Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightSportschevron_rightOther Gameschevron_rightഹാമിൽട്ടൺ യുഗം...

ഹാമിൽട്ടൺ യുഗം തുടരുന്നു; ഫോർമുല വണിൽ ഏഴാം കിരീടവുമായി ഷൂമാക്കറിനൊപ്പം

text_fields
bookmark_border
ഹാമിൽട്ടൺ യുഗം തുടരുന്നു; ഫോർമുല വണിൽ ഏഴാം കിരീടവുമായി ഷൂമാക്കറിനൊപ്പം
cancel
camera_alt

മൈക്കൽ ഷൂമാക്കർ, ലൂയിസ്​ ഹാമിൽട്ടൺ

ഇസ്​താംബൂൾ: ഫോർമുല വണിൽ റെക്കോഡ്​ നേട്ടത്തിലേക്ക്​ കാർ ഓടിച്ച്​ കയറ്റി ലൂയിസ്​ ഹാമിൽട്ടൺ. ടർക്കിഷ്​ ഗ്രാൻപ്രിയിൽ ജേതാവായതോടെയാണ്​ മെഴ്​സിഡസി​െൻറ ബ്രിട്ടീഷ്​​ താരം മൈക്കൽ ഷൂമാക്കറി​െൻറ ഏഴ്​ ഡ്രൈവേഴ്​സ്​ കിരീടമെന്ന റെക്കോഡിനൊപ്പമെത്തിയത്​.

സീസണിൽ മൂന്ന്​ ഗ്രാൻപ്രികൾ ശേഷിക്കേയാണ്​ കിരീടവിജയം. ആറാമനായി തുടങ്ങിയ ഹാമിൽട്ടൺ ഇൗർപ്പം തങ്ങിയ കാലവസ്​ഥയിൽ ത​െൻറ ക്ലാസ്​ തെളിയിച്ചാണ്​ 94ാം കരിയർ വിജയം സ്വന്തമാക്കിയത്​.

2008 ലായിരുന്നു ആദ്യ കിരീട വിജയം. 2014, 2015, 2017, 2018, 2019 വര്‍ഷങ്ങളിലായിരുന്നു ശേഷിക്കുന്ന വിജയങ്ങൾ. 1994, 1995, 2000, 2001, 2002, 2003, 2004 വര്‍ഷങ്ങളിലായിരുന്നു ജർമൻ താരമായ ഷുമാക്കര്‍ കിരീടം സ്വന്തമാക്കിയത്.

ഏറ്റവും കൂടുതൽ വിജയങ്ങൾ (94), പോൾ പൊസിഷനുകൾ (97), ഏറ്റവും കൂടുതൽ പോഡിയം ഫിനിഷുകൾ (163) തുടങ്ങി നിരവധി റെക്കോഡുകളാണ്​ ഹാമിൽട്ട​െൻറ പേരിലുള്ളത്​. അടുത്തിടെ പോർചുഗീസ്​ ഗ്രാൻപ്രീയിലാണ്​ ഷൂമാക്കറുടെ പേരിലുണ്ടായിരുന്ന 91 വിജയങ്ങളുടെ റെക്കോഡ്​ താരം പഴങ്കഥയാക്കിയത്​. 53 വിജയങ്ങളുമായി സെബാസ്​റ്റ്യൻ വെറ്റലാണ്​ ഇരുവരുടെയും പിന്നിലുള്ളത്​.

ഇസ്​താംബൂളിൽ വിജയിച്ചതോടെ തൊട്ടടുത്ത എതിരാളിയായ സഹതാരം വാൽ​ട്ടേരി ബോട്ടാസിനെ (85 പോയൻറ്​) ബഹുദൂരം പിന്നിലാക്കിയാണ്​ ഹാമിൽട്ടൺ കിരീടമുറപ്പിച്ചത്​.

തുർക്കിയിൽ ബോട്ടാസിന്​ 14ാം സ്​ഥാനമാണ്​ ലഭിച്ചത്​. സീസണിലെ 14 റേസിൽ 10ഉം സ്വന്തം പേരിലാക്കിയാണ്​ ഹാമിൽട്ട​െൻറ അവിശ്വസിനീയ കുതിപ്പ്​. ബഹ്​റൈൻ, അബൂദബി ഗ്രാൻപ്രീകളാണ്​ ഇനി വരാനിരിക്കുന്നത്​.

Show Full Article
TAGS:lewis hamilton formula 1 Michael Schumacher 
Web Title - Lewis Hamilton Win seventh F1Title Equals Michael Schumacher's Record
Next Story