ഗവർണർ വിസിലടിക്കുമ്പോൾ ഓർക്കേണ്ടത്

സം​സ്ഥാ​ന ഗ​വ​ർ​ണ​ർ ആ​രി​ഫ്​ മു​ഹ​മ്മ​ദ്​ ഖാ​ൻ ഒ​രു വ​ശ​ത്തും എ​ൽ.​ഡി.​എ​ഫ്​ സ​ർ​ക്കാ​റും മു​ന്ന​ണി നേ​തൃ​ത്വ​വും കേ​ര​ള​ത്തി​ലെ വി​വി​ധ സ​ർ​വ​ക​ലാ​ശാ​ല​ക​ളും മ​റു​വ​ശ​ത്തു​മാ​യി ചി​ല പ്ര​ത്യേ​ക​ത​രം ആ​ക്​​ഷ​നു​ക​ളി​ൽ മു​ഴു​കി​യി​രി​ക്കു​ക​യാ​ണ്​ ഇ​പ്പോ​ൾ. അ​തി​​ന്‍റെ ഭാ​ഗ​മാ​യി കേ​ൾ​ക്കു​ന്ന പ്ര​സ്താ​വ​ന​ക​ൾ ഇ​രി​ക്കു​ന്ന പ​ദ​വി​യു​ടെ മ​ഹ​ത്ത്വ​ത്തെ​പോ​ലും ക​ട​പു​ഴ​ക്കി ക​ള​യു​ന്ന​താ​ണ്.

എ​ന്തി​നും ഏ​തി​നും സ്വ​ജ​ന​പ​ക്ഷ​പാ​തി​ത്വ​വും ക​ക്ഷി​രാ​ഷ്ട്രീ​യ താ​ൽ​പ​ര്യ​വും മാ​ത്രം മെ​റി​റ്റാ​യി കാ​ണു​ന്ന ഇ​രു​മു​ന്ന​ണി​ക​ളും വൈ​സ്​ ചാ​ൻ​സ​ല​ർ നി​യ​മ​ന​ത്തി​ലും അ​ക്കാ​ദ​മി​ക മേ​ഖ​ല​യി​ലെ മ​റ്റു വി​ഷ​യ​ങ്ങ​ളി​ലും ഉ​ട​ക്കു​ക​ൾ​ക്കി​ട​യി​ലും പ​ര​സ്പ​ര വി​ട്ടു​വീ​ഴ്ച​ക​ൾ ന​ട​ത്തി​പ്പോ​ന്നി​രു​ന്നു. 2014 നു​ശേ​ഷം ഹി​ന്ദു​ത്വം താ​ൽ​പ​ര്യം പ​ര​സ്യ​മാ​യി ക​ട​ന്നു​വ​ന്ന​തോ​ടെ​യാ​ണ്​ ക​ളം​മാ​റി​യ​ത്. ഹി​ന്ദു​ത്വ താ​ൽ​പ​ര്യ​ങ്ങ​ൾ മ​ന​സ്സി​ൽ​വെ​ക്കു​ന്ന രാ​ജ്​​ഭ​വ​ന്​ കൈ​യി​ടാ​ൻ ത​ക്ക​വ​ണ്ണ​മു​ള്ള ച​ക്ക​ര​ക്കു​ട​മാ​യി നി​ല​വി​ലെ ചി​ല നി​യ​മ​ന ന​ട​പ​ടി​ക​ൾ.

