കൊല്ലത്ത്​ കൊടിയേറി

കൊല്ലത്ത്​ യഥാർഥത്തിൽ പ്രചാരണം തുടങ്ങിക്കഴിഞ്ഞു. ഒൗദ്യോഗിക പ്രഖ്യാപനം വരാനിരിക്കുന്നതേയുള്ളൂ​െവങ്കിലു ം കൊല്ലം അതിനായി കാത്തുനിൽക്കുന്നില്ല. സിറ്റിങ്​​ സീറ്റിൽ എൻ.കെ. പ്രേമചന്ദ്ര​​​​​​െൻറ സ്​ഥാനാർഥിത്വം​ നേരത് തെ തന്നെ ഉറപ്പായിരുന്നു. അദ്ദേഹത്തി​​​​​​െൻറ പാർട്ടിയായ ആർ.എസ്​.പിയുടെ സംസ്​ഥാന സെക്രട്ടറി അക്കാര്യം പരസ്യമാ യി പ്രഖ്യാപിക്കുകയും ചെയ്തു. തൊട്ടുപിന്നാലെ പ്രതിപക്ഷനേതാവും അതിന്​ അടിവരയിട്ടതോടെ യു.ഡി.എഫിന്​ ഇനി കൊല്ല ത്ത്​ സ്​ഥാനാർഥിയെ കാത്തിരിക്കേണ്ട സാഹചര്യമില്ല. ഇടതുമുന്നണിയിൽ​ കൊല്ലം സീറ്റ്​ ഇപ്പോൾ സി.പി.എമ്മി​​​​​​െ ൻറ പട്ടികയിലാണ്.

തിരുവനന്തപുരം, കൊല്ലം മണ്ഡലങ്ങൾ വെച്ചുമാറണമെന്ന്​ സി.പി.എമ്മിന്​ കാലങ്ങളായി ആഗ്രഹം ഉണ് ടെങ്കിലും സി.പി.​െഎക്ക്​ സമ്മതമല്ല. അതിനാൽ ഇത്തവണയും മണ്ഡലത്തിൽ സി.പി.എം സ്​ഥാനാർഥിയെത്തന്നെ ആയിരിക്കും പ്രേമ ചന്ദ്രന്​ നേരിടേണ്ടിവരുക. ഒൗദ്യോഗിക പ്രഖ്യാപനം വന്നിട്ടില്ലെങ്കിലും സി.പി.എം സംസ്​ഥാന സെക്ര​േട്ടറിയറ്റിലെ യുവരക്​തമെന്ന്​ കണക്കാക്കപ്പെടുന്ന കെ.എൻ. ബാലഗോപാലി​​​​​​െൻറ പേരാണ്​ ഏകദേശം ഉറപ്പിച്ചിരിക്കുന്നത്​. മണ്ഡലം നിറഞ്ഞുള്ള നിശ്ശബ്​ദപ്രചാരണം രണ്ടുപേരും തുടങ്ങിക്കഴിഞ്ഞു.

അതോടൊപ്പം കൊണ്ടും കൊടുത്തും അവരുടെ പാർട്ടി, മുന്നണി സംവിധാനങ്ങളും ഉണർന്നുകഴിഞ്ഞു. ബി.​െജ.പി സ്​ഥാനാർഥി ആരെന്ന്​ വ്യക്​തമല്ല. കൊല്ലം നിവാസികൾക്ക്​ ഒരിക്കലും വിസ്​മരിക്കാൻ കഴിയാത്ത ഇവിടത്തെ മുൻ കലക്​ടർ കൂടിയായ സി.വി. ആനന്ദബോസി​നെയാണ്​ അവർ പ്രധാനമായും പരിഗണിക്കുന്നത്​. പ​േക്ഷ, അദ്ദേഹം സമ്മതം മൂളിയിട്ടില്ല. കൊല്ലം സ്വദേശിയും ബി.ജെ.പിയുടെ രാജ്യസഭാംഗവുമായ സുരേഷ്​ ഗോപിയുടെയും മുൻ ഡി.ജി.പി ടി.പി. സെൻകുമാറി​േൻറയും പേരും പ്രചരിക്കുന്നുണ്ട്​. സീറ്റ്​ ഘടകകക്ഷിയായ ബി.ഡി.ജെ.എസിന്​ നൽകാൻ ബി.ജെ.പി തീരുമാനിച്ചാൽ പ്രഫസർ ശശികുമാറി​​​​​​െൻറ പേരിനായിരിക്കും പ്രഥമ പരിഗണന. എന്തായാലും പ്രധാനമന്ത്രിയെ പ​െങ്കടുപ്പിച്ച്​ മേഖല സമ്മേളനം നടത്തി ബി.ജെ.പിയും സജീവമായിക്കഴിഞ്ഞു.

