Top
Begin typing your search above and press return to search.
exit_to_app
exit_to_app
Homechevron_rightOpinionchevron_rightOpen Forumchevron_rightകണ്ണൂർ ​വീണ്ടും...

കണ്ണൂർ ​വീണ്ടും കൊലക്കളമാകു​േമ്പാൾ സംഭവിക്കുന്നത്​

text_fields
bookmark_border
kannur
cancel
camera_alt

1. ഷുഹൈബ്​ 2. ഔഫ്​ അബ്​ദുറഹിമാൻ 3. സലാഹുദ്ദീൻ 4. ശ്യാമപ്രസാദ്​ 5. കെ.പി. ഷമേജ്​ 6. കണ്ണിപ്പൊയിൽ ബാബു

ഇടവേളക്കു​ശേഷം കണ്ണൂർ കൊലപാതകരാഷ്​ട്രീയത്ത​ി​െൻറ കണ്ണീർചാലുകളിലേക്ക്​ തിരിച്ചുനടക്കുകയാണോ? പാനൂർ പെരിങ്ങത്തൂർ മുക്കിൽപീടികയിൽ മുസ്​ലിംലീഗ്​ പ്രവർത്തകൻ മൻസൂറി​െൻറ ​െകാല ഇത്തരമൊരു ആശങ്കയാണ്​ ഉയർത്തുന്നത്​. തുടർക്കൊലകളുടെ കഥ ഏറെ പറയാനുള്ള കണ്ണൂർ കഴിഞ്ഞ കുറച്ചുനാൾ ശാന്തമായിരുന്നു. 2019ൽ കണ്ണൂരി​െൻറ കലണ്ടറിൽ രാഷ്​ട്രീയ കൊലയുടെ കോളം കാലിയാണ്​. 2020 ൽ ഒന്നുണ്ടായി. മുക്കിൽപ്പീടികയിൽ മൻസൂറി​െൻറ ​െകാലപാതകം ഈ വർഷം ആദ്യത്തേതാണ്​. 2016ൽ ആറു പേരാണ്​ കണ്ണൂരിൽ രാഷ്​ട്രീയ എതിരാളികളാൽ​ അരിഞ്ഞു വീഴ്​ത്തപ്പെട്ടത്​. 2017ൽ രാഷ്​ട്രീയകൊലയുടെ എണ്ണം അഞ്ചും 2018ൽ നാലും ആയിരുന്നു. ​രാഷ്​ട്രീയ എതിരാളികൾ കൊലക്കത്തി താഴെവെച്ച 2019നു​ ശേഷം വീണ്ടും രാഷ്​ട്രീയകൊലയുടെ കളത്തിൽ അക്കങ്ങൾ നിറയു​േമ്പാൾ പക്ഷേ, കാതലായ ചില മാറ്റങ്ങളുണ്ട്​.

കോൺ–സി.പി.എമ്മിൽ തുടങ്ങി
കാവിയും ചുവപ്പും തമ്മിലേക്ക്​

കണ്ണൂരി​െൻറ കലാപരാഷ്​ട്രീയ ചരിത്രമെടുത്താൽ അതിൽ ഒരു വശത്ത്​ സി.പി.എമ്മുണ്ട്. കമ്യൂണിസ്​റ്റ്​ പാർട്ടിയുടെ ഉദയം തല്ലിക്കെടുത്താൻ ശ്രമിച്ച കോൺഗ്രസി​നോട്​ പൊരുതിത്തന്നെയാണ്​ പാർട്ടി കണ്ണൂരി​െൻറ മണ്ണിൽ​ ചെ​​ങ്കൊടി നാട്ടിയത്​. അതുകൊണ്ട്​ ആദ്യകാല രാഷ്​ട്രീയസംഘർഷം കോൺഗ്രസും കമ്യൂണിസ്​റ്റ്​ പാർട്ടിയും തമ്മിലുള്ളതാണ്​. അങ്ങനെ ​കണ്ണൂരിൽ സ്​ഥാപിക്കപ്പെട്ട കമ്യൂണിസ്​റ്റ്​ പാർട്ടി ഗ്രാമങ്ങളിൽ സംഘ്​പരിവാറി​െൻറ കാവിക്കൊടി പ്രത്യക്ഷപ്പെട്ടുതുടങ്ങിയതോടെ സ്വാഭാവികമായും രാഷ്​ട്രീയ സംഘർഷം ചുവപ്പും കാവിയും തമ്മിലായി. അങ്ങനെ സി.പി.എമ്മിനും ആർ.എസ്​.എസിനുമിടയിൽ കൊണ്ടും കൊടുത്തും മുന്നോട്ടുപോയ കൊലപാതക അങ്കം മറ്റൊരു ദിശയിലേക്ക്​ തിരിയുന്നതി​െൻറ സൂചനകളാണ്​ ഇപ്പോഴത്തെ സംഭവവികാസങ്ങളിൽ കാണുന്നത്​.

