'അഴിമതിയിൽ റെക്കോഡ്​ ഭേദിച്ചവർക്ക്​ യു.ഡി.എഫിനെ ജയിക്കാനാവില്ല'

'അഴിമതിക്കെതിരെ ഒരു വോട്ട്​' എന്നു പറഞ്ഞാൽ എൽ.ഡി.എഫിനെതിരെ ഒരു വോട്ട്​ എന്നാണ്​ ജനങ്ങൾ കണക്കാക്കുക. യു.ഡി.എഫിനെതിരെ ഉയർത്തിയ ആ​േരാപണങ്ങൾ ശരിയെന്ന്​ ​തെളിയിക്കേണ്ടിയിരിക്കുന്നു. ബാർകോഴ ഇടതുപക്ഷം എത്ര തവണയെടുത്തു​. അവർ അതിന്​ വല്ല​ ഗൗരവവും കാണുന്നുണ്ടോ? അഴിമതിക്കാരെന്നു പറഞ്ഞവരെയൊക്കെ ന്യായീകരിക്കുന്ന ഗതികേടിലാണിപ്പോൾ എൽ.ഡി.എഫ്​​.

യു.ഡി.എഫ്​ ഇൗ തെരഞ്ഞെടുപ്പിൽ മുന്നോട്ടുവെക്കുന്ന മുദ്രാവാക്യം എന്താണ്​?

അഴിമതി നിറഞ്ഞ ദുർഭരണമാണ്​ എൽ.ഡി.എഫി​േൻറതെന്ന്​ വ്യക്തമായിരിക്കുന്നു. ഇടതുഭരണം മുമ്പും കേരളം കണ്ടിട്ടുണ്ട്​. എന്നാൽ, ഇത്ര നിയന്ത്രണംവിട്ട അഴിമതി അവരിൽനിന്നാരും പ്രതീക്ഷിച്ചില്ല. നയതന്ത്ര ചാനൽ വഴി നിരവധിതവണ സ്വർണക്കടത്ത്​, ലഹരി, ഡോളർ കടത്ത്​ എന്നിങ്ങനെ ഒരു അധോലോകത്തി​െൻറ പ്രവർത്തനങ്ങളാണ്​ പുറത്തുവന്നിരിക്കുന്നത്.

അഴിമതികൊണ്ട്​ ഞെട്ടിച്ച ഇൗ ഇടതുഭരണത്തിനു പകരം ബി.ജെ.പിയല്ല. ഒരു കാലത്തും ആയിക്കൂടാ. ബദൽ​ ​െഎക്യജനാധിപത്യ മുന്നണിയാണ്​. ഇൗ ഇരുമ്പുമറ ഭരണത്തേക്കാൾ ജനാധിപത്യപരവും സുതാര്യവുമായ ഞങ്ങളുടെ ഭരണമാണ്​ ജനം ആഗ്രഹിക്കുന്നത്​. മികച്ച ക്രൈസിസ്​ മാനേജ്​മെൻറ്​, ​െഡവലപ്​മെൻറ്​, സാമൂഹിക പരിഷ്​കരണം, ധനാഗമനമാർഗങ്ങൾ -ഇതിലൊക്കെ​ യു.ഡി.എഫിന്​ വ്യക്തമായ നയപരിപാടികളുണ്ട്​. അത്​ ഞങ്ങൾ മാനിഫെസ്​റ്റോ ആയി സമർപ്പിക്കും.​

'അഴിമതിക്കെതിരെ ഒരു വോട്ട്​' എന്ന മുദ്രാവാക്യവുമായി മുന്നിട്ടിറങ്ങിയ സന്ദർഭത്തിൽ യു.ഡി.എഫിനെതിരെ ഉയർന്ന അഴിമതിയാരോപണങ്ങൾ തിരിച്ചടിയായില്ലേ?

