ലിം​ഗാ​യ​ത്തി​ന്​ പു​റ​മെ ബി.​ജെ.​പി​യെ കാ​ത്ത്​ ദ​ലി​ത്​ വെ​ല്ലു​വി​ളി​യും

ബം​ഗ​ളൂ​രു: ക​ർ​ണാ​ട​ക നി​യ​മ​സ​ഭ തെ​ര​ഞ്ഞെ​ടു​പ്പ്​ വി​ജ​യ​ത്തി​നാ​യി സ​ർ​വ അ​ട​വും പ​യ​റ്റു​ന്ന ബി.​ജെ.​പി​ക്ക്​ കേ​ന്ദ്ര​ത്തി​ൽ​നി​ന്നു​ള്ള മ​ത​പ​ദ​വി പ​രി​ഗ​ണ​ന കാ​ത്തു​കി​ട​ക്കു​ന്ന ലിം​ഗാ​യ​ത്തു​ക​ൾ ഉ​യ​ർ​ത്തു​ന്ന വോ​ട്ടു​ചോ​ർ​ച്ച ഭീ​ഷ​ണി​ക്ക്​ പു​റ​മെ ദ​ലി​ത്​ വെ​ല്ലു​വി​ളി​യും. 
പ​ട്ടി​ക​ജാ​തി-​വ​ർ​ഗ​ക്കാ​ർ​ക്കെ​തി​രാ​യ അ​തി​ക്ര​മ​ങ്ങ​ൾ ത​ട​യു​ന്ന നി​യ​മ​ത്തി​ലെ വ്യ​വ​സ്​​ഥ​ക​ളി​ൽ സു​പ്രീം​കോ​ട​തി മാ​റ്റം വ​രു​ത്തി​യ​തി​നെ തു​ട​ർ​ന്ന്​ രാ​ജ്യ​മൊ​ട്ടാ​കെ അ​ല​യ​ടി​ച്ച പ്ര​തി​ഷേ​ധം ക​ർ​ണാ​ട​ക നി​യ​മ​സ​ഭ തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​ലും പ്ര​തി​ഫ​ലി​ക്കു​ക​യാ​ണ്. 

ബി.​ജെ.​പി​ക്കെ​തി​രെ ദ​ലി​ത്​ മു​ന്നേ​റ്റം മു​ന്നി​ൽ​ക്ക​ണ്ട്​ ഗു​ജ​റാ​ത്തി​ലെ ദ​ലി​ത്​ നേ​താ​വും സ്വ​ത​ന്ത്ര എം.​എ​ൽ.​എ​യു​മാ​യ ജി​ഗ്​​നേ​ഷ്​ മേ​വാ​നി ക​ർ​ണാ​ട​ക​യി​ൽ പ്ര​ചാ​ര​ണം തു​ട​ങ്ങി. ന​ട​ൻ പ്ര​കാ​ശ്​ രാ​ജി​നൊ​പ്പ​മാ​ണ്​ മേ​വാ​നി​യു​ടെ പ​ര്യ​ട​നം. വാ​ഗ്​​ദാ​ന​ങ്ങ​ൾ​കൊ​ണ്ട്​ രാ​ജ്യ​ത്തെ വ​ഞ്ചി​ച്ച പ്ര​ധാ​ന​മ​ന്ത്രി നി​ങ്ങ​ൾ​ക്കു​മു​ന്നി​ൽ വ​ന്നാ​ൽ ക​സേ​ര കൊ​ണ്ട്​ എ​റി​യ​ണ​മെ​ന്ന്​ മേ​വാ​നി ശി​വ​മൊ​ഗ്ഗ​യി​ൽ ന​ട​ത്തി​യ പ്ര​സം​ഗം ഇ​തി​നി​ടെ വ​ൻ ച​ർ​ച്ച​യാ​യി​ട്ടു​ണ്ട്. ക​ർ​ണാ​ട​ക​യി​ലെ ദ​ലി​ത്​-​പു​രോ​ഗ​മ​ന പ്ര​വ​ർ​ത്ത​ക​ർ ചേ​ർ​ന്ന്​ രൂ​പം ന​ൽ​കി​യ ‘ക​ർ​ണാ​ട​ക ഫോ​റം ടു ​സേ​വ്​ ദ ​കോ​ൺ​സ്​​റ്റി​റ്റ്യൂ​ഷ​ൻ’ എ​ന്ന കൂ​ട്ടാ​യ്​​മ​ക്ക്​ കീ​ഴി​ലാ​ണ്​ പ്ര​ചാ​ര​ണം. 

ഭ​ര​ണ​ഘ​ട​ന തി​രു​ത്താ​നും ആ​ദി​വാ​സി​ക​ളു​ടെ​യും ദ​ലി​തു​ക​ളു​ടെ​യും അ​വ​കാ​ശ​ങ്ങ​ൾ നി​ഷേ​ധി​ക്കാ​നു​മു​ള്ള ബി.​ജെ.​പി-​സം​ഘ്​​പ​രി​വാ​ർ ഗൂ​ഢാ​ലോ​ച​ന​യാ​ണ്​ ഹെ​ഗ്​​ഡെ​യു​ടെ പ്ര​സ്​​താ​വ​ന​യി​ലൂ​ടെ പു​റ​ത്തു​വ​ന്ന​തെ​ന്ന്​ മേ​വാ​നി പ​റ​ഞ്ഞു. ദ​ലി​തു​ക​ൾ​ക്ക്​ സ്വാ​ധീ​ന​മു​ള്ള മും​ബൈ- ക​ർ​ണാ​ട​ക മേ​ഖ​ല​യി​ൽ ക​ഴി​ഞ്ഞ തി​ങ്ക​ളാ​ഴ്​​ച മു​ത​ൽ ര​ണ്ടു ദി​വ​സ​ത്തെ സ​ന്ദ​ർ​ശ​നം നി​ശ്ച​യി​ച്ചി​രു​ന്ന ബി.​ജെ.​പി അ​ധ്യ​ക്ഷ​ൻ അ​മി​ത്​ ഷാ ​ദ​ലി​ത്​​പ്ര​തി​ഷേ​ധം നേ​രി​ടേ​ണ്ടി​വ​രു​മെ​ന്ന്​ ഭ​യ​ന്ന്​ അ​വ​സാ​ന​നി​മി​ഷം പ​രി​പാ​ടി​ക​ൾ റ​ദ്ദാ​ക്കു​ക​യാ​യി​രു​ന്നു. ലിം​ഗാ​യ​ത്തു​ക​ളെ പോ​ലെ​ത​ന്നെ സം​സ്​​ഥാ​ന​ത്തെ മൊ​ത്തം ജ​ന​സം​ഖ്യ​യു​ടെ 17 ശ​ത​മാ​ന​ത്തോ​ളം വ​രും ദ​ലി​തു​ക​ളും. 224 നി​യ​മ​സ​ഭ മ​ണ്ഡ​ല​ങ്ങ​ളി​ൽ 51 എ​ണ്ണം പ​ട്ടി​ക​ജാ​തി- വ​ർ​ഗ സം​വ​ര​ണ സീ​റ്റു​ക​ളാ​ണ്. ദ​ലി​ത​രി​ൽ ന​ല്ലൊ​രു വി​ഭാ​ഗം കോ​ൺ​ഗ്ര​സി​നും ജെ.​ഡി.​എ​സി​നും ഒ​പ്പ​മാ​ണെ​ങ്കി​ലും ബി.​ജെ.​പി​ക്കും അ​ത്ര ചെ​റു​ത​ല്ലാ​ത്ത സ്വാ​ധീ​ന​മു​ണ്ട്.