2018 ജനുവരി 19ന്​ ആർ.എസ്​.എസുകാരനായ ശ്യാമപ്രസാദി​നെ കൊമ്മേരിയിൽ വെച്ച്​ എസ്​.ഡി.പി.ഐക്കാർ കൊലപ്പെടുത്തി. 2019 ഫെബ്രുവരിയിലാണ്​ മട്ടന്നൂരിൽ യൂത്ത്​ കോൺഗ്രസ്​ നേതാവ്​ ഷുഹൈബിനെ സി.പി.എമ്മുകാർ വെട്ടിക്കൊന്നത്​. 2020 ​െസപ്​റ്റംബർ 20ന്​ കണ്ണവത്ത്​ എസ്​.ഡി.പി.ഐ പ്രവർത്തകൻ സലാഹുദ്ദീനെ ആർ.എസ്​.എസുകാർ കൊന്നു. ശേഷമുണ്ടായ രാഷ്​ട്രീയ കൊലയാണ്​ മുക്കിൽപീടികയിലെ മുസ്​ലിംലീഗ്​ പ്രവർത്തകൻ മൻസൂറി​​െൻറത്​. അതിൽ പ്രതിസ്​ഥാനത്ത്​ സി.പി.എമ്മുകാരാണ്​. ഈ പട്ടികയിൽ 2018 മുതൽ ഇങ്ങോട്ടുള്ള കണ്ണൂരിലെ കൊലപാതക രാഷ്​ട്രീയ​ം പരിശോധിച്ചാൽ അത്​ മുഖ്യമായും സി.പി.എമ്മും ആർ.എസ്​.എസും തമ്മിലല്ല. മറിച്ച്​ സി.പി.എമ്മും മുസ്​ലിംലീഗും, സി.പി.എമ്മും കോൺഗ്രസും, ആർ.എസ്​.എസും എസ്​.ഡി.പി.ഐയും എന്ന നിലയിലേക്ക്​ മാറുകയാണ്. 2018 മേയ്​ ഏഴിന്​ മാഹി പള്ളൂരിൽ സി.പി.എമ്മുകാരൻ കണ്ണിപ്പൊയിൽ ബാബുവിനെ ആർ.എസ്​.എസുകാർ കൊന്നതും അന്നേ ദിവസം ബി.ജെ.പി പ്രവർത്തകൻ കെ.പി. ഷമേജിനെ കൊന്ന്​ സി.പി.എമ്മുകാർ തിരിച്ചടിച്ചതും മാത്രമാണ്​ ഇതിന്​ അപവാദം​.

ശ്രീ എമ്മി​െൻറ ഇടപെടലിനു​ ശേഷം

കണ്ണൂരിലെ രാഷ്​ട്രീയ സംഘർഷം അവസാനിപ്പിക്കാൻ ​യോഗാചാര്യൻ ശ്രീ എമ്മി​െൻറ നേതൃത്വത്തിൽ സി.പി.എമ്മി​െൻറയും ആർ.എസ്​.എസി​െൻറയും തലമൂത്ത നേതാക്കൾ ഒരു മേശക്ക്​ ചുറ്റുമിരുന്നത്​ 2016കാലത്താണ്​. അതിനുശേഷമുള്ള ഒരു മാറ്റം കൂടിയാണിത്. ആർ.എസ്​.എസ്​ പ്രാന്തകാര്യവാഹക്​ ഗോപാലൻ കുട്ടി മാഷും മുഖ്യമന്ത്രി പിണറായി വിജയനും ആദ്യം തിരുവനന്തപുരത്തും പിന്നീട്​ കണ്ണൂരും നടത്തിയ രഹസ്യ ചർച്ചകൾ ഈയിടെയാണ്​ പുറത്തുവന്നത്​. കണ്ണൂരിലെ ​സംഘർഷം അവസാനിപ്പിക്കുന്നതിനായി നടന്ന സി.പി.എം-ആർ.എസ്​.

