ട്രംപിന്റെ രണ്ടാം വരവ്

അ​മേ​രി​ക്ക​ൻ പ്ര​സി​ഡ​ന്റാ​യി ഡോ​ണ​ൾ​ഡ് ട്രം​പ് ര​ണ്ടാ​മ​തും അ​ധി​കാ​ര​മേ​ൽ​ക്കു​ന്ന​ത് ആ​ഭ്യ​ന്ത​ര രാ​ഷ്ട്രീ​യ​ത്തി​ലെ വ​ലി​യ ധ്രു​വീ​ക​ര​ണ​ത്തി​ലൊ​ടു​വി​ലാ​ണ്. പ്ര​ത്യ​യ​ശാ​സ്ത്ര​പ​ര​വും ന​യ​പ​ര​വും സാം​സ്കാ​രി​ക​വു​മാ​യ വ​ല​തു​പ​ക്ഷ വീ​ക്ഷ​ണ​ത്തി​ന്റെ പ്ലാ​റ്റ്ഫോ​മി​ൽ വ​ലി​യ​വി​ഭാ​ഗം ജ​ന​ങ്ങ​ളെ അ​ണി​നി​ര​ത്താ​ൻ ട്രം​പി​ന്റെ നേ​തൃ​ത്വ​ത്തി​ലു​ള്ള റി​പ്പ​ബ്ലി​ക്ക​ൻ പാ​ർ​ട്ടി​ക്ക് ക​ഴി​ഞ്ഞ​താ​ണ് അ​വ​രു​ടെ തെ​ര​ഞ്ഞെ​ടു​പ്പ് വി​ജ​യ​ത്തി​ന്റെ ഒ​രു മു​ഖ്യ​വ​ശം. അ​മേ​രി​ക്ക​ൻ രാ​ഷ്ട്രീ​യം അ​പ​ഗ്ര​ഥ​നം ചെ​യ്യു​ന്ന​വ​ർ, അ​ന്താ​രാ​ഷ്ട്ര വാ​ദ​ത്തി​ന്റെ​യും ഉ​ൾ​വ​ലി​യ​ൽ വാ​ദ​ത്തി​ന്റെ​യും ര​ണ്ടു വി​രു​ദ്ധ​ധാ​ര​ക​ൾ പ​ര​മ്പ​രാ​ഗ​ത​മാ​യി ആ ​രാ​ഷ്ട്ര​ത്തി​ൽ നി​ല​നി​ന്നു​വ​ന്ന​താ​യി വാ​ദി​ക്കാ​റു​ണ്ട്.

പ​ല​പ്പോ​ഴും അ​ന്താ​രാ​ഷ്ട്ര​വാ​ദം ലി​ബ​റ​ലി​സ​ത്തോ​ടും ഡെ​മോ​ക്രാ​റ്റി​ക് പാ​ർ​ട്ടി​യോ​ടും കൂ​ട്ടി​ച്ചേ​ർ​ത്താ​ണ് വ്യ​വ​ഹ​രി​ക്കാ​റു​ള്ള​ത്. അ​മേ​രി​ക്ക​യു​ടെ ലോ​ക ഇ​ട​പെ​ട​ൽ പ​രി​മി​ത​പ്പെ​ടു​ത്തി ആ​ഭ്യ​ന്ത​ര​മാ​യി ശ​ക്തി​പ്രാ​പി​ക്ക​ണ​മെ​ന്ന ആ​ശ​യ​മാ​ണ് അ​തി​നെ​തി​രെ മു​ന്നോ​ട്ടു​വെ​ക്ക​പ്പെ​ട്ട​ത്. ഈ ​ഉ​ൾ​വ​ലി​യ​ൽ സ​മീ​പ​നം യാ​ഥാ​സ്ഥി​തി​ക​വാ​ദി​ക​ളും റി​പ്പ​ബ്ലി​ക്ക​ൻ പാ​ർ​ട്ടി​യു​മാ​യും ബ​ന്ധ​പ്പെ​ടു​ത്തി രാ​ഷ്ട്രീ​യ വി​ശ്ലേ​ഷ​ണം ന​ട​ത്തി​വ​രാ​റു​ണ്ടാ​യി​രു​ന്നു. ഇ​രു​പ​താം നൂ​റ്റാ​ണ്ടി​ന്റെ ആ​ദ്യം ഡെ​മോ​ക്രാ​റ്റി​ക് പ്ര​സി​ഡ​ന്റ് വു​ഡ്റോ വി​ൽ​സ​ണു​മാ​യി ബ​ന്ധ​പ്പെ​ടു​ത്തി ലി​ബ​റ​ൽ ഇ​ന്റ​ർ നാ​ഷ​ണ​ലി​സം ഉ​ദ്ഘോ​ഷി​ക്ക​പ്പെ​ട്ടി​രു​ന്നു.

