ആർ.എസ്​.പി യു.ഡി.എഫിൽ ഉറച്ചു നിൽക്കുമെന്ന്​ എ.എ. അസീസ്​

ആര്‍.എസ്​.പി യു.ഡിഎഫില്‍ ഉറച്ചുനില്‍ക്കുമെന്ന് എ.എ. അസീസ്. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണ​​െൻറ പ്രസ്താവന ആര്‍.എസ്​.പി പ്രവര്‍ത്തകരില്‍ ആശയക്കുഴപ്പം ഉണ്ടാക്കാന്‍ വേണ്ടിയാണ്. എല്‍.ഡി.എഫിലെ തിക്താനുഭവങ്ങള്‍ മൂലമാണ് മുന്നണി വിടേണ്ടി വന്നതെന്നും എ.എ. അസീസ് തിരുവനന്തപുരത്ത് പറഞ്ഞു.

ബിജെപിയെ നേരിടാന്‍ കോണ്‍ഗ്രസിന് മാത്രമേ കഴിയൂ. ആർ.എസ്​.പിയുടെ സീറ്റുകള്‍ എല്‍.ഡി.എഫ് കവര്‍ന്നെടുക്കുകയായിരുന്നുവെന്നും ആര്‍.എസ്​.പി സംസ്ഥാന സെക്രട്ടറി എ.എ. അസീസ് കൂട്ടിച്ചേർത്തു.