കോവിഡ്​ ആശങ്ക നീക്കി ടെന്നിസ്​ കോർട്ട്​ സജീവമാവുന്നു

ന്യൂയോർക്​​: കോവിഡ്​ ആശങ്ക നീക്കി ടെന്നിസ്​ കോർട്ടും സജീവമാവുന്നു. ഏതാനും ടൂർണമെൻറുകൾ നേര​േത്ത തുടങ്ങിയെങ്കിലും യു.എസ്​ ഒാപണി​െൻറ വിളംബരമായ വെസ്​റ്റേൺ ആൻഡ്​​ സതേൺ ഒാപൺ ചാമ്പ്യൻഷിപ്പിലൂടെ (സിൻസിനാറ്റി) ദ്യോകോവിച്​, സെറീന ഉൾപ്പെടെയുള്ള പ്രമുഖർ കോർട്ടിലെത്തി.

ആദ്യ റൗണ്ട്​ കടമ്പ പലരും കളത്തിലിറങ്ങാതെതന്നെ കടന്നു. എന്നാൽ, തിരിച്ചുവരവിനൊരുങ്ങുന്ന ആൻഡി മറെ കളിച്ച്​ ജയിച്ചുതന്നെ വരവറിയിച്ചു. അമേരിക്കയു​െട ഫ്രാൻസിസ്​ ടിയോഫെയെ മൂന്നു​ സെറ്റ്​ മത്സരത്തിലാണ്​ ​വീഴ്​ത്തിയത്​. സ്​കോർ: 7-6, 3-6, 6-1. ജനുവരിയിൽ ഇടുപ്പിന്​ ശസ്​ത്രക്രിയ കഴിഞ്ഞ മറെക്ക്​ 2020ലെ ആദ്യ മത്സരമായിരുന്നു ഇത്​.

മറ്റൊരു മത്സരത്തിൽ കാനഡയുടെ 12ാം സീഡ്​ താരം ഡെനിസ്​ ഷപോവലോവ്​ മരിൻ സിലിച്ചിനെ അട്ടിമറിച്ചു (6-3, 6-3). നൊവാക്​ ദ്യോകോവിച്​, ഡേവിഡ്​ ഗോഫിൻ, അലക്​സാണ്ടർ സ്വരേവ്​, സിറ്റ്​സിപാസ്​, ഡൊമനിക്​ തീം എന്നിവർ ബൈ നേടി.വനിതകളിൽ വീനസ്​ വില്യംസും കൊറി ഗഫും ആദ്യ റൗണ്ടിൽ പുറത്തായി.

കരോലിന പ്ലിസ്​കോവ, നവോമി ഒസാക, സെറിന വില്യംസ്​ എന്നിവർ കളത്തിലിറങ്ങാതെ രണ്ടാം റൗണ്ടിലെത്തി. വിക്​ടോറിയ അസരെങ്ക 6-2, 6-3 സ്​കോറിന്​ ഡോണ വെകിച്ചിനെ തോൽപിച്ചു.

ആഗസ്​റ്റ്​ 31നാണ്​ യു.എസ്​ ഒാപൺ തുടക്കം.