ര​ണ്ടാം ലോ​ക യു​ദ്ധ​ത്തി​നു​ശേ​ഷം ഉ​ത്ത​ര അ​റ്റ്ലാ​ന്റി​ക് ഉ​ട​മ്പ​ടി​യു​ടെ അ​ടി​സ്ഥാ​ന​ത്തി​ലു​ള്ള നാ​റ്റോ സ​ഖ്യ​ത്തി​ന്റെ ആ​വി​ർ​ഭാ​വ​വും ശീ​ത​സ​മ​ര​ത്തി​ന്റെ ലോ​ക​സാ​ഹ​ച​ര്യ​വും അ​മേ​രി​ക്ക​ൻ നേ​തൃ​ത്വ​ത്തി​ൽ സം​ഭ​വി​ച്ച​പ്പോ​ൾ​ത​ന്നെ മേ​ൽ​പ​റ​ഞ്ഞ വൈ​രു​ധ്യ​ത്തി​ൽ അ​യ​വു​ണ്ടാ​യി. ശീ​ത​സ​മ​രാ​ന്ത​രം അ​ത്ത​ര​മൊ​ര​ന്ത​ര​ത്തി​ന് വ​ലി​യ പ്ര​സ​ക്തി​യി​ല്ലാ​താ​യി. അ​മേ​രി​ക്ക​ൻ സാ​മ്രാ​ജ്യ​ത്വ താ​ൽ​പ​ര്യ​ങ്ങ​ളും അ​തി​ന്റെ സൈ​നി​കാ​ധി​പ​ത്യ​വും റി​പ്പ​ബ്ലി​ക്ക​ൻ-​ഡെ​മോ​ക്രാ​റ്റി​ക് പ്ര​ത്യ​യ​ശാ​സ്ത്ര വി​ഭി​ന്ന​ത​യു​ടെ സാം​ഗ​ത്യം വ​ലി​യ അ​ർ​ഥ​മി​ല്ലാ​ത്ത​താ​ക്കി.

അ​തേ​സ​മ​യം അ​മേ​രി​ക്ക​യു​ടെ ആ​ഗോ​ള രാ​ഷ്ട്രീ​യ-​സാ​മ്പ​ത്തി​ക ബാ​ന്ധ​വം രാ​ജ്യ​ത്തി​ന്റെ സ്വ​ത്വ​വും തൊ​ഴി​ലും സം​സ്കാ​ര​വും ന​ഷ്ട​പ്പെ​ടു​ത്തു​ന്നു​വെ​ന്ന യാ​ഥാ​സ്ഥി​തി​ക​ബോ​ധം ശ​ക്തി​പ്രാ​പി​ച്ചു​വ​ന്നു. രാ​ഷ്ട്രീ​യ പാ​ർ​ട്ടി​ക​ളും വാ​ഷി​ങ്ട​ൻ എ​സ്റ്റാ​ബ്ലി​ഷ്​​​മെ​ന്റും ഏ​ക​താ​ന സ്വ​ഭാ​വം വെ​ച്ചു​പു​ല​ർ​ത്തു​മ്പോ​ൾ യാ​ഥാ​സ്ഥി​തി​ക പ​ക്ഷം അ​തി​നെ​തി​രെ ശ​ക്ത​മാ​യി മു​ന്നോ​ട്ടു​വ​രു​ന്ന​താ​ണ് ക​ഴി​ഞ്ഞ ര​ണ്ടു ദ​ശ​ക​ങ്ങ​ളി​ൽ പ്ര​ത്യേ​കി​ച്ചും നാം ​കാ​ണു​ന്ന​ത്. ഡോ​ണ​ൾ​ഡ് ട്രം​പി​ന്റെ വി​ജ​യം വ​ലി​യൊ​ര​ള​വോ​ളം അ​ത്ത​രം ശ​ക്തി​ക​ളെ ഒ​രു​മി​പ്പി​ച്ച​തി​ന്റെ​യും വി​പു​ല​പ്പെ​ടു​ത്തി​യ​തി​ന്റെ​യും ഫ​ല​മാ​ണ്.