ഉ​ദാ​ഹ​ര​ണ​ത്തി​ന്​ മ​ന്ത്രി, നി​യ​മ​സ​ഭാ സ്പീ​ക്ക​ർ, മു​ഖ്യ​മ​ന്ത്രി​യു​ടെ പ്രൈ​വ​റ്റ്​ സെ​ക്ര​ട്ട​റി എ​ന്നി​വ​രു​ടെ അ​ടു​ത്ത ബ​ന്ധു​ക്ക​ൾ​ക്ക്​​ ഈ ​സ​ർ​ക്കാ​ർ ന​ൽ​കി​യ നി​യ​മ​ന​ങ്ങ​ൾ. ഒ​രു എം.​എ​ൽ.​എ​യു​ടെ ഭാ​ര്യ​ക്ക്​ ന​ൽ​കി​യ നി​യ​മ​നം ഹൈ​കോ​ട​തി ഇ​ട​പെ​ട്ട്​ ത​ട​ഞ്ഞു. മു​ഖ്യ​മ​ന്ത്രി​യു​ടെ പ്രൈ​വ​റ്റ്​ സെ​ക്ര​ട്ട​റി​യു​ടെ ഭാ​ര്യ​ക്ക്​ അ​ടി​സ്ഥാ​ന യോ​ഗ്യ​ത​യി​ല്ലാ​തെ നി​യ​മ​നം ന​ൽ​കു​ന്നു​വെ​ന്ന വി​വാ​ദം ഗ​വ​ർ​ണ​റും ക​ണ്ണൂ​ർ സ​ർ​വ​ക​ലാ​ശാ​ല വി.​സി​യും ത​മ്മി​ലെ നേ​ർ​ക്കു​നേ​ർ പോ​രാ​ട്ട​മെ​ന്ന​തി​ലേ​ക്ക്​ എ​ത്തി​നി​ൽ​ക്കു​ക​യാ​ണ്. വി.​സി ഒ​രു ക്രി​മി​ന​ലാ​ണെ​ന്ന ആ​രി​ഫ്​ മു​ഹ​മ്മ​ദ്​ ഖാ​െൻറ പ​രാ​മ​ർ​ശം അ​ദ്ദേ​ഹം ഇ​രി​ക്കു​ന്ന പ​ദ​വി​ക്ക്​ നി​ര​ക്കാ​ത്ത​താ​യി. എ​ന്നു​വെ​ച്ച്​ തു​ട​ർ​ഭ​ര​ണം കി​ട്ടി​യ​തി​നു​പി​ന്നാ​ലെ അ​ത്യാ​ർ​ത്തി​യോ​ടെ സ​ർ​ക്കാ​ർ ന​ട​ത്തു​ന്ന സ്വ​ജ​ന​പ​ക്ഷ​പാ​തി​ത്വ​പ​ര​മാ​യ നി​യ​മ​ന​ങ്ങ​ൾ ശ​രി​യാ​ണെ​ന്ന്​ വ​രു​ന്നി​ല്ല.

തെ​ര​ഞ്ഞെ​ടു​ക്ക​പ്പെ​ട്ട സ​ർ​ക്കാ​ർ ജ​ന​ങ്ങ​ളു​ടെ ബോ​ധ്യ​ത്തെ വെ​ല്ലു​വി​ളി​ച്ച്​ അ​മി​താ​ധി​കാ​ര പ്ര​വ​ണ​ത കാ​ണി​ക്കു​ന്ന​ത്​ ശ​രി​യാ​യ ജ​നാ​ധി​പ​ത്യ​ത്തി​നു​ത​ന്നെ വെ​ല്ലു​വി​ളി​യാ​ണ്. മ​ന്ത്രി​മാ​രു​ടെ പേ​ഴ്​​സ​ന​ൽ സ്റ്റാ​ഫു​ക​ൾ​ക്ക്​ പെ​ൻ​ഷ​ൻ എ​ന്ന​ത്​ 1984ൽ ​യു.​ഡി.​എ​ഫ്​ സ​ർ​ക്കാ​റാ​ണ്​ തു​ട​ങ്ങി​വെ​ച്ച​ത്. എ​ൽ.​ഡി.