Begin typing your search above and press return to search.
proflie-avatar
Login
exit_to_app
exit_to_app
money
cancel
Homechevron_rightOpinionchevron_rightViewschevron_rightവായ്പ അടവ്...

വായ്പ അടവ് മുടങ്ങിയതിന് ജീവിതം തകർക്കരുത്

text_fields
bookmark_border
Listen to this Article

ക​ഴി​ഞ്ഞ കു​റ​ച്ചു​മാ​സ​മാ​യി ബാ​ങ്കു​ക​ൾ സ​ർ​ഫാ​സി നി​യ​മ​പ്ര​കാ​രം ജ​പ്തി ന​ട​പ​ടി​ക​ളു​മാ​യി മു​ന്നേ​റി​ക്കൊ​ണ്ടി​രി​ക്കു​ക​യാ​ണ്. കോ​വി​ഡ് സാ​ഹ​ച​ര്യ​വും കാ​ലാ​വ​സ്ഥ വ്യ​തി​യാ​ന​വും ഉ​ൽ​പ​ന്ന​ങ്ങ​ളു​ടെ വി​ല​ക്കു​റ​വും കേ​ര​ള​ത്തി​ലെ വാ​യ്പ​ക്കാ​രെ, പ്ര​ത്യേ​കി​ച്ച് ചെ​റു​കി​ട വാ​യ്പ​ക്കാ​രെ അ​തീ​വ പ്ര​തി​കൂ​ല​മാ​യി ബാ​ധി​ച്ചു​വെ​ന്ന യാ​ഥാ​ർ​ഥ്യ​മൊ​ന്നും പ​രി​ഗ​ണി​ക്കാ​തെ​യാ​ണ് ഈ ​ന​ട​പ​ടി​ക​ൾ. വാ​യ്പ തി​രി​ച്ച​ട​വ് എ​ങ്ങ​നെ​യെ​ങ്കി​ലും സാ​ധ്യ​മാ​ക്കാ​ൻ നെ​ട്ടോ​ട്ട​മോ​ടു​ന്ന മ​നു​ഷ്യ​ർ​ക്കു​മേ​ൽ ജ​പ്തി ന​ട​പ​ടി​ക​ളു​ടെ ഭീ​ഷ​ണി വ​രു​ന്ന​തോ​ടെ ജീ​വി​തം ത​കി​ടം മ​റി​യു​ന്ന സ്ഥി​തി​യാ​ണ്.

നി​ല​വി​ൽ ഒ​രു വാ​യ്പ 90 ദി​വ​സ​ത്തി​നു​മേ​ലെ കു​ടി​ശ്ശി​ക​യാ​യാ​ൽ 91-ാം ദി​വ​സം മു​ത​ൽ കി​ട്ടാ​ക്ക​ടം (എ​ൻ.​പി.​എ) എ​ന്ന ഗ​ണ​ത്തി​ൽ​പെ​ടു​ത്തു​ന്നു. പി​ന്നീ​ട് സ​ർ​ഫാ​സി നി​യ​മ​പ്ര​കാ​രം, ഈ​ടു​വെ​ച്ച വ​സ്തു​വും സ്ഥ​ല​വും കൈ​വ​ശ​പ്പെ​ടു​ത്ത​ൽ, ലേ​ലം ചെ​യ്യ​ൽ തു​ട​ങ്ങി​യ ന​ട​പ​ടി​ക​ളു​മാ​യി ബാ​ങ്കു​ക​ൾ മു​ന്നോ​ട്ടു​പോ​വു​ക​യാ​ണ്. ആ​ധാ​രം ബാ​ങ്കി​ൽ ആ​യ​തു​കൊ​ണ്ട്, ന​ല്ല വി​പ​ണി​വി​ല​ക്ക് വി​ൽ​പ​ന ഉ​റ​പ്പി​ക്കാ​ൻ​പോ​ലും വാ​യ്പ​ക്കാ​ർ​ക്ക് സാ​ധി​ക്കു​ന്നി​ല്ല. സ​ർ​ഫാ​സി നി​യ​മ​പ്ര​കാ​രം ബാ​ങ്കു​ക​ൾ​ക്ക് ഒ​രു കോ​ട​തി​യി​ലും പോ​കാ​തെ നേ​രി​ട്ട് ന​ട​പ​ടി സ്വീ​ക​രി​ക്കാ​മെ​ന്ന സാ​ഹ​ച​ര്യ​മാ​ണ്.