തീ​വ്ര വ​ല​തു ​ശാ​ക്തീ​ക​ര​ണം

ട്രം​പ് വീ​ണ്ടും അ​ധി​കാ​ര​മേ​ൽ​ക്കു​ന്ന​ത് അ​മേ​രി​ക്ക​ൻ സ​മൂ​ഹ​ത്തി​ലെ എ​ല്ലാ തീ​വ്ര​വ​ല​തു​പ​ക്ഷ ശ​ക്തി​ക​ളും ശാ​ക്തീ​ക​രി​ക്ക​പ്പെ​ടു​ന്ന സ​ന്ദ​ർ​ഭ​ത്തി​ലാ​ണ്. കു​ടി​യേ​റ്റ​ത്തി​നെ​തി​രെ​യു​ള്ള ട്രം​പി​ന്റെ നി​ല​പാ​ടി​ന് വ​ലി​യ​തോ​തി​ലു​ള്ള സാ​മൂ​ഹ്യ പി​ൻ​ബ​ലം ഇ​ന്ന് ല​ഭ്യ​മാ​ണ്. അ​മേ​രി​ക്ക​ൻ സ​മ്പ​ദ് വ്യ​വ​സ്ഥ​യു​ടെ ആ​വ​ശ്യ​ങ്ങ​ളും ഇ​ത്ത​രം കു​ടി​യേ​റ്റ വി​രു​ദ്ധ നി​ല​പാ​ടു​ക​ളും ഏ​ത് പ​രി​ധി​വ​രെ ഒ​ന്നി​ച്ചു​കൊ​ണ്ടു​പോ​കാ​ൻ ക​ഴി​യു​മെ​ന്ന​ത് ആ​ലോ​ചി​ക്കാ​വു​ന്ന​തേ​യു​ള്ളൂ. അ​ധി​കാ​ര​മേ​റ്റെ​ടു​ക്കു​ന്ന​തി​ന്റെ അ​ടു​ത്ത ദി​വ​സം ത​ന്നെ, ഷി​കാ​ഗോ​യി​ൽ അ​നേ​കം കേ​ന്ദ്ര​ങ്ങ​ളി​ൽ നൂ​റു​ക​ണ​ക്കി​ന് ക​സ്റ്റം​സ്-​ഇ​മി​​ഗ്രേ​ഷ​ൻ ഓ​ഫി​സ​ർ​മാ​രു​ടെ നേ​തൃ​ത്വ​ത്തി​ൽ റെ​യ്ഡ് ന​ട​ത്താ​നും വേ​ണ്ട രേ​ഖ​ക​ളി​ല്ലാ​ത്ത​വ​രെ നാ​ടു​ക​ട​ത്താ​നു​മു​ള്ള പ്ര​ക്രി​യ ആ​രം​ഭി​ക്കു​മെ​ന്നാ​ണ് അ​റി​യാ​ൻ ക​ഴി​യു​ന്ന​ത്. രാ​ജ്യ​വ്യാ​പ​ക​മാ​യ നീ​ക്ക​ത്തി​ന്റെ ആ​ദ്യ​പ​ടി​യാ​ണി​ത്. അ​മേ​രി​ക്ക​യി​ൽ ‘നി​യ​മ​വി​രു​ദ്ധ’​മാ​യി എ​ത്തി​യി​ട്ടു​ള്ള ആ​ളു​ക​ളെ പാ​ർ​പ്പി​ക്കാ​നു​ള്ള ക്യാ​മ്പു​ക​ളും ആ​രം​ഭി​ക്കാ​ൻ നീ​ക്ക​മു​ണ്ട്.

