ആ​രു​ടെ റി​പ്പ​ബ്ലി​ക്​ ​?

‘‘നി​യ​മ​വി​രു​ദ്ധ പ്ര​വ​ർ​ത്ത​നം ത​ട​യ​ൽ (യു.​എ.​പി.​എ) നി​യ​മം അ​നു​സ​രി​ച്ച്​ അ​റ​സ്​​റ്റ്​ ചെ​യ്യ​പ്പെ ​ടു​ന്ന​വ​ർ വ​ർ​ഷ​ങ്ങ​ളോ​ളം ത​ട​വി​ൽ ക​ഴി​യേ​ണ്ടി​വ​രു​മെ​ന്ന്​ പ​ല​രും ഇ​നി​യും മ​ന​സ്സി​ലാ​ക്കി​യി​ട് ടി​ല്ല. ഏ​തു കൊ​ടും ക്രി​മി​ന​ലി​നും ഒ​ന്നോ ര​േ​ണ്ടാ വ​ർ​ഷ​ത്തെ ക്ലി​പ്​​ത​മാ​യ ശി​ക്ഷ​യാ​ണു ​ല​ഭി​ക്കു​ ന്ന​തെ​ങ്കി​ൽ രാ​ഷ്​​ട്രീ​യ ഏ​മാ​ന്മാ​രു​ടെ ആ​ജ്ഞ ശി​ര​സാ​വ​ഹി​ക്കാ​ൻ ​െപാ​ലീ​സ്​ തീ​രു​മാ​നി​ച്ചാ​ൽ പി​ ന്നെ നി​ര​പ​രാ​ധി​യെ തെ​ളി​വു​ണ്ടെ​ന്നു വാ​ദി​ച്ച്​ വ​ർ​ഷ​ങ്ങ​ളോ​ളം ജ​യി​ലി​ലി​ടാ​ൻ ഇ​വി​ടെ വ​കു​പ്പു​ണ ്ട്.

അ​റ​സ്​​റ്റി​നെ​ക്കു​റി​ച്ച ആ​ശ​ങ്ക ജ​യി​ലി​ലെ പ്ര​യാ​സം മാ​ത്രം ഒാ​ർ​ത്ത​ല്ല. എ​െ​ൻ​റ ശ​രീ​ര​ത്ത ി​െ​ൻ​റ ഭാ​ഗ​മാ​യി​ക്ക​ഴി​ഞ്ഞ ലാ​പ്​​ടോ​പ്പി​ൽ​നി​ന്ന്​ അ​തെ​ന്നെ അ​ട​ർ​ത്തി​മാ​റ്റും. ജീ​വി​ത​​ത്തി​െ​ ൻ​റ ഭാ​ഗ​മാ​യ ലൈ​ബ്ര​റി​യി​ൽ​നി​ന്നെ​ന്നെ അ​ക​റ്റും. നി​ര​വ​ധി പ്ര​സാ​ധ​ക​ർ​ക്കു വാ​ക്കു​കൊ​ടു​ത്ത പു​സ് ​​ത​ക​ങ്ങ​ളു​ടെ പാ​തി​യെ​ഴു​തി​യ കൈ​യെ​ഴു​ത്തു​പ്ര​തി​ക​ൾ, പ​ല ത​ല​ങ്ങ​ളി​ൽ പൂ​ർ​ത്തി​യാ​കാ​നി​രി​ക്കു​ന ്ന ഗ​വേ​ഷ​ണ പ്ര​ബ​ന്ധ​ങ്ങ​ൾ, എ​െ​ൻ​റ പ്ര​ഫ​ഷ​ന​ൽ മി​ക​വി​ൽ സ്വ​ന്തം ഭാ​വി പ​ണ​യ​പ്പെ​ടു​ത്തി​യ സ്വ​ന്തം വി​ ദ്യാ​ർ​ഥി​ക​ൾ, എ​െ​ൻ​റ പേ​രി​ൽ നി​ര​വ​ധി വി​ഭ​വ​​ശേ​ഖ​ര​ണ​ത്തി​ന്​ നി​ക്ഷേ​പം മു​ട​ക്കു​ക​യും ​ഭ​ര​ണ​സ​മി ​തി​യി​ൽ ഇൗ​യി​ടെ എ​ന്നെ ഉ​ൾ​പ്പെ​ടു​ത്തു​ക​യും ചെ​യ്​​ത ഗോ​വ ഇ​ൻ​സ്​​റ്റി​റ്റ്യൂ​ട്ട്​ ഒാ​ഫ്​ മാ​നേ​ജ്​ ​മെ​ൻ​റ്, അ​സം​ഖ്യം സു​ഹൃ​ദ്​​ജ​ന​ങ്ങ​ൾ, ഭ​ർ​ത്താ​വി​െ​ൻ​റ ദു​ർ​വി​ധി​യോ​ട്​ വി​ല​പേ​ശി ത​ള​ർ​ന്ന ബാ​ബാ സ​ാ​െ​ഹ​ബ്​ അം​ബേ​ദ്​​ക​റു​ടെ പേ​ര​മ​ക​ളാ​യ എ​െ​ൻ​റ ഭാ​ര്യ, ക​ഴി​ഞ്ഞ ആ​ഗ​സ്​​റ്റ്​ മു​ത​ൽ അ​ച്ഛ​ന്​ എ​ന്താ​ണ്​ സം​ഭ​വി​ക്കു​ന്ന​തെ​ന്ന​റി​യാ​തെ മി​ഴി​ച്ചി​രി​ക്കു​ന്ന ര​ണ്ടു പെ​ൺ​മ​ക്ക​ൾ... ഇ​തൊ​ക്കെ ഒാ​ർ​ത്താ​ണ്​ എ​െ​ൻ​റ വേ​വ​ലാ​തി.’’

