ചെങ്ങന്നൂർ: പാർട്ടിയിൽ ഭിന്നതയില്ല -മോൻസ്​ ജോസഫ്​

​േകാട്ടയം: ചെങ്ങന്നൂർ ഉപതെരഞ്ഞെടുപ്പിലെ പിന്തുണയെച്ചൊല്ലി  കേരള കോൺഗ്രസ്​^എമ്മിൽ  ഭിന്നതയില്ലെന്ന്​ മോൻസ്​ ജോസഫ്​ എം.എൽ.എ. ചെങ്ങന്നൂർ ഉപതെരഞ്ഞെടുപ്പിൽ ആരെ പിന്തുണക്കണമെന്ന്​ പാർട്ടി യോഗത്തിൽ  ചർച്ചനടത്തി. തുടർന്ന്​   ഉപസമിതിക്ക്​ രൂപം നൽകാൻ ഏകകണ്​ഠമായി തീരുമാനിക്കുകയായിരുന്നു. ഉപസമിതി ചർച്ചചെയ്​ത്​ ആ​െ​ര പിന്തുണക്കണമെന്ന്​ ഉടൻ  തീരുമാനിക്കും. എം.പിമാരും എം.എൽ.എമാരും മുതിർന്ന നേതാക്കളും ഉൾ​പ്പെട്ടതാണ്​ സമിതി. സാഹചര്യങ്ങളെല്ലാം പരിഗണിച്ച്​ മികച്ച തീരുമാനത്തിലെത്തും. വാർത്തസമ്മേളനത്തിൽനിന്ന്​ വിട്ടുനിന്നത്​ ഭിന്നതമൂലമല്ല. സ്​റ്റിയറിങ്​ കമ്മിറ്റിയിൽ ജനാധിപത്യപരമായ ചർച്ചകളാണ്​ നടന്നത്​. പൊതുതെരഞ്ഞെടുപ്പിന്​ മുമ്പാകും മുന്നണി പ്രവേശനത്തിൽ തീരുമാനമെന്നും അദ്ദേഹം മാധ്യമപ്രവർത്തകരോട്​ പറഞ്ഞു.