‘ടെ​ക്നോ ഇ​ൻ​ഡ​സ്​​ട്രി​യ​ൽ കോം​പ്ല​ക്സ്’

വി​ദ​ഗ്ധ തൊ​ഴി​ലാ​ളി​ക​ൾ​ക്കാ​യി ന​ൽ​കി​വ​രു​ന്ന വി​സ നി​ർ​ത്ത​ലാ​ക്ക​ണ​മെ​ന്ന് വ​ല​തു​പ​ക്ഷ ​ട്രം​പ​നു​കൂ​ലി​ക​ൾ ആ​വ​ശ്യ​പ്പെ​ടു​മ്പോ​ൾ, അ​വ​രു​ടെ മ​റ്റാ​ശ​യ​ഗ​തി​ക​ൾ പി​ൻ​പ​റ്റു​ന്ന ഇ​ലോ​ൺ മ​സ്കും വി​വേ​ക് രാ​മ​സ്വാ​മി​യു​മൊ​ക്കെ ഇ​ക്കാ​ര്യ​ത്തി​ൽ വി​യോ​ജി​ക്കു​ന്ന​ത് തെ​ര​ഞ്ഞെ​ടു​പ്പി​നു​ശേ​ഷം നാം ​ക​ണ്ട​താ​ണ്. ടെ​ക് ക​മ്പ​നി​ക​ളു​ടെ താ​ൽ​പ​ര്യ​സം​ര​ക്ഷ​ണ കാ​ര്യ​ത്തി​ൽ ​ട്രം​പ് മ​സ്കി​ന്റെ​യൊ​ക്കെ നി​ല​പാ​ടു​മാ​യി യോ​ജി​ക്കു​ന്ന​തും കാ​ണാ​ൻ സാ​ധി​ക്കും. ക​മ്പ​നി നേ​തൃ​ത്വ​ങ്ങ​ളും ഭ​ര​ണ​കൂ​ട​വും ഒ​ന്നി​ച്ചു​ചേ​ർ​ന്ന് അ​മേ​രി​ക്ക​യി​ലെ സാ​ധാ​ര​ണ​ക്കാ​രെ ചൂ​ഷ​ണം ചെ​യ്യു​ന്ന ഒ​രു ‘പു​തി​യ പ്ര​ഭു​വ​ർ​ഗം’ ഉ​യ​ർ​ന്നു​വ​ന്നി​ട്ടു​ണ്ടെ​ന്ന് പ​റ​യു​ന്ന​ത് മ​റ്റാ​രു​മ​ല്ല, സ്ഥാ​ന​മൊ​ഴി​യു​ന്ന പ്ര​സി​ഡ​ന്റ് ജോ​ബൈ​ഡ​ൻ ത​ന്നെ​യാ​ണ്. ത​ന്റെ വി​ട​വാ​ങ്ങ​ൽ പ്ര​സം​ഗ​ത്തി​ൽ ബൈ​ഡ​ൻ ചൂ​ണ്ടി​ക്കാ​ണി​ക്കു​ന്ന​ത് ഒ​രു ‘ടെ​ക്നോ ഇ​ൻ​ഡ​സ്​​ട്രി​യ​ൽ കോം​പ്ല​ക്സ്’ അ​മേ​രി​ക്ക​യി​ൽ ഉ​യ​ർ​ന്നു​വ​ന്നു​കൊ​ണ്ടി​രി​ക്കു​ന്നു എ​ന്നാ​ണ്.