​എ​ഫ്​ അ​ത്​ സൗ​ക​ര്യ​മാ​ക്കി തു​ട​ർ​ന്നു. ഇ​നി​യ​ത്​ നി​ർ​ത്ത​ലാ​ക്കാ​നു​മാ​വി​ല്ല. ഈ ​സ​ർ​ക്കാ​റാ​വ​ട്ടെ ഒ​രു​പ​ടി​കൂ​ടി ക​ട​ന്ന്​ ത​ങ്ങ​ളു​ടെ പാ​ർ​ട്ടി​ക്കാ​ർ​ക്ക്​ പെ​ൻ​ഷ​ൻ ല​ഭി​ക്കാ​ൻ പേ​ഴ്​​സ​ന​ൽ സ്റ്റാ​ഫു​ക​ളെ ര​ണ്ടു​ വ​ർ​ഷം ക​ഴി​ഞ്ഞ്​ മാ​റ്റി​നി​യ​മി​ക്കാ​ൻ ആ​ലോ​ചി​ച്ചു. ഗ​വ​ർ​ണ​ർ അ​ത്​ ഇ​ട​പെ​ട്ട്​ കു​ള​മാ​ക്കി കൊ​ടു​ത്തു. ഇ​ങ്ങ​നെ ഒ​രാ​ൾ ഇ​ല്ലാ​യി​രു​ന്നു​വെ​ങ്കി​ൽ ഈ ​സ​ർ​ക്കാ​ർ എ​ന്തെ​ല്ലാം​ ചെ​യ്തു​കൂ​ട്ടി​യേ​നെ എ​ന്ന്​ ഇ​ട​തു​​പ​ക്ഷ​ത്തി​ന്​ വോ​ട്ട്​ ചെ​യ്​​ത​വ​രെ കൊ​ണ്ടു​പോ​ലും പ​റ​യി​ക്കു​മ്പോ​ൾ പ്ര​തി​ക്കൂ​ട്ടി​ൽ നി​ൽ​ക്കു​ന്ന​ത്​ ഈ ​ക​ക്ഷി​രാ​ഷ്​​ട്രീ​യ​ക്കാ​ർ ത​ന്നെ​യാ​ണ്.

ഭ​ര​ണ​ത്തി​ലെ തെ​റ്റു​ക​ൾ ക​ണ്ട്​ ഉ​ച്ച​ത്തി​ൽ വി​സി​ലൂ​തു​ന്ന വി​സി​ൽ​​ബ്ലോ​വ​റാ​ണ്​ നി​ല​വി​ലെ ഗ​വ​ർ​ണ​ർ ആ​രി​ഫ്​ മു​ഹ​മ്മ​ദ്​ ഖാ​ൻ എ​ന്ന്​ ആ​രെ​ങ്കി​ലും ധ​രി​ച്ചു​വെ​ച്ചി​ട്ടു​ണ്ടെ​ങ്കി​ൽ തെ​റ്റി. 1980ക​ൾ മു​ത​ൽ 2014 വ​രെ കേ​ര​ള​ത്തി​ൽ ഗ​വ​ർ​ണ​റു​ടെ ചു​മ​ത​ല വ​ഹി​ച്ചി​രു​ന്ന​വ​ർ മു​ഴു​വ​ൻ കേ​ന്ദ്ര ഭ​ര​ണ താ​ൽ​പ​ര്യ​ത്തി​ന്‍റെ പ്ര​തി​നി​ധി​ക​ളാ​യി​രു​ന്നു. എ​ന്നാ​ൽ, ഭ​ര​ണ​ഘ​ട​നാ പ​ദ​വി​യു​ടെ അ​തി​ർ​വ​ര​മ്പ്​ ലം​ഘി​ക്കാ​ൻ ആ​രും ത​യാ​റാ​യി​രു​ന്നി​ല്ല. പ​ക്ഷേ, മോ​ദി അ​ധി​കാ​ര​ത്തി​ൽ വ​ന്ന​ശേ​ഷം എ​ല്ലാ​യി​ട​ത്തും പ്ര​തി​ഫ​ലി​ച്ച ഹി​ന്ദു​ത്വ രാ​ഷ്ട്രീ​യം സ്വാ​ഭാ​വി​ക​മാ​യി ഗ​വ​ർ​ണ​ർ നി​യ​മ​ന​ത്തി​ലും ഉ​ണ്ടാ​യി. അ​തു​കൊ​ണ്ടു​ത​ന്നെ ആ​രി​ഫ്​ മു​ഹ​മ്മ​ദ്​ ഖാ​ന്‍റ ഇ​ട​പെ​ട​ൽ വി​ല​യി​രു​ത്തേ​ണ്ട​ത്​ ഹി​ന്ദു​ത്വ രാ​ഷ്ട്രീ​യ​ത്തി​ന്‍റെ ല​ക്ഷ്യം കൂ​ടി മു​ന്നി​ൽ നി​ർ​ത്തി​വേ​ണം. പ​ക്ഷേ, ക​ക്ഷി​രാ​ഷ്ട്രീ​യ​ത്തി​ന്‍റെ കൊ​ടു​ക്ക​ൽ​വാ​ങ്ങ​ലി​ന്​ അ​പ്പു​റം പോ​കാ​ൻ ഇ​ട​ത്​, വ​ല​ത്​ മു​ന്ന​ണി​ക​ൾ ത​യാ​റാ​വു​ന്നി​ല്ല.

