കർണാടകയിൽ പോളിങ്​ 70 ശതമാനം

ബംഗളൂരു: നിർണായകമായ കർണാടക നിയമസഭ തെരഞ്ഞെടുപ്പി​​​​​െൻറ പ്രചാരണത്തി​ലെ ആവേശക്കാറ്റ്​ ഏശാതെപോയ വോ​െട്ടടുപ്പിൽ 70 ശതമാനം പോളിങ്​. കഴിഞ്ഞ വർഷം സംസ്​ഥാനത്ത്​ 71.45ഉം ബംഗളൂരുവിൽ​ 57.63ഉം ശതമാനമായിരുന്നു പോളിങ്​. ഇത്തവണയും പതിവുപോലെ ബംഗളൂരു നഗരത്തിൽ വോട്ടിങ്​ നന്നേ കുറവാണ്​. വൈകീട്ട്​ അഞ്ചുവരെ 48 ശതമാനം പോളിങ്ങാണ്​ ബംഗളൂരു അർബനിൽ രേഖപ്പെടുത്തിയത്​. പൂർണമായും വോട്ടുയന്ത്രങ്ങളും വിവിപാറ്റും ഉപയോഗിച്ചുള്ള ആദ്യ കർണാടക തെരഞ്ഞെടുപ്പ്​ രാവിലെ ഏഴിന്​ ആരംഭിച്ച്​  വൈകീട്ട്​ ആറിന്​ അവസാനിച്ചു.

തുടക്കത്തിലേ യന്ത്രങ്ങൾ  പണിമുടക്കിയതോടെ മണിക്കൂറുകൾ വൈകിയാണ്​ പലയിടത്തും വോ​െട്ടടുപ്പ്​ ആരംഭിച്ചത്​. സംസ്​ഥാനത്ത്​ 164 പോളിങ്​ യൂനിറ്റും  157 കൺട്രോൾ യൂനിറ്റും  470 വിവിപാറ്റും തകരാറിലായി. ഇവ മാറ്റിസ്​ഥാപിച്ച്​ വോ​െട്ടടുപ്പ്​ തുടർന്നു. യന്ത്രം തകരാറിലായ ഹെബ്ബാൾ മണ്ഡലത്തിലെ ലൊട്ടഗല്ലഹള്ളി ബൂത്തിൽ പോളിങ്​ തിങ്കളാഴ്​ചത്തേക്ക്​ മാറ്റി. 222 നിയമസഭ മണ്ഡലങ്ങളിലായി 57,931 പോളിങ്​ ബൂത്തുകൾ തെരഞ്ഞെടുപ്പ്​ കമീഷൻ​ ഒരുക്കിയിരുന്നു. ഉച്ചക്ക്​ ഒന്നിന്​ േപാളിങ്ങിൽ 33.42ഉം വൈകീട്ട്​ അഞ്ചിന്​  64.35ഉം ശതമാനം രേഖപ്പെടുത്തി. 

എച്ച്​.ഡി ദേവഗൗഡയും കുടുംബാംഗങ്ങളും വോട്ട്​ ചെയ്​ത ശേഷം

 

ലിംഗായത്ത്​ മതപദവി വിവാദമായ പശ്ചാത്തലത്തിൽ മാധ്യമങ്ങളുടെ കാമറക്കണ്ണിലായിരുന്നു സംസ്​ഥാനത്തി​​​​​െൻറ വിവിധ ഭാഗങ്ങളിൽ ലിംഗായത്ത്​ മഠാധിപതികൾ വോട്ട്​ ചെയ്യാനെത്തിയത്​. തുമകൂരു സിദ്ധഗംഗ മഠാധിപതി ശിവകുമാര സ്വാമി 111ാം വയസ്സിലും വോട്ട്​ രേഖപ്പെടുത്തിയത്​ ​ശ്രദ്ധേയമായി. ചാമുണ്ഡേശ്വരിയിലെയും ബദാമിയിലെയും സ്​ഥാനാർഥിയായ മുഖ്യമന്ത്രി സിദ്ധരാമയ്യയും വരുണയിലെ സ്​ഥാനാർഥിയായ മകൻ ഡോ. യതീന്ദ്രയും വരുണയിലെ സിദ്ധരാമനഹുണ്ടിയിൽ വോട്ടുചെയ്​തു.