പ​ക്ഷേ, സ​ർ​ഫാ​സി നി​യ​മ​പ്ര​കാ​രം ത​ന്നെ താ​ഴെ​പ​റ​യു​ന്ന നി​ബ​ന്ധ​ന​ക​ൾ ബാ​ങ്കു​ക​ൾ തീ​ർ​ച്ച​യാ​യും പാ​ലി​ക്കേ​ണ്ട​താ​ണ്.

1. വാ​യ്പ​യി​ലെ ബാ​ക്കി​ത്തു​ക ഒ​രു ല​ക്ഷം രൂ​പ​യോ അ​തി​ൽ കൂ​ടു​ത​ലോ ആ​യാ​ൽ മാ​ത്ര​മേ സ​ർ​ഫാ​സി ബാ​ധ​ക​മാ​വൂ.

2. വാ​യ്പ​യി​ലെ ബാ​ക്കി​ത്തു​ക മു​ത​ലും പ​ലി​ശ​യും അ​ട​ക്ക​മു​ള്ള തു​ക​യു​ടെ 20 ശ​ത​മാ​ന​ത്തി​ൽ കൂ​ടു​ത​ൽ ആ​വ​ണം.

3. ഈ​ടു​വെ​ച്ച വ​സ്തു കാ​ർ​ഷി​കാ​വ​ശ്യ​ത്തി​ന് ഉ​പ​യോ​ഗി​ക്കു​ന്ന ഭൂ​മി ആ​വ​രു​ത്. അ​താ​യ​ത് കൃ​ഷി​ഭൂ​മി ജ​പ്തി ചെ​യ്യ​രു​ത്.

നൂ​റ്റാ​ണ്ടി​ന്റെ മ​ഹാ​മാ​രി എ​ന്ന് വി​ശേ​ഷി​പ്പി​ക്കാ​വു​ന്ന കോ​വി​ഡ് വ​രു​ത്തി​യ പ​രി​ക്കു​ക​ൾ നേ​രി​ടാ​ൻ സ​ർ​ക്കാ​റും റി​സ​ർ​വ് ബാ​ങ്കും അ​സാ​ധാ​ര​ണ സ​ഹാ​യ ന​ട​പ​ടി​ക​ൾ ഉ​ട​ൻ സ്വീ​ക​രി​ക്കേ​ണ്ടി​യി​രി​ക്കു​ന്നു. പ​ല കു​ടും​ബ​ങ്ങ​ളും ആ​ത്മ​ഹ​ത്യ​യു​ടെ വ​ക്കി​ലാ​ണ് എ​ന്ന യാ​ഥാ​ർ​ഥ്യം തി​രി​ച്ച​റി​യ​ണം. സ​ർ​ക്കാ​റി​ന് ഉ​ട​ൻ ന​ട​പ്പാ​ക്കാ​നാ​വു​ന്ന ഏ​താ​നും ചി​ല നി​ർ​ദേ​ശ​ങ്ങ​ൾ:

1. കി​ട്ടാ​ക്ക​ടം എ​ന്ന ഗ​ണ​ത്തി​ലേ​ക്ക് മാ​റ്റു​ന്ന സ​മ​യ​പ​രി​ധി 90 ദി​വ​സ​ത്തി​ൽ​നി​ന്ന് ര​ണ്ട് വ​ർ​ഷ​മാ​ക്കു​ക (1992ൽ ​ഇ​ത് ര​ണ്ടു​വ​ർ​ഷ​മാ​യി​രു​ന്നു)

2. കോ​വി​ഡ്കാ​ല മൊ​റ​ട്ടോ​റി​യം ആ​റു മാ​സ​ത്തി​ൽ​നി​ന്ന് ര​ണ്ടു​വ​ർ​ഷ​മാ​യി ഉ​യ​ർ​ത്തു​ക. കോ​വി​ഡ് ഇ​നി​യും വി​ട്ടു​പോ​യി​ട്ടി​ല്ലെ​ന്നും അ​ത് ഏ​ൽ​പി​ച്ച സാ​മ്പ​ത്തി​ക ആ​ഘാ​ത​ത്തി​ൽ​നി​ന്ന് ജ​ന​ങ്ങ​ൾ ക​ര​ക​യ​റി​യി​ട്ടി​ല്ല എ​ന്നും മ​ന​സ്സി​ലാ​ക്കു​ക

