കോണ്‍ഗ്രസ് സംഘടന തെരഞ്ഞെടുപ്പ്; സുദര്‍ശന്‍ നാച്ചിയപ്പന്‍ കേരള വരണാധികാരി

ന്യൂഡല്‍ഹി: കോണ്‍ഗ്രസ് സംഘടന തെരഞ്ഞെടുപ്പ്​ സമയക്രമത്തിന് അംഗീകാരം. എ.ഐ.സി.സി ആസ്​ഥാനത്ത് തെരഞ്ഞെടുപ്പ് സമിതി ചെയര്‍മാന്‍ മുല്ലപ്പള്ളി  രാമചന്ദ്രന്‍ വിളിച്ച സംസ്​ഥാന വരണാധികാരികളുടെ യോഗമാണ്  സമയക്രമത്തിന് അന്തിമ അംഗീകാരം നല്‍കിയത്. അംഗത്വവിതരണം മേയ് 15 വരെ തുടരും. മേയ്  30-ന് മുമ്പ് അംഗങ്ങളുടെ പട്ടിക പ്രസിദ്ധീകരിക്കും. ജൂണ്‍ ആറു വരെ  വോട്ടര്‍പ്പട്ടികയുമായി ബന്ധപ്പെട്ട പരാതി ജില്ല സൂക്ഷ്​മപരിശോധന  സമിതിക്ക് മുമ്പാകെ നല്‍കാം. ജൂണ്‍ 15-ന് മുമ്പ് പരാതികളിൽ തീര്‍പ്പുകൽപിക്കണം. ജില്ല സൂക്ഷ്​മ പരിശോധന സമിതിയുടെ  തീരുമാനത്തില്‍ പരാതിയുള്ളവര്‍ക്ക് ജൂണ്‍  25 വരെ സംസ്​ഥാന തെരഞ്ഞെടുപ്പ് സമിതിയെയും ജൂലൈ 20 വരെ കേന്ദ്ര തെരഞ്ഞെടുപ്പ്  സമിതിയെയും സമീപിക്കാം.

സംസ്​ഥാനങ്ങളില്‍നിന്നു ലഭിക്കുന്ന പരാതി കേന്ദ്ര തെരഞ്ഞെടുപ്പ് സമിതി ജൂലൈ 30-ന്  മുമ്പ് തീര്‍പ്പാക്കണം. അന്തിമ പട്ടിക ആഗസ്​റ്റ്​​ ആറി-ന് ജില്ല കോണ്‍ഗ്രസ് കമ്മിറ്റികള്‍  പ്രസിദ്ധീകരിക്കണം. ബൂത്ത് കമ്മിറ്റി തെരഞ്ഞെടുപ്പ് ആഗസ്​റ്റ്​​ ഏഴി-ന് ആരംഭിച്ച് 20-ന് പൂര്‍ത്തിയാക്കും. ഇതോടൊപ്പം ബ്ലോക്ക് അംഗങ്ങളെയും തെരഞ്ഞെടുക്കും

ആഗസ്​റ്റ്​​ 21- മുതൽ സെപ്റ്റംബര്‍ നാലു- വരെ നീളുന്ന രണ്ടാംഘട്ടത്തില്‍  ബ്ലോക്ക് കമ്മിറ്റി പ്രസിഡൻറുമാരുടെയും ഭാരവാഹികളുടെയും തെരഞ്ഞെടുപ്പ്  നടക്കും. ആറ് ജില്ല അംഗങ്ങളെയും ഒരു പി.സി.സി അംഗത്തെയും ഇതോടൊപ്പം  തെരഞ്ഞെടുക്കും. സെപ്റ്റംബര്‍ അഞ്ചു മുതൽ 15-വരെയുള്ള മൂന്നാം ഘട്ടത്തില്‍ ജില്ല  കമ്മിറ്റി അധ്യക്ഷന്മാരുടെയും ഭാരവാഹികളുടെയും തെരഞ്ഞെടുപ്പ് നടക്കും.