ആ​ലോ​ച​ന​യി​ല്ലാ​തെ വി​ദേ​ശ​ന​യം ?

വി​ദേ​ശ​ന​യ​ത്തി​ന്റെ കാ​ര്യ​ത്തി​ലും പ്ര​ക​ട​മാ​യ മാ​റ്റ​ങ്ങ​ളാ​ണ് ​ട്രം​പ് ഭ​ര​ണ​ത്തി​ൽ​നി​ന്ന് പ്ര​തീ​ക്ഷി​ക്കു​ന്ന​ത്. പ​ല ന​യ​ങ്ങ​ളും ദീ​ർ​ഘാ​ലോ​ച​ന​യു​ടെ ഫ​ലം ത​ന്നെ​യാ​വ​ണ​മെ​ന്നി​ല്ല. ക്ഷി​പ്ര പ്ര​തി​ക​ര​ണ​ങ്ങ​ൾ വ​ലി​യ പ്ര​ത്യാ​ഘാ​ത​മു​ണ്ടാ​ക്കു​ന്ന​ത് കാ​ണാ​ൻ ക​ഴി​യും. തെ​ര​ഞ്ഞെ​ടു​പ്പ് വി​ജ​യ​ത്തെ​ത്തു​ട​ർ​ന്ന് അ​യ​ൽ രാ​ജ്യ​ങ്ങ​ള​ട​ക്കം ഒ​ട്ടേ​റെ ലോ​ക​രാ​ജ്യ​ങ്ങ​ളി​ൽ​നി​ന്നു​ള്ള ഇ​റ​ക്കു​മ​തി​ക്ക് മു​പ്പ​തു​ശ​ത​മാ​നം​വ​രെ താ​രി​ഫ് ഏ​​ർ​പ്പെ​ടു​ത്തു​മെ​ന്ന പ്ര​ഖ്യാ​പ​നം സൃ​ഷ്ടി​ച്ചി​ട്ടു​ള്ള അ​നി​ശ്ചി​ത​ത്വം തു​ട​രു​ക​യാ​ണ്.

അ​യ​ൽ രാ​ജ്യ​ങ്ങ​ളാ​യ മെ​ക്സി​കോ​യോ​ടും കാ​ന​ഡ​യോ​ടും അ​തി​ർ​ത്തി​യു​ടെ​യും വ്യാ​പാ​ര​ത്തി​ന്റെ​യും കു​ടി​യേ​റ്റ​ത്തി​ന്റെ​യും കാ​ര്യ​ത്തി​ലെ​ടു​ത്തി​ട്ടു​ള്ള ആ​ജ്ഞാ സ്വ​രം പ​ര​സ്പ​ര ബ​ന്ധ​ങ്ങ​ളി​ൽ അ​സ്വാ​ര​സ്യ​മു​ണ്ടാ​ക്കി​യി​ട്ടു​ണ്ട്. പ​നാ​മ ക​നാ​ലി​ന്റെ​യും ഗ്രീ​ൻ ലാ​ൻ​ഡി​ന്റെ​യും മേ​ൽ സാ​മ്രാ​ജ്യ​ത്വ ആ​ധി​പ​ത്യ നീ​ക്ക​ങ്ങ​ളാ​ണ് ന​ട​ത്തു​ന്ന​ത്. നാ​റ്റോ​യു​ടെ കു​ടി​ശ്ശി​ക​യ​ട​ക്കാ​ൻ യൂ​റോ​പ്യ​ൻ അം​ഗ​രാ​ഷ്ട്ര​ങ്ങ​ളോ​ട് ആ​വ​ശ്യ​പ്പെ​ടു​ന്ന​തും നാ​റ്റോ​യു​ടെ​ത​ന്നെ സ​മ​കാ​ലി​ക സാം​ഗ​ത്യ​ത്തി​ലു​ള്ള ഭാ​ഗി​ക​മെ​ങ്കി​ലു​മാ​യ അ​വി​ശ്വാ​സ്യ​ത​യും യൂ​റോ​പ്പു​മാ​യു​ള്ള ബ​ന്ധ​ത്തി​ൽ പ​ര​മ്പ​രാ​ഗ​ത​മാ​യു​ണ്ടാ​യ നി​ശ്ചി​ത​ത്തി​ന് ഭം​ഗം വ​രു​ത്തു​ന്നു​ണ്ട്. റ​ഷ്യ​യോ​ട് അ​മേ​രി​ക്ക​ൻ രാ​ഷ്ട്രീ​യ​നേ​തൃ​ത്വം പ​ര​മ്പ​രാ​ഗ​ത​മാ​യി പു​ല​ർ​ത്തി​വ​ന്ന ശ​ത്രു​താ മ​നോ​ഭാ​വം ഒ​ന്നാം ഊ​ഴ​ത്തി​ൽ​ത​ന്നെ മാ​റ്റി​യെ​ടു​ക്കാ​ൻ ട്രം​പ് ശ്ര​മി​ച്ചി​രു​ന്നു. വ്ലാ​ദി​മി​ർ പു​ടി​നു​മാ​യു​ള്ള സൗ​ഹൃ​ദ​ത്തി​ലൂ​ടെ അ​ങ്ങ​നെ​യു​ള്ള മാ​റ്റം കൊ​ണ്ടു​വ​രു​ന്ന​തി​ന് ട്രം​പ് ന​ട​ത്തി​യ ശ്ര​മ​ങ്ങ​ൾ വാ​ഷി​ങ്ട​ണി​ലെ പ​ര​മ്പ​രാ​ഗ​ത വ്യ​വ​സ്ഥ​യു​ടെ എ​തി​ർ​പ്പു​കൊ​ണ്ട് വ​ലി​യ വി​ജ​യ​ത്തി​ലെ​ത്തി​യി​രു​ന്നി​ല്ല. ഈ ശ്ര​മം തു​ട​രു​മെ​ന്നാ​ണ് ക​രു​തേ​ണ്ട​ത്.

