Top
Begin typing your search above and press return to search.
keyboard_arrow_down
Login
exit_to_app
exit_to_app
babita phogat
cancel
camera_alt

ബബിത ഫോഗട്ട്​

Homechevron_rightSportschevron_rightOther Gameschevron_rightബബിത ഫോഗട്ട്​ കായിക...

ബബിത ഫോഗട്ട്​ കായിക വകുപ്പിലെ സ്​ഥാനം രാജിവെച്ചു; ഹരിയാനയിൽ ബി.ജെ.പിക്കായി വീണ്ടും മത്സരിച്ചേക്കും

text_fields
bookmark_border

ചണ്ഡിഗഡ്​: ഗുസ്​തിതാരവും ബി.ജെ.പി നേതാവുമായ ബബിത ഫോഗട്ട്​ ഹരിയാന കായിക വകുപ്പിലെ ഡെപ്യൂട്ടി ഡയറക്​ടർ സ്​ഥാനം ഒഴിഞ്ഞു. 2019ൽ നടന്ന നിയമസഭ തെരഞ്ഞെടുപ്പിൽ പാർട്ടി ടിക്കറ്റിൽ മത്സരിച്ച്​ തോറ്റ ബബിത അടുത്ത മാസം നടക്കാൻ പോകുന്ന ഉപതെരഞ്ഞെടുപ്പിൽ ഒരിക്കൽ കൂടി ഭാഗ്യം പരീക്ഷിക്കാനൊരുങ്ങുന്നതായാണ്​ റിപോർട്ട്​.

ഒഴിവാക്കാൻ കഴിയാത്ത സാഹചര്യങ്ങൾ കാരണം​ സ്​ഥാനം ഒഴിയുകയാണെന്നാണ്​ പ്രിൻസിപ്പൽ സെക്രട്ടറിക്കയച്ച കത്തിൽ ബബിത പറയുന്നത്​. സോനിപത്​ ജില്ലയിൽ നടക്കാൻ പോകുന്ന ഉപതെരഞ്ഞെുപ്പ്​ പ്രചാരണത്തിനായി ബബിത എത്തുമെന്ന്​ നേരത്തെ ഉറപ്പായിരുന്നു. സീറ്റ്​ ലക്ഷ്യം വെച്ച്​ അവർ ഹരിയാന മുഖ്യമന്ത്രി മനോഹർലാൽ ഖട്ടറിനെ കാണുന്നുണ്ട്​.

നവംബർ മൂന്നിനാണ്​ ബറോഡ​ മണ്ഡലത്തിൽ ഉപതെരഞ്ഞെടുപ്പ്​. 90 അംഗ നിയമസഭയിൽ 40 സീറ്റാണ്​ പാർട്ടിക്കുള്ളത്​. ജാട്ട്​ സമുദായ ശക്​തികേ​ന്ദ്രമായ മണ്ഡലത്തിൽ കാർഷിക സമരങ്ങൾ കൂടി നടക്കുന്ന സാഹചര്യത്തിൽ പാർട്ടി അത്ര പ്രതീക്ഷവെക്കുന്നില്ല.

2009 മുതൽ കോൺഗ്രസിലെ ശ്രീ കൃഷ്​ണൻ ഹൂഡ വിജയിച്ചു വരുന്ന മണ്ഡലമാണിത്​. 30കാരിയായ ബബിത പിതാവായ മഹാവീർ ഫോഗട്ടിനൊപ്പം ഹരിയാന തെരഞ്ഞെടുപ്പിന്​ തൊട്ടു മുമ്പാണ്​ ബി.ജെ.പിയിൽ ചേർന്നത്​. മൂന്ന്​ തവണ കോമൺവെൽത്ത്​ ഗെയിംസ്​ മെഡൽ ജേതാവായ ബബിതയുടെയും സഹോദരിയുടെയും ജീവിത കഥ ആസ്​പദമാക്കിയെടുത്ത ആമിർ ഖാൻ ചിത്രമായ ദംഗൽ (2016) ഇന്ത്യയിൽ കൂടാതെ ചൈനയിലും വൻ വിജയമായിരുന്നു.

ബി.ജെ.പി പ്രവേശനത്തിന്​ ​മുമ്പായി കേന്ദ്ര സർക്കാർ കൊണ്ടുവരുന്ന എല്ലാ നയങ്ങളെയും അവർ നിരുപാധികം പിന്തുണച്ചിരുന്നു. തബ്​ലീഗ്​ ജമാഅത്ത്​ സമ്മേളനം നടത്തിയത്​ വഴിയാണ്​ ഇന്ത്യയിൽ കോവിഡ്​ പടർന്ന്​ പിടിച്ചതെന്ന വിവാദ പ്രസ്​താവന വഴി ബബിത സമീപകാലത്ത്​ വാർത്തകളിൽ ഇടം നേടിയിരുന്നു. ഇന്ത്യയില്‍ വിദ്യാഭ്യാസമില്ലാത്ത പന്നികളാണ് കോവിഡ് പരത്തിയതെന്നായിരുന്നു ബബിതയുടെ വിദ്വേഷ പ്രസ്​താവന.

Show Full Article
TAGS:babita phogat BJP Haryana 
Web Title - BJP's Babita Phogat Quits Haryana Sports Department
Next Story