'അഴിമതിക്കെതിരെ ഒരു വോട്ട്​' എന്നു പറഞ്ഞാൽ എൽ.ഡി.എഫിനെതിരെ ഒരു വോട്ട്​ എന്നാണ്​ ജനങ്ങൾ കണക്കാക്കുക. യു.ഡി.എഫിനെതിരെ ഉയർത്തിയ ആ​േരാപണങ്ങൾ ശരിയെന്ന്​ ​തെളിയിക്കേണ്ടിയിരിക്കുന്നു. ബാർകോഴ ഇടതുപക്ഷം എത്ര തവണയെടുത്തു​.

അവർ അതിന്​ വല്ല​ ഗൗരവവും കാണുന്നുണ്ടോ? അഴിമതിക്കാരെന്നു പറഞ്ഞവരെയൊക്കെ ന്യായീകരിക്കുന്ന ഗതികേടിലാണിപ്പോൾ എൽ.ഡി.എഫ്​​. അതിൽനിന്ന്​ കുറച്ചാളുകളെ പെറുക്കിയെടുത്ത്​, പ്രതിപക്ഷനേതാവിനെതിരെ ചെയ്​തപോലെ ആ​േരാപണമുന്നയിക്കുന്നത്​ എങ്ങുമെത്തില്ല. തങ്ങൾക്കെതിരെ ആരോപണം കനത്തപ്പോൾ പകരം പറയുകയാണെന്നേ ജനങ്ങൾ കരുതുന്നുള്ളൂ.

ഖമറുദ്ദീൻ എം.എൽ.എ ഒാണററി ചെയർമാനായ ഒരു ബിസിനസ്​ പരാജയപ്പെട്ടത്​ പർവതീകരിക്കുകയാണ്​. പാലാരിവട്ടം പാലത്തി​െൻറ കാര്യത്തിൽ മന്ത്രി ഉത്തരവാദിയാണോ അല്ലേ എന്നു തെളിയിച്ചിട്ടുവേണം. അഞ്ചുകൊല്ലം മുമ്പ്​ ഇതൊക്കെ പറഞ്ഞു നടന്നാണല്ലോ അവർ വോട്ടു നേടിയത്​. അങ്ങ​െന അധികാരത്തിലേറിയ ശേഷം അവർ ചെയ്​ത കാര്യങ്ങളാണ്​ ഇൗ തെരഞ്ഞെടുപ്പിൽ ചർച്ചയാവുക.

ഒരു തകർപ്പൻ ജയസാധ്യത പ്രതീക്ഷിച്ചിരിക്കെ വന്ന അഴിമതിയാരോപണങ്ങൾ യു.ഡി.എഫിനെ ആശയക്കുഴപ്പത്തിലാക്കിയില്ലേ? വിജിലൻസിനെ കാണിച്ച്​ ഇനിയും ഭീഷണികൾ ബാക്കിയാണ്​​.

വിചാരണയില്ലാതെ വിധിയെഴുതി കടുത്ത നടപടി സ്വീകരിക്കുകയാണ്​ ഇൗ ഗവൺ​മെൻറ്​. ആരോപണമുന്നയിക്കുന്നു. അന്വേഷണം പോലുമില്ലാതെ വേഗം അറസ്​റ്റിലേക്കും നടപടികളിലേക്കും കടക്കുന്നു. യു.ഡി.എഫ്​ എം.എൽ.എമാരെ പറ്റി കേട്ട അതേ ആരോപണങ്ങളിൽ പെട്ട മന്ത്രിമാരും എം.എൽ.എമാരും അപ്പുറത്തില്ലേ? അവരെ ആരെയും അറസ്​റ്റു ചെയ്​തില്ലല്ലോ.

ബി.ജെ.പിയെ കുറ്റംപറയുന്നവർ സ്വന്തം കൈയിലുള്ള അധികാരം ദുർവിനിയോഗം ചെയ്​ത്​ യു.ഡി.എഫിനെ ഒതുക്കാൻ ​ശ്രമിക്കുകയാണ്​. വിചാരണപോലും കൂടാതെ റിമാൻഡ്​ ചെയ്​ത്​ തടവിലിടുക. ഖമറുദ്ദീ​ൻ കേസിൽ ഇനിയും ഒരുപാട്​ പ്രതികളെ കിട്ടാനുണ്ടെന്നും അതിനാൽ, ജാമ്യം കൊടുക്കരുതെന്നും​ കോടതിയിൽ പറയുന്നു. എന്നാൽ, ബാക്കി പ്രതികളെ അറസ്​റ്റു ചെയ്യുന്നില്ല.

