പുരക്ക്​ തീപിടിക്കു​േമ്പാഴും സി.പി.എമ്മിന്​ കോൺഗ്രസ്​ വിരോധം –എ.കെ. ആൻറണി

കോഴിക്കോട്​: ഇന്ത്യയെന്ന പുരക്ക്​ തീപിടിക്കു​േമ്പാൾ അത്​ കത്തിയാലും കൊള്ളാം കോൺഗ്രസുമായി കൂട്ടുവേ​െണ്ടന്ന സി.പി.എം കേരള ഘടകത്തി​​​െൻറ നിലപാട്​ പ്രതിഷേധാർഹമാണെന്ന്​​ കോൺഗ്രസ്​ പ്രവർത്തക സമിതി അംഗം എ.കെ. ആൻറണി. മലബാർ കോൺഗ്രസ്​ കമ്മിറ്റി കോഴിക്കോട്​ സമ്മേളനം 100ാം വാർഷികം ‘ചരിത്ര സ്​മൃതി’ ഉദ്​ഘാടനം​ ചെയ്യുകയായിരുന്നു അദ്ദേഹം. 

ഏറ്റവും അപകടംപിടിച്ച കാലഘട്ടത്തിലൂടെയാണ്​ രാജ്യം കടന്നുപോകുന്നത്​. ഇന്ത്യയുടെ പാരമ്പര്യവും സംസ്​കാരവും നശിപ്പിക്കാൻ ആലോചിച്ചുറപ്പിച്ച പ്രവർത്തനമാണ്​ സംഘ്​പരിവാർ നടത്തുന്നത്​. റഷ്യയിൽ സ്​റ്റാലിൻ ചരിത്രം തിരുത്തിയപോലെ ഇന്ത്യയുടെ ചരിത്രം മാറ്റി എഴുതുകയാണ്​ സംഘ്​പരിവാർ. വടക്കേ ഇന്ത്യയിൽ ഭയപ്പാടി​​​െൻറ അന്തരീക്ഷത്തിലാണ്​ ജനം ജീവിക്കുന്നത്​. 

രാത്രിയിലും പൊലീസുകാർ അടുക്കള പരിശോധിക്കാനിറങ്ങുന്നു. എന്ത്​ ഭക്ഷണം കഴിക്കണം, ഏത്​ വസ്​ത്രം ധരിക്കണമെന്നുവരെ തീരുമാനിക്കാനുള്ള സ്വാത​ന്ത്ര്യം പൗരന്മാർക്ക്​ നഷ്​ട​െപ്പടുന്നു. ഇൗ സാഹചര്യത്തിൽ ബി.ജെ.പിയുടെയും ആർ.എസ്​.എസി​​​െൻറയും അഴിഞ്ഞാട്ടം അവസാനിപ്പിക്കാൻ എന്ത്​ വിട്ടുവീഴ്​ചക്കും കോൺഗ്രസ്​ തയാറാണ്​. സംഘ്​പരിവാറിൽനിന്ന്​ ഇന്ത്യയെ മോചിപ്പിക്കുകയെന്നതാണ്​ കോൺഗ്രസി​​​െൻറ മുഖ്യ അജണ്ട. എന്നാൽ, കോൺഗ്രസ്​ മാത്രം വിചാരിച്ചാൽ വർഗീയ ശക്​തികളുടെ ​കൊടി താഴ്​ത്തിക്കെട്ടാൻ സാധ്യമല്ല. വിശാല മതേതര ​െഎക്യമാണ്​ ആവശ്യം. 

പ്രസിഡൻറ്​ തെരഞ്ഞെടുപ്പിലുണ്ടാക്കിയ ​െഎക്യം തുടക്കം മാത്രമാണ്​. ആരൊക്കെ അപശബ്​ദമുണ്ടാക്കിയാലും ചരിത്ര ദൗത്യം കോൺഗ്രസ്​ ഏറ്റെടുക്കുമെന്നും അദ്ദേഹം വ്യക്​തമാക്കി. 
പഴയ പ്രതാപമില്ലെങ്കിലും ബി.​െജ.പിക്ക്​ ശക്​തിയുള്ള സംസ്​ഥാനങ്ങളിൽ അവരെ നേരിടാൻ കോൺഗ്രസ്​ മാത്രമേയുള്ളൂവെന്ന കാര്യം സി.പി.എം വിസ്​മരിക്കരുത്​. ആർ.എസ്​.എസി​െന നേരിടാൻ തങ്ങൾക്ക്​ മാത്രമേ കഴിയൂവെന്ന്​ വീമ്പിളക്കു​േമ്പാൾ കേരളത്തിന്​ പുറത്ത്​ അവർക്കുള്ള ശക്​തി എത്രയാണെന്ന്​ ഒാർക്കണം. ചുവരെഴുത്ത്​ മനസ്സിലാക്കി കാലത്തിനൊപ്പം നീങ്ങണമെന്നും ആൻറണി ഒാർമിപ്പിച്ചു.

ഡി.സി.സി പ്രസിഡൻറ്​ ടി. സിദ്ദീഖ്​ അധ്യക്ഷത വഹിച്ചു. എം.പിമാരായ മുല്ലപ്പള്ളി രാമചന്ദ്രൻ, എം.​െഎ. ഷാനവാസ്​, എം.കെ. രാഘവൻ, മുൻ മഹാരാഷ്​ട്ര ഗവർണർ കെ. ശങ്കരനാരായണൻ, ആര്യാടൻ മുഹമ്മദ്​, സിറിയക്​ ജോൺ, പി. ശങ്കരൻ, സുമ ബാലകൃഷ്​ണൻ, എം.ടി. പത്​മ തുടങ്ങിയവർ പ​െങ്കടുത്തു. 
പി.എം. അബ്​ദുറഹ്​മാൻ സ്വാഗതം പറഞ്ഞു.