ഹരിയാന ഉപതെരഞ്ഞെടുപ്പ്​; ബി.ജെ.പിക്ക്​ കഠിന പരീക്ഷ

ന്യൂഡൽഹി: പൊതുതെരഞ്ഞെടുപ്പിന്​ അടുത്തിരിക്കെ ഹരിയാനയിൽ ഉപതെരഞ്ഞെടുപ്പ്​ തുടങ്ങി. ഹരിയാനയിലെ ജിന്ദിലാണ്​ ​വോ​െട്ടടുപ്പ്​ തുടങ്ങിയത്​. ഭരണ കക്ഷിയായ ബി.ജെ.പി, കോൺഗ്രസ്​, ഒാം പ്രകാശ്​ ചൗതാലയുടെ ​െഎ.എൻ.എൽ.ഡി തുടങ്ങിയവരാ ണ്​ മത്​സരരംഗത്ത്​. ഇന്ത്യൻ നാഷണൽ ലോക്​ ദൾ എം.എൽ.എ ഹരിചന്ദ്​ മിധ മരിച്ചതിനെ തുടർന്നാണ്​ മണ്ഡലത്തിൽ ഉപതെരഞ്ഞെടുപ്പിന്​ സാഹചര്യമുണ്ടായത്​.

മുതിർന്ന കോൺഗ്രസ്​ നേതാവ്​ രൺദീപ്​ സുർജെവാല അടക്കം 21 സ്​ഥാനാർഥികളാണ്​ മത്​സരിക്കുന്നത്​. ബി.ജെ.പിയും ​​​െഎ.എൻ.എൽ.ഡിയും തമ്മിലായിരിക്കും ശക്​തമായ പോരെന്നായിരുന്നു ആദ്യ റിപ്പോർട്ടുകൾ. എന്നാൽ കോൺഗ്രസ്​ മുതിർന്ന നേതാവും ജാട്ട്​ സമുദായാംഗവുമായ രൺദീപ്​ സുർജെവാല​െയ രംഗത്തിറക്കിയതോടെ ത്രികോണ പോരാട്ടത്തിന്​ കളമൊരുങ്ങുകയായിരുന്നു.

1,75 ലക്ഷം വോട്ടർമാരാണ്​ മണ്ഡലത്തിൽ ഉള്ളത്​. ​പോളിങ്​ ബൂത്തുകളിൽ ശക്​തമായ സുരക്ഷ ഏർപ്പെടുത്തിയിട്ടുണ്ട്​. ജനങ്ങൾ വികസനത്തിന്​ വോട്ടുചെയ്യണമെന്ന്​ ഇന്ന്​ രാവി​െല മുഖ്യമന്ത്രി മനോഹർ ലാൽ ഖട്ടാർ ട്വീറ്റ്​ ചെയ്​തു.