എം.സി. ഖമറുദ്ദീൻ, ഇ​ബ്രാഹീം കുഞ്ഞ്​, കെ.എം. ഷാജി...മുസ്​ലിംലീഗിനെ പ്രത്യേകം ഉന്നമിടുക​യാണോ?

മുസ്​ലിംലീഗിനെ പ്രത്യേകം ടാർഗറ്റ്​ ചെയ്യുന്നുണ്ട്​. ലീഗിനെ ഒതുക്കുകയെന്ന അജണ്ട എല്ലാക്കാലത്തും എൽ.ഡി.എഫിനുണ്ട്​. കെ.എം. ഷാജിയുടെ വീട്​ അളന്നുനോക്കി, വരുമാനത്തി​െൻറ കണക്കു നോക്കി. എന്നിട്ടും വിജിലൻസിന്​ കേസ്​ കണ്ടെത്താൻ കഴിഞ്ഞില്ല. പക്ഷേ, അത്​ കേന്ദ്ര ഏജൻസിക്ക്​ റഫർ ചെയ്​തു. വിജിലൻസ്​ ഒഴിവാക്കിയ ഇഷ്യൂ പിന്നെയും പരാതി എഴുതിവാങ്ങി എഫ്​.​െഎ.ആർ ഇടുകയാണ്​. അപ്പോൾ ഒതുക്കാനുള്ള ശ്രമമാണെന്നു വ്യക്തം​.

പാലാരിവട്ടം അഴിമതിക്കു പിന്നിൽ​ ഇ​ബ്രാഹീം​കുഞ്ഞല്ല, കുഞ്ഞാലിക്കുട്ടിയാണ്​ എന്നും സ്വർണക്കടത്ത്​ കേസിൽ അറസ്​റ്റിലായവരിലൊരാൾ മുൻമന്ത്രിയുടെ ബന്ധുവാണ്​ എന്നുമൊക്കെ ആരോപണമുയർന്നു?

സ്വർണക്കടത്തു കേസിലെ പ്രതിയെ എ​െൻറ ബന്ധുവാണെന്നു സ്ഥാപിക്കാൻ തുടക്കത്തിൽ ശ്രമിച്ചുനോക്കി. ഇ​ബ്രാഹീംകുഞ്ഞ്​, ഖമറുദ്ദീൻ വിഷയങ്ങളിൽ രാഷ്​ട്രീയബന്ധമെങ്കിലും പറയാമെന്നു ​വെക്കുക.

എന്നാൽ, സ്വർണക്കടത്തുകേസ്​ പ്രതിയും ഞാനും തമ്മിൽ എന്ത്​? ഒരേ പ്രദേശം എന്നതോ അതോ, ഒരേ സമുദായം ​ എന്നതോ? എന്നേക്കാൾ അടുത്ത ബന്ധുക്കൾ അയാൾക്ക്​ സി.പി.എമ്മിലാണുള്ളത്. വിശദമായ അന്വേഷണം നടന്നപ്പോൾ എന്തായി? കണ്ണികളോരോന്നും വെളിപ്പെട്ടപ്പോൾ എല്ലാം അവർതന്നെ.

ഇൗ ആരോപണങ്ങളെ മുസ്​ലിംലീഗ്​ എങ്ങനെയാണ്​ നേരിടുക?

രാഷ്​ട്രീയപ്രേരിതമായ ഇതൊക്കെ രാഷ്​ട്രീയമായിത്തന്നെ നേരിടും. അതിനു ഞങ്ങളുടെ കൈയിൽ തെളിവുകളുണ്ട്​. സ്വർണക്കടത്തിൽ എന്തൊക്കെ പറഞ്ഞുനോക്കി. ഒടുവിൽ എന്തായി? അസത്യമായതിനാൽ അവരുടെ ആരോപണങ്ങളൊന്നും ​തെളിയിക്കാനാവില്ല.