പ്രമുഖരെ വളർത്തി, വീഴ്​ത്തി
കൊല്ലം ലോക്​സഭ ഏതെങ്കിലും മുന്നണിയുടെ മാത്രം കുത്തകയല്ല. തൊഴിലാളികൾക്കും കർഷകർക്കും കരുത്തുള്ള മണ്ഡലത്തിന്​ മുന്നണികളെ മാറിമാറി സ്വീകരിച്ച പാരമ്പര്യമാണുള്ളത്​​. പല പ്രമുഖരെയും വളർത്തിയതിനൊപ്പം വീഴ്​ത്തുകയുംചെയ്​തിട്ടുണ്ട്​ കൊല്ലം. എന്നാൽ, 2009ലെ മണ്ഡല പുനർനിർണയത്തിനു​ശേഷം നടന്ന രണ്ട്​ പൊതുതെരഞ്ഞെടുപ്പിലും യു.ഡി.എഫിനോടായിരുന്നു കൊല്ലത്തി​​​​​​െൻറ കനിവ്​. അതേസമയം, മണ്ഡലത്തിലെ ഒറ്റ അസംബ്ലി സീറ്റും ഇന്ന്​ യു.ഡി.എഫി​​​​​​െൻറ കൈവശം ഇല്ലെന്നതും ശ്രദ്ധേയം. നായർ, ഇൗഴവ സമുദായങ്ങൾ മണ്ഡലത്തിൽ ഏകദേശം തുല്യശക്​തികളാണെങ്കിലും​ ഇന്നേവരെ വിജയക്കൊടി പാറിച്ചവരെല്ലാം നായർ സമുദായക്കാരാണെന്നതാണ്​ സവിശേഷത. മിക്കപ്പോഴും തോൽക്കേണ്ടിവന്നതും അതേ സമുദായാംഗങ്ങൾ തന്നെ.നായർ, ഇൗഴവ സമുദായങ്ങൾ കഴിഞ്ഞാൽ, മുസ്​ലിം വിഭാഗമാണ്​ മണ്ഡലത്തിലെ പ്രധാന ശക്​തി.

ക്രൈസ്​തവ, ദലിത്​, വിശ്വകർമ വിഭാഗങ്ങൾക്കും തള്ളിക്കളയാൻ സാധിക്കാത്തവിധം സ്വാധീനമുണ്ട്​. ഏറ്റവും അവസാനം നടന്ന മണ്ഡല പുനർനിർണയത്തിനു​ശേഷം ചവറ, കൊല്ലം, കുണ്ടറ, ഇരവിപുരം, ചാത്തന്നൂർ, ചടയമംഗലം, പുന ലൂർ അസംബ്ലി മണ്ഡലങ്ങൾ ഉൾപ്പെടുന്നതാണ്​ കൊല്ലം ലോക്​സഭ സീറ്റ്​. ഇൗ ഏഴ്​ സീറ്റുകളും ഇന്ന്​ ഇടതുമുന്നണിയുടെ കൈവശമാണ്​. മണ്ഡല പുനർനിർണയത്തിനുശേഷം നടന്ന 2009ലെ ആദ്യതെര​െഞ്ഞടുപ്പിൽ സിറ്റിങ്​​ എം.പി സി.പി.എമ്മി​ലെ പി. രാജേന്ദ്രനെ 17,531 വോട്ടുകൾക്ക്​ പരാജയപ്പെടുത്തിയാണ്​ കോൺഗ്രസിലെ എൻ. പീതാംബരക്കുറുപ്പ്​ വിജയക്കൊടി നാട്ടിയത്​.