വി​ക​സ​ന​മെ​ന്ന ഏ​ക​മ​ന്ത്രം ഉ​രു​വി​ടു​ന്ന മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഗ​വ​ർ​ണ​റു​മാ​യി രാ​ഷ്ട്രീ​യ ഏ​റ്റു​മു​ട്ട​ൽ എ​ല്ലാ​യ്​​പോ​ഴും ഒ​ഴി​വാ​ക്കു​ന്നു. പ്ര​തി​പ​ക്ഷ​മാ​വ​ട്ടെ സ​ർ​ക്കാ​റി​നെ അ​ടി​ക്കാ​നു​ള്ള വ​ടി​യാ​യി ഗ​വ​ർ​ണ​റെ കാ​ണു​ക​യും ചെ​യ്യു​ന്നു. ഈ ​വൈ​രു​ധ്യം ഒ​രു​ക്കു​ന്ന ഇ​ട​ത്തു​നി​ന്നാ​ണ്​ പൗ​ര​ത്വ നി​യ​മ ഭേ​ദ​ഗ​തി, ക​ർ​ഷ​ക നി​യ​മം മു​ത​ൽ വൈ​സ്​ ചാ​ൻ​സ​ല​ർ നി​യ​മ​ന​ത്തി​ലെ ഹി​ന്ദു​ത്വ താ​ൽ​പ​ര്യം വ​രെ ഗ​വ​ർ​ണ​ർ ത​ന്‍റെ ക​രു​ക്ക​ൾ നീ​ക്കു​ന്ന​ത്. ഏ​റ്റ​വും ഒ​ടു​വി​ൽ ക​ണ്ണൂ​ർ സ​ർ​വ​ക​ലാ​ശാ​ല വി.​സി. ഗോ​പി​നാ​ഥ്​ ര​വീ​ന്ദ്ര​നെ 'ക്രി​മി​ന​ൽ' എ​ന്ന്​ ആ​ക്ഷേ​പി​ച്ച ഗ​വ​ർ​ണ​ർ ച​രി​ത്ര കോ​ൺ​ഗ്ര​സ്​ വേ​ദി​യി​ൽ ത​ന്നെ കൈ​കാ​ര്യം ചെ​യ്യാ​നു​ള്ള ഗൂ​ഢാ​ലോ​ച​ന​യി​ൽ പ​ങ്കാ​ളി​യാ​യെ​ന്നും ആ​രോ​പ​ണ​മു​ന്ന​യി​ച്ചി​രി​ക്കു​ന്നു. ജാ​മി​അ മി​ല്ലി​യ സ​ർ​വ​ക​ലാ​ശാ​ല​യി​ലെ ച​രി​ത്ര അ​ധ്യാ​പ​ക​നും ച​രി​ത്ര ഗ​വേ​ഷ​ക​നു​മാ​യി​രു​ന്ന ഗോ​പി​നാ​ഥ്​ ര​വീ​ന്ദ്ര​ൻ ഇ​ന്ത്യ​ൻ ഹി​സ്റ്റ​റി കൗ​ൺ​സി​ലി​ന്‍റെ മെ​മ്പ​ർ സെ​ക്ര​ട്ട​റി​യു​മാ​യി​രു​ന്നു. 2014ൽ ​മോ​ദി അ​ധി​കാ​ര​ത്തി​ൽ വ​ന്ന​ശേ​ഷം കൗ​ൺ​സി​ൽ ഉ​ട​ച്ച്​​വാ​ർ​ത്ത്​ ച​രി​ത്രം തി​രു​ത്താ​ൻ തു​ട​ങ്ങി​യ​തോ​ടെ അ​വ​രു​മാ​യി ക​ല​ഹി​ച്ചും പോ​രാ​ടി​യും രാ​ജി​വെ​ച്ച്​ പു​റ​ത്തു​വ​ന്നു അ​ദ്ദേ​ഹം.