സംവരണസംരക്ഷണ പ്രക്ഷോഭങ്ങളിൽ ഒരുകാലത്ത്​ സജീവമായി രംഗത്തുണ്ടായിരുന്ന മുസ്​ലിംലീഗ്​ മുന്നാക്കസംവരണം എന്ന സംവരണ അട്ടിമറിയുമായി എൽ.ഡി.എഫ്​ വന്നപ്പോൾ എതിർക്കുന്നതിൽ പഴയപടി സജീവമായില്ല എന്നു വിമർശനമുണ്ട്​?

മുന്നാക്കസംവരണം ഇടതുമുന്നണിയുടെ കെണിയാണ്​. മുന്നാക്ക​ക്കാരോട്​ വല്ല പ്രതിബദ്ധതയുമുണ്ടായിരുന്നെങ്കിൽ എന്തിന്​ ​തെരഞ്ഞെടുപ്പു വരെ കാത്തിരുന്നു? തെരഞ്ഞെടുപ്പ്​ അടുത്തപ്പോൾ പുതി​യ വിവാദമുണ്ടാക്കി അഴിമതിയാരോപണങ്ങളിൽനിന്നു ശ്രദ്ധ തിരിച്ചുവിടാൻ ഒരു ആയുധമെടുത്തിട്ട്​ ജനങ്ങളെ പരസ്​പരം തല്ലിക്കാനാണ്​ നോക്കിയത്​.

സംവരണത്തി​ൽ മുസ്​ലിംലീഗിന്​ വിട്ടുവീഴ്​ചയില്ലാത്ത നിലപാടുണ്ട്​. ഇൗ സംവരണബിൽ വന്നപ്പോൾ ആ നിലപാടനുസരിച്ച്​ ഞങ്ങൾ വോട്ടുചെയ്​തിട്ടുണ്ട്​, യു.ഡി.എഫിലാണെങ്കിലും ഞങ്ങൾ സ്വന്തം നിലപാടിൽ ഉറച്ചുനിന്നു​. സംവരണനയത്തിൽ വ്യത്യാസമോ സംവരണമുന്നണിയുമായി വിയോജിപ്പോ ഒന്നും ​ഉണ്ടായിട്ടില്ല. പക്ഷേ, ഇലക്​ഷൻ പ്രഖ്യാപിച്ച ശേഷം എൽ.ഡി.എഫ്​ ഒരുക്കിയ കെണി മനസ്സിലാക്കിയതിനാൽ അതിനു നിന്നുകൊടുക്കില്ല​.

പ്രത്യക്ഷ സമരപരിപാടികളിൽനിന്നു മുസ്​ലിംലീഗ്​ വിട്ടുനിൽക്കുകയോ സമരത്തിനു മുന്നിട്ടിറങ്ങുന്ന പോഷകഘടകങ്ങളെ തണുപ്പിക്കുക​േയാ ചെയ്യുന്നു?

അ​ങ്ങനെയൊന്നുമില്ല. സമരരംഗത്തും ഞങ്ങൾ സജീവമാണ്​. കോവിഡ്​ കാല​ത്ത്​ പ്രവാസികൾക്കു പ്രതിസന്ധി വന്നപ്പോൾ ഏതു കക്ഷിയേയും കവച്ചുവെച്ചു മുന്നിലെത്തി ലക്ഷ്യം കാണുന്നതുവരെ ഞങ്ങൾ സമരം ചെയ്​തു. സർക്കാർ ഇക്കാര്യത്തിൽ അലംഭാവം പുലർത്തുമെന്നു കണ്ടപ്പോൾ ഞങ്ങൾ സന്നദ്ധപ്രവർത്തനത്തിനിറങ്ങി.

