ദേശീയ പൗരത്വ പട്ടിക മുസ്​ലിം രഹിത ഇന്ത്യയിലേക്കുള്ള ചുവടുവെപ്പെന്ന്​ സംഘ്​പരിവാർ ഗ്രൂപ്പുകളുടെ പ്രചരണം

പൗരത്വ ഭേദഗതി നിയമം (സി.എ.എ) മുസ്​ലിംങ്ങൾക്കെതിരല്ലെന്നും ഒരൊറ്റ മുസ്​ലിമിനെയും പുറത്താക്കില്ലെന്നും ആഭ്യന ്തരമന്ത്രി അമിത്​ ഷാ പറയുന്നുണ്ട്​. എന്നാൽ, സംഘ്​പരിവാറിൻെറ വാട്​സാപ്​ ഗ്രൂപ്പുകളിൽ ശക്​തമായ പ്രചാരണം നടക്കുന്നത്​ മുസ്​ലിം വിമുക്​തമായ ഹിന്ദുരാജ്യത്തിലേക്കുള്ള ചുവടുവെയ്​പ്പ്​ എന്ന നിലയിലാണ്​. ‘ദ വയർ.​കോമി’നു വേണ്ടി കുനാൽ പുരോഹിത്​ നടത്തിയ അന്വേഷണത്തിലാണ്​ അണിയറയിലെ സംഘ്​പരിവാർ കോലാഹലത്തിൻെറ വെളിപ്പെടുത്തലുകൾ പുറത്തുവരുന്നത്​. അത്തരം വാട്​സാപ്​ ഗ്രൂപ്പുകളിലെ ചർച്ചയുടെ സ്​ക്രീൻ ഷോട്ട്​ അടക്കമാണ്​ കുനാൽ പുരോഹിത്​ റിപ്പോർട്ട്​ ചെയ്യുന്നത്​.

പൗരത്വ ഭേദഗതി നിമയം പാർലമ​െൻറിൽ അവതരിപ്പിച്ചതുമുതൽ സംഘ്​പരിവാർ വൃത്തങ്ങളിൽ വളരെ ആസൂത്രിതമായാണ്​ വാട്​സാപ്​ പ്രചരണങ്ങൾ നടക്കുന്നതെന്ന്​ പുരോഹിത്​ പറയുന്നു. ദേശീയ പൗരത്വ പട്ടിക (എൻ.ആർ.സി) നിലവിൽ വരുന്നതോടെ മുസ്​ലിങ്ങൾ രാജ്യത്തിനു പുറത്താകുമെന്ന്​ സൂചിപ്പിച്ച്​ വ്യാജമായ വിവരങ്ങളുടെ പിൻബലത്തോടെയാണ്​ ഗ്രൂപ്പുകളിൽ വിദ്വേഷപ്രചാരണം നടക്ക​ുന്നത്​. മുസ്​ലിംങ്ങൾക്കെതിരെ അക്രമത്തിനും ചില ഗ്രൂപ്പുകളിൽ ആഹ്വാനം നടക്കുന്നുണ്ട്​.

ഹിന്ദു അഭയാർത്ഥികൾക്ക്​ പൗരത്വം നൽകുന്നതിനെ എതിർക്കുന്ന കോൺഗ്രസിനോട്​ പൊറുക്കരുതെന്നാണ്​ എല്ലാ ഗ്രൂപ്പുകളിലും പൊതുവായി പങ്കിടുന്ന സന്ദേശം (കുനാൽ പുരോഹിത്​ പങ്കുവെച്ച സ്​ക്രീൻ ഷോട്ട്​)

നരേന്ദ്ര മോദിയുടെ ചിത്രം പ്രൊഫൈൽ ആക്കിയ പത്തോളം വാട്​സാപ്​ ഗ്രുപ്പുകളിൽ കടന്നുകൂടി നടത്തിയ അന്വേഷണത്തിൻെറ വെളിച്ചത്തിലാണ്​ കുനാൽ പുരോഹിതിൻെറ റിപ്പോർട്ട്​. അതിൽ ഒരു ഗ്രൂപ്പ്​ വാഗ്​ദാനം ചെയ്യുന്നത്​ നേരിട്ട്​ നരേന്ദ്ര മോദിയുമായി ബന്ധപ്പെടാമെന്നാണ്​. ഇന്ത്യക്കെതിരെ മുസ്​ലിംങ്ങൾ യുദ്ധം പ്രഖ്യാപിച്ചിരിക്കുകയാ​െണന്ന്​ ചില ഗ്രൂപ്പുകൾ പ്രചരിപ്പിക്കുന്നു. ഹിന്ദുക്കളുടെ ജനസംഖ്യ 78 കോടിയായി താഴ​്​ന്നപ്പോൾ മുസ്​ലിംങ്ങളുടെത്​ 23 കോടിയായി ഉയർന്നുവെന്ന വ്യാജമായ കണക്കുകളാണ്​ പൗരത്വ പട്ടികയെ ന്യായീകരിക്കാനായി പ്രചരിപ്പിക്കുന്നത്​. എന്നാൽ, 2011ലെ സെൻസസസ്​ പ്രകാരം പോലും ഇന്ത്യയിലെ ഹിന്ദു ജനസംഖ്യ 96.7 കോടിയായിരുന്നു. മുസ്​ലിംങ്ങളുടെത്​ 17.2 കോടി. വസ്​തുത ഇതായിരിക്കെയാണ്​ വ്യാജ പ്രചാരണങ്ങളിലുടെ ആസൂത്രിതമായി കലാപത്തിന്​ ​കോപ്പ്​ കൂട്ടുന്നതെന്ന്​ പുരോഹിത്​ റിപ്പോർട്ടിൽ വ്യക്​തമാക്കുന്നു.

ഹിന്ദു അഭയാർത്ഥികൾക്ക്​ പൗരത്വം നൽകുന്നതിനെ എതിർക്കുന്ന കോൺഗ്രസിനോട്​ പൊറുക്കരുതെന്നാണ്​ എല്ലാ ഗ്രൂപ്പുകളിലും പൊതുവായി പങ്കിടുന്ന സന്ദേശം. കോൺഗ്രസ്​ നേതാവ്​ രാഹുൽ ഗാന്ധിയുടെ പേരിൽ നാലോളം ഗ്രൂപ്പുകളിൽ വൻ വ്യാജ പ്രചാരണമാണ്​ നടക്കുന്നത്​. ഇന്ത്യയെ ഹിന്ദു രാഷ്​ട്രമാക്കുന്നതിനെ താൻ എതിർക്കുന്നുവെന്നും ഇസ്​ലാമിക രാജ്യമാക്കുകയാണ്​ തൻെറ ലക്ഷ്യമെന്നും രാഹുൽ ഗാന്ധി പറയുന്നതായാണ്​ സന്ദേശം പ്രചരിക്കുന്നത്​.

(Courtesy: The Wire.com)