​ക്കു​മെ​ന്നും പ​ങ്ക​ജ മു​ണ്ടെ ഫേ​സ്ബു​ക്കി​ല്‍ കു​റി​ച്ചി​രു​ന്നു. 

Loading...
COMMENTS