ഇൗ ​നി​ല​വി​ളി ഒ​രു ഇ​ന്ത്യ​ൻ പൗ​ര​േ​ൻ​റ​താ​ണ്. ആ​ൾ സാ​ധാ​ര​ണ​ക്കാ​ര​ന​ല്ല. അ​ഹ്​​മ​ദാ​ബാ​ദ്​ ഇ​ന്ത്യ​ൻ ഇ​ൻ​സ്​​റ്റി​റ്റ്യൂ​ട്ട്​ ഒാ​ഫ്​ മാ​നേ​ജ്​​മെ​ൻ​റി​ൽ​നി​ന്ന്​ ഉ​യ​ർ​ന്ന മാ​ർ​ക്കു വാ​ങ്ങി ജ​യി​ച്ച​ പെ​ട്രോ​നെ​റ്റ്​ എ​ന്ന പൊ​തു​മേ​ഖ​ല സ്​​ഥാ​പ​ന​ത്തി​െ​ൻ​റ മു​ൻ മാ​നേ​ജി​ങ്​ ഡ​യ​റ​ക്​​ട​ർ. വി​ദ്യാ​ഭ്യാ​സ​ത്തോ​ടു​ള്ള താ​ൽ​പ​ര്യം കാ​ര​ണം മാ​നേ​ജ്​​മെ​ൻ​റ്​ വൃ​ത്തി ഉ​പേ​ക്ഷി​ച്ച്​ ആ​ദ്യം ​ഖ​ര​ഗ്​​പു​ർ ​െഎ.​െ​എ.​ടി​യി​ലും പി​ന്നീ​ട്​ ഇ​പ്പോ​ൾ ഗോ​വ ഇ​ൻ​സ്​​റ്റി​റ്റ്യൂ​ട്ട്​ ഒാ​ഫ്​ മാ​നേ​ജ്​​മെ​ൻ​റി​ലും അ​ധ്യാ​പ​ക​നാ​യി ചേ​ർ​ന്ന​യാ​ൾ. ദ​ശ​ക്ക​ണ​ക്കി​ന്​ ഗ്ര​ന്ഥ​ങ്ങ​ളും നൂ​റു​ക​ണ​ക്കി​ന്​ ​ഗ​വേ​ഷ​ണ​പ​ഠ​ന​ങ്ങ​ളും പ്ര​സി​ദ്ധീ​ക​രി​ച്ച, ഒ​രു ദ​ശാ​ബ്​​ദ​ത്തി​ലേ​റെ​യാ​യി ‘ഇ​ക്ക​ണോ​മി​ക്​ ആ​ൻ​ഡ്​ പൊ​ളി​റ്റി​ക്ക​ൽ വീ​ക്ക്​​ലി’​യി​ൽ ‘മാ​ർ​ജി​ൻ സ്​​പീ​ക്​’ കോ​ള​മെ​ഴു​ത്തു​കാ​ര​ൻ, രാ​ജ്യ​ത്തെ ഏ​റ്റ​വും ത​ല​യെ​ടു​പ്പു​ള്ള ദ​ലി​ത്​ ബു​ദ്ധി​ജീ​വി -ഇ​തൊ​ക്കെ​യാ​ണ്​ ആ​ന​ന്ദ്​ ​െത​ൽ​തും​ബ്​​ഡെ.

