You are here

വിശ്വാസം അതല്ലേ എല്ലാം...

tharoor

കൊ​ച്ചി: വി​ശ്വാ​സ​പ​ര​മാ​യ കാ​ര്യ​ങ്ങ​ൾ​ക്ക്​ ഈ ​തെ​ര​ഞ്ഞെ​ടു​പ്പി​ൽ പ്രാ​ധാ​ന്യം അ​ൽ​പം കൂ​ടു​ത​ലു​ണ്ട്. പ്ര​ത്യേ​കി​ച്ച്​ കേ​ര​ള​ത്തി​ൽ. അ​തു​കൊ​ണ്ടാ​കാം ചി​ല നേ​താ​ക്ക​ൾ​ക്കും സ്​​ഥാ​നാ​ർ​ഥി​ക​ൾ​ക്കു​മെ​ല്ലാം പെ​​ട്ടെ​ന്ന്​ വി​ശ്വാ​സം കൂ​ടി​യ പോ​ലെ. ന​ട​ത്താ​ത്ത വ​ഴി​പാ​ടു​ക​ളി​ല്ല, ക​യ​റാ​ത്ത ക്ഷേ​ത്ര​ങ്ങ​ളി​ല്ല. പ്രാ​ർ​ഥി​ക്കാ​ത്ത പ​ള്ളി​ക​ളി​ല്ല. ഉ​ത്സ​വം, പെ​രു​ന്നാ​ളു​ക​ൾ, നേ​ർ​ച്ച സ​ദ്യ​ക​ൾ... മ​ത​പ​ര​മാ​യ ഒ​രു ച​ട​ങ്ങും ഒ​ഴി​വാ​ക്കു​ന്നി​ല്ല. ഇ​തി​ന്​ മു​ന്ന​ണി, പാ​ർ​ട്ടി, മ​ത​ഭേ​ദ​ങ്ങ​ളൊ​ന്നു​മി​ല്ല. വോ​​ട്ടെ​ടു​പ്പ്​ അ​ടു​ക്കു​ന്ന​തോ​ടെ ആ​​രാ​ധ​നാ​ല​യ​ങ്ങ​ളി​ൽ സ്​​ഥാ​നാ​ർ​ഥി​ക​ളും നേ​താ​ക്ക​ളും നി​ത്യ​സ​ന്ദ​ർ​ശ​ക​രാ​കു​ക​യാ​ണ്.

മി​ക്ക സ്​​ഥാ​നാ​ർ​ഥി​ക​ളും പ്ര​ചാ​ര​ണം തു​ട​ങ്ങി​യ​തും പ​ത്രി​ക സ​മ​ർ​പ്പി​ക്കാ​ൻ പോ​യ​തു​മെ​ല്ലാം ആ​രാ​ധ​നാ​ല​യ​ങ്ങ​ളി​ൽ പ്രാ​ർ​ഥി​ച്ച ശേ​ഷ​മാ​യി​രു​ന്നു. ക​ടു​ത്ത ക​മ്യൂ​ണി​സ്​​റ്റു​ക​ൾ മാ​ത്ര​മാ​യി​രു​ന്നു അ​പ​വാ​ദം. എ​ങ്കി​ലും കി​ട്ടി​യ മ​റ്റ്​ അ​വ​സ​ര​ങ്ങ​ളി​ലെ​ല്ലാം അ​വ​രും പ​ള്ളി​ക​ളി​ലും അ​മ്പ​ല​ങ്ങ​ളി​ലു​മെ​ത്തി. 