സെപ്റ്റംബര്‍ 16 മുതല്‍ ഒക്ടോബര്‍ 16 വരെ സംസ്​ഥാന പി.സി.സി അധ്യക്ഷന്മാര്‍, ഉപാധ്യക്ഷന്മാര്‍, ട്രഷറര്‍, പി.സി.സി എക്‌സിക്യൂട്ടിവ് അംഗങ്ങള്‍, എ.ഐ.സി.സി അംഗങ്ങള്‍, പി.സി.സി ജനറല്‍ ബോഡി അംഗങ്ങള്‍, കോണ്‍ഗ്രസ് പ്രസിഡൻറ്​ എന്നിവരുടെ തെരഞ്ഞെടുപ്പ് നടക്കും. ഇതോടൊപ്പം ഐ.ഐ.സി.സി അംഗങ്ങള്‍ക്കുള്ള  തിരിച്ചറിയല്‍ കാര്‍ഡ് വിതരണവും നടക്കും. ഒക്ടോബര്‍ 16-ന് തുടങ്ങി 25-നു  മുമ്പ് തിരിച്ചറിയല്‍ കാര്‍ഡ് വിതരണം പൂര്‍ത്തിയാക്കണമെന്നാണ് നിർദേശം.  തെരഞ്ഞെടുക്കപ്പെടുന്ന മൊത്തം പി.സി.സി അംഗങ്ങളുടെ എട്ടിലൊന്നാകും ഓരോ  സംസ്​ഥാനത്തു നിന്നുമുള്ള എ.ഐ.സി.സി അംഗങ്ങളുടെ എണ്ണം.

അഞ്ചാം ഘട്ടത്തിലാകും പ്ലീനറി സമ്മേളനം. പ്ലീനറി സമ്മേളനം പാര്‍ട്ടി പ്രസിഡൻറി​​െൻറ തെരഞ്ഞെടുപ്പിന് അംഗീകാരം  നല്‍കും. പ്രവര്‍ത്തക സമിതി അംഗങ്ങളുടെ തെരഞ്ഞെടുപ്പും സമ്മേളനത്തില്‍  നടക്കും. തെരഞ്ഞെടുക്കപ്പെട്ട എ.ഐ.സി.സി അംഗങ്ങളാകും പ്രവര്‍ത്തക സമിതി  അംഗങ്ങളെ തെരഞ്ഞെടുക്കുക. ഡിസംബര്‍ 31-ന് മുമ്പ് തെരഞ്ഞെടുപ്പ് നടപടിക്രമങ്ങള്‍ പൂര്‍ത്തിയാക്കി പാര്‍ട്ടി ഭാരവാഹികളുടെ പട്ടികയും  റിപ്പോര്‍ട്ടും കേന്ദ്ര തെരഞ്ഞെടുപ്പ് കമീഷന് സമര്‍പ്പിക്കും.  

എല്ലാ തലങ്ങളിലും വനിതകള്‍, യുവാക്കള്‍, പട്ടികജാതി-^വര്‍ഗ, പിന്നാക്ക, ന്യൂനപക്ഷ  വിഭാഗങ്ങള്‍ എന്നിവര്‍ക്ക് പ്രത്യേക പരിഗണന നൽകുമെന്ന്​ മുല്ലപ്പള്ളി രാമചന്ദ്രന്‍  പറഞ്ഞു. കേരളത്തി‍​െൻറ വരണാധികാരി  മുതിര്‍ന്ന സുപ്രീംകോടതി അഭിഭാഷകനും തമിഴ്‌നാട്ടില്‍നിന്നുള്ള മുതിര്‍ന്ന നേതാവുമായ സുദര്‍ശന്‍ നാച്ചിയപ്പനാണ്. ഈ മാസം ഒമ്പതി-ന് കേരളത്തിലെത്തുന്ന സുദര്‍ശന്‍  നാച്ചിയപ്പന്‍ സംസ്​ഥാനത്തെ മുതിര്‍ന്ന നേതാക്കളുമായി ചര്‍ച്ച നടത്തും.  തുടര്‍ന്ന്, തെരഞ്ഞെടുപ്പി​​െൻറ ഒരുക്കങ്ങള്‍ വിലയിരുത്തും. കെ.പി.സി.സി  വിശാല എക്‌സിക്യൂട്ടിവ് യോഗത്തിലും അദ്ദേഹം പങ്കെടുക്കും. ലക്ഷദ്വീപ്  വരണാധികാരിയായി കെ.പി. ധനപാലനെയും തെരഞ്ഞെടുത്തു.