കർണാടക: കൂ​ട്ടി​യും കി​ഴി​ച്ചും കോ​ൺ​ഗ്ര​സും ബി.​ജെ.​പി​യും

ബം​ഗ​ളൂ​രു: അ​ടു​ത്ത​വ​ർ​ഷ​ത്തെ ലോ​ക്​​സ​ഭ തെ​ര​ഞ്ഞെ​ടു​പ്പി​​​​​െൻറ ഡ്ര​സ്​ റി​ഹേ​ഴ്​​സ​ലെ​ന്ന്​ വി​ശേ​ഷി​പ്പി​ക്ക​പ്പെ​ടു​ന്ന ക​ർ​ണാ​ട​ക നി​യ​മ​സ​ഭ  വോ​െ​ട്ട​ടു​പ്പ്​ ക​ഴി​ഞ്ഞ​തോ​ടെ കൂ​ട്ടി​യും  കി​ഴി​ച്ചും അ​ധി​കാ​ര പ്ര​തീ​ക്ഷ​യു​മാ​യി കോ​ൺ​ഗ്ര​സും ബി.​ജെ.​പി​യും ജെ.​ഡി.​എ​സും. കോ​ൺ​ഗ്ര​സി​നും ബി.​ജെ.​പി​ക്കും മു​ൻ​തൂ​ക്ക​വും തൂ​ക്കു​സ​ഭ​ക്ക്​ സാ​ധ്യ​ത​യും പ്ര​വ​ചി​ക്കു​ന്ന എ​ക്​​സി​റ്റ്​ പോ​ളു​ക​ൾ പു​റ​ത്തു​വ​ന്ന​തോ​ടെ എ​ല്ലാ​വ​രു​ടെ​യും നോ​ട്ടം ചൊ​വ്വാ​ഴ്​​ച​ത്തെ വോ​െ​ട്ട​ണ്ണ​ലി​ലേ​ക്കാ​ണ്. 224 നി​യ​മ​സ​ഭ മ​ണ്ഡ​ല​ങ്ങ​ളി​ൽ 222 എ​ണ്ണ​ത്തി​ലാ​ണ്​ ​ ശ​നി​യാ​ഴ്​​ച  തെ​ര​ഞ്ഞെ​ടു​പ്പ്​ ന​ട​ന്ന​ത്. ര​ണ്ട്​ സീ​റ്റി​ലെ വോ​െ​ട്ട​ടു​പ്പ്​ മാ​റ്റി​വെ​ച്ചി​രു​ന്നു. അ​ധി​കാ​രം പി​ടി​ക്കാ​ൻ  കേ​വ​ല ഭൂ​രി​പ​ക്ഷ​മാ​യ 113 സീ​റ്റ്​ വേ​ണം. 2013ൽ 122 ​സീ​റ്റ്​ നേ​ടി കോ​ൺ​ഗ്ര​സ്​ ഒ​റ്റ​ക്ക്​ ഭ​ര​ണം പി​ടി​ച്ച​പ്പോ​ൾ ബി.​ജെ.​പി​യും ജെ.​ഡി.​എ​സും 40 സീ​റ്റ്​ വീ​ത​മാ​ണ്​ പ​ങ്കി​ട്ട​ത്. 

എ​ക്​​സി​റ്റ്​ പോ​ളു​ക​ളു​ടെ ബ​ല​ത്തി​ൽ ബി.​ജെ.​പി അ​മി​ത ആ​ത്മ​വി​ശ്വാ​സ​ത്തി​ലാ​ണ്. 125 മു​ത​ൽ 136 സീ​റ്റ്​ വ​രെ പാ​ർ​ട്ടി നേ​ടു​മെ​ന്നാ​ണ്​ സം​സ്​​ഥാ​ന അ​ധ്യ​ക്ഷ​ൻ ബി.​എ​സ്. യെ​ദി​യൂ​ര​പ്പ​യു​ടെ അ​വ​കാ​ശ​വാ​ദം. കോ​ൺ​ഗ്ര​സ്​ 76ഉം ​ജെ.​ഡി.​എ​സ്​ 24ഉം ​സീ​റ്റി​ന​പ്പു​റം ക​ട​ക്കി​ല്ലെ​ന്ന്​ പ​റ​ഞ്ഞ അ​ദ്ദേ​ഹം, സ​ത്യ​പ്ര​തി​ജ്ഞ തീ​യ​തി തീ​രു​മാ​നി​ക്കാ​ൻ ചൊ​വ്വാ​ഴ്​​ച വൈ​കീ​ട്ട്​ ഡ​ൽ​ഹി​യി​ലേ​ക്ക്​ പോ​കു​മെ​ന്നും പ്ര​ഖ്യാ​പി​ച്ചു. അ​തേ​സ​മ​യം, എ​ക്​​സി​റ്റ്​ പോ​ൾ പ്ര​വ​ച​ന​ങ്ങ​ൾ ര​ണ്ടു ദി​വ​സ​ത്തേ​ക്കു​ള്ള വെ​റും വി​നോ​ദ​മാ​ണെ​ന്നാ​യി​രു​ന്നു മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ മ​റു​പ​ടി. മു​ഖ്യ​മ​ന്ത്രി സ്​​ഥാ​ന​ത്ത്​ അ​ദ്ദേ​ഹം കാ​ലാ​വ​ധി തി​ക​ച്ച ദി​വ​സം കൂ​ടി​യാ​യി​രു​ന്നു ഞാ​യ​റാ​ഴ്​​ച.

