തോൽവിക്കു പിന്നാലെ ചിറ്റൂർ കോൺഗ്രസിൽ പൊട്ടിത്തെറി; മു​ൻ എം.​എ​ൽ.​എ കെ. ​അ​ച്യു​ത​െൻറ കു​ടും​ബാ​ധി​പ​ത്യ​മെന്ന്​

പാ​ല​ക്കാ​ട്‌: ത​ദ്ദേ​ശ തെ​ര​ഞ്ഞെ​ടു​പ്പി​േ​ല​റ്റ തി​രി​ച്ച​ടി​യെ​ച്ചൊ​ല്ലി ചി​റ്റൂ​രി​ൽ കോ​ൺ​ഗ്ര​സി​ൽ പൊ​ട്ടി​ത്തെ​റി.‌ മു​ൻ എം.​എ​ൽ.​എ കെ. ​അ​ച്യു​ത​െൻറ കു​ടും​ബാ​ധി​പ​ത്യ​മാ​ണ്‌ ചി​റ്റൂ​ർ- ത​ത്ത​മം​ഗ​ലം ന​ഗ​ര​സ​ഭ​യി​ലെ 73 വ​ർ​ഷ​ത്തെ കോ​ൺ​ഗ്ര​സ്‌ ഭ​ര​ണം ന​ഷ്​​ട​പ്പെ​ടു​ത്തി​യെ​ന്ന്‌ ആ​രോ​പി​ച്ച്​ യൂ​ത്ത് കോ​ൺ​ഗ്ര​സ്​ നേ​താ​ക്ക​ൾ പ​ര​സ്യ​മാ​യി രം​ഗ​ത്തെ​ത്തി. കെ. ​അ​ച്യു​ത​െൻറ ഏ​കാ​ധി​പ​ത്യ​ത്തി​ന്‌ ജ​ന​ങ്ങ​ൾ ന​ൽ​കി​യ ത​ിരി​ച്ച​ടി​യാ​ണ്‌ തെ​ര​ഞ്ഞെ​ടു​പ്പി​ൽ പ്ര​തി​ഫ​ലി​ച്ച​തെ​ന്ന്‌ നേ​താ​ക്ക​ൾ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു‌.

കെ. ​അ​ച്യു​ത​നും മ​ക​നും ഡി.​സി.​സി വൈ​സ്‌ പ്ര​സി​ഡ​ൻ​റു​മാ​യ സു​മേ​ഷ്‌ അ​ച്യു​ത​നും അ​ച്യു​ത​െൻറ സ​ഹോ​ദ​ര​ൻ കെ. ​മ​ധു​വും ചേ​ർ​ന്ന്‌ വീ​ട്ടി​ലി​രു​ന്നാ​ണ്‌ സ്ഥാ​നാ​ർ​ഥി​പ്പ​ട്ടി​ക‌ ത​യാ​റാ​ക്കി​യ‌​ത്‌. സ്വ​ന്തം താ​ൽ​പ​ര്യ​ക്കാ​രെ സ്ഥാ​നാ​ർ​ഥി​പ്പ​ട്ടി​ക​യി​ൽ തി​രു​കി​ക്ക​യ​റ്റി​യ​തോ​ടൊ​പ്പം അ​ർ​ഹ​രെ ഒ​ഴി​വാ​ക്കി. പ​ല വാ​ർ​ഡി​ലും കൂ​ടി​യാ​ലോ​ച​നാ യോ​ഗ​ങ്ങ​ൾ ന​ട​ന്നി​ല്ല. യൂ​ത്ത്‌ കോ​ൺ​ഗ്ര​സു​കാ​രെ ചി​റ്റൂ​രി​ൽ പാ​ടേ അ​വ​ഗ​ണി​ച്ചു. മു​ൻ ചെ​യ​ർ​പേ​ഴ്‌​സ​ൻ ഷീ​ബ ഉ​ൾ​പ്പെ​ടെ ദ​ലി​ത്‌ വി​ഭാ​ഗ​ക്കാ​രെ​യും ത​ഴ​ഞ്ഞു. മു​സ്​​ലിം ലീ​ഗി​നെ ഒ​തു​ക്കാ​ൻ ശ്ര​മി​ച്ച​തും തി​രി​ച്ച​ടി​യാ​യി. യു.​ഡി.​എ​ഫ്‌ സം​വി​ധാ​ന​ത്തെ ശി​ഥി​ല​മാ​ക്കി. നാ​യ​ർ സ​മു​ദാ​യ​ത്തെ ഡി.​സി.​സി വൈ​സ്‌ പ്ര​സി​ഡ​ൻ​റ്​ അ​ധി​ക്ഷേ​പി​ച്ച​ത്‌ തെ​ര​ഞ്ഞെ​ടു​പ്പി​ൽ പ്ര​തി​കൂ​ല​മാ​യി. ഞ​ങ്ങ​ൾ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ കെ.​പി.​സി.​സി ജ​ന​റ​ൽ സെ​ക്ര​ട്ട​റി ഒ. ​അ​ബ്‌​ദു​റ​ഹ്മാ​ൻ കു​ട്ടി ചി​റ്റൂ​രി​ലെ​ത്തി ആ​വ​ശ്യ​പ്പെ​ട്ടി​ട്ടും യു​വ​ജ​ന​ങ്ങ​ളെ പ​രി​ഗ​ണി​ച്ചി​ല്ല.