ര​വീ​ന്ദ്ര​നെ ക​ണ്ണൂ​ർ വി.​സി​യാ​യി നി​യ​മി​ക്കു​ന്ന​തി​ൽ സം​ഘ്പ​രി​വാ​ർ കേ​ന്ദ്ര​ങ്ങ​ൾ​ക്ക്​ പ​റ​ഞ്ഞാ​ൽ തീ​രാ​ത്ത എ​തി​ർ​പ്പു​മു​ണ്ടാ​യി​രു​ന്നു. 2019ൽ ​ക​ണ്ണൂ​ർ സ​ർ​വ​ക​ലാ​ശാ​ല ആ​തി​ഥേ​യ​ത്വം വ​ഹി​ച്ച ച​രി​ത്ര കോ​ൺ​ഗ്ര​സി​ന്‍റെ ഉ​ദ്​​ഘാ​ട​ന വേ​ദി​യി​ൽ ആ​രി​ഫ്​ മു​ഹ​മ്മ​ദ്​ ഖാ​ൻ ന​ട​ത്തി​യ സി.​എ.​എ അ​നു​കൂ​ല പ്ര​സ്താ​വ​ന​യാ​ണ്​ ഇ​പ്പോ​ൾ അ​​ദ്ദേ​ഹം പ​റ​യു​ന്ന വി​വാ​ദ​ങ്ങ​ൾ​ക്ക്​ അ​ടി​സ്ഥാ​നം. അ​ന്ന്​ ആ ​വേ​ദി​യി​ൽ വെ​ച്ചു​ത​ന്നെ പ്ര​ശ​സ്ത ച​രി​ത്ര​കാ​ര​നാ​യ ഇ​ർ​ഫാ​ൻ ഹ​ബീ​ബ്​ ഗ​വ​ർ​ണ​റോ​ട്​ രൂ​ക്ഷ​മാ​യി​ത്ത​ന്നെ​യാ​ണ്​ പ്ര​തി​ക​രി​ച്ച​ത്. ഡോ. ​ര​വീ​ന്ദ്ര​നും ത​ന്‍റെ പ്ര​സം​ഗ​ത്തി​ൽ സി.​എ.​എ വി​രു​ദ്ധ നി​ല​പാ​ട്​ അ​ർ​ഥ​ശ​ങ്ക​ക്കി​ട​യി​ല്ലാ​ത്ത​വി​ധം വ്യ​ക്​​ത​മാ​ക്കി. ഈ '​കൈ​കാ​ര്യം' ചെ​യ്യ​ൽ ആ​രി​ഫ്​ മു​ഹ​മ്മ​ദ്​ ഖാ​നും സം​ഘ്പ​രി​വാ​റും മ​ന​സ്സി​ൽ കൊ​ണ്ടു​ന​ട​ക്കു​ന്നു​വെ​ന്നും അ​വ​സ​ര​ത്തി​നാ​യി കാ​ത്തി​രു​ന്നു​വെ​ന്നു​മാ​ണ്​ അ​ദ്ദേ​ഹ​ത്തി​ന്‍റെ ഇ​പ്പോ​ഴ​ത്തെ പ്ര​സ്​​താ​വ​ന​ക​ളി​ൽ​നി​ന്ന്​ വ്യ​ക്​​ത​മാ​വു​ന്ന​ത്. ക​ണ്ണൂ​ർ വി.​സി​യു​ടെ സ്വ​ഭാ​വ സ​ർ​ട്ടി​ഫി​ക്ക​റ്റ്​ തേ​ടു​ക​യും ന​ട​പ​ടി​ക്ക്​ പ​ഴു​ത്​ അ​ന്വേ​ഷി​ക്കു​ക​യും ചെ​യ്ത ഇ​തേ ആ​രി​ഫ്​ മു​ഹ​മ്മ​ദ്​ ഖാ​നാ​ണ് ര​വീ​ന്ദ്ര​ന്‍റെ പു​ന​ർ​നി​യ​മ​ന​ത്തി​ൽ ഒ​പ്പി​ട്ട​ത്. ക​ണ്ണൂ​ർ, കേ​ര​ള വി.​സി​മാ​രു​ടെ ക​ഴി​വു​കേ​ടു​ക​ളെ കു​റി​ച്ച്​ പ​റ​യു​ന്ന ഖാ​ൻ​ ഗ​വ​ർ​ണ​ർ പ​ദ​വി​യി​ൽ ഇ​രു​ന്നു കൈ​ക്കൊ​ണ്ട ചി​ല ന​ട​പ​ടി​ക​ളും പ​രി​ശോ​ധി​ക്ക​പ്പെ​ട​ണം.