തു​ട​ക്കം പ​ശ്ചി​മേ​ഷ്യ​യി​ലൂ​ടെ

പ​ശ്ചി​മേ​ഷ്യ​യെ സം​ബ​ന്ധി​ച്ചി​ട​ത്തോ​ളം അ​ധി​കാ​ര​മേ​ൽ​ക്കു​ന്ന​തി​ന് മു​മ്പു​ത​ന്നെ ത​ന്റെ പ​രി​ശ്ര​മം വി​ജ​യി​ച്ച​താ​യി ട്രം​പ് അ​വ​കാ​ശ​പ്പെ​ടു​ന്നു. ഗ​സ​യു​ടെ കാ​ര്യ​ത്തി​ൽ ഹ​മാ​സു​മാ​യി വെ​ടി​നി​ർ​ത്ത​ലി​നും ബ​ന്ദി കൈ​മാ​റ്റ​ത്തി​നു​മാ​യു​ള്ള ഒ​ത്തു​തീ​ർ​പ്പി​ലെ​ത്തു​ന്ന​തി​ന് നെ​ത​ന്യാ​ഹു​വി​​നെ നി​ർ​ബ​ന്ധി​ക്കാ​ൻ സ്റ്റീ​വ് വി​റ്റ്ക്കോ​ഫ് എ​ന്ന ത​ന്റെ പ​ശ്ചി​മേ​ഷ്യ​ൻ പ്ര​തി​നി​ധി​ക്ക് ക​ഴി​ഞ്ഞു​വെ​ന്നാ​ണ് ട്രം​പ് പ​റ​യു​ന്ന​ത്. അ​തി​ൽ വാ​സ്ത​വ​മു​ണ്ടു​താ​നും. പ​ശ്ചി​മേ​ഷ്യ​യു​ടെ കാ​ര്യ​ത്തി​ലാ​ണ് അ​മേ​രി​ക്ക​യു​ടെ യാ​ഥാ​സ്ഥി​തി​ക പ​ക്ഷം ഏ​റെ​ക്കാ​ലം മു​മ്പ് സ്വീ​ക​രി​ച്ച ഉ​ൾ​വ​ലി​യ​ൽ ന​യം ശീ​ത​സ​മ​രാ​ന​ന്ത​രം ത​കി​ടം​മ​റി​ക്ക​പ്പെ​ട്ട​ത്. ‘ന​വ യാ​ഥാ​സ്ഥി​തി​ക​ർ’ ജോ​ർ​ജ് ബു​ഷ് കാ​ല​ത്ത് എ​ടു​ത്ത നി​ല​പാ​ട്, സോ​വി​യ​റ്റ് ചേ​രി​യു​ടെ പ​ത​നം ന​ൽ​കി​യ സാ​ഹ​ച​ര്യം മു​ത​ലെ​ടു​ത്ത് അ​മേ​രി​ക്ക​യു​ടെ ആ​ധി​പ​ത്യ​മു​റ​പ്പി​ക്ക​ണ​മെ​ന്ന​താ​ണ്. ട്രം​പി​ന്റെ റി​പ്പ​ബ്ലി​ക്ക​ൻ നി​ല​പാ​ട് ഇ​തി​ൽ​നി​ന്ന് എ​ത്ര ഭി​ന്ന​മാ​ണെ​ന്ന് ക​ണ്ടു​ത​ന്നെ അ​റി​യ​ണം.

