കോൺഗ്രസ് സ്ഥാനാർഥികൾ
text_fields●പാലക്കാട്
വി.കെ. ശ്രീകണ്ഠൻ
പാലക്കാട് ഡി.സി.സി പ്രസിഡൻറ്. 2002-2005 കാലയളവിൽ യ ൂത്ത് കോൺഗ്രസ് ദേശീയ സെക്രട്ടറിയായി. 2000 മുതൽ ഷൊർണൂർ നഗരസഭ കൗൺസിലർ. 2011ൽ ഒറ്റപ്പാല ത്ത് മത്സരിച്ചെങ്കിലും പരാജയപ്പെട്ടു. 2016ലാണ് ഡി.സി.സി പ്രസിഡൻറായി ചുമതലയേറ്റത്. വനി ത കമീഷൻ മുൻ അംഗം പ്രഫ. കെ.എ. തുളസിയാണ് ഭാര്യ.
●തിരുവനന്തപുരം
ഡോ.ശശി തരൂർ
സിറ്റിങ് എം.പി.(2009,2014). അന്തർദേശീയ പൗരെൻറ പരിവേഷം. യു.എന്നിൽ ഉന്നത പദവി വഹിച്ചു. രണ്ടാം യു.പി. എ മന്ത്രിസഭയിൽ വിദേശകാര്യ സഹമന്ത്രിയായിരുന്നു. എഴുത്തുകാരനും പ്രഭാഷകനും.
●ചാലക്കുട ി
ബെന്നി ബെഹന്നാൻ
കെ.എസ്.യുവിലൂടെ പൊതുപ്രവർത്തനം തുടങ്ങി. കെ.എസ്.യു സംസ്ഥ ാന പ്രസിഡൻറ്, യൂത്ത് കോൺഗ്രസ് ജനറൽ സെക്രട്ടറി,കെ.പി.സി.സി എക്സിക്യൂട്ടിവ് കമ്മിറ്റി യംഗം, കെ.പി.സി.സി ജനറൽ സെക്രട്ടറി, യു.ഡി.എഫ് കൺവീനർ പദവികൾ വഹിച്ചു. 1982ൽ പിറവത്തിനുന്നും 2011ൽ തൃക്കാക്കരയിൽ നിന്നും നിയമസഭയിലെത്തി. 2004ൽ ഇടുക്കി പാർലെമൻറ് മണ്ഡലത്തിലും പരാജയ പ്പെട്ടു. ഭാര്യ: ഷേർളി ബെന്നി.
●ആലത്തൂർ
രമ്യ ഹരിദാസ്
കെ.എസ്.യുവിലൂടെ രാഷ് ട്രീയ രംഗത്തേക്ക് കടന്നുവന്ന രമ്യ ഹരിദാസ് (33) ആറുവർഷം മുമ്പ് നടന്ന രാഹുൽ ഗാന്ധിയുടെ ടാലൻറ് ഹണ്ടിലൂടെയാണ് ശ്രദ്ധേയയായത്. യൂത്ത് കോൺഗ്രസ് കുന്ദമംഗലം മണ്ഡലം സെക്രട്ടറി, രണ്ടുതവണ പാർലമെൻറ് മണ്ഡലം ജനറൽ സെക്രട്ടറി എന്നീ പദവികൾ വഹിച്ചു. നിലവിൽ യൂത്ത് കോൺഗ്രസ് അഖിലേന്ത്യ കോഒാഡിനേറ്റർമാരിൽ ഒരാളാണ്. പിതാവ്: പി.പി. ഹരിദാസ്. മാതാവ്: രാധ ഹരിദാസ് (മഹിള കോൺഗ്രസ് സംസ്ഥാന സെക്രട്ടറി).
●മാവേലിക്കര
കൊടിക്കുന്നിൽ സുരേഷ്
തിരുവനന്തപുരം സ്വദേശിയായ കൊടിക്കുന്നിൽ സുരേഷ് കെ.എസ്.യുവിലൂടെ രാഷ്ട്രീയ പ്രവർത്തനം ആരംഭിച്ചു. മുൻ കേന്ദ്ര തൊഴിൽ സഹമന്ത്രി.അഞ്ചുതവണ േലാക്സഭാംഗമായി. നിലവിൽ കെ.പി.സി.സി വർക്കിങ് പ്രസിഡൻറ്. മാവേലിക്കര സംവരണ മണ്ഡലത്തിൽനിന്ന് വിജയിച്ച കൊടിക്കുന്നിലിനെ പട്ടികജാതിക്കാരനായി കണക്കാക്കാനാവില്ലെന്ന് കണ്ടെത്തി കേരള ഹൈകോടതി പുറപ്പെടുവിച്ച വിധി പിന്നീട് സുപ്രീംകോടതി അസാധുവാക്കി.
●കണ്ണൂർ
കെ. സുധാകരൻ
കെ.പി.സി.സി വർക്കിങ് പ്രസിഡൻറ്. മന്ത്രിയും നാലുതവണ എം.എൽ.എയും, ഒരുതവണ എം.പിയും. കണ്ണൂർ ഡി.സി.സി പ്രസിഡൻറ്, കെ.പി.സി.സി ജനറൽ സെക്രട്ടറി. 2009ൽ കണ്ണൂർ എം.പി. 2014ൽ പി.കെ. ശ്രീമതിയോട് 6566 വോട്ടുകൾക്ക് പരാജയപ്പെട്ടു.
