കർണാടക രാഷ്​ട്രീയമെന്ന കറൻസി കമ്മട്ടം

കർണാടകയിൽ രാഷ്​ട്രീയ അസ്​ഥിരത തുടരുന്നത്​ എന്തുകൊണ്ട്​ എന്ന ചോദ്യത്തിന്,​ പണത്തിനും ജാതിക്കും മീതെ ഒന്ന ും പറക്കാത്ത ഒരു രാഷ്​ട്രീയ വ്യവസ്​ഥിതിയുടെ അനിവാര്യതയാണത്​ എന്നതാണുത്തരം. പണമെറിഞ്ഞ്​ നേടുന്ന പദവിയായി നിയ മസഭാംഗത്വവും ലോക്​സഭാംഗത്വവും മാറു​േമ്പാൾ നേതാക്കൾക്ക്​ ലവലേശം ലജ്ജയില്ലാതെ ഇരുട്ടിവെളുക്കുംമു​െമ്പ പാർ ട്ടികളിൽ നിന്ന്​ പാർട്ടികളിലേക്ക്​ കൂടുമാറാനാകുന്നു. മുഖ്യധാരാ പാർട്ടികളായ ബി.ജെ.പിയും കോൺഗ്രസും ജെ.ഡി-എസും ഇക്കാര്യത്തിൽ കർണാടകയിൽ ഒരുപോലെയാണ്​. രാഷ്​ട്രീയത്തിൽ കോടികൾ മറിയുന്ന കർണാടകയിലെ ആദായനികുതി വകുപ്പി​​​​െ ൻറ ഇടപെടലാണ്​ പുതിയ ചർച്ച.

ജെ.ഡി-എസ്​ നേതാക്കളുടെയും ഉദ്യോഗസ്​ഥരുടെയും കരാറുകാരുടെയും വീടുകളിൽ കഴിഞ്ഞ ദ ിവസം നടത്തിയ റെയ്​ഡി​​​​െൻറ വിശദാംശങ്ങൾ പുറത്തുവന്നിട്ടില്ല. മാണ്ഡ്യയിൽനിന്നുള്ള ജെ.ഡി-എസ്​ മന്ത്രിയായ സി.എസ്​. പുട്ടരാജുവാണ്​ ആദായ നികുതി വകുപ്പി​​​​െൻറ ടാർഗറ്റ്​. ഇൗ തെരഞ്ഞെടുപ്പിൽ ശ്രദ്ധേയ പോരാട്ടം നടക്കുന്ന മാണ്ഡ്യയിൽ ജെ.ഡി-എസി​​​​െൻറ തെരഞ്ഞെടുപ്പ്​ പ്രചാരണങ്ങൾക്ക്​ ചുക്കാൻ പിടിക്കുന്നത്​ പുട്ടരാജുവാണ്​. സഖ്യത്തിനെതിരെ സ്​ഥാനാർഥിയെ നിർത്താതെ, സ്വതന്ത്രസ്​ഥാനാർഥിയായ സുമലതയെ ബി.ജെ.പി പിന്തുണക്കുന്നതും മാണ്ഡ്യയിലാണ്​. ഇൗ മൂന്നു വസ്​തുതകൾ ചേർത്തുവെച്ചാൽ കഴിഞ്ഞദിവസം ആദായനികുതി വകുപ്പ്​ നടത്തിയ റെയ്​ഡി​​​​െൻറ അണിയറ​ നാടകം തിരിച്ചറിയാനാവും. അഴിമതിപ്പണം കണ്ടെത്തുന്നതിൽ ആദായനികുതി വകുപ്പ്​ കാണിക്കുന്ന ഇൗ ജാഗ്രത, ഗുരുതര അഴിമതി ആരോപണത്തിൽ കർണാടകയിലെ ബി.ജെ.പി മുങ്ങിനിൽക്കു​​േമ്പാൾപോലും കാണിക്കാത്തതാണ്​ സംശയങ്ങൾക്കിടയാക്കുന്നത്​. കഴിഞ്ഞവർഷം നിയമസഭ തെരഞ്ഞെടുപ്പ്​ സമയത്ത്​ കോൺഗ്രസ്​, ജെ.ഡി.എസ്​ നേതാക്കൾക്കെതിരെയും ഗുജറാത്തിലെ രാജ്യസഭ തെരഞ്ഞെടുപ്പ്​ സമയത്ത്​ ‘ഒാപറേഷൻ താമര’യിൽനിന്ന്​ കോൺഗ്രസ്​ എം.എൽ.എമാരെ മാറ്റിപ്പാർപ്പിക്കാൻ നേതൃത്വം നൽകിയ കോൺഗ്രസ്​ മന്ത്രി ഡി.കെ. ശിവകുമാറിനെതിരെയും നടന്ന റെയ്​ഡുകളും ഇതോടൊപ്പം ഒാർക്കാം.