‘അർബൻ നക്​സൽ’
ഇൗ ​അ​വ​സാ​ന വി​ശേ​ഷ​ണ​മാ​ണ്​ തെ​ൽ​തും​ബ്​​ഡെ​ക്ക്​ കെ​ണി​യാ​യി​രി​ക്കു​ന്ന​ത്. ഇ​തോ​ടെ ‘അ​ർ​ബ​ൻ ന​ക്​​സ​ൽ’ എ​ന്ന മു​ദ്ര​യി​ൽ മാ​വോ​വാ​ദി​ക​ൾ​ക്ക്​ വി​ദേ​ശ​ഫ​ണ്ട്​ ത​ര​പ്പെ​ടു​ത്തു​ന്ന ഇ​ട​നി​ല​ക്കാ​ര​ൻ എ​ന്ന ആ​രോ​പ​ണം വ​രെ കെ​ട്ടി​യേ​ൽ​പി​ച്ച്​ അ​ദ്ദേ​ഹ​ത്തെ ഭീ​മ കൊ​റേ​ഗാ​വ്​ കേ​സി​ൽ പ്ര​തി​ചേ​ർ​ത്ത്​ ജ​യി​ലി​ല​ട​ക്കാ​ൻ ഒ​രു​ങ്ങു​ക​യാ​ണ്​ ​ഭ​ര​ണ​കൂ​ടം. പു​ണെ പൊ​ലീ​സ്​ കെ​ട്ടി​ച്ച​മ​ച്ച കേ​സ്​ റ​ദ്ദാ​ക്ക​ണ​മെ​ന്ന ആ​വ​ശ്യം സു​പ്രീം​കോ​ട​തി ക​ഴി​ഞ്ഞ ജ​നു​വ​രി 14 ന്​ ​നി​ര​സി​ച്ചു. എ​ന്നാ​ൽ, നാ​ല്​ ആ​ഴ്​​ച​ത്തേ​ക്ക്​ അ​റ​സ്​​റ്റ്​ വി​ല​ക്കി​യ പ​ര​മോ​ന്ന​ത കോ​ട​തി വി​ചാ​ര​ണ കോ​ട​തി​യി​ൽ​നി​ന്ന്​ ഇ​തി​ന​കം ജാ​മ്യം തേ​ടാ​ൻ അ​നു​മ​തി ന​ൽ​കി​യി​ട്ടു​ണ്ട്. നേ​ര​ത്തേ ബോം​ബെ ഹൈ​കോ​ട​തി ആ​വ​ശ്യം ത​ള്ളി​യ​പ്പോ​ഴാ​ണ്​ തെ​ൽ​തും​ബ്​​ഡെ സു​പ്രീം​കോ​ട​തി​യി​ലെ​ത്തി​യ​ത്. ഇ​ത്ര​നാ​ൾ നീ​തി​പീ​ഠ​ത്തി​നു മു​ന്നി​ൽ പൊ​ലീ​സി​െ​ൻ​റ ക​ൽ​പി​ത ക​ഥ​ക​ൾ വ്യാ​ജ​മെ​ന്നു തെ​ളി​യി​ക്കാ​മെ​ന്ന ആ​ത്​​മ​വി​ശ്വാ​സ​മു​ണ്ടാ​യി​രു​ന്ന​തി​നാ​ൽ ആ​രെ​യും ശ​ല്യ​പ്പെ​ടു​ത്തി​യി​ല്ലെ​ന്നും എ​ന്നാ​ൽ പ്ര​തീ​ക്ഷ​ക​ൾ അ​സ്​​ത​മി​ക്കു​ന്നു​വെ​ന്നു തോ​ന്നു​ന്ന ഇൗ ​ഘ​ട്ട​ത്തി​ൽ ത​നി​ക്കു​വേ​ണ്ടി പ്ര​ത്യ​ക്ഷ പ്ര​ക്ഷോ​ഭ​ങ്ങ​ൾ ഉ​യ​ർ​ന്നു​വ​ന്നി​ല്ലെ​ങ്കി​ൽ അ​റ​സ്​​റ്റി​ൽ​നി​ന്നു ര​ക്ഷ​യു​ണ്ടാ​വി​ല്ലെ​ന്നു വി​ല​പി​ച്ച്​ രാ​ജ്യ​ത്തെ ജ​നാ​ധി​പ​ത്യ​വി​ശ്വാ​സി​ക​ളു​ടെ മു​ന്നി​ൽ കൈ​നീ​ട്ടു​ക​യാ​ണ്​ അ​ദ്ദേ​ഹം.