തെ​ര​ഞ്ഞെ​ടു​പ്പി​െൻറ തു​ട​ക്കം​മു​ത​ൽ പാ​ർ​ട്ടി ജി​ല്ല നേ​തൃ​ത്വ​ത്തെ വെ​ല്ലു​വി​ളി​ച്ചും വി​മ​ത​രെ ഇ​റ​ക്കി​യും ഔ​ദ്യാ​ഗി​ക​സ്ഥാ​നാ​ർ​ഥി​യെ പ​രാ​ജ​യ​പ്പെ​ടു​ത്താ​ൻ നേ​തൃ​ത്വം ന​ൽ​കി​യ സു​മേ​ഷ്‌ അ​ച്യു​ത​നെ പാ​ർ​ട്ടി​യി​ൽ​നി​ന്ന്‌ പു​റ​ത്താ​ക്ക​ണ​മെ​ന്നും നേ​താ​ക്ക​ൾ ആ​വ​ശ്യ​പ്പെ​ട്ടു. കൊ​ല്ല​ങ്കോ​ട്‌ ബ്ലോ​ക്ക്‌ പ​ട്ട​ഞ്ചേ​രി ഡി​വി​ഷ​നി​ൽ ഔ​ദ്യോ​ഗി​ക സ്ഥാ​നാ​ർ​ഥി എ​സ്‌. ശ്രീ​നാ​ഥി​നെ ബ​ദ​ൽ സ്ഥാ​നാ​ർ​ഥി​യെ നി​ർ​ത്തി പ​രാ​ജ​യ​പ്പെ​ടു​ത്താ​ൻ സു​മേ​ഷ്‌ നേ​രി​ട്ടി​റ​ങ്ങി. ജാ​തി​സം​ഘ​ട​ന രൂ​പ​വ​ത്ക​രി​ച്ച്‌ കെ.​പി.​സി.​സി നേ​തൃ​ത്വ​ത്തെ അ​പ​കീ​ർ​ത്തി​പ്പെ​ടു​ത്തി​യ സു​മേ​ഷി​ന്‌ പാ​ർ​ട്ടി​യി​ൽ തു​ട​രാ​ൻ അ​ർ​ഹ​ത​യി​ല്ല.

നാ​ലു​ത​വ​ണ മ​ത്സ​രി​ച്ച​വ​രെ ഒ​ഴി​വാ​ക്കു​ക​യെ​ന്ന ഡി.​സി.​സി തീ​രു​മാ​നം അ​ച്യു​ത​ൻ കു​ടും​ബം അ​ട്ടി​മ​റി​ച്ചു. ക​ഴി​ഞ്ഞ യു.​ഡി.​എ​ഫ്‌ ഭ​ര​ണ​ത്തി​ലെ സാ​മ്പ​ത്തി​ക ക്ര​മ​ക്കേ​ടു​ക​ളും വ​ഴി​വി​ട്ട​പ്ര​വ​ർ​ത്ത​ന​ങ്ങ​ളും ജ​ന​ങ്ങ​ൾ​ക്കി​ട​യി​ൽ അ​വ​മ​തി​പ്പു​ണ്ടാ​ക്കി. ഇ​വ​യെ​ല്ലാം ചൂ​ണ്ടി​ക്കാ​ട്ടി കെ.​പി.​സി.​സി നേ​തൃ​ത്വ​ത്തി​ന്‌ പ​രാ​തി അ​യ​ച്ചി​ട്ടു​ണ്ടെ​ന്നും നേ​താ​ക്ക​ൾ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. യൂ​ത്ത്‌ കോ​ൺ​ഗ്ര​സ് ചി​റ്റൂ​ർ നി​യോ​ജ​ക​മ​ണ്ഡ​ലം പ്ര​സി​ഡ​ൻ​റ് ഷ​ഫീ​ക്ക്‌ അ​ത്തി​ക്കോ​ട്‌, ജി​ല്ല സെ​ക്ര​ട്ട​റി​മാ​രാ​യ എ​ൻ. ജി​തേ​ഷ്‌, കെ. ​പ്രി​യ​ങ്ക, ജോ​യ​ൻ​റ് സെ​ക്ര​ട്ട​റി എം. ​ര​തീ​ഷ്‌​ബാ​ബു, പെ​രു​മാ​ട്ടി മ​ണ്ഡ​ലം പ്ര​സി​ഡ​ൻ​റ് ഫി​റോ​സ്‌ ഖാ​ൻ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.