യു.എ.ഇ സഹായം​: മോദിയുടെ ഫേസ്​ബുക്കിൽ പൊങ്കാലയിട്ട്​ മലയാളികൾ

തിരുവനന്തപുരം: കേരളത്തിന്​ യു.എ.ഇ​ വാഗ്​ദാനം ചെയ്​ത 700 കോടി രൂപയുടെ സഹായം നിഷേധിച്ച കേന്ദ്ര സർക്കാറിനെതിരെ പ്രതിഷേധം ശക്​തമാകുന്നു. പ്രധാനമന്ത്രി ന​രേന്ദ്ര മോദിയു​െട ഒൗദ്യോഗിക ഫേസ്​ ബുക്ക്​ പേജിലാണ്​ സഹായം നിഷേധിച്ചതിലെ ദേഷ്യം മുഴുവൻ മലയാളികൾ തീർത്തത്​. 

ഗുജറാത്തിൽ പ്രളയമുണ്ടായപ്പോൾ തീവ്രവാദി രാജ്യമെന്ന്​ ബി.ജെ.പിക്കാർ വിളിക്കുന്ന സിറിയയിൽ നിന്നു വരെ സഹായം തേടിയിരുന്നെന്നും കേരളത്തിന്​ സൗഹൃദ രാജ്യമായ യു.എ.ഇ സഹയം തന്നപ്പോൾ സ്വീകരിക്കാതിരിക്കുന്നത്​ എന്തുകൊണ്ടാണെന്നും ചിലർ ചോദിക്കുന്നു. കേരളം ഇന്ത്യയിലല്ലേ എന്നാണ്​ ചിലരുടെ സംശയം, പട്ടി പുല്ലു തിന്നുകയുമില്ല, തീറ്റിക്കുകയുമില്ല എന്ന്​ മറ്റു ചിലർ. 

രാജ്യത്ത്​ ഒരു ദേശീയ ദുരന്തം മാത്രം മതി എന്നതു കൊണ്ടാണ്​ കേരളത്തിലെ പ്രളയം ​േദശീയ ദുരന്തമായി പ്രഖ്യാപിക്കാത്തതെന്നും, ഗുജറാത്തിലും ഝാർഖണ്ഡിലും ജമ്മുവിലും പ്രളയമുണ്ടായത്​ പശുവിനെ കൊന്നതുകൊണ്ടണോ എന്നും നിങ്ങൾ വെള്ളപ്പൊക്കത്തിൽ പെട്ട്​ മേൽക്കൂരയിൽ കയറി ജീവന്​ വേണ്ടി നിലവിളിക്കു​േമ്പാൾ ബീഫ്​ കഴിക്കുന്നവർ രക്ഷിക്കാൻ വന്നാൽ എന്തു ചെയ്യുമെന്നും തുടങ്ങി നിരവധി ചോദ്യങ്ങളും പ്രതിഷേധങ്ങളും കൊണ്ട്​ നിറഞ്ഞിരിക്കുകയാണ്​ കമൻറുകൾ. ചിലർ എല്ലാ തരത്തിലുള്ള ബീഫ്​ വിഭവങ്ങളുടെയും പാചകക്കുറിപ്പാണ്​ പങ്കുവെച്ചിരിക്കുന്നത്​.

കേരളത്തിലെ പ്രളയക്കെടുതി നേരിടാൻ വിദേശ രാജ്യങ്ങൾ നൽകിയ സഹായ വാഗ്​ദാനം നിരസിച്ചു, അന്താരാഷ്​ട്ര സഹായം തേടിയില്ല,  ​േദശീയ ദുരന്തമായി പ്രഖ്യാപിച്ചില്ല, ആവശ്യപ്പെട്ടതി​​​​​​​​​െൻറ നാലിലൊന്ന്​ അടിയന്തര സഹായം മാത്രമാണ്​ നൽകിയത്​, ആവശ്യപ്പെട്ട അത്ര കേന്ദ്ര സേനയെ നൽകിയില്ല, തുടങ്ങി നിരവധി എതിർപ്പുകളാണ്​ ദുരിതം നേരിടുന്ന മലയാളികൾക്ക്​ കേന്ദ്രത്തോടും ബി.ജെ.പി സർക്കാറിനോടുമുള്ളത്​.