മല്ലു സ്വരാജ്യം പതാക ഉയർത്തി; സി.പി.എം പാർട്ടി കോൺഗ്രസിന്​ തുടക്കമായി 

ഹൈദരാബാദ്: തെലങ്കാന സമരത്തി​​​െൻറ രണസ്മരണകളിരമ്പിയ അന്തരീക്ഷത്തില്‍ മുതിര്‍ന്ന നേതാവ് മല്ലു സ്വരാജ്യം പതാക ഉയര്‍ത്തിയതോടെ സി.പി.എം 22ാം പാര്‍ട്ടി കോണ്‍ഗ്രസിന് തുടക്കമായി. ആർ.എസ്.എസിനാല്‍ നിയന്ത്രിക്കപ്പെടുന്ന കേന്ദ്രത്തിലെ ബി.ജെ.പി സര്‍ക്കാറിനെ പരാജയപ്പെടുത്താനുള്ള രാഷ്​ട്രീയ തന്ത്രങ്ങള്‍ക്ക് രൂപംനല്‍കലും കൊല്‍ക്കത്ത പ്ലീനം തീരുമാനം നടപ്പാക്കിയതി​​​െൻറ വിലയിരുത്തലുമാവും അടുത്ത അഞ്ചു ദിവസങ്ങളില്‍ നടക്കുക. 

മുഹമ്മദ് അമീന്‍ നഗറില്‍ സജ്ജമാക്കിയ രക്തസാക്ഷി മണ്ഡപത്തില്‍ പ്രതിനിധികള്‍ പുഷ്പാര്‍ച്ചന നടത്തി. പോളിറ്റ്​ ബ്യൂറോ(പി.ബി) അംഗവും മുന്‍ ത്രിപുര മുഖ്യമന്ത്രിയുമായ മണിക് സര്‍ക്കാറി​​​െൻറ അധ്യക്ഷതയില്‍  ജനറല്‍ സെക്രട്ടറി സീതാറാം യെച്ചൂരി പാര്‍ട്ടി കോണ്‍ഗ്രസ് ഉദ്ഘാടനം ചെയ്തു. ബി.ജെ.പി സര്‍ക്കാറിനെ പരാജയപ്പെടുത്തുന്നതിന് മതേതര ജനാധിപത്യ ശക്തികളെ അണിനിരത്തുന്നതിനുള്ള ദിശാബോധം പാര്‍ട്ടി കോണ്‍ഗ്രസ് നല്‍കുമെന്ന് അദ്ദേഹം പറഞ്ഞു. ഇടതുപക്ഷത്തിന് മാത്രമേ ബദല്‍ നയം നല്‍കാനും രാജ്യത്തി​​​െൻറ വൈവിധ്യങ്ങള്‍ തമ്മിലുള്ള ഐക്യം ശക്തിപ്പെടുത്താനും പോരാടുന്ന ജനതയുടെ അടുപ്പം ഊട്ടിയുറപ്പിക്കാനും കഴിയൂ. പ്രവചനാതീതമായ ദുരിതം അടിച്ചേല്‍പിക്കുന്ന നയങ്ങളാണ്  കേന്ദ്ര സര്‍ക്കാര്‍ നടപ്പാക്കുന്നത്.