‘‘ദ​രി​ദ്ര​രി​ൽ ദ​രി​ദ്ര​മാ​യ കു​ടും​ബ​ത്തി​ൽ​നി​ന്നു​ വ​രു​ന്ന ഞാ​ൻ രാ​ജ്യ​ത്തെ മി​ക​ച്ച വി​ദ്യാ​ല​യ​ങ്ങ​ളി​ൽ​നി​ന്ന്​ അ​ക്കാ​ദ​മി​ക മി​ക​വി​ൽ വി​ജ​യി​ച്ചു. അ​ഹ്​​മ​ദാ​ബാ​ദ്​ ​െഎ.​െ​എ.​എ​മ്മി​ൽ​നി​ന്ന്​ പ​ഠി​ച്ചി​റ​ങ്ങി​യ എ​നി​ക്കു ചു​റ്റു​മു​ള്ള സാ​മൂ​ഹി​ക പ്ര​തി​സ​ന്ധി​ക​ൾ​ക്കു​നേ​രെ ക​ണ്ണ​ട​ച്ച്​ ആ​ഡം​ബ​ര​ജീ​വി​തം ന​യി​ക്കാ​മാ​യി​രു​ന്നു. എ​ന്നാ​ൽ, കു​ടും​ബ​ത്തി​നു നി​ല​നി​ന്നു​പോ​കാ​നു​ള്ള ഭേ​ദ​പ്പെ​ട്ട ജോ​ലി സ്വീ​ക​രി​ച്ച്​ മി​ച്ച​സ​മ​യം സാ​മൂ​ഹി​ക​നീ​തി​ക്കു​വേ​ണ്ടി ആ​വു​ന്ന ബൗ​ദ്ധി​ക​സം​ഭാ​വ​ന​ക​ൾ വ​ല്ല​തും ചെ​യ്യാ​നാ​യി​രു​ന്നു തീ​രു​മാ​നം. സ്​​കൂ​ൾ, കോ​ള​ജ്​ ത​ലം തൊ​േ​ട്ട ഇൗ​യൊ​രു സാ​മൂ​ഹി​ക​പ്ര​വ​ർ​ത്ത​ന താ​ൽ​പ​ര്യം ഉ​ള്ളി​ലു​ണ്ടാ​യി​രു​ന്നു. ഇ​പ്പോ​ൾ ഞാ​ൻ ജ​ന​റ​ൽ സെ​ക്ര​ട്ട​റി​യാ​യ ക​മ്മി​റ്റി ഫോ​ർ ​പ്രൊ​ട്ട​ക്​​ഷ​ൻ ഒാ​ഫ്​ ഡെ​മോ​ക്രാ​റ്റി​ക്​ റൈ​റ്റ്​​സ്​ (സി.​പി.​ഡി.​ആ​ർ), പ്ര​സീ​ഡി​യം അം​ഗ​മാ​യ വി​ദ്യാ​ഭ്യാ​സ അ​വ​കാ​ശ​ങ്ങ​ൾ​ക്കു​​വേ​ണ്ടി​യു​ള്ള അ​ഖി​ലേ​ന്ത്യ സ​മി​തി (എ.​െ​എ.​എ​ഫ്.​ആ​ർ.​ടി.​ഇ) എ​ന്നി​വ​യു​മാ​യി ബ​ന്ധ​പ്പെ​ടു​ന്ന​ത്​ അ​ങ്ങ​നെ​യാ​ണ്. എ​െ​ൻ​റ വാ​ല്യം ക​ണ​ക്കി​നു​ള്ള എ​ഴു​ത്തു​ക​ളി​ലോ നി​സ്വാ​ർ​ഥ​മാ​യ ആ​ക്​​ടി​വി​സ​​ത്തി​ലോ നി​യ​മ​വി​രു​ദ്ധ​മാ​യി ത​രി​മ്പും ക​ണ്ടെ​ത്താ​നാ​വി​ല്ല. എ​െ​ൻ​റ നാ​ലു പ​തി​റ്റാ​ണ്ടു കാ​ല​ത്തെ അ​ക്കാ​ദ​മി​ക, കോ​ർ​പ​റേ​റ്റ്​ ക​രി​യ​റി​ലൊ​രി​ട​ത്തും ഒ​രു ദോ​ഷ​വും ആ​ർ​ക്കും ചൂ​ണ്ടി​ക്കാ​ട്ടാ​നാ​വി​ല്ല. ​അ​തി​നാ​ൽ, പ്ര​ഫ​ഷ​ന​ൽ ജീ​വി​ത​ത്തി​ലൂ​ടെ നി​ര​വ​ധി സം​ഭാ​വ​ന​ക​ൾ ഞാ​ൻ അ​ർ​പ്പി​ച്ച ഇൗ ​രാ​ജ്യം ഒ​രു ക്രി​മി​ന​ൽ ആ​ക്ഷേ​പ​വു​മാ​യി എ​െ​ൻ​റ നേ​രെ തി​രി​യു​മെ​ന്നു പേ​​ക്കി​നാ​വി​ൽ​പോ​ലും ക​ണ്ട​താ​യി​രു​ന്നി​ല്ല.’’

ബ്രി​ട്ടീ​ഷ്​ സേ​ന​യി​ലെ ദ​ലി​തു​ക​ളും കീ​ഴ്​​ജാ​തി​ക്കാ​രും മ​റാ​ത്ത​യി​െ​​ല പേ​ഷ്വാ​മാ​ർ​ക്കെ​തി​രെ 1818ൽ ​നേ​ടി​യ സ​മ​ര​വി​ജ​യ​ത്തി​െ​ൻ​റ 200ാം വാ​ർ​ഷി​കാ​ഘോ​ഷം ബി.​ജെ.​പി​യ​ു​ടെ വ​ർ​ഗീ​യ, ജാ​തി​വി​രു​ദ്ധ ന​യ​ങ്ങ​ൾ​ക്കെ​തി​രാ​യ ബ​ഹു​ജ​ന​പ്ര​തി​ഷേ​ധ​മാ​ക്കി മാ​റ്റാ​നു​ള്ള തീ​രു​മാ​നം സു​പ്രീം​കോ​ട​തി മു​ൻ ജ​ഡ്​​ജി പി.​ബി. സാ​വ​ന്തും ബോം​ബെ ഹൈ​കോ​ട​തി മു​ൻ ജ​ഡ്​​ജി ബി.​ജി കോ​ൽ​സെ പാ​ട്ടീ​ലും മു​ൻ​കൈ​യെ​ടു​ത്താ​ണ് ന​ട​ത്തി​യ​ത്. ഇൗ ​പ​രി​പാ​ടി​യി​ലേ​ക്ക്​ ക്ഷ​ണ​മു​ണ്ടാ​യെ​ങ്കി​ലും അ​ക്കാ​ദ​മി​ക തി​ര​ക്കു​ക​ൾ കാ​ര​ണം സം​ബ​ന്ധി​ക്കാ​നാ​വു​മാ​യി​രു​ന്നി​ല്ല.