അടുത്തിടെ പുറത്തുവന്ന ഒാഡിയോ വിവാദത്തിൽ ബി.ജെ.പി സംസ്​ഥാന അധ്യക്ഷൻ ബി.എസ്​. യെദിയൂരപ്പ ജെ.ഡി-എസ്​ എം.എൽ.എക്ക്​ വേണ്ടി 25 കോടി ( ഒപ്പം നിൽക്കാൻ സ്​പീക്കർക്ക്​ 150 കോടി വേറെയും) വാഗ്​ദാനം ചെയ്യുന്നത്​ വെളിപ്പെട്ടിട്ടും കോൺഗ്രസും ജെ.ഡി-എസും ചേർന്ന്​ ഭരിക്കുന്ന കർണാടക സർക്കാറി​​​​െൻറ അന്വേഷണം നിയമസഭയിലെ ആവേശപ്രസംഗത്തിൽ ഒതുങ്ങി. പാർട്ടി ഭേനദമന്യെ മിക്ക രാഷ്​ട്രീയക്കാരും ഒന്നല്ലെങ്കിൽ മറ്റൊരു തരത്തിൽ കോടികളുടെ അഴിമതിക്കഥകളിൽ പരസ്​പര ബന്ധിതമാണ്​ എന്നതാണ്​ വസ്​തുത.

2004 മുതലാണ്​ കർണാടക ‘ഇടപാടുകളുടെ രാഷ്​ട്രീയ’ത്തി​ലേക്ക്​ ചുവടുവെക്കുന്നതെന്നു പറയാം​. കർണാടകയിൽ കൂട്ടുകക്ഷി മന്ത്രിസഭ പിറന്നത്​ ആ തെരഞ്ഞെടുപ്പിലാണ്​. കോൺഗ്രസും ജെ.ഡി-എസും ചേർന്നായിരുന്നു ഭരണം. 2006ൽ ജെ.ഡി-എസും ബി.ജെ.പിയും ചേർന്നു ഭരിച്ചു. ഒരു സർക്കാറിനും ഭരണം പൂർത്തിയാക്കാനായില്ല. 2008 ൽ ബെള്ളാരിയിലെ ഖനി ഭീമന്മാരായ റെഡ്​ഡി സഹോദരന്മാർ ഒഴുക്കിയ കോടികളുടെ കരുത്തിൽ എം.എൽ.എമാരെ വാരിപ്പിടിച്ച്​ ബി.ജെ.പി ദക്ഷിണേന്ത്യയിൽ ഒറ്റക്ക്​ അധികാരത്തിലേറി. ശതകോടികളുടെ അഴിമതിയിൽ മുങ്ങിക്കുളിച്ച ബി.ജെ.പി മുഖ്യമന്ത്രി ബി.എസ്​. യെദിയൂരപ്പയും മന്ത്രി ജനാർദനറെഡ്​ഡിയുമെല്ലാം ചേർന്ന്​ ബെള്ളാരി റിപ്പബ്ലിക്​ സൃഷ്​ടിച്ചു. ആ ഭരണകാലത്ത്​ അനധികൃത ഖനനം കൊണ്ട്​ ബെള്ളാരിയിൽനിന്ന്​ വിധാൻസൗധയിലേക്ക്​ ഒഴുകിയത്​ കോടികളാണ്​. ഒടുവിൽ മുഖ്യമന്ത്രി യെദിയൂരപ്പയും ജനാർദനറെഡ്​ഡിയും അഴിമതിക്കേസിൽ ജയിലിലായി. അഞ്ചു വർഷത്തിനിടെ ബി.ജെ.പിയുടെ മൂന്ന്​ മുഖ്യമന്ത്രിമാർ കർണാടക മാറിമാറി ഭരിച്ചു. പണമെറിഞ്ഞ്​ എം.എൽ.എമാരെ വരുതിയിലാക്കി അധികാരത്തിൽ തിരിച്ചെത്താനുള്ള ബി.ജെ.പിയുടെ ‘ഒാപറേഷൻ താമര’ ഇപ്പോഴും തുടരുകയാണ്​.

ബെള്ളാരിയിലെ ഖനന അഴിമതി ബി.​െജ.പിയുടെ മാത്രം കുത്തകയാണെന്ന്​ തെറ്റിദ്ധരിക്കേണ്ട. കഴിഞ്ഞ നിയമസഭ തെരഞ്ഞെടുപ്പിൽ ബെള്ളാരി ജില്ലയിൽനിന്ന്​ മത്സരിച്ച കോൺഗ്രസി​​​​െൻറയും ജെ.ഡി-എസി​​​െൻറയും സ്​ഥാനാർഥികൾ അഴിമതിക്കേസ്​ നേരിടുന്നവരായിരുന്നു. നേതാക്കൾക്ക്​ ബെള്ളാരിയിൽ ഖനി വ്യവസായമാണെങ്കിൽ ബെളഗാവിയിലും കലബുറഗിയിലും പഞ്ചസാര വ്യവസായമാണ്​. ബംഗളൂരുവിലും ​ൈമസൂരുവിലും റിയൽ എസ്​റ്റേറ്റ്​ ഇടപാടുകളാണ്​. വൻകിട വിദ്യാഭ്യാസ സ്​ഥാപനങ്ങളുടെ ബിസിനസ്​ വേറെ. ഇങ്ങനെ തുടങ്ങി കച്ചവടവും രാഷ്​ട്രീയവും ഒത്തുപോകുന്നതാണ്​ കർണാടകയിലെ മിക്ക നേതാക്കളുടെയും പ്രൊഫൈൽ ചിത്രം.

