ഇനി താമസമില്ല തെരഞ്ഞെടുപ്പ്​ തീയതിക്ക്​

ന്യൂഡൽഹി: കഴിഞ്ഞ പൊതുതെരഞ്ഞെടുപ്പിനെ മാതൃകയാക്കിയിരുന്നെങ്കിൽ അടുത്ത പൊതുതെരഞ്ഞെടുപ്പി​​​െൻറ തീയതി ഇന് നലെയായിരുന്നു തെരഞ്ഞെടുപ്പ്​ കമീഷൻ പ്രഖ്യാപിക്കേണ്ടിയിരുന്നത്​​ (മാർച്ച അഞ്ച്)​. എന്നാൽ, കമീഷൻ അംഗങ്ങൾ തിങ്ക ളാഴ്​ച കശ്​മീരിലും ചൊവ്വാഴ്​ച ജമ്മുവിലും തിരക്കിട്ട കൂടിക്കാഴ്​ചയിലായിരുന്നു. രാഷ്​ട്രപതി ഭരണം തുടരുന്ന സ ംസ്​ഥാനത്ത്​ ലോക്​സഭ, നിയമസഭ തെരഞ്ഞെടുപ്പുകൾ ഒരുമിച്ച്​ നടത്തുന്നതി​​​െൻറ സാധ്യതകൾ തേടിയായിരുന്നു​ കമീഷ​ ​​െൻറ സന്ദർശനം. മറ്റു സംസ്​ഥാനങ്ങളിൽ സന്ദർശനം പൂർത്തിയാക്കിയതിനാൽ ഇനി ഏതു നിമിഷവും തെരഞ്ഞെടുപ്പ്​ തീയതി പ്രഖ ്യാപിച്ചേക്കാം. അതേസമയം, തീയതി വൈകിപ്പിക്കുന്നതിനെതിരെ കടുത്ത വിമർശനവുമായി കോൺഗ്രസ്​ രംഗത്തുവന്നു. തെരഞ്ഞെടുപ്പ്​ മുന്നിൽകണ്ടുള്ള പദ്ധതികളുടെ പ്രഖ്യാപനങ്ങൾ പൂർത്തിയാക്കാൻ പ്രധാനമന്ത്രി നരേന്ദ്ര മോദിക്ക്​ കമീഷൻ ഒത്താശ ചെയ്യുന്നുവെന്നാണ്​ മുതിർന്ന നേതാവും കോൺഗ്രസ്​ ട്രഷററുമായ അഹ്​മദ്​ പ​േട്ടലി​​​െൻറ ആരോപണം. ടി.വിയിലും മറ്റു​ മാധ്യമങ്ങളിലും പരമാവധി പരസ്യം ചെയ്യാൻ ഇൗ അവസരം സർക്കാർ മുതലാക്കുകയാണെന്നും പ​േട്ടൽ ട്വിറ്ററിലൂടെ ആരോപിച്ചു.

മെ​ല്ലപ്പോക്കിന്​ കാരണം
നിലവിലെ 16ാം ലോക്​സഭയുടെ കാലാവധി ജൂൺ മൂന്നിനാണ് തീരുക​. ഇതനുസരിച്ച്​ 17ാം ലോക്​സഭയുടെ ആദ്യ സമ്മേളനം ജൂൺ മൂന്ന്​ ആകു​േമ്പാഴേക്കും ചേർന്നാൽ മതി. കഴിഞ്ഞ ലോക്​സഭയുടെ ആദ്യ സമ്മേളനം ജൂൺ നാലിനായിരുന്നു.