ഒപ്പം നമ്മുടെ സാമൂഹിക ഘടനയുടെ ഐക്യത്തെയും സമന്വയത്തെയും വെല്ലുവിളിക്കുകയും ചെയ്യുന്നു. കഠ്​വ, ഉന്നാവ്​ ബലാത്സംഗ സംഭവങ്ങള്‍ സമൂഹത്തി​​​െൻറ അപമാനവീകരണത്തെയാണ് വെളിപ്പെടുത്തുന്നത്. നവഉദാരീകരണ^ സാമ്പത്തിക നയങ്ങളുടെ കടന്നാക്രമണം പ്രവചനാതീത തലങ്ങളിലേക്കെത്തി. വര്‍ഗീയധ്രുവീകരണം സാമൂഹികഘടനയുടെ ഐക്യത്തെ നശിപ്പിക്കുകയാണ്. പാര്‍ലമ​​െൻററി ജനാധിപത്യ സ്ഥാപനങ്ങള്‍ക്കും ഭരണഘടന സ്ഥാപനങ്ങള്‍ക്കും എതിരായ കടന്നാക്രമണത്തിലൂടെ ജനാധിപത്യ വിരുദ്ധ ശക്തികളെ കെട്ടഴിച്ച് വിടുകയാണ്. സ്വതന്ത്ര വിദേശനയം ഉപേക്ഷിച്ച് ആഗോളകാര്യങ്ങളില്‍ യു.എസ്-ഇസ്രായേൽ-ഇന്ത്യ അവിശുദ്ധ കൂട്ടുകെട്ട് ഉയരുകയുമാണ്. കര്‍ഷകര്‍ക്ക് ഉല്‍പാദന ചെലവി​​​െൻറ ഒന്നര മടങ്ങ്  താങ്ങുവില ഏർപ്പെടുത്തുമെന്ന സ്വന്തം പ്രഖ്യാപനം പോലും ബി.ജെ.പി സര്‍ക്കാര്‍ ലംഘിക്കുന്നു. ഗോ സംരക്ഷണത്തി​​​െൻറ പേരില്‍ മുസ്​ലിംകളെയും ദലിതരെയും തച്ചുകൊല്ലുന്നു. ഇന്ത്യന്‍ ഭരണകൂടവും കശ്മീര്‍ താഴ്​വരയിലെ ജനങ്ങളും തമ്മിലുള്ള ഒറ്റപ്പെടല്‍ മുമ്പെങ്ങുമില്ലാത്ത വിധത്തിലെത്തി. ഇന്ത്യന്‍ ചരിത്രത്തെ ഹിന്ദു പുരാണമാക്കി ചുരുക്കി ^യെച്ചൂരി പറഞ്ഞു.

സംസ്ഥാനങ്ങളിലും നിന്ന്​ 763 പ്രതിനിധികളും 70 നിരീക്ഷകരുമാണ് പങ്കെടുക്കുന്നത്.  സി.പി.ഐ ജനറല്‍ സെക്രട്ടറി എസ്. സുധാകര്‍ റെഡ്​ഡി, സി.പി.ഐ (എം.എൽ) ലിബറേഷന്‍ ജനറല്‍ സെക്രട്ടറി ദീപാങ്കര്‍ ഭട്ടാചാര്യ, ആർ.എസ്.പി കേന്ദ്ര സെക്രട്ടേറിയറ്റംഗം മനോജ്  ഭട്ടാചാര്യ, ഫോര്‍വേഡ്​ ബ്ലോക്ക് ദേശീയ സെക്രട്ടറി ജി.ആർ. ശിവശങ്കരന്‍, എസ്.യു.സി.ഐ പി.ബിയംഗം ആശിഷ് ഭട്ടാചാര്യ എന്നിവരും ഉദ്ഘാടന സമ്മേളനത്തെ അഭിസംബോധന ചെയ്തു. 

ഏ​പ്രി​ല്‍ 22 വ​രെ ന​ട​ക്കു​ന്ന കോ​ണ്‍ഗ്ര​സി​ല്‍ ആ​ദ്യ ര​ണ്ട് ദി​വ​സം ക​ര​ട് രാ​ഷ്​​ട്രീ​യ പ്ര​മേ​യ അ​വ​ത​ര​ണ​ത്തി​നും ച​ര്‍ച്ച​ക്കാ​യും മാ​റ്റി​വെ​ക്കും. പാ​ര്‍ട്ടി കോ​ണ്‍ഗ്ര​സി​ല്‍ അ​വ​ത​രി​പ്പി​ക്കാ​നാ​യി നേ​തൃ​ത്വ​ത്തി​ന് ല​ഭി​ച്ച 6,000 ത്തോ​ളം ഭേ​ദ​ഗ​തി​ക​ള്‍ക്കും സി.​സി അം​ഗീ​കാ​രം ന​ല്‍കിയിട്ടുണ്ട്​.  ഇ​തി​നു പു​റ​മേ കോ​ണ്‍ഗ്ര​സി​ല്‍ പ​ങ്കെ​ടു​ക്കു​ന്ന 763 പ്ര​തി​നി​ധി​ക​ള്‍ക്കും ഭേ​ദ​ഗ​തി നി​ര്‍ദേ​ശി​ക്കാ​വു​ന്ന​താ​ണ്. രാ​ഷ്​​ട്രീ​യ- സം​ഘ​ട​ന റി​പ്പോ​ര്‍ട്ട് 21ന് ​അ​വ​ത​രി​പ്പി​ക്കും. അ​തി​ന്‍മേ​ല്‍ 22 വ​രെ ച​ര്‍ച്ച തു​ട​രും.