കലാലയങ്ങളിൽ കലാപമുണ്ടാക്കാൻ സംഘ്​പരിവാർ നീക്കം - സി.പി.എം

കണ്ണൂർ: തലശ്ശേരി ബ്രണ്ണൻ കോളജ് പ്രിൻസിപ്പലിന്​ നേരെയുണ്ടായ സംഘ്​പരിവാർ സംഘടനകളുടെ വധഭീഷണിയും ആർ.എസ്.എസ് മാന േജ്‌മ​​െൻറിന് കീഴിലുള്ള ഇരിട്ടി പ്രഗതി കോളജിൽ വിദ്യാർഥിക്ക് നേരെയുണ്ടായ അക്രമവും പ്രതിഷേധാർഹമാണെന്ന്​ സി.പ ി.എം ജില്ല സെക്രട്ടറി എം.വി. ജയരാജൻ പ്രസ്​താവിച്ചു. പ്രിൻസിപ്പലി​​​െൻറ ചേംബറിൽ ഇരച്ചുകയറിയാണ്​ പുറമെനിന്നും എത്തിയ ക്രിമിനൽസംഘം ബ്രണ്ണൻ കോളജിൽ അതിക്രമങ്ങൾ കാട്ടിയത്. പൊലീസി​​​െൻറ സാന്നിധ്യത്തിൽ ചർച്ച നടത്തുമ്പോഴും പിന്നീട് ഫോണിലൂടെ നിരവധി തവണയും വധഭീഷണി ആവർത്തിച്ചു.

പ്രഗതി കോളജിൽ എസ്.എഫ്‌.ഐ പോലുള്ള വിദ്യാർഥി സംഘടനകളുടെ പ്രവർത്തനം അനുവദിക്കില്ലെന്നാണ് ആർ.എസ്.എസ് നേതാവ് ഭീഷണി മുഴക്കിയത്. ഭീഷണിയും പരസ്യമായ അപവാദ പ്രചാരണവും മനസ്സിൽ സൃഷ്​ടിച്ച ആഘാതമാണ് ഒരു വിദ്യാർഥിയെ ആത്മഹത്യക്ക്​ പ്രേരിപ്പിച്ചത്. ജില്ലയിലെ കലാലയങ്ങളിൽ നിലനിൽക്കുന്ന സമാധാനാന്തരീക്ഷം തകർക്കുകയാണ് ഇക്കൂട്ടരുടെ ലക്ഷ്യം. ജനാധിപത്യ വിശ്വാസികളാകെ ഈ നടപടിക്കെതിരെ രംഗത്തിറങ്ങണമെന്നും പ്രസ്​താവനയിൽ പറഞ്ഞു.