നിയമം ബാധകം
2001ൽ നിയമമന്ത്രാലയം പുറപ്പെടുവിക്കുകയും സുപ്രീംകോടതി അംഗീകരിക്കുകയും ചെയ്​ത മാനദണ്ഡ പ്രകാരം, ഏതു​ പൊതുതെരഞ്ഞെടുപ്പി​​​െൻറയും തീയതി പ്രഖ്യാപിച്ചാൽ മൂന്നാഴ്​ചയിൽ കൂടുതൽ വൈകാതെ തെരഞ്ഞെടുപ്പ്​ വിജ്​ഞാപനമുണ്ടാകും. വിവിധ ഘട്ടങ്ങളിലായി തെരഞ്ഞെടുപ്പ്​ നടക്കുന്നതിനാൽ തീയതി പ്രഖ്യാപിച്ച്​ മൂന്നാഴ്​ച പിന്നിട്ടാൽ ഒന്നാംഘട്ട തെരഞ്ഞെടുപ്പും നടക്കും. ഉദാഹരണത്തിന്,​ ഇൗ മാസം എട്ടിനാണ്​ കമീഷൻ തെരഞ്ഞെടുപ്പ്​ തീയതികൾ പ്രഖ്യാപിക്കുന്നതെങ്കിൽ മാർച്ച്​ 18 ആകു​േമ്പാ​​േ​ഴക്കും ഗസറ്റ്​ വിജ്​ഞാപനം വരും. ഏപ്രിൽ 10ഒാടെ ആദ്യഘട്ട തെരഞ്ഞെടുപ്പും നടക്കും. മേയ്​ 15ഒാടെ തെരഞ്ഞെടുപ്പ്​ പൂർത്തിയാക്കും. അഞ്ചു ദിവസംകൂടി കഴിഞ്ഞ്​ മേയ്​ 20ഒാടെ ഫലപ്രഖ്യാപനവുമുണ്ടാകും. കഴിഞ്ഞ ഏതാനും പൊതുതെരഞ്ഞെടുപ്പുകളിലെ മാതൃക പിന്തുടർന്നാൽ അതിനാണ്​ സാധ്യത.

• 2014

2014ലെ പൊതുതെരഞ്ഞെടുപ്പ്​ പ്രഖ്യാപിച്ചത്​ ആ വർഷം മാർച്ച്​ അഞ്ചിനാണ്​. ഒമ്പതു ഘട്ടങ്ങളിലായി ഏ​പ്രിൽ ഏഴു മുതൽ മേയ്​ 12 വരെ തീയതികളിൽ തെരഞ്ഞെടുപ്പും നടന്നു. വോ​െട്ടണ്ണൽ മേയ്​ 16നായിരുന്നു. മേയ്​ 26ന്​ നരേന്ദ്ര മോദി പ്രധാനമന്ത്രിയായി സത്യപ്രതിജ്​ഞ ചെയ്​തു.

• 2009

മാർച്ച്​ രണ്ടിനാണ്​ തെരഞ്ഞെടുപ്പ്​ തീയതികൾ പ്രഖ്യാപിച്ചത്​. അഞ്ചു​ ഘട്ടങ്ങളിലായി ഏപ്രിൽ 16 മുതൽ മേയ്​ 13 വരെയായിരുന്നു 15ാം ലോക്​സഭയിലേക്കുള്ള തെരഞ്ഞെടുപ്പ്​.

• 2004

ഫെബ്രുവരി 29നാണ്​ ​തീയതി പ്രഖ്യാപനമുണ്ടായത്​. നാലു​ ഘട്ടങ്ങളിലായി ഏപ്രിൽ 20 മുതൽ മേയ്​ 10 വരെ തെരഞ്ഞെടുപ്പ്​ നടന്നു. മേയ്​ 13ന്​ വോ​െട്ടണ്ണി.

• 1999

മേയ്​ നാലിന്​ തീയതി പ്രഖ്യാപിച്ചു. സെപ്​റ്റംബർ അഞ്ച്​, ഒക്​ടോബർ മൂന്ന്​ തീയതികളിൽ രണ്ടു​ ഘട്ടങ്ങളിലായി ആ പൊതുതെരഞ്ഞെടുപ്പ്​ നടന്നു. 2004നുശേഷം ഏപ്രിൽ, മേയ്​ മാസങ്ങളിലാണ്​ പൊതുതെരഞ്ഞെടുപ്പ്​ നടന്നത്​. അടൽ ബിഹാരി വാജ്​പേയിയുടെ നേതൃത്വത്തിലുള്ള എൻ.ഡി.എ മുന്നണി സർക്കാർ 1999ൽ തെരഞ്ഞെടുപ്പ്​ ആറു മാസം നേര​േത്തയാക്കുകയായിരുന്നു.