എസ്​ ഉഭയകക്ഷി ചർച്ചയും നേതാക്കൾ തമ്മിലുള്ള ​'ഹോട്ട്​ലൈൻ' ബന്ധങ്ങളും താഴെത്തട്ടിലടക്കം ഉണ്ടായിരുന്നു​െവന്ന്​ ബന്ധപ്പെട്ടവർ സമ്മതിച്ചതുമാണ്​.

പ്രശ്​നമുണ്ടാകു​േമ്പാൾ പരസ്​പരം സംസാരിക്കാൻ പ്രത്യേകം നേതാക്കളെവരെ പ്രാദേശിക തലത്തിൽ ഇരുപാർട്ടികളും ചുമതലപ്പെടുത്തിയിരുന്നു. ശ്രീ എമ്മി​െൻറ മാധ്യസ്​ഥ്യ ചർച്ചക്കു​ശേഷവും കണ്ണൂരിൽ പാർട്ടി ഗ്രാമങ്ങളിൽ സി.പി.എം-​ആർ.എസ്​.എസ്​ ഉരസലുകൾ പലപ്പോഴായി ഉണ്ടായി. അത്​ വലുതായി കൊലപാതകത്തിലേക്ക്​ നയിക്കാതിരിക്കുന്നതിൽ നേതാക്കൾ തമ്മിൽ അപ്പപ്പോൾ നടത്തിയ ചർച്ച ഫലം ചെയ്​തിട്ടുണ്ട്​. പൊലീസ്​ അധികാരികൾ പോലും ഇക്കാര്യം സമ്മതിക്കുന്നുണ്ട്​. അങ്ങനെ പിടിച്ചുനിർത്തപ്പെട്ട ​അക്രമം ഇപ്പോൾ മറ്റൊരു ദിശയിലേക്ക്​ തിരിയുന്നത്, മുമ്പത്തേക്കാൾ വലിയ അപകടനിലയിലാണ്​​. കാരണം, കഴിഞ്ഞകാല സംഘർഷങ്ങൾക്ക്​ രാഷ്​ട്രീയ നിറം മാത്രമായിരുന്നുവെങ്കിൽ ഇപ്പോൾ അത്​ മറ്റു പലതുമായി മാറുന്നതി​െൻറ ആശങ്കകളാണ്​ ഉയരുന്നത്​. മൻസൂർ വധത്തിനു​ തൊട്ടുപിന്നാലെ സമൂഹ മാധ്യമങ്ങളിൽ നടന്ന പ്രചാരണം അതി​െൻറ സൂചനയാണ്​.

രാഷ്​ട്രീയം നിറം മാറുന്നുവോ?