കാ​ലി​ക്ക​റ്റ്​ സ​ർ​വ​ക​ലാ​ശാ​ല വൈ​സ്​​ചാ​ൻ​സ​ല​ർ നി​യ​മ​ന​ത്തി​ൽ പ്ര​ഗ​ല്ഭ​നാ​യ ഡോ. ​കെ.​എം. സീ​തി​ക്ക്​ മു​ൻ​ഗ​ണ ന​ൽ​കി​യു​ള്ള പ​ട്ടി​ക​യാ​ണ്​ ഒ​ന്നാം പി​ണ​റാ​യി സ​ർ​ക്കാ​ർ ഗ​വ​ർ​ണ​ർ​ക്ക്​ ന​ൽ​കി​യ​ത്. എ​ന്നാ​ൽ, സീ​തി​യെ നി​യ​മി​ക്കു​ന്ന​തി​ൽ സം​ഘ്പ​രി​വാ​റി​ന്​ ​ ക​ടു​ത്ത എ​തി​ർ​പ്പു​ണ്ടാ​യി​രു​ന്ന​തി​നാ​ൽ അ​ദ്ദേ​ഹം ഫ​യ​ൽ വെ​ച്ചു താ​മ​സി​പ്പി​ക്കു​ക​യാ​യി​രു​ന്നു. ഡോ. ​സീ​തി​യു​ടെ ​ പ്രാ​യ​പ​രി​ധി ക​ഴി​യു​ന്ന​തു​വ​രെ ഈ ​വെ​ച്ച്​ താ​മ​സി​പ്പി​ക്ക​ൽ തു​ട​ർ​ന്നു.

യു.​ജി.​സി പ്ര​തി​നി​ധി നി​ർ​ദേ​ശി​ച്ച കേ​ന്ദ്ര ബി.​ജെ.​പി സ​ർ​ക്കാ​റി​ന്​ താ​ൽ​പ​ര്യ​മു​ള്ള, കി​ഴ​ങ്ങ്​ ഗ​വേ​ഷ​ണ കേ​ന്ദ്ര​ത്തി​ലെ ശാ​സ്​​ത്ര​ജ്ഞ​െ​​​ൻ​റ പേ​രി​ന്​ വേ​ണ്ടി​യാ​യി​രു​ന്നു​വ​ത്രെ ഇ​ത്​. പ​ക്ഷേ, പ​ട്ടി​ക​യി​ൽ ര​ണ്ടാ​മ​നാ​യി​രു​ന്ന ഡോ. ​ജ​യ​രാ​ജി​െൻറ പേ​ര്​ മു​ൻ​ഗ​ണ​ന​യാ​ക്കി സ​ർ​ക്കാ​ർ ന​ൽ​കി​യ​പ്പോ​ൾ ഗ​വ​ർ​ണ​ർ​ക്ക്​ ഒ​ടു​വി​ൽ ഒ​പ്പി​ടേ​ണ്ടി​വ​ന്നു. കാ​ല​ടി സ​ർ​വ​ക​ലാ​ശാ​ല വി.