ലീഗ്​ ഒരുകാലത്തും നിശ്ശബ്​ദമായിരുന്നിട്ടില്ല. പോഷകസംഘടനകളായ യൂത്ത്​ ലീഗ്​, എം.എസ്​.എഫ്, കെ.എം.സി.സി​ -ഇവരൊക്കെ വിവിധ വിഷയങ്ങളിൽ പ്രത്യക്ഷപ്രക്ഷോഭവുമായി രംഗത്തുണ്ട്​. യു.ഡി.എഫിൽ ഏതു വിഷയത്തിലും പ്രക്ഷോഭത്തിനു മുന്നിലുണ്ട്​ ലീഗ്​. അതുകൊണ്ടാണ്​ ഞങ്ങളെ ടാർഗറ്റ്​ ചെയ്യുന്നതും.

സന്നദ്ധസേവനത്തിന്​ സംഘടനകൾ വേറെയുമുണ്ട്​. ലീഗിൽനിന്ന്​ പ്രതീക്ഷിക്കുന്നത്​ രാഷ്​ട്രീയ ഇടപെടലാണ്​. സന്നദ്ധപ്രവർത്തനത്തിന്​ മുൻതൂക്കം നൽകി രാഷ്​ട്രീയ ഇടപെടലിൽ മുസ്​ലിംലീഗ്​ പിന്നാക്കം പോകുന്നുണ്ടോ?

സി.പി.എം പരാജയപ്പെട്ടതും ഞങ്ങൾ വിജയിച്ചതും അവിടെയാണ്​. സംഘടനശക്തികൊണ്ട്​ കുറെയൊക്കെ സന്നദ്ധപ്രവർത്തനം അവർക്ക്​ നടത്താമല്ലോ. അതൊന്നും ചെയ്​തില്ല. മുദ്രാവാക്യത്തിൽ മാത്രം കാര്യമില്ല, നമ്മൾ കഷ്​ടത്തിലാവുകയേയുള്ളൂ എന്നു​ ജനം മാറിച്ചിന്തിച്ചതാണ്​ ബംഗാളിൽ അവരുടെ തകർച്ചക്കു കാരണം. കേരളത്തിലും ആ തകർച്ച സംഭവിച്ചു​കൊണ്ടിരിക്കുന്നു.

എന്നാൽ, ഞങ്ങൾ ജനജീവിതത്തിൽ നേരിട്ടുള്ള ഇടപെടൽ രാഷ്​ട്രീയപ്രവർത്തനത്തി​​െൻറ ഭാഗമാക്കി. ഭരണം കിട്ടിയാൽ അതുകൊണ്ട്​ കുറെ വികസനം കൊണ്ടുവരും. ഉദാഹരണത്തിന്​, മലപ്പുറം ജില്ല ഇന്ന്​ പഴയപടിയാണോ? ലീഗി​െൻറ ശക്തികേന്ദ്രങ്ങൾ, ഇടതുപക്ഷത്തി​െൻറ ശക്തികേന്ദ്രങ്ങളേക്കാൾ വികസിതമാണ്.

കണ്ണൂരി​െൻറ അ​കത്തേക്ക്​ പാർട്ടിഗ്രാമങ്ങൾ എന്നൊക്കെ പറയുന്നിടങ്ങളിലേക്കു ചെന്നുനോക്കൂ, വികസനകാര്യത്തിൽ തീരെ ശ്രദ്ധ ലഭിക്കാത്ത ഭാഗങ്ങളാണ്​. ഭരണമില്ലാത്ത കാലത്ത്​ സംഘടനസംവിധാനം ഉപയോഗിച്ച്​ ഞങ്ങൾ ജനങ്ങളെ സേവിക്കുന്നു. ബൈത്തുറഹ്​മ ഭവനപദ്ധതി ​പോലെ പലതും ചെയ്യുന്നു.

വർഗീയധ്രുവീകരണത്തിന്​ യു.ഡി.എഫും മുസ്​ലിംലീഗും ശ്രമിക്കുന്നു എന്നാണ് എൽ.ഡി.എഫി​െൻറ ആരോപണം.

ഇ​ൗ ആരോപണം ഉന്നയിക്കുന്നവർ പഴയ പൊന്നാനി പരീക്ഷണം ഒാർക്കണം. ഇ.ടി. മുഹമ്മദ്​ ബഷീറിനെ തോൽപിക്കാൻ അന്നു എല്ലാ മുസ്​ലിംപാർട്ടികളെയും കൂടെ കൂട്ടി, അവരിൽനിന്നൊരാളെ സ്ഥാനാർഥിയാക്കി.