●തൃശൂർ
ടി.എൻ. പ്രതാപൻ
കെ.പി.സി.സി, എ.െഎ.സി.സി, കെ.പി.സി.സി രാഷ്ട്രീയകാര്യ സമിതി എന്നിവയിൽ അംഗം. ഒാൾ ഇന്ത്യ ഫിഷർമെൻ കോൺഗ്രസ് ദേശീയ ചെയർമാൻ. രണ്ട് തവണ നാട്ടികയിൽനിന്നും ഒരു തവണ കൊടുങ്ങല്ലൂരിൽനിന്നും നിയമസഭയിൽ. നിലവിൽ തൃശൂർ ഡി.സി.സി പ്രസിഡൻറ്. 2006-2011ൽ കോൺഗ്രസ് നിയമസഭാ കക്ഷി ചീഫ് വിപ്പ്.
●പത്തനംതിട്ട
ആേൻറാ ആൻറണി
പത്തനംതിട്ടയിലെ സിറ്റിങ് എം.പി. പത്തനംതിട്ടയിൽ ഇത് മൂന്നാം ഉൗഴം. കോട്ടയം ഡി.സി.സി പ്രസിഡൻറായിരുന്നു. 2004ൽ കോട്ടയത്തായിരുന്നു ആദ്യ മത്സരം. അന്ന് സുരേഷ്കുറുപ്പിനോട് പരാജയപ്പെട്ടു. കെ.എസ്.യു സംസ്ഥാന ജനറല് സെക്രട്ടറി, യൂത്ത്കോണ്ഗ്രസ് സംസ്ഥാന ജനറല് സെക്രട്ടറി, കെ.പി.സി.സി സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്. എൽഎൽ.ബി ബിരുദധാരിയാണ്. കോട്ടയം വടവാതൂര് കളത്തിപ്പടി സ്വദേശിയാണ്. ഭാര്യ: ഗ്രേസ്. മക്കള്: മെറീന് അന്ന ആൻറണി, കെവിന് ജോര്ജ് ആൻറണി.
●എറണാകുളം
ഹൈബി ഈഡൻ
എറണാകളും എം.എൽ.എ. മുൻ എം.പി പരേതനായ ജോർജ് ഈഡെൻറ മകനായ ഹൈബി ഈഡൻ കെ.എസ്.യു വിദ്യാർഥി രാഷ്ട്രീയത്തിലൂടെയാണ് വളർന്നത്. കെ.എസ്.യുവിെൻറ സംസ്ഥാന അധ്യക്ഷനായിരുന്നു. 2011, 2016 നിയമസഭാ തെരഞ്ഞെടുപ്പിൽ വിജയം.1983ൽ എറണാകുളത്ത് ജനനം. അന്ന ലിൻഡയാണ് ഭാര്യ. മകൾ: ക്ലാര.
●ഇടുക്കി
ഡീൻ കുര്യാക്കോസ്
യൂത്ത് കോൺഗ്രസ് സംസ്ഥാന പ്രസിഡൻറ്. 2014ൽ ലോക്സഭയിലേക്ക് മത്സരിച്ചു. മൂവാറ്റുപുഴ പൈങ്ങോട്ടൂർ സ്വദേശിയാണ്. കെ.എസ്.യു സംസ്ഥാന ജനറൽ സെക്രട്ടറി,സംസ്ഥാന വൈസ് പ്രസിഡൻറായും തെരഞ്ഞെടുക്കപ്പെട്ടു.
●കോഴിക്കോട്
എം.കെ. രാഘവൻ
പയ്യന്നൂരിൽ ജനനം. കെ.എസ്.യു സംസ്ഥാന ജനറൽ സെക്രട്ടറി, യൂത്ത് കോൺഗ്രസ് കണ്ണൂർ ജില്ല പ്രസിഡൻറ്, കണ്ണൂർ ഡി.സി.സി ജനറൽ സെക്രട്ടറി, കെ.പി.സി.സി ജനറൽ സെക്രട്ടറി എന്നീ പദവികൾ വഹിച്ചു. 1987ൽ പയ്യന്നൂരിൽനിന്നും 1991ൽ തളിപ്പറമ്പിൽനിന്നും നിയമസഭയിലേക്ക് മത്സരിച്ചു.
2009ൽ കോഴിക്കോട് പാർലമെൻറ് മണ്ഡലത്തിൽനിന്ന് ആദ്യം തെരഞ്ഞെടുക്കപ്പെട്ടു. 2014ൽ എ. വിജയരാഘവനെ തോൽപിച്ച് രണ്ടാമതും എം.പിയായി.
●കാസർകോട്
രാജ്മോഹൻ ഉണ്ണിത്താൻ
കെ.എസ് യുവിലൂടെ രാഷ്ട്രീയ പ്രവേശനം. 2015 ൽ കെ.പി .സി .സി ജനറൽ സെക്രട്ടറി, കെപിസിസി വക്താവ്.2016 കുണ്ടറയിൽ മത്സരിച്ചെങ്കിലും പരാജയപ്പെട്ടു. 2006 നിയമസഭാ തെരെഞ്ഞെടുപ്പിൽ കോടിയേരി ബാലകൃഷ്ണനോട് തലശ്ശേരിയിൽ തോൽവി. നിരവധി മലയാള സിനിമകളിൽ അഭിനയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.