ദൈ​വ​ത്തെ ‘തൊ​ട്ടു​ക​ളി​ച്ച’ ചി​ല​ർ പു​ലി​വാ​ല്​ പി​ടി​ക്കു​ക​യും ചെ​യ്​​തു. ക​ഴി​ഞ്ഞ അ​ഷ്​​ട​മി​രോ​ഹി​ണി ദി​ന​ത്തി​ൽ ഗു​രു​വാ​യൂ​ർ ക്ഷേ​ത്ര​ത്തി​ലെ​ത്തി പു​ഷ്​​പാ​ഞ്​​ജ​ലി ക​ഴി​പ്പി​ച്ച മ​ന്ത്രി ക​ട​കം​പ​ള്ളി സു​രേ​ന്ദ്ര​ൻ ഇ​ത്ത​വ​ണ​യും വി​വാ​ദ​ത്തി​ൽ കു​ടു​ങ്ങി. ജാ​ഗ്ര​ത​ക്കു​റ​വാ​ണ്​ ഇ​ത്ത​രം ക​ട​കം​മ​റി​ച്ചി​ലി​ന്​ പി​ന്നി​ലെ​ന്ന്​ പാ​ർ​ട്ടി അ​ന്നേ പ​റ​ഞ്ഞി​രു​ന്നു. അ​ത്​ ഓ​ർ​ത്തി​ട്ടാ​കാം ഇ​ത്ത​വ​ണ കു​റ​ച്ച്​ ജാ​ഗ്ര​ത ആ​യേ​ക്കാ​മെ​ന്ന്​ ക​രു​തി​യ​ത്. തി​രു​വ​ന​ന്ത​പു​രം ക​രി​ക്ക​കം ക്ഷേ​ത്ര​ത്തി​ല്‍ ദീ​പാ​രാ​ധ​ന​ക്ക്​ ശേ​ഷം ന​ട തു​റ​ന്ന​പ്പോ​ള്‍ തൊ​ഴ​ണോ വേ​ണ്ട​യോ എ​ന്ന ആ​ശ​യ​ക്കു​ഴ​പ്പ​ത്തി​ലാ​യി ക​ട​കം​പ​ള്ളി. പി​ന്നെ​ തൊ​ഴു​തു, തൊ​ഴു​തി​ല്ല എ​ന്ന മ​ട്ടി​ല​ങ്ങ​നെ നി​ന്നു. സ്​​ഥാ​നാ​ർ​ഥി സി. ​ദി​വാ​ക​ര​നെ തൊ​ഴു​ന്ന​തി​ൽ​നി​ന്ന്​ പി​ന്തി​രി​പ്പി​ക്കാ​നും ശ്ര​മി​ച്ച​ത്രെ. പെ​ൻ​ഷ​ൻ​കാ​ർ വോ​ട്ട്​ ചെ​യ്​​തി​ല്ലെ​ങ്കി​ൽ ദൈ​വം ചോ​ദി​ക്കു​മെ​ന്ന്​ പ്ര​സം​ഗി​ച്ച മ​ന്ത്രി​ക്ക്​ നേ​രെ തെ​ര​ഞ്ഞെ​ടു​പ്പ്​ ക​മീ​ഷ​ൻ ക​ണ്ണു​രു​ട്ടി. അ​യ്യ​പ്പ​​െൻറ പേ​രി​ൽ വോ​ട്ട്​ ചോ​ദി​ച്ച​തി​ന്​ നോ​ട്ടീ​സ്​ കി​ട്ടി​യ​പ്പോ​ഴാ​ണ്​ സു​രേ​ഷ്​ ഗോ​പി ‘ഇ​തെ​ന്ത്​ ജ​നാ​ധി​പ​ത്യ’​മെ​ന്ന്​ ആ​ദ്യ​മാ​യി സ​ങ്ക​ട​പ്പെ​ടു​ന്ന​ത്.

തി​രു​വ​ന​ന്ത​പു​രം ഗാ​ന്ധാ​രി​യ​മ്മ​ൻ കോ​വി​ലി​ൽ തു​ലാ​ഭാ​ര​ത്തി​നി​ടെ ത്രാ​സ്​ പൊ​ട്ടി​വീ​ണ് യു.​ഡി.​എ​ഫ് സ്ഥാ​നാ​ർ​ഥി ശ​ശി ത​രൂ​രി​ന് പ​രി​ക്കേ​റ്റ​ത്​ ഇ​ത്ത​ര​ത്തി​ലു​ള്ള ആ​ദ്യ സം​ഭ​വ​മാ​കാം. ത്രാ​സി​ൽ ആ​വ​ശ്യ​ത്തി​ല​ധി​കം പ​ഞ്ച​സാ​ര ക​യ​റ്റി​വെ​ച്ച പ്ര​വ​ർ​ത്ത​ക​ർ വേ​ദി​യി​ലെ​ന്ന പോ​ലെ ഇ​വി​ടെ​യും പി​ടി​ച്ചു​തൂ​ങ്ങാ​ൻ ശ്ര​മി​ച്ച​താ​ണ​ത്രെ ത​രൂ​രി​നെ വീ​ഴ്​​ത്തി​യ​ത്. 

ക്ഷേ​ത്ര​ത്തി​ൽ ദ​ർ​ശ​ന​ത്തി​നെ​ത്തു​ന്ന സ്​​ത്രീ​ക​ളു​ടെ മു​ങ്ങി​ക്കു​ളി​യെ പ്ര​സം​ഗ​ത്തി​ലൂ​ടെ അ​പ​മാ​നി​ച്ച പി.​കെ. ശ്രീ​മ​തി​ക്ക്​ മ​യ്യി​ൽ ചെ​ക്യാ​ട്​ ശ്രീ​ധ​ർ​മ​ശാ​സ്​​​ത ക്ഷേ​ത്ര​ത്തി​ൽ വോ​ട്ട്​ ചോ​ദി​ച്ചെ​ത്താ​ൻ ഒ​രു മ​ടി​യും ഉ​ണ്ടാ​യി​ല്ല. പ്ര​ചാ​ര​ണ​ത്തി​ര​ക്കി​നി​ടെ വീ​ണു​കി​ട്ടി​യ ഓ​ശാ​ന ഞാ​യ​റും വി​ഷു​ക്ക​ണി ദ​ർ​ശ​ന​വു​മെ​ല്ലാം സ്​​ഥാ​നാ​ർ​ഥി​ക​ൾ ശ​രി​ക്കും​ മു​ത​ലാ​ക്കി. എ​ല്ലാ​വ​രും എ​ല്ലാ മ​ത​സ്​​ഥ​രു​ടെ​യും ​ആ​രാ​ധ​നാ​ല​യ​ങ്ങ​ളി​ൽ എ​ത്തു​ന്നു​ണ്ട്. ‘വി​ളി​ച്ചു​പ​റ​യാ​തി​രു​ന്നാ​ൽ ഫ​ലം കു​റ​യു’​മെ​ന്ന്​ ക​രു​തി​യാ​ക​ണം സ​മൂ​ഹ​മാ​ധ്യ​മ​ങ്ങ​ൾ ഇ​തൊ​ന്നും ഒ​ളി​ച്ചു​വെ​ക്കു​ന്നു​മി​ല്ല.

Loading...
COMMENTS