3. കി​ട്ടാ​ക്ക​ട​ത്തി​ലേ​ക്ക് മാ​റ്റു​മ്പോ​ൾ ഈ​ട് വ​സ്തു​വി​ന്റെ വി​പ​ണി​വി​ല കൂ​ടി പ​രി​ഗ​ണി​ക്കു​ക. ഇ​ത് മ​തി​യാ​യ വി​ല​യു​ണ്ടെ​ങ്കി​ൽ ബാ​ങ്കു​ക​ൾ അ​നു​ഭാ​വ​പൂ​ർ​ണ​മാ​യ സ​മീ​പ​നം സ്വീ​ക​രി​ക്കു​ക

4. ആ​വ​ശ്യ​മെ​ങ്കി​ൽ വാ​യ്പ പു​നഃ​ക്ര​മീ​ക​രി​ക്കു​ക, പു​ന​ർ​വാ​യ്പ ന​ൽ​കു​ക

5. മി​ക്ക വാ​യ്പ​ക​ളി​ലും അ​പ്ര​തീ​ക്ഷി​ത വി​പ​രീ​ത സാ​ഹ​ച​ര്യ​മാ​ണ് തി​രി​ച്ച​ട​വ് മു​ട​ങ്ങാ​ൻ കാ​ര​ണ​മെ​ന്ന സ​ത്യം സ​ർ​ക്കാ​റും ബാ​ങ്കു​ക​ളും തി​രി​ച്ച​റി​യു​ക

6. വി​ദേ​ശ​ത്തു​നി​ന്ന് ക​ണ്ണും​പൂ​ട്ടി അ​പ്പ​ടി പ​ക​ർ​ത്തി​യ വാ​യ്പ ത​രം​തി​രി​ക്ക​ൽ രീ​തി നി​ർ​ത്ത​ലാ​ക്കു​ക. ഇ​ന്ത്യ​ൻ സാ​ഹ​ച​ര്യ​ങ്ങ​ൾ​ക്ക് അ​നു​യോ​ജ്യ​മാ​യ വാ​യ്പ തി​രി​ച്ചു​പി​ടി​ക്ക​ൽ രീ​തി​യും നി​യ​മ​വും ന​ട​പ്പാ​ക്കു​ക

7. 1991ൽ ​ന​മു​ക്കു​ണ്ടാ​യ വി​ദേ​ശ​നാ​ണ്യ പ്ര​തി​സ​ന്ധി പ​രി​ഹ​രി​ക്കാ​ൻ വി​ദേ​ശ​രാ​ജ്യ​ങ്ങ​ളോ​ടും സ്ഥാ​പ​ന​ങ്ങ​ളോ​ടും ക​ടം​വാ​ങ്ങു​മ്പോ​ഴു​ള്ള വ്യ​വ​സ്ഥ​ക​ളി​ൽ​പെ​ട്ട​താ​യി​രു​ന്നു ബാ​ങ്കി​ങ് പ​രി​ഷ്കാ​ര​വും വാ​യ്പ ത​രം​തി​രി​ക്ക​ലും

8. നി​ല​വി​ലെ സ​ർ​ഫാ​സി ന​ട​പ​ടി​ക​ൾ ഉ​ട​ൻ നി​ർ​ത്തി​വെ​ക്കു​ക. പ​ല ജ​പ്തി​ക​ളി​ലും ബാ​ലാ​വ​കാ​ശ​ങ്ങ​ളു​ടെ​യും സ്ത്രീ ​അ​വ​കാ​ശ​ങ്ങ​ളു​ടെ​യും സ​മ​സ്ത മ​നു​ഷ്യാ​വ​കാ​ശ​ങ്ങ​ളു​ടെ​യും ക​ടു​ത്ത ലം​ഘ​ന​മാ​ണ് ന​ട​മാ​ടു​ന്ന​ത്. പ​ണം തി​രി​ച്ച​ട​വ് വൈ​കി എ​ന്ന​ത് മ​നു​ഷ്യാ​വ​കാ​ശ​ങ്ങ​ൾ നി​ഷേ​ധി​ക്ക​പ്പെ​ടാ​ൻ ന്യാ​യ​മേ​യ​ല്ല എ​ന്ന് സ​മൂ​ഹ​വും സ​ർ​ക്കാ​റും തി​രി​ച്ച​റി​യു​ക.

(മൂന്നു​ പ​തി​റ്റാ​ണ്ട് ബാ​ങ്കി​ങ് മാ​നേ​ജ്മെ​ന്റ് രം​ഗ​ത്ത് പ്ര​വ​ർ​ത്തി​ച്ച പ്ര​ഫ​ഷ​ന​ലാ​ണ് ലേ​ഖ​ക​ൻ)

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:bank loan
News Summary - Do not risk your life for defaulting on a loan
Next Story