രാജ്യത്തുതന്നെ തെരഞ്ഞെടുപ്പ്​ രാഷ്​ട്രീയത്തിൽ ഏറ്റവും കൂടുതൽ പണമൊഴുകുന്ന സംസ്​ഥാനങ്ങളിലൊന്നാണ്​ കർണാടക. വൻകിട ബിസിനസുകാർ കോടികൾ ഒഴുക്കാൻ മടികാണിക്കില്ല. ജയിച്ചാൽ പ്രത്യുപകാരം തിരിച്ചുമുണ്ടാകും. ഒരു വശത്ത്​, ജനങ്ങൾക്ക്​ ആവശ്യമില്ലാതിരുന്നിട്ടും പല പദ്ധതികളും വികസനത്തി​​​​െൻറ പേരിൽ പൊട്ടിമുളക്കുന്നതും മറുവശത്ത്​ കർണാടകയുടെ ന​െട്ടല്ലായ കാർഷിക മേഖല നടുവൊടിയുന്നതും ഇതി​​​​െൻറയൊക്കെ അനുരണനമാണ്​. ബി.ജെ.പി തിരിച്ചുവരവിനായും കോൺഗ്രസ്​ നിലനിൽപ്പിനായും പോരാടിയ കഴിഞ്ഞ നിയമസഭ തെരഞ്ഞെടുപ്പിൽ കർണാടകയിലെ രാഷ്​ട്രീയ പാർട്ടികൾ പ്രചാരണത്തിനായി ചെലവഴിച്ചത്​ 10,500 കോടി രൂപയാണെന്ന്​ സ​​​െൻറർ ഫോർ മീഡിയ സ്​റ്റഡീസ്​ നടത്തിയ സർവേയിൽ പറയുന്നു. 2013ൽ ചെലവഴിച്ചതി​​​​െൻറ ഇരട്ടിയായിരുന്നു ഇത്​. 2014ലെ ലോക്​സഭ തെരഞ്ഞെടുപ്പിൽ 25000 കോടിയിലേറെ രൂപയാണ്​ എല്ലാ പാർട്ടികളുടെയും പ്രചാരണ ചെലവ്​. ഇൗ ചെലവി​​​​െൻറ സിംഹഭാഗവും ബി.ജെ.പി, കോൺഗ്രസ്​, ജെ.ഡി-എസ്​ എന്നിവ തന്നെയാണ്​ വഹിച്ചത്​. സ്​ഥാനാർഥികളുടെ ചെലവ്​ പകുതിയോളം വർധിച്ചത്​ കണക്കിലെടുത്താൽ ഇൗ ലോക്​സഭ തെരഞ്ഞെടുപ്പിൽ കർണാടകയിൽ 50,000 കോടിക്കുമുകളിൽ പണമിറങ്ങാൻ സാധ്യതയുണ്ടെന്നും സർവെ ചൂണ്ടിക്കാട്ടിയിരുന്നു.

സ്​ഥാനാർഥികൾ മിക്കവരും കോടിപതികളാണ്​. പ്രചാരണത്തിനും വോട്ടുപിടിക്കാനും വേണ്ടത്​ കോടികളാണ്​. പണം നൽകി വോട്ടുപിടിക്കുന്നത്​ പുതുമയൊന്നുമല്ല. ഒാ​േരാ തെരഞ്ഞെടുപ്പിലും അതി​​​​െൻറ രീതി മാറുകയാണെന്നും ഇതുകാരണം പലതും പിടിക്കപ്പെടാതെ പോകുന്നുണ്ടെന്നും സമ്മതിച്ചത്​ കർണാടകയിലെ മുഖ്യ തെരഞ്ഞെടുപ്പ്​ ഒാഫിസർ സഞ്​ജീവ്​ കുമാറാണ്​. കഴിഞ്ഞ വർഷം നിയമസഭ തെരഞ്ഞെടുപ്പ്​ കാലത്ത്​ തെരഞ്ഞെടുപ്പ്​ കമ്മീഷ​​​​െൻറ വലയിൽ കുടുങ്ങിയത്​ 150ഒാളം കോടിയാണ്​. ഇൗ ലോക്​സഭ തെരഞ്ഞെടുപ്പിൽ കഴിഞ്ഞ മൂന്നാഴ്​ചക്കിടെ മാത്രം പിടിച്ചെടുത്തത്​ 32 കോടി. പിടിക്കപ്പെടാത്തത്​ അതിലുമെത്രയോ ഏറെ.