​സി​യാ​ക്കാ​ൻ കാ​ലി​ക്ക​റ്റ്​​ സ​ർ​വ​ക​ലാ​ശാ​ല​യി​ലെ ഇം​ഗ്ലീ​ഷ്​ വി​ഭാ​ഗം പ്ര​ഫ​സ​റാ​യി​രു​ന്ന ഡോ. ​എം.​വി. നാ​രാ​യ​ണ​​െ​ന്‍റ പേ​രാ​ണ്​ സ​ർ​ക്കാ​ർ ന​ൽ​കി​യ​ത്. സം​സ്​​കൃ​ത പ​ണ്ഡി​ത​നും ക്ലാ​സി​ക്ക​ൽ ക​ലാ​രൂ​പ​ങ്ങ​ളി​ൽ വി​ദ​ഗ്​​ധ​നു​മാ​ണെ​ങ്കി​ലും നാ​രാ​യ​ണ​െ​​ന്‍റ ഹി​ന്ദു​ത്വ വി​രു​ദ്ധ രാ​ഷ്​​ട്രീ​യം രാ​ജ്​​ഭ​വ​ന്​ അ​യോ​ഗ്യ​ത​യാ​യി തോ​ന്നി. ജ​സ്​​റ്റി​സ്​ പി. ​സ​ദാ​ശി​വം ഗ​വ​ർ​ണ​റാ​യ കാ​ല​ത്ത്​ ആ​രോ​ഗ്യ സ​ർ​വ​ക​ലാ​ശാ​ല വി.​സി നി​യ​മ​ന​ത്തി​ലാ​ണ്​ സം​ഘ്പ​രി​വാ​ർ താ​ൽ​പ​ര്യം ആ​ദ്യം ​പ്ര​ക​ട​മാ​യ​ത്. പൊ​തു​ജ​നാ​രോ​ഗ്യ വി​ദ​ഗ്​​ധ​ൻ ഡോ. ​വി. രാ​മ​ൻ​കു​ട്ടി​യു​ടെ പേ​ര്​ ഉ​ൾ​പ്പെ​ടെ​യാ​ണ്​ ഒ​ന്നാം പി​ണ​റാ​യി സ​ർ​ക്കാ​ർ വി.​സി സ്ഥാ​ന​ത്തേ​ക്ക്​ നി​ർ​ദേ​ശി​ച്ച​ത്. എ​ന്നാ​ൽ, കേ​ന്ദ്ര മ​ന്ത്രി വി. ​മു​ര​ളീ​ധ​ര​നു​മാ​യ അ​ടു​പ്പ​മു​ള്ള ഡോ. ​മോ​ഹ​ൻ കു​ന്നു​മ്മ​ലി​നെ​യാ​ണ്​ ഗ​വ​ർ​ണ​ർ സ​ദാ​ശി​വം വി.​സി ആ​യി നി​യ​മി​ച്ച​ത്.