വോ​െ​ട്ട​ടു​പ്പി​നു​മു​മ്പ്​ പു​റ​ത്തു​വ​ന്ന സ​ർ​വേ​ക​ളും ശ​നി​യാ​ഴ്​​ച വൈ​കീ​ട്ട​ത്തെ എ​ക്​​സി​റ്റ്​ പോ​ളും ന​ൽ​കു​ന്ന സൂ​ച​ന പ്ര​കാ​രം ഇ​ത്ത​വ​ണ സീ​റ്റു​ക​ൾ കു​റ​ഞ്ഞാ​ലും ജെ.​ഡി.​എ​സ്​ വി​ല​പേ​ശ​ൽ ശ​ക്തി​യാ​വും. തൂ​ക്കു​മ​ന്ത്രി​സ​ഭ​ക്കു​ള്ള സാ​ധ്യ​ത മു​ന്നി​ൽ​ക്ക​ണ്ടാ​ണ്​ ജെ.​ഡി.​എ​സി​നാ​യി വാ​തി​ൽ​തു​റ​ന്നി​ട്ട്​  ‘ദ​ലി​ത്​ മു​ഖ്യ​മ​ന്ത്രി’ ച​ർ​ച്ച കോ​ൺ​ഗ്ര​സ്​ ഞാ​യ​റാ​ഴ്​​ച ഉ​യ​ർ​ത്തി​യ​ത്. കോ​ൺ​ഗ്ര​സി​നോ​ട്​ അ​ടു​ക്കാ​ൻ ജെ.​ഡി-​എ​സി​ന്​ മു​ന്നി​ലെ ത​ട​സ്സം സി​ദ്ധ​രാ​മ​യ്യ മാ​ത്ര​മാ​ണ്. മു​ഖ്യ​മ​ന്ത്രി പ​ദ​ത്തി​ൽ​നി​ന്ന്​ സി​ദ്ധ​രാ​മ​യ്യ​യെ മാ​റ്റി​നി​ർ​ത്തി​യു​ള്ള നീ​ക്കു​പോ​ക്കി​ന്​ ജ​ന​താ​ദ​ൾ ത​ല​വ​ൻ ദേ​വ​ഗൗ​ഡ ത​യാ​റാ​യേ​ക്കും. ദ​ലി​ത​രാ​യ ​മ​ല്ലി​കാ​ർ​ജു​ന ഖാ​ർ​ഗെ, കെ.​പി.​സി.​സി അ​ധ്യ​ക്ഷ​ൻ ജി. ​പ​ര​മേ​ശ്വ​ര, മു​തി​ർ​ന്ന നേ​താ​വ്​ കെ.​എ​ച്ച്. മു​നി​യ​പ്പ തു​ട​ങ്ങി​യ​വ​രെ​യാ​ണ്​ മു​ഖ്യ​മ​ന്ത്രി സ്​​ഥാ​ന​ത്തേ​ക്ക്​ അ​ദ്ദേ​ഹം ഉ​യ​ർ​ത്തി​ക്കാ​ട്ടു​ന്ന​ത്.  മു​ഖ്യ​മ​ന്ത്രി​യെ ഹൈ​ക്ക​മാ​ൻ​റ്​ തീ​രു​മാ​നി​ക്കു​മെ​ന്ന്​ തെ​ര​ഞ്ഞെ​ടു​പ്പി​ന്​ ശേ​ഷം മ​ല്ലി​കാ​ർ​ജു​ന ഖാ​ർ​ഗെ​യും പ​ര​മേ​ശ്വ​ര​യും പ​റ​ഞ്ഞി​രു​ന്നു. ദ​ലി​ത്​ മു​ഖ്യ​മ​ന്ത്രി​ക്കു​വേ​ണ്ടി സ്​​ഥാ​ന​മൊ​ഴി​യാ​ൻ താ​ൻ ത​യാ​റാ​ണെ​ന്ന്​​ ഞാ​യ​റാ​ഴ്​​ച സി​ദ്ധ​രാ​മ​യ്യ​യും വ്യ​ക്ത​മാ​ക്കി​. 

