എ.പി അബ്​ദുല്ലക്കുട്ടി ബി.ജെ.പി ഉപാധ്യക്ഷൻ

തിരുവനന്തപുരം: കോണ്‍ഗ്രസ് വിട്ട് ബി.ജെ.പിയിലെത്തിയ മുന്‍ എം.എൽ.എയും എം.പിയുമായ എ.പി. അബ്​ദുല്ലക്കുട്ടിയെ ബി.ജെ. പി സംസ്​ഥാന ഉപാധ്യക്ഷനായും എ.ഐ.എസ്.എഫ് മുന്‍ സംസ്ഥാന ഉപാധ്യക്ഷനും എസ്​.എൻ.ഡി.പി യോഗം അസി. സെക്രട്ടറിയുമായ കെ.എ. ബ ാഹുലേയനെ സംസ്ഥാന സെക്രട്ടറിയായും നിയമിച്ചു. സംസ്​ഥാന അധ്യക്ഷൻ പി.എസ്. ശ്രീധരന്‍പിള്ളയാണ് ഇക്കാര്യം വാർത്തസ​േ മ്മളനത്തിൽ അറിയിച്ചത്. കേന്ദ്രകമ്മിറ്റിയുടെ പ്രത്യേക അനുമതിയോടെയാണ് രണ്ടുപേരെയും സംസ്ഥാന കമ്മിറ്റിയിലേക്ക് നിയമിച്ചത്.

എക്​സിറ്റ്​പോൾ ഫലങ്ങൾ തള്ളിക്കളയുന്നു -ബി.ജെ.പി

തിരുവനന്തപുരം: ഉപതെരഞ്ഞെടുപ്പ് ഫലം സംബന്ധിച്ച്​ പുറത്തുവന്ന എക്‌സിറ്റ്‌പോൾ ഫലങ്ങളെ പാര്‍ട്ടി തള്ളിക്കളയുകയാണെന്നും ബി.ജെ.പിയുടെ വീര്യം കെടുത്താനുള്ള ശ്രമം മാത്രമാണിതെന്നും ബി.ജെ.പി സംസ്​ഥാന പ്രസിഡൻറ്​ അഡ്വ. പി.എസ്​. ശ്രീധരൻപിള്ള വാർത്തസമ്മേളനത്തിൽ പറഞ്ഞു. തെരഞ്ഞെടുപ്പില്‍ വിവിധ മതന്യൂനപക്ഷങ്ങളിൽപെട്ടവര്‍ പിന്തുണയ്ക്കാനായി രംഗത്തുവന്നത് പാര്‍ട്ടിക്ക് അഭിമാനകരമായ നേട്ടമാണ്​. ഉപതെരഞ്ഞെടുപ്പില്‍ ബി.ജെ.പിക്ക് തിരിച്ചടിയുണ്ടായിട്ടില്ലെന്നും അദ്ദേഹം കൂട്ടിച്ചേർത്തു.

ഉപതെരഞ്ഞെടുപ്പ് നടന്ന അഞ്ച് മണ്ഡലങ്ങളില്‍നിന്ന്​ ശുഭകരമായ റിപ്പോര്‍ട്ടാണ് തങ്ങള്‍ക്ക് ലഭിച്ചിട്ടുള്ളത്. തെരഞ്ഞെടുപ്പ് ഫലം വന്നശേഷം ഇക്കാര്യത്തില്‍ കൂടുതല്‍ പ്രതികരിക്കും. ജമാഅത്തെ ഇസ്​ലാമിയുടെ സംഘടനയായ വെല്‍ഫെയര്‍ പാര്‍ട്ടിയുടെ പിന്തുണ യു.ഡി.എഫിനും എസ്​.ഡി.പി.ഐയുടെ പിന്തുണ എൽ.ഡി.എഫിനും ലഭിച്ചെന്ന് കോണ്‍ഗ്രസ് നേതാവും എം.പിയുമായ കെ. മുരളീധരന്‍ പറഞ്ഞതനുസരിച്ചാണെങ്കില്‍ തത്ത്വദീക്ഷയില്ലാത്ത നിലപാടാണ് ഇരുകക്ഷികളും തെരഞ്ഞെടുപ്പില്‍ സ്വീകരിച്ചത്.

ശക്തമായ മഴയെതുടര്‍ന്ന് പോളിങ്​ കുറഞ്ഞിട്ടുണ്ട്. എന്നാൽ, ബി.ജെ.പി വോട്ടുകള്‍ കിട്ടാതെ പോയിട്ടില്ല. ബി.ജെ.പി വോട്ടുകളെല്ലാം കൃത്യമായി പോള്‍ ചെയ്​തെന്നാണ് തനിക്ക് മണ്ഡലം കമ്മിറ്റികളില്‍ നിന്ന്​ കിട്ടിയ വിവരമെന്നും ശ്രീധരൻപിള്ള വ്യക്തമാക്കി.