കാനം രാ​ജേന്ദ്രൻ സി.പി.​െഎ സംസ്ഥാന സെക്രട്ടറിയായി തുടരും

മലപ്പുറം: കാനം രാജേന്ദ്രൻ സി.പി.​െഎ സംസ്ഥാന സെക്രട്ടറി സ്ഥാനത്ത്​ തുടരും. മലപ്പുറം സംസ്ഥാന സമ്മേളനത്തിൽ ​എതിരില്ലാതെയാണ്​ കാനത്തെ സംസ്ഥാന സെക്രട്ടറി സ്ഥാനത്തേക്ക്​ തെരഞ്ഞെടുത്തത്​​. എതിർ സ്ഥാനാർഥിയെ നിർത്താനുള്ള ഇസ്​മായിൽ പക്ഷത്തി​​​​​​െൻറ നീക്കം പാളിയതോടെയാണ്​ വീണ്ടും കാനം സെക്രട്ടറി സ്ഥാനത്തേക്ക്​ എത്തിയത്​.

കാനത്തിനെതിരെ മുതിർന്ന നേതാവ് സി. ദിവാകരനെ നിർത്താനുള്ള നീക്കമാണ്​ ഇസ്​മായിൽ വിഭാഗം നടത്തിയത്​. എന്നാൽ, മൽസരിക്കാനില്ലെന്ന്​ ദിവാകരൻ വ്യക്​തമാക്കിയതോടെ ഇൗ നീക്കം പൊളിയുകയായിരുന്നു.

സി.പി.​െഎ സംസ്ഥാന കൗൺസിലിൽ നിന്ന്​ കാനത്തി​​​​​െൻറയും ഇസ്​മായിലി​​​​​െൻറയും ചില വിശ്വസ്​തരെ ഒഴിവാക്കിയിരുന്നു. ഇസ്​മായിലിനെതിരായ കൺട്രോൾ കമീഷൻ റിപ്പോർട്ട്​ തയറാക്കിയ അംഗങ്ങളെയും തൽസ്ഥാനത്ത്​ നിന്ന്​ മാറ്റിയിരുന്നു.