2006ൽ ​ബി.​ജെ.​പി​യു​മാ​യി കൂ​ട്ടു​ണ്ടാ​ക്കി​യ​ത്​ ജെ.​ഡി-​എ​സി​ന്​ പ​റ്റി​യ തെ​റ്റാ​യി​രു​ന്നെ​ന്നും അ​ത്​ ആ​വ​ർ​ത്തി​ച്ചാ​ൽ മ​ക​ൻ കു​മാ​ര​സ്വാ​മി​യെ കു​ടും​ബ​ത്തി​ൽ​നി​ന്ന്​ ബ​ഹി​ഷ്​​ക​രി​ക്കു​മെ​ന്നും ഇൗ​യി​ടെ ദേ​വ​ഗൗ​ഡ പ​റ​ഞ്ഞി​രു​ന്നു. തൂ​ക്കു​മ​ന്ത്രി​സ​ഭ വ​ന്നാ​ൽ ആ​രെ പി​ന്തു​ണ​ക്കു​മെ​ന്ന്​ അ​ദ്ദേ​ഹം വ്യ​ക്ത​മാ​ക്കി​യി​ട്ടി​ല്ല.  ഫ​ലം വ​ര​െ​ട്ട​യെ​ന്നാ​ണ്​ നി​ല​പാ​ട്. പാ​ർ​ട്ടി സം​സ്​​ഥാ​ന അ​ധ്യ​ക്ഷ​നും മു​ഖ്യ​മ​ന്ത്രി സ്​​ഥാ​നാ​ർ​ഥി​യു​മാ​യ എ​ച്ച്.​ഡി. കു​മാ​ര​സ്വാ​മി​യാ​വ​െ​ട്ട ഞാ​യ​റാ​ഴ്​​ച സിം​ഗ​പ്പൂ​ർ യാ​ത്ര​യി​ലാ​ണ്. 

നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബി.​എ​സ്.​പി​യു​മാ​യി സ​ഖ്യ​മു​ണ്ടാ​ക്കി​യ ദേ​വ​ഗൗ​ഡ​ക്ക്​ തെ​ല​ങ്കാ​ന മു​ഖ്യ​മ​ന്ത്രി കെ. ​ച​ന്ദ്ര​ശേ​ഖ​ര റെ​ഡ്​​ഡി​യു​ടെ​യും ബം​ഗാ​ൾ മു​ഖ്യ​മ​ന്ത്രി മ​മ​ത ബാ​ന​ർ​ജി​യു​ടെ​യും പി​ന്തു​ണ​യു​മു​ണ്ടാ​യി​രു​ന്നു. ക​ർ​ണാ​ട​ക​യി​ൽ തൂ​ക്കു​സ​ഭ വ​ന്നാ​ൽ ഇ​വ​രു​ടെ​യൊ​ക്കെ എ​തി​ർ​പ്പ്​ മ​റി​ക​ട​ന്ന്​ ​ജെ.​ഡി-​എ​സ്​ ബി.​ജെ.​പി​ക്കൊ​പ്പം നി​ൽ​ക്കു​മോ അ​തോ ദേ​ശീ​യ​ത​ല​ത്തി​ൽ ബി.​ജെ.​പി​ക്കെ​തി​രെ രൂ​പ​പ്പെ​ട്ടു​വ​രു​ന്ന മ​തേ​ത​ര സ​ഖ്യ​ത്തെ ശ​ക്തി​പ്പെ​ടു​ത്താ​ൻ കോ​ൺ​ഗ്ര​സി​നൊ​പ്പം ചേ​രു​മോ എ​ന്നാ​ണ്​ രാ​ഷ്​​ട്രീ​യ നി​രീ​ക്ഷ​ക​ർ ഉ​റ്റു​നോ​ക്കു​ന്ന​ത്.