പൊ​തു​സ​മൂ​ഹ​ത്തി​ന്‍റെ​യും നി​യ​മ​സ​ഭ​യു​ടെ​യും നി​ല​പാ​ടു​ക​ൾ​ക്ക്​ നി​ര​ക്കു​ന്ന​താ​യി​രു​ന്നി​ല്ല പ​ല​പ്പോ​ഴും ഗ​വ​ർ​ണ​ർ എ​ന്ന പ​ദ​വി​യി​ലി​രു​ന്ന്​ ആ​രി​ഫ്​ മു​ഹ​മ്മ​ദ്​ ഖാ​ൻ സ്വീ​ക​രി​ച്ച നി​ല​പാ​ടു​ക​ൾ. നി​യ​മ​സ​ഭ​യി​ൽ സ​ർ​ക്കാ​റി​ന്‍റെ ന​യ​പ്ര​ഖ്യാ​പ​ന പ്ര​സം​ഗ​ത്തി​ൽ പൗ​ര​ത്വ നി​യ​മ ഭേ​ദ​ഗ​തി​ക്ക്​ എ​തി​രാ​യ ഭാ​ഗം വാ​യി​ക്കി​ല്ലെ​ന്ന്​ അ​ദ്ദേ​ഹം വാ​ശി​പി​ടി​ച്ചു. പി​ന്നീ​ട്​ വാ​യി​ച്ച​പ്പോ​ൾ ത​ന്‍റെ വി​യോ​ജി​പ്പ്​ രേ​ഖ​പ്പെ​ടു​ത്തി. പ​ക്ഷേ, ഗ​വ​ർ​ണ​റെ തി​രി​ച്ചു​വി​ളി​ക്ക​ണ​മെ​ന്ന പ്ര​മേ​യം ​പ്ര​തി​പ​ക്ഷം കൊ​ണ്ടു​വ​ന്ന​പ്പോ​ൾ പി​ണ​റാ​യി സ​ർ​ക്കാ​ർ തി​രി​ഞ്ഞ്​ ക​ളി​ച്ചു, ഗ​വ​ർ​ണ​റെ സം​ര​ക്ഷി​ച്ചു. കേ​ന്ദ്രം കൊ​ണ്ടു​വ​ന്ന ക​ർ​ഷ​ക നി​യ​മം നി​യ​മ​സ​ഭ​യി​ൽ ച​ർ​ച്ച​ചെ​യ്ത്​ അ​തി​ന്​ എ​തി​രാ​യി പ്ര​മേ​യം പാ​സാ​ക്ക​ണ​മെ​ന്ന ശി​പാ​ർ​ശ സ​ർ​ക്കാ​ർ ന​ൽ​കി​യ​പ്പോ​ഴും ഗ​വ​ർ​ണ​ർ മു​ഖം​തി​രി​ച്ചു. സ​മ്മ​ർ​ദ​ങ്ങ​ൾ​ക്കൊ​ടു​വി​ലാ​ണ്​ അ​​ദ്ദേ​ഹം ഒ​ടു​വി​ൽ വ​ഴ​ങ്ങി​യ​ത്.

ആ​രി​ഫ്​ മു​ഹ​മ്മ​ദ്​ ഖാ​ൻ ക​ളി​ക്കു​ന്ന ക​ളി അ​ദ്ദേ​ഹ​ത്തി​നു​​ മാ​ത്രം കൈ​മു​ത​ലാ​യ​താ​ണ്. വി​ര​ട്ട​ലും വി​ല​പേ​ശ​ലും വേ​ണ്ടെ​ന്നു​പ​റ​യു​മ്പോ​ഴും എ​വി​ടെ വ​ഴ​ങ്ങ​ണം, എ​വി​ടെ കൈ​യ​ടി നേ​ട​ണ​മെ​ന്ന്​ ആ​രും അ​ദ്ദേ​ഹ​ത്തി​ന്​ പ​റ​ഞ്ഞ്​ കൊ​ടു​ക്കേ​ണ്ട​തി​ല്ല. അ​ദ്ദേ​ഹ​ത്തി​ന്‍റെ രാ​ഷ്​​ട്രീ​യ ജീ​വി​ത​രേ​ഖ ത​ന്നെ​യാ​ണ്​ ഇ​തി​ന്​ തെ​ളി​വ്. 1991 ൽ ​രാ​ജ്യ​ത്തെ പി​ടി​ച്ചു​കു​ലു​ക്കി​യ രാ​ഷ്​​ട്രീ​യ നേ​താ​ക്ക​ൾ 65 കോ​ടി രൂ​പ കൈ​പ്പ​റ്റി​യെ​ന്ന 'ജ​യി​ൻ ഹ​വാ​ല ഡ​യ​റി കേ​സ്​' ആ​രോ​പ​ണ​ത്തി​ലും ആ​രി​ഫ്​ മു​ഹ​മ​മ​ദ്​ ഖാ​െൻറ ​ പേ​ര്​ ഉ​ൾ​പ്പെ​ട്ടി​രു​ന്നു. സി.​ബി.​ഐ കു​റ്റ​പ​ത്രം സ​മ​ർ​പ്പി​ച്ച കേ​സി​ൽ 1998 ലാ​ണ്​ കോ​ട​തി ​വെ​റു​തെ​വി​ട്ട​ത്.