ബാബരി മസ്​ജിദ്​ ദുരന്തശേഷം ലീഗ്​ അപ്രസക്തമായെന്നും മുസ്​ലിംസംഘടനകൾ വേറെ വളർന്നുകഴിഞ്ഞെന്നും പറഞ്ഞ്​ ഒറ്റപ്പാലത്തും ഗുരുവായൂരു​െമാക്കെ എന്തു കാമ്പയിനാ നടത്തിയത്​! ഇന്നത്തെ എസ്​.ഡി.പി.​െഎ പോലുള്ള പാർട്ടികളാക്കെ അന്നത്തെ രാഷ്​ട്രീയത്തി​െൻറ ബൈപ്രോഡക്​ടുകളാണ്​. പിൽക്കാലത്ത്​ ഇൗ പാർട്ടികളെ​െയാക്കെ അവർതന്നെ ഉപയോഗിച്ചില്ലേ? ഇൗ തെരഞ്ഞെടുപ്പിലും അതുണ്ട്​.

പ്രാദേശികമായി യു.ഡി.എഫിനു പുറത്തു വെൽഫെയർ പാർട്ടിയടക്കമുള്ള ചില രാഷ്​ട്രീയ, സാമൂഹിക, സാംസ്​കാരിക സംഘടനകളുമായി ധാരണ വന്നിരിക്കാം. അതേ ധാരണ മുമ്പ്​ അവരുമുണ്ടാക്കിയിട്ടുണ്ട്​. ഗീബൽസിയൻ പ്രചാരണതന്ത്രം ഞങ്ങൾക്കെതിരെ പ്രയോഗിക്കുന്നുവെന്നു മാത്രം.

കഴിഞ്ഞ തെരഞ്ഞെടുപ്പിൽ കുഞ്ഞൂഞ്ഞ്​-കുഞ്ഞുമാണി -കുഞ്ഞാലിക്കുട്ടി എന്നു മതശക്തികളൊന്നിച്ചു എന്നായിരുന്നു ഇടതുപക്ഷ പ്രചാരണം. ഇത്തവണ അത്​ കുഞ്ഞാലിക്കുട്ടി-ഹസൻ-അമീർ എന്ന മുസ്​ലിം ധ്രുവീകരണത്തിലേക്ക്​ ചുരുങ്ങിയിരിക്കുന്നു.

ആ പ്രയോഗം ബി.ജെ.പിയുടേതാണ്​. അത്​ ഇടക്കിടെ സി.പി.എമ്മും ഇടതുപക്ഷവും കടമെടുക്കും. കാർഡുകൾ മാറിമാറി കളിക്കുകയാണവർ​. ചിലപ്പോൾ മൈനോറിറ്റി കാർഡ്​, ചിലപ്പോൾ മെജോറിറ്റി കാർഡ്​. ഒാരോ കാലത്തേക്കും ഫിറ്റായത്​ സ്വീകരിക്കുന്ന പാഷാണം വർക്കിയുടെ ഇടപാട്​. അതല്ലാതെ അതിന്​ ഒരു വിലയുമില്ല.

ഇത്തരം പ്രചാരവേലകളെ എങ്ങനെ മറികടക്കും?

അതൊന്നും ഏശാൻ പോകുന്നില്ല. ആദ്യ റൗണ്ടിൽ എല്ലാ ജില്ലകളിലേയും സ്ഥിതിഗതികൾ ഞങ്ങൾ വിലയിരുത്തി. മധ്യതിരുവിതാംകൂറിലൊക്കെ യു.ഡി.എഫ്​ മുന്നേറുന്നിടത്താണ്​ കാര്യങ്ങൾ. ഇൗ തന്ത്രങ്ങളൊന്നും അവിടെ ഫലിച്ചിട്ടില്ല. കേരള കോൺഗ്രസി​െൻറ ഒരു കഷണത്തെ കിട്ടിയിട്ടും അവിടെ കാര്യമായൊന്നും നടന്നിട്ടില്ല.