അനിൽ കുംബ്ലെയും കുടുംബവും വോട്ട്​ ചെയ്യാനായി കാത്തു നിൽക്കുന്നു

 

മറ്റു മുഖ്യമന്ത്രി സ്​ഥാനാർഥികളായ ജെ.ഡി^എസ്​ അധ്യക്ഷൻ എച്ച്​.ഡി. കുമാരസ്വാമി ഭാര്യ അനിതയോടൊപ്പം രാമനഗരയിലും ബി.ജെ.പി അധ്യക്ഷൻ ബി.എസ്​. യെദിയൂരപ്പ ശിക്കാരിപുരയിലും വോട്ട്​ രേഖപ്പെടുത്തി. മുഖ്യമന്ത്രി സിദ്ധരാമയ്യക്കെതിരെ ബദാമിയിൽ മത്സരിക്കുന്ന ബി.ജെ.പി സ്​ഥാനാർഥി ബി. ശ്രീരാമുലു ബെല്ലാരിയിലെ വീട്ടിൽ ഗോപൂജ സംഘടിപ്പിച്ചാണ്​ വോട്ടുചെയ്യാനിറങ്ങിയത്​. 

മൈസൂർ രാജവംശത്തിലെ കൃഷ്​ണദത്ത ചാമരാജ വാദ്ധ്യാർ വോട്ട്​ ചെയ്യാൻ നിൽക്കുന്നു

 

ഒന്നര ലക്ഷത്തോളം സുരക്ഷ ഉദ്യോഗസ്​ഥരുടെ കനത്ത കാവലിൽ നടന്ന തെരഞ്ഞെടുപ്പിൽ കാര്യമായ അക്രമസംഭവങ്ങളൊന്നും റിപ്പോർട്ട്​ ചെയ്​തില്ല. ഹാസനിൽ പോളിങ്​ ബൂത്തിലേക്കുള്ള യാത്രക്കിടെ രണ്ടു​ സ്​ത്രീകൾ ലോറിയിടിച്ചും ദക്ഷിണ കന്നട ജില്ലയിലെ ബെൽത്തങ്ങാടിയിൽ ബൂത്തിൽ വരിനിൽക്കുന്നതിനിടെ വയോധികൻ കുഴഞ്ഞുവീണും മരിച്ചു. മൈസൂരുവിൽ കഴിഞ്ഞദിവസം അക്രമത്തിനിരയായ സ്വതന്ത്ര സ്​ഥാനാർഥി ആശുപത്രിക്കിടക്കയിൽനിന്ന്​ ആംബുലൻസിൽ വോട്ടുചെയ്യാനെത്തിയതും യാദ്​ഗിറിൽ രാവിലെ അമ്മ മരിച്ച വീട്ടിൽനിന്ന്​ ​മകൻ വോട്ടുചെയ്യാനെത്തിയതും കൗതുകമായി​.

കർണാടക മന്ത്രി കെ.ജെ ജോർജ്​ വോട്ട്​ ചെയ്യാനെത്തിയപ്പോൾ

 

കലബുറഗിയിൽ 43 ഡിഗ്രി ചൂടിൽ നടന്ന വോ​െട്ടടുപ്പിനിടെ വൈകീട്ട്​ മിന്നലോടെ കനത്തമഴയുമെത്തി. കലബുറഗിയിലെ തർകാസ്​പൂർ, കിറ്റൂരിലെ ഹുനസിക്കട്ടി ഗ്രാമങ്ങൾ തെരഞ്ഞെടുപ്പ്​ ബഹിഷ്​കരിച്ചു. 224ൽ 222 നിയമസഭ സീറ്റിലേക്കുള്ള വോ​െട്ടടുപ്പാണ്​ ശനിയാഴ്​ച നടന്നത്​. കേവല ഭൂരിപക്ഷമായ 113 സീറ്റ്​ നേടി ആര്​ ഭരണത്തിലേറുമെന്ന്​ അറിയാൻ ചൊവ്വാഴ്​ച ഫലം പുറത്തുവരുന്നതുവരെ കാത്തിരിക്കണം.