എന്നാൽ, 2014 ലെ തെരഞ്ഞെടുപ്പിന്​ തൊട്ടുമുമ്പ്​ സീറ്റി​​​​​​െൻറ പേരിൽ ഇടതുമുന്നണിയുമായി ഇടഞ്ഞ്​ അപ്രതീക്ഷിതമായി ആർ.എസ്​.പി യു.ഡി.എഫിൽ എത്തിയപ്പോൾ കുറുപ്പിന്​ മനസ്സില്ലാ മനസ്സോടെയെങ്കിലും കളം ഒഴിയേണ്ടിവന്നു. പകരം, ആർ.എസ്​.പിയിലെ എൻ. ​െക. പ്രേമചന്ദ്രൻ യു.ഡി.എഫ്​ സ്ഥാനാർഥിയായി. മറുഭാഗത്ത്​ എൽ.ഡി.എഫിനു​വേണ്ടി സി.പി.എമ്മിലെ എം.എ ബേബിയും. മുന്നണിമാറ്റവും ‘പരനാറി’ പ്രയോഗവും കേരളമാകെ വിവാദംതീർത്ത തീപാറും മത്സരത്തിനൊടുവിൽ ​പ്രേമചന്ദ്രൻ വിജയപതാക പാറിച്ചു.

ബേബി പരാജയപ്പെട്ടുവെന്ന്​ മാത്രമല്ല നിയമസഭയിൽ അദ്ദേഹം അന്ന്​ പ്രതിനിധാനംചെയ്​തിരുന്ന കുണ്ടറ അസംബ്ലി മണ്ഡലത്തിലും ലീഡ്​ നേടാനായില്ല. ഇത്​​ പിന്നീട്​ യു.ഡി.എഫിന്​ രാഷ്​ട്രീയായുധമായി. പ​േക്ഷ പിന്നീട്​ നടന്ന നിയമസഭ തെരഞ്ഞെടുപ്പിൽ കുണ്ടറയിൽ ഉൾപ്പെടെ തകർപ്പൻ ജയമാണ്​ ഇടതുമുന്നണിയെ തേടിയെത്തിയതെന്നത്​ ചരിത്രം​.

ലോക്​സഭ (2014)
എൻ.കെ. പ്രേമചന്ദ്രൻ (ആർ.എസ്​.പി –യു.ഡി.എഫ്​) –408528
എം.എ. ബേബി (സി.പി.എം– എൽ.ഡി.എഫ്​) –370879
പി.എം. വേലായുധൻ (ബി.ജെ.പി ) – 58671
ഭൂരിപക്ഷം- 37649

നിയമസഭ (2016)

ചവറ
എൻ. വിജയൻപിള്ള (സി.എം.പി) – 64666
ഷിബു ബേബിജോൺ (ആർ.എസ്​്​്.പി)- 58477
എം. സുനിൽ (ബി.ജെ.പി)- 10276
ഭൂരിപക്ഷം: 6189

കുണ്ടറ
ജെ. മേഴ്​സിക്കുട്ടിയമ്മ (സി.പി.എം) – 79047
രാജ്​മോഹൻ ഉണ്ണിത്താൻ (കോൺഗ്രസ്​) – 48587
എം.എസ്​.ശ്യാംകുമാർ (ബി.ജെ.പി) – 20257
ഭൂരിപക്ഷം: 30460

കൊല്ലം
എം. മുകേഷ്​ (സി.പി.എം) – 63103
സൂരജ്​രവി (യു.ഡി.എഫ്​) – 45492
പ്രഫ. കെ. ശശികുമാർ (എൻ.ഡി.എ സ്വത.) – 17409
ഭൂരിപക്ഷം: 17611

ഇരവിപുരം
എം. നൗഷാദ്​ (സി.പി.എം) – 65392
എ.എ. അസീസ്​ (ആർ.എസ്​.പി) – 36589
ആക്കാവിള സതീഖ്​ (ബി.ഡി.ജെ.എസ്​) – 19714
ഭൂരിപക്ഷം: 28803

ചാത്തന്നൂർ
ജി.എസ്​. ജയലാൽ (സി.പി.​െഎ) – 67606
ബി.ബി. ഗോപകുമാർ (ബി.ജെ.പി) – 33199
ശൂരനാട്​ രാജശേഖരൻ (കോൺഗ്രസ്​) - 30139
ഭൂരിപക്ഷം: 34407

ചടയമംഗലം
മുല്ലക്കര രത്​നാകരൻ​ (സി.പി.​െഎ) – 71262
എം.എം. ഹസ്സൻ (കോൺഗ്രസ്​) – 49334
കെ. ശിവദാസൻ (ബി.ജെ.പി)- 19259
ഭൂരിപക്ഷം: 21928

പുനലൂർ
കെ. രാജു​ (സി.പി.​െഎ)– 82136
എ. യൂനുസ്​കുഞ്ഞ്​​ (മുസ്​ലിം ലീഗ്​)– 48554
സിസിൽ ഫെർണാണ്ടസ്​​ (കേരള കോൺ. പി.സി) - 10558
ഭൂരിപക്ഷം: 33582