കേരള ബാങ്കിനെതിരെ കോൺഗ്രസ്​ കോടതിയിലേക്ക്​

തിരുവനന്തപുരം: സംസ്ഥാന സഹകരണ ബാങ്കും ജില്ല സഹകരണബാങ്കുകളും ലയിച്ച്​ കേരള ബാങ്ക് രൂപവത്​കരിക്കുന്നതോടെ സഹകരണപ്രസ്ഥാനം ഇല്ലാതാകുമെന്നും ഇതിനെ കോടതിയിൽ ചോദ്യംചെയ്യുമെന്നും കെ.പി.സി.സി അധ്യക്ഷൻ മുല്ലപ്പള്ളി രാമചന്ദ്രന്‍. ലാഭകരമായി പ്രവര്‍ത്തിക്കുന്ന ജില്ല സഹകരണബാങ്കുകളെ 250 കോടി രൂപ നഷ്​ടത്തിലോടുന്ന സംസ്ഥാന സഹകരണബാങ്കുമായി ലയിപ്പിക്കുന്നതോടെ സഹകരണ പ്രസ്ഥാനത്തിന് അന്ത്യം കുറിക്കും. നിരവധി കമേഴ്‌സ്യല്‍ ബാങ്കുകള്‍ സംസ്ഥാനത്ത്​ പ്രവര്‍ത്തിക്കുമ്പോള്‍, അതില്‍ കൂടുതല്‍ എന്ത്​ സേവനമാണ്​ കേരളബാങ്കിന്​ നൽകാനാകുകയെന്നും മുല്ലപ്പള്ളി ചോദിച്ചു.