നമ്പി നാരായണ​െൻറ കേസിലാണ്​ വിധി, കോൺഗ്രസുമായി ബന്ധമില്ല -ഹസൻ

തിരുവനന്തപുരം: ചാരക്കേസിലെ​ സുപ്രീംകോടതി വിധി നമ്പി നാരായണൻ നൽകിയ കേസിലാണെന്നും ഇതിന്​ കോൺ​ഗ്രസുമായി ബന്ധമില്ലെന്നും കെ.പി.സി.സി അധ്യക്ഷൻ​ എം.എം. ഹസൻ. കെ. കരുണാകര​​​െൻറ രാജി​യെക്കുറിച്ച്​ മുമ്പു താൻ പറഞ്ഞത്​ അപ്പോഴത്തെ സാഹചര്യത്തിലാണ്​, ചാരക്കേസിനെക്കുറിച്ചായിരുന്നി​ല്ല. അഭിനവ പരശുരാമനായി പിണറായി വിജയന്​ മാത്രമായി നവകേരളം സൃഷ്​ടിക്കാൻ കഴിയില്ല. സ്​ഥലംമാറ്റിയും സസ്​പെൻഡ്​​ ചെയ്​തും ജീവനക്കാരെ സഹകരിപ്പിക്കാൻ കഴിയില്ലെന്നും അദ്ദേഹം വാർത്തസമ്മേളനത്തിൽ പറഞ്ഞു.

വിസമ്മത പത്രം നൽകണമെന്ന ഉത്തരവ്​ പിൻവലിക്കണം. സർക്കാറി​​​െൻറ സാമ്പത്തിക പ്രശ്​നം പരിഹരിക്കാൻ പ്രളയത്തെ ഉപയോഗിക്കുകയാണോയെന്ന്​ സംശയി​ക്കേണ്ടി വരുന്നു. സമരം നടത്തുന്ന കന്യാസ്​​ത്രീമാർക്ക്​ കോൺ​ഗ്രസ്​ ധാർമിക പിന്തുണ നൽകും. നിയമം സംരക്ഷിക്കേണ്ട നിയമ മന്ത്രി എ.കെ. ബാലൻ എം.എൽ.എക്കെതിരായ പീഡനക്കേസിൽ സമാന്തര അന്വേഷണം നടത്തുന്നതിലൂടെ സത്യപ്രതിജ്ഞ ലംഘനം നടത്തിയിരിക്കുകയാണ്​. കാമ്പസ്​ ഫാഷിസത്തിനെതിരെ ഇൗ മാസം 17ന്​ കെ.എസ്​.യു മുൻ പ്രസിഡൻറുമാർ തിരുവനന്തപുരത്ത്​ യോഗം ചേരുമെന്നും​ പ്രതിഷേധ പ്രകടനം നടത്തുമെന്നും ഹസൻ പറഞ്ഞു.