തെ​രു​വു​ക​ൾ ക​ലു​ഷി​ത​മാ​യേ​ക്കും

ട്രം​പി​ന്റെ സ്ഥാ​നാ​രോ​ഹ​ണ​ത്തെ വാ​ഷി​ങ്ട​ണും രാ​ജ്യ​ത്തി​ന്റെ പ​ല ഭാ​ഗ​ങ്ങ​ളും എ​തി​രേ​റ്റ​ത് വ​ലി​യ പ്ര​തി​ഷേ​ധ പ്ര​ക​ട​ന​ങ്ങ​ളോ​ടെ​യാ​ണ്. ത​ല​സ്ഥാ​ന​ത്തെ ജ​ന​കീ​യ മാ​ർ​ച്ചി​ൽ പ​തി​നാ​യി​ര​ങ്ങ​ളു​ടെ പ​ങ്കാ​ളി​ത്ത​മു​ണ്ടാ​യി​രു​ന്നു. മ​നു​ഷ്യാ​വ​കാ​ശ സം​ഘ​ട​ന​ക​ൾ, സ്ത്രീ ​സം​ഘ​ട​ന​ക​ൾ, ബ്ലാ​ക് ലൈ​വ്സ് മാ​റ്റ​ർ പ്ര​വ​ർ​ത്ത​ക​ർ മു​ത​ലാ​യ​വ​ർ തെ​ര​ഞ്ഞെ​ടു​പ്പി​നു​ശേ​ഷ​വും ജ​ന​കീ​യ പ്ര​തി​പ​ക്ഷ ഇ​ടം നി​ല​നി​ർ​ത്താ​ൻ ശ്ര​മി​ക്കു​ക​യാ​ണ് ചെ​യ്യു​ന്ന​ത്. ട്രം​പി​ന്റെ കു​ടി​യേ​റ്റ​വി​രു​ദ്ധ ന​യ​ങ്ങ​ളും അ​വ​ക്കെ​തി​രെ​യു​ള്ള ബ​ല​പ്ര​യോ​ഗ​വും ഒ​ക്കെ ഉ​ണ്ടാ​ക്കു​ന്ന സാ​ഹ​ച​ര്യം ഏ​റെ ക​ലു​ഷി​ത​മാ​കാ​നാ​ണ് വ​ഴി. സം​ഭ​വ​ബ​ഹു​ല​മാ​യ ഒ​രു രാ​ഷ്ട്രീ​യ കാ​ലാ​വ​സ്ഥ​യാ​ണ് ട്രം​പി​ന്റെ ര​ണ്ടാം വ​ര​വോ​ടെ ന​മ്മെ കാ​ത്തി​രി​ക്കു​ന്ന​ത്.