മുക്കിൽപീടികയിൽ കൊല്ലപ്പെട്ട മൻസൂർ സമസ്​ത കേരള ജംഇയ്യത്തുൽ ഉലമ എ.പി വിഭാഗം വിദ്യാർഥിസംഘടനയായ എസ്​.എസ്​.എഫി​െൻറ പ്രവർത്തകനും മൻസൂറി​െൻറ പിതാവ്​ മുസ്തഫ കാന്തപുരം വിഭാഗത്തി​െൻറ രാഷ്​ട്രീയവേദിയായ കേരള മുസ്​ലിം ജമാഅത്തി​െൻറ പാറാൽ പുല്ലൂക്കര യൂനിറ്റ് ജോയൻറ്​ സെക്രട്ടറിയുമാണ്​. കൊലപാതകത്തിൽ പ്രതിയെന്ന് ആരോപിക്കപ്പെടുന്ന സുഹൈൽ എന്നയാളും ഇതേ സംഘടനയുമായി ബന്ധപ്പെട്ടയാളാണെന്നും കൊലക്കു​ പിന്നിൽ രാഷ്്ട്രീയമല്ലെന്നുമുള്ള പ്രചാരണമാണ്​ സമൂഹ മാധ്യമങ്ങളിൽ ആദ്യം പടർന്നത്​. സുഹൈൽ സജീവ രാഷ്​ട്രീയ പ്രവർത്തനം നടത്തുന്നതായി ബോധ്യപ്പെട്ടതി​െൻറ അടിസ്ഥാനത്തിൽ പ്രാദേശിക സംഘടന നേതൃസ്ഥാനത്തുനിന്നും നേര​േത്ത നീക്കം ചെയ്തിട്ടുള്ളതാണെന്ന്​ എസ്​.വൈ.എസ്​ പാനൂർ സോൺ കമ്മിറ്റി വ്യക്​തമാക്കിയതോടെ അതി​െൻറ മുനയൊടിഞ്ഞു​. ഇതോടെ മൻസൂർ വധത്തിനു​ പിന്നിൽ രാഷ്​​ട്രീയമാണെന്ന്​ പൊലീസും സ്​ഥിരീകരിച്ചു.

കടവത്തൂർ പുല്ലൂക്കരയിൽ കൊല്ലപ്പെട്ട മൻസൂർ ഉത്തരമലബാറിൽ രാഷ്​ട്രീയ സംഘർഷത്തിന്​ ഇരയാക്ക​പ്പെടുന്ന കാന്തപുരം എ.പി വിഭാഗത്തിൽനിന്നുള്ള മൂന്നാമത്തെയാളാണ്​. കഴിഞ്ഞ രണ്ടു വർഷത്തിനി​െട കൊലക്കത്തിക്ക്​ ഇരയായ മട്ടന്നൂരിലെ ഷുഹൈബ്​, കാഞ്ഞങ്ങാ​ട്ടെ ഔഫ്​ അബ്​ദുറഹിമാൻ എന്നിവരും എസ്​.വൈ.എസുമായി ബന്ധമുള്ളവരായിരുന്നു. മൻസൂറി​െൻറയും ഷുഹൈബി​െൻറയും കൊലപാതകത്തിൽ പ്രതിസ്​ഥാനത്ത്​ സി.പി.എമ്മുകാരാണ്​ എങ്കിൽ ഔഫ്​ അബ്​ദുറഹിമാ​െൻറ കൊലക്കേസിൽ പ്രതികൾ മുസ്​ലിം ലീഗുകാരാണ്​. എസ്​.

വൈ.എസി​െൻറ നേതൃത്വത്തിലുള്ള സാന്ത്വനം സേവന പ്രവർത്തനങ്ങളു​ടെ ചുക്കാൻപിടിച്ചിരുന്ന ആളായിരുന്നിട്ടും ഷുഹൈബ്​ വധക്കേസിൽ പ്രതികരിക്കാൻ കാന്തപുരം വിഭാഗം ദിവസങ്ങളെടുത്തു. അപ്പോഴും പ്രതികരണത്തിൽ രൂക്ഷമായ പദപ്രയോഗങ്ങൾ ഒഴിവാക്കപ്പെടുകയും ചെയ്​തു. എന്നാൽ, ഔഫ്​ അബ്​ദുറഹിമാ​െ​ൻറ വിഷയത്തിൽ കൊലപാതക രാഷ്​​്ട്രീയത്തിനെതിരായി അവരുടെ പ്രതികരണം കൃത്യമായിരുന്നു. ഇപ്പോൾ മൻസൂർ വധവുമായി ബന്ധപ്പെട്ട പ്രതികരണത്തിലും ഷുഹൈബി​െൻറ കാര്യത്തിൽ കാണിച്ച കരുതൽ പ്രകടമാണെന്നതും പറയാതെ വയ്യ.

Show Full Article
TAGS:kannur political murder mansoor murder 
News Summary - What happens when Kannur becomes a killing field again
Next Story