എ​ങ്കി​ലും സ​മ്മേ​ള​ന​ത്തി​െ​ൻ​റ കോ ​ക​ൺ​വീ​ന​റാ​യി പേ​രു​വെ​ക്കാ​നു​ള്ള അ​പേ​ക്ഷ തെ​ൽ​തും​ബ്​​ഡെ സ്വീ​ക​രി​ച്ചു. എ​ന്നാ​ൽ, എ​ൽ​ഗാ​ർ പ​രി​ഷ​ത്തി​െ​ൻ​റ ല​ഘു​ലേ​ഖ വാ​ട്​​സ്​​ആ​പ്പി​ൽ ക​ണ്ട​പ്പോ​ൾ പേ​ഷ്വാ​മാ​രു​ടെ ബ്രാ​ഹ്​​മ​ണ​ഭ​ര​ണ​ത്തി​നെ​തി​രാ​യ മ​ഹ​റു​ക​ളു​ടെ ഭീ​മ കൊ​റേ​ഗാ​വ്​ യു​ദ്ധ​വും ര​ക്ത​സാ​ക്ഷ്യ​വും ആ​ഘോ​ഷ​പൂ​ർ​വം കൊ​ണ്ടാ​ടു​ന്ന പ​രി​പാ​ടി​യോ​ട്​ ചി​ല വി​യോ​ജി​പ്പു​ക​ളു​ണ്ടാ​യി​രു​ന്നു. അ​തി​നെ മ​ർ​ദി​ത​രു​ടെ മ​ർ​ദ​ക​വി​രു​ദ്ധ പ്ര​ക്ഷോ​ഭ​മെ​ന്ന്​ ഒ​റ്റ​യ​ടി​ക്ക്​ തീ​ർ​പ്പാ​ക്കു​ന്ന​തി​നെ എ​തി​ർ​ത്ത്​ ‘ദ ​വ​യ​ർ’ ഒാ​ൺ​ലൈ​ൻ പ​ത്ര​ത്തി​ൽ അ​ദ്ദേ​ഹം എ​ഴു​തി​യ​പ്പോ​ൾ ദ​ലി​ത​രി​ൽ​നി​ന്ന്​ വ​ൻ പ്ര​തി​ഷേ​ധ​മു​ണ്ടാ​യി. എ​ന്നി​രി​ക്കെ ദ​ലി​തു​ക​ളെ ഗ​വ​ൺ​മെ​ൻ​റി​നെ​തി​രെ തി​രി​ച്ചു​വി​ട്ടു എ​ന്ന്​ ത​നി​ക്കെ​തി​രെ ചാ​ർ​ജ്​ ചെ​ യ്യു​ന്ന​തെ​ങ്ങ​നെ എ​ന്നാ​ണ്​ തെ​ൽ​തും​ബ്​​ഡെ​യു​ടെ ചോ​ദ്യം. 250 സം​ഘ​ട​ന​ക​ൾ ഒ​ന്നി​ച്ചു​ചേ​ർ​ന്ന പ​രി​പാ​ടി​യി​ൽ ഇ​ത്ര​കാ​ല​വും ദ​ലി​ത​രു​മാ​യി ​ചേ​ർ​ന്നു​പോ​കാ​ത്ത മ​റാ​ത്ത​ക​ളു​മു​ണ്ടാ​യി​രു​ന്നു. ബ്രാ​ഹ്​​മ​ണ​മു​ഖ്യ​മ​ന്ത്രി ഭ​രി​ക്കു​ന്ന നാ​ട്ടി​ൽ സം​വ​ര​ണ​ത്തി​നും മ​റ്റ്​ അ​വ​കാ​ശ​ങ്ങ​ൾ​ക്കു​മാ​യി ഇ​റ​ങ്ങി​ത്തി​രി​ച്ച മ​റാ​ത്ത​ക​ൾ ദ​ലി​തു​ക​ളു​മാ​യി കൂ​ടി​ച്ചേ​ർ​ന്ന്​ ​‘പേ​ഷ്വാ​മാ​രെ കു​ഴി​ച്ചു​മൂ​ടു​ക’ എ​ന്ന മു​ദ്രാ​വാ​ക്യം മു​ഴ​ക്കി​യ​തും സ​മ്മേ​ള​ന​ത്തി​നൊ​ടു​വി​ൽ ഇ​നി​യൊ​രി​ക്ക​ലും ബി.​ജെ.​പി​ക്കെ​തി​രെ വോ​ട്ടു​ചെ​യ്യി​ല്ലെ​ന്ന്​ പ്ര​തി​ജ്ഞ ചെ​യ്ത​തു​മാ​ണ്​ ഭ​ര​ണ​കൂ​ട​ത്തെ പ്ര​​കോ​പി​പ്പി​ച്ച​ത്. അ​തി​ന​വ​ർ സ​മ​സ്​​ത ഹി​ന്ദു​ത്വ അ​ഖാ​ഡി​​യെ​യും ശി​വ ഛത്ര​പ​തി പ​രി​ഷ​ത്തി​നെ​യും കൂ​ട്ടു​പി​ടി​ച്ച്​ ക​രു​നീ​ക്കി ഭീ​മ കൊ​റേ​ഗാ​വി​ൽ സം​ഘ​ർ​ഷ​ത്തി​ന്​ തി​രി​കൊ​ളു​ത്തി. എ​ന്നാ​ൽ, സം​ഭ​വ​സ്​​ഥ​ല​ത്തു​ത​ന്നെ​യി​ല്ലാ​തെ, ബ​ന്ധു​വ​ി​െ​ൻ​റ വി​വാ​ഹ​ത്തി​ൽ പ​െ​ങ്ക​ടു​ക്കാ​ൻ പോ​യ തെ​ൽ​തും​ബ്​​ഡെ​യെ പൊ​ലീ​സ്​ പ്ര​തി​യാ​ക്കി. ഒാ​രോ നാ​ളും പു​തി​യ ആ​രോ​പ​ണ​ങ്ങ​ളൊ​ന്നൊ​ന്നാ​യി പൊ​ലീ​സ്​ എ​ഴു​തി​ച്ചേ​ർ​ക്കു​ക​യാ​യി​രു​ന്നു. ലോ​ക​മെ​ങ്ങും പി​ന്നാ​ക്ക​വി​ഭാ​ഗ​ങ്ങ​ളു​ടെ ചി​ന്ത​ക​ളെ തീ​പി​ടി​പ്പി​ക്കു​ക​യും അ​ക്കാ​ദ​മി​ക​ലോ​ക​ത്തി​െ​ൻ​റ ആ​ദ​രം നേ​ടു​ക​യും ചെ​യ്​​ത്​ ​പ്ര​ശ​സ്​​ത​നാ​യ ബു​ദ്ധി​ജീ​വി, രാ​ജ്യ​​വി​രു​ദ്ധ പ്ര​വ​ർ​ത്ത​ന​ത്തി​െ​ൻ​റ പ്ര​തി​ക്കൂ​ട്ടി​ൽ ന​മ്മു​ടെ സാ​ദാ പൊ​ലീ​സി​നെ​യും അ​വ​രു​ടെ കേ​സു​ക​ൾ​ക്കു​മേ​ൽ വ്യ​വ​ഹാ​രം ​ന​ട​ത്തേ​ണ്ട കോ​ട​തി​യെ​യും നേ​ര്​ ബോ​ധ്യ​പ്പെ​ടു​ത്താ​നാ​വാ​തെ കു​ഴ​ങ്ങു​ക​യാ​ണ്.

ന്യൂഡൽഹിയിൽ ഹിന്ദുസേന വിക്​ടോറിയ രാജ്ഞിയുടെ ചരമവാർഷികം ആഘോഷിക്കുന്നു

ഹിന്ദുസേനയുടെ ബ്രിട്ടീഷ്​ ഭക്തി
രാ​ജ്യ​ദ്രോ​ഹ​ത്തി​െ​ൻ​റ ചാ​പ്പ​കു​ത്തി​ൽ​നി​ന്നു ര​ക്ഷ നേ​ടാ​ൻ പ​ര​മോ​ന്ന​ത കോ​ട​തി തെ​ൽ​തും​ബ്​​ഡെ​ക്ക്​ നാ​ലാ​ഴ്​​ച സ​മ​യം ന​ൽ​കി ഒ​രാ​ഴ്​​ച പി​ന്നി​ടു​േ​മ്പാ​ഴ​താ ഡ​ൽ​ഹി​യി​ലെ സ​മ​ര​ത്തെ​രു​വാ​യ ജ​ന്ത​ർ​മ​ന്ത​റി​ൽ ഒ​രു ആ​ഘോ​ഷ​പ​രി​പാ​ടി. ‘ഇ​ന്ത്യ​ക്ക്​ സ്വാ​ത​ന്ത്ര്യം നേ​ടി​ത്ത​ന്നു സ​ഹാ​യി​ച്ച ബ്രി​ട്ട​നി​ലെ വി​ക്​​ടോ​റി​യ രാ​ജ്ഞി തി​രു​മ​ന​സ്സി​െ​ൻ​റ 118ാം സ​മാ​ധി വാ​ർ​ഷി​കം’ കൊ​ണ്ടാ​ടി അ​ന്ന്​ ഹി​ന്ദു​സേ​ന. ‘1857ൽ ​മു​സ്​​ലിം അ​ധി​നി​വേ​ശ ഭീ​ക​ര​രി​ൽ​നി​ന്ന്​ രാ​ജ്യ​ത്തെ മോ​ചി​പ്പി​ച്ച്​ നൂ​റു​ക​ണ​ക്കി​ന്​ പു​ത്രി​കാ​രാ​ജ്യ​ങ്ങ​ളെ ഒ​രു കു​ട​ക്കീ​ഴി​ൽ കൊ​ണ്ടു​വ​ന്ന്​ ഇ​ന്ത്യ​യെ സു​ശ​ക്​​ത രാ​ജ്യ​മാ​ക്കി​യ​തി​നു​ള്ള ഉ​പ​കാ​ര​സ്​​മ​ര​ണ’​യാ​ണ​​ത്രെ ഹി​ന്ദു​സേ​ന സം​ഘ​ടി​പ്പി​ച്ച​ത്. മു​മ്പ്​ ​​േ​ഡാ​ണ​ൾ​ഡ്​ ട്രം​പ്​ തെ​ര​ഞ്ഞെ​ടു​പ്പി​ൽ ജ​യി​ക്കാ​ൻ പ്രാ​ർ​ഥ​ന​യ​ജ്ഞം സം​ഘ​ടി​പ്പി​ച്ചും ട്രം​പ്​ തി​രു​മേ​നി​യു​ടെ ജ​യ​ന്തി​ക്ക്​ ഏ​ഴു കി​ലോ കേ​ക്കു മു​റി​ച്ചും പേ​രെ​ടു​ത്ത സം​ഘ്​​പ​രി​വാ​ർ പ​ട​യാ​ണി​ത്. അ​വ​സാ​ന മു​ഗ​ൾ രാ​ജാ​വാ​യി​രു​ന്ന ബ​ഹാ​ദൂ​ർ​ഷാ സ​ഫ​റി​നെ യു​ദ്ധ​ത്തി​ൽ​ തോ​ൽ​പി​ച്ച്​ മ്യാ​ന്മ​റി​ലേ​ക്ക്​ നാ​ടു​ക​ട​ത്തി രാ​ജ്യ​ത്തെ ര​ക്ഷ​പ്പെ​ടു​ത്തി​യ വി​ക്​​ടോ​റി​യ റാ​ണി​യു​ടെ നേ​തൃ​ത്വ​ത്തി​ലു​ള്ള ബ്രി​ട്ട​െ​ൻ​റ കാ​രു​ണ്യ​മാ​ണ്​ ഇ​ന്ത്യ​ക്ക്​ പാ​ർ​ല​​മെ​ൻ​റ്​ മു​ത​ൽ ​െറ​യി​ൽ​വേ​യും ത​പാ​ലും വ​രെ​യു​ള്ള ഇ​ന്ന​നു​ഭ​വി​ക്കു​ന്ന സൗ​ഭാ​ഗ്യ​മെ​ന്നാ​ണ്​ ഹി​ന്ദു​സേ​ന​യു​ടെ വാ​ഴ്​​ത്ത്. പ​റ​യു​ന്ന​ത്​ സം​ഘ്​​പ​രി​വാ​ർ പ​ട​യ​ണി​ക​ളാ​യ​തു​കൊ​ണ്ട്​ ച​രി​ത്ര​പ​ര​മാ​യ സ​ത്യ​സ​ന്ധ​ത​യൊ​ന്നും അ​ന്വേ​ഷി​ക്കാ​ൻ തു​നി​യേ​ണ്ട.

ഹി​ന്ദു​ക്ക​ളു​ടെ​യും മു​സ്​​ലിം​ക​ളു​ടെ​യും മ​ത​വി​കാ​രം ഇ​ള​ക്കി​വി​ട്ടു​ള്ള സൈ​ന്യ​ത്തി​ലെ രീ​തി​ക​ൾ​ക്കെ​തി​രാ​യി 1857 മേ​യ്​ 10ന്​ ​മീ​റ​ത്തി​ൽ പൊ​ട്ടി​പ്പു​റ​പ്പെ​ട്ട ശി​പാ​യി ല​ഹ​ള​യെ​ന്ന പേ​രി​ലെ ഒ​ന്നാം സ്വാ​ത​ന്ത്ര്യ​സ​മ​ര​ത്തി​ൽ മ​ത​ഭേ​ദ​മെ​ന്യേ​യു​ള്ള പ​ങ്കാ​ളി​ത്ത​മാ​ണു​ണ്ടാ​യി​രു​ന്ന​തെ​ന്ന്​ അ​ന്ന​ത്തെ ബ്രി​ട്ടീ​ഷ്​ ച​ക്ര​വ​ർ​ത്തി​യു​ടെ തീ​ട്ടൂ​ര​ത്തി​ൽ​പോ​ലും തു​റ​ന്നെ​ഴു​തി​യ സ​ത്യ​മാ​ണ​്. കാ​ൺ​പു​രി​ലെ നാ​നാ സാ​ഹ​ബും ഝാ​ൻ​സി​യി​ലെ ല​ക്ഷ്​​മി​ബാ​യി​യും അ​വ​ധി​ലെ ബീ​ഗം ഹ​സ്ര​ത്ത്​ മ​ഹ​ലും ബ​റേ​ലി​യിലെ ഖാ​ൻ ബ​ഹാ​ദൂ​ർ ഖാ​നു​മൊ​ക്കെ, അ​വ​സാ​ന മു​ഗ​ൾ രാ​ജാ​വ്​ ബ​ഹാ​ദൂ​ർ ഷാ ​സ​ഫ​റി​െ​ൻ​റ ബാ​ന​റി​നു കീ​ഴി​ലാ​ണ്​ പൊ​രു​തി​യ​ത്.

രാ​ജ്യ​ത്തി​െ​ൻ​റ വി​വി​ധ ഭാ​ഗ​ങ്ങ​ളി​ൽ​നി​ന്നു ദി​ല്ലി ച​ലോ പ്ര​ക്ഷോ​ഭ റാ​ലി സം​ഘ​ടി​പ്പി​ച്ചെ​ത്തി​യ​വ​ർ​ക്കും അ​വ​ർ നേ​താ​വാ​യി ക​ണ്ട​ ബ​ഹാ​ദൂ​ർ ഷാ ​സ​ഫ​റി​നു​മൊ​ക്കെ ഒ​ന്നേ​യു​ണ്ടാ​യി​രു​ന്നു​ള്ളൂ ആ​ഗ്ര​ഹം: ​ബ്രി​ട്ടീ​ഷ്​ അ​ധി​നി​വേ​ശ​ക​രെ കെ​ട്ടു​കെ​ട്ടി​ക്കു​ക. മ​ത​ഭേ​ദ​മി​ല്ലാ​തെ ദേ​ശ​സ്​​നേ​ഹി​ക​ൾ തോ​ളോ​ടു​തോ​ൾ ചേ​ർ​ന്ന ആ ​മ​ഹാ​ധ​ർ​മ​സ​മ​ര​ത്തെ​യാ​ണ്​ ത​ല​കീ​ഴാ​യി കെ​ട്ടി​ത്തൂ​ക്കി ബ്രി​ട്ട​െ​ൻ​റ സ്വാ​ത​ന്ത്ര്യ​ദാ​ന​മാ​യി ഹി​ന്ദു​സേ​ന വാ​ഴ്​​ത്തു​ന്ന​ത്. സ്വ​ത​​​ന്ത്ര ഇ​ന്ത്യ പ​ര​മാ​ധി​കാ​ര റി​പ്പ​ബ്ലി​ക്കാ​യ​തി​െ​ൻ​റ അ​റു​പ​ത്തൊ​മ്പ​താം വാ​ർ​ഷി​കാ​ഘോ​ഷ​ത്തി​​നു​ള്ള റി​ഹേ​ഴ്​​സ​ൽ ന​ട​ന്നു​വ​രു​ന്ന ത​ല​സ്​​ഥാ​ന​ത്തു രാ​ജ്യം ക​ട്ടു​മു​ടി​ച്ച അ​ധി​നി​വേ​ശ​ക്കാ​രു​ടെ അ​ടി​യ​ന്ത​രം സം​ഘ​ടി​പ്പി​ക്കു​ന്ന​ത്​ ദേ​ശ​സ്​​നേ​ഹ​ത്തി​െ​ൻ​റ അ​പ്പ​സ്​​തോ​ലി​ക​വൃ​ത്തി​യാ​യി വാ​ഴ്​​ത്ത​പ്പെ​ടു​​ക​യും നാ​ടി​നും നാ​ട്ടാ​ർ​ക്കും വേ​ണ്ടി നേ​രു ചൊ​ല്ലു​ന്ന​ത്​ ക​ൽ​തു​റു​ങ്കി​ലേ​ക്കു​ള്ള കു​രു​ക്കാ​യി മാ​റു​ക​യും ചെ​യ്യു​ന്ന സ​ത്യാ​ന​ന്ത​ര കാ​ല​ത്തെ ഇ​ന്ത്യ എ​ങ്ങോ​ട്ടാ​ണെ​ന്ന ആ​ധി​ക്ക്​​ ബ​ഹാ​ദൂ​ർ ഷാ ​സ​ഫ​റി​െ​ൻ​റ സ​മാ​ശ്വാ​സ​പ്രാ​ർ​ഥ​ന ത​ന്നെ ശ​ര​ണം: ഇ​ന്ത്യ​യെ ദൈ​വം ര​ക